مشكلة

[محمد يوسف احمد]

سلام عليكم
اولا متشكر جدا لان اخيرا لاقيت على النت موقع بيفيد الناس بخصوص المشاكل اللى موجودة في المنتدى
-
ثانيا : انا مش عارف مشكلتي ايه بالظبط
بس ببساطة كدة
انا عندي 21 سنة - تقريبا من 5 سنين كدة بدا لساني يتقل (زي ما الناس بتقول) بس مش دايما
انا بتكلم عادي جدا - بدون وجود اي مشاكل ولكن في لحظة ما وانا بتكلم مش بعرف اخد نفسي وبالتالي مش بقدر اتكلم - واول ما اخد نفسي واهدى برجع اتكلم من تاني طبيعي جدا -
وحرف التاء بقى صعب يتقال في بداية الكلام - لكن ممكن يتقال في نصف الكلام عادي جدا
-
انا مش عارف دي مشكلة ايه بالظبط ولا حتى علاجها ايه
-
انا سمعت التسجيلات بتاع الدكتور محمد يسري - ولكن انا مش زي الحالات دي نهائي

 

[لولو غيررر]

رد: مشكلة

أخي الفاضل أتمنى لك الفائدة من منتدانا

أختك في الله لولو غيررر

عندها ثقل لمن تبدأ بكلمة بحرف النون أو تحتوي على النون هههههه

مثل/ ندى منتدى

خد المسألة ببساطة

 

[هنا حبوش]

رد: مشكلة

هلا بيك أخي
بما ان وضعك مختلف عن التسجيلات اللي موضوع د.محمد يعني ممكن يكون بعيد عن التأتأة؟
ممكن توضح أكتر شو تقصد ب ثقل اللسان؟؟

 

[ولد البادية]

رد: مشكلة

الله يعافيكـ

 

[محمد يوسف احمد]

رد: مشكلة

ما انا واخد الموضوع ببساطة
بس عايز اعرف فين المشكلة لاني مش مولود بالحاجة دي

 

[محمد يوسف احمد]

رد: مشكلة

ما انا مش عارف يعني ايه (ثقل لسان)
احنا عندنا في مصر بنقولها كدة :d

 

[هنا حبوش]

رد: مشكلة

يعني مثلاً هل تشعر انت ان لسانك يصبح بطيئاً في حركته؟؟
هل يصبح كلامك غير مفهوم بسهولة مثلاً؟؟
أم تتشعر بانحباس بعض الكلمات أو الأحرف قبل نطقها؟؟ أو ربما تكرار لمقطع من الكلمة؟
هكذا تصف ثقل اللسان..نحن في الاردن نستخدم نفس الوصف لنصف التأتأة، والخلل النطقي البسيط..والمشكلة الكلامية الناتجة عن سكتات دماغية و الاستخدام الخطأ للغة غير الأم...يعني هو مصطلح يشمل عدة فئات تكاد لا تتصل ببعضها أصلا.
فإذا أردت أن نساعدك كما يجب أرجو أن تحاول وصف الأعراض قدر الإمكان..

 

[محمد يوسف احمد]

رد: مشكلة

اولا متشكر على الرد
--
بصي حضرتك - تعرفي لما تكون عندك راهبة من شخص ما - وقتها الكلام مش بيطلع نهائي لحد ما تهدي وبعدين الواحد بيتكلم بشكل طبيعي
--
انا بقى عندي الحالة دي بس بتيجي باستمرار لما بتعرف على اي شخص جديد او ادخل مكان جديد وبتكون ملفته للنظر بطريقة غريبة
زي ما قولت انا بتكلم طبيعي جدا بدون اي مشاكل ولكن بيجي عليا وقت ببقى مش قادر اخد نفسي ومش بعرف اتكلم غير لما اخد نفسي
وعلى ما اعتقد ان ده بيكون متشابه مع اللفظ اللى حضرتك قولتيه - اللى هو (بانحباس بعض الكلمات أو الأحرف قبل نطقها)
لان انا مش ببقى قادر اتكلم ولا اخد نفسي
-
اما بقى لحرف التاء - هذه مشكلة برضه يعني مثلا لما اجي اقول : 93 (ثلاثة وتسعين) بقولها تقريبا 3 مرات عشان اللى بكلمه يسمعها صح
لاني بقولها اول مرة وانا حابس نفسي ومش بتتسمع صح
ويمكن بعد 3 مرة باخد نفسي وبقولها بشكل طبيعي جدا
طبعا ده بجوار اي كلمة تبدأ بحرف التاء
--
انا حاولت اسجل صوتي وانا بتكلم زي التسجيلات بتاعت دكتور محمد يسري
بس للاسف لاقيت نفسي بتكلم بهدوء وبشكل طبيعي جدا والكلام بيتقال بشكل عادي بدون اي مشاكل خالص وده لاني كنت هادي وانا بتكلم وبعرف اخد نفسي كويس