امثلة حيه لاوامر الaba

[زهرة الناردين]

السلام عليكم ورحمة الله
ابنى به توحد متوسط
من حركات تكرارية وتواصل بصرى ضعيف...وتاخر بالكلام
عمره سنتين
نصحنى الطبيب ان لمده سته اشهر بلاش جلسات لانه صغير واشتغل انا عليه وكلمنى على الaba
وبعض الاشياء المطلوبة منى
بالفعل سمعت كلامه
وبقيت اطلب منه اوامر
ذى امد ايدى واقول سلام عليكم..او احضن ماما واو هات بوسة
حاجات لها علاقة بيا
ابنى اتعلمها بسهولة
وبينفذها معايا ومع الغرباء كمان
لكن مثلا عندة مقاومة فى امر التسقيف ..او المس شعرك وانا مش عارفة السبب؟؟
وده سؤالى الاول ليه المقاومة فى حاجات حاجات

عندما عرضت على الطبيب هذا الموضوع قالى ان الاوامر سهلة قوى هو عاوز اوامر اصعب ذى افتح الباب ..هات الكورة ...


سؤالى التانى هنا ياريت تفيدونى ببعض الاوامر المناسبة لسن ابنى ((عمر السنتين))
لان هات الكورة مثلا الولد مش بيدينى اى رد فعل وحتى مش بيمسك بأيده الكورة لما نروح نجبها سوا


ارجو الافادة لانى جديدة فى الموضوع ومغتربة .. وربنا يجزي خير كل القائمين على المنتدى والاعضاء ...والله انى استفدت جداااااااااااااا هنا

 

[صابريين]

رد: امثلة حيه لاوامر الaba

الاول حتبداى معاه اوامر فى نفس المكان اللى انتوا قاعدين قيه يعنى ربع ايدك ارفع ايدك فوق غمض عينك اعمل باى باى واهم امر هو عاوز ايه ولازم تخليه يشاور بصباعه واعملى مثلا 3 اوامر فى الجلسه بعدها فقره التقليد حركات الجسم الكبرى زى ارفع ايدك بس تقوليله اعمل زيى مش تسمى الامر عشان يفرق وقوم اقف واقعد مكانك وهات اللعبه حطها جوه الصندوق وبعدان هات الكره هات الكرسى ارجع مكانك افتح الباب الطريقه بقى ازاى انتى حتقولى الامر لفظى مش حينفذه حتساعديه جسديا يعنى تمسكى ايده وتعمليها انتى وتديله المعزز اهم حاجه وبسرعه ونسيت اقولك ان قبل كل ده لازم التواصل البصرى فى العين ومن على مسافات مختلفه والثبات فى المكان والتعرف على نفسه فى المرايه وعلى اجزاء جسمه حتفضلى تعملى انتى وهو لحد ما يعملها لوحده والمقاومه حتقل بالمعزز اللى بيحبه اوى

 

[عربي انا]

رد: امثلة حيه لاوامر الaba

السلام عليكم
فيه مختصة ؛ اعني ليست طبيبة ممكن عندها دبلوم او عملت تربص بانجلترا ولديها دار حضانة.
نصحت صديقي انه يستعمل مكمل E-EPA90(من مخبر انجليزي Igennus) و بذور الدرع وعصير اليقطين.
مع انقاصه لمشروبات فيتامين c لان ابنه كثير الحركة.
للاستفادة اكثر اليكم الروابط:
http://shop.igennus.com/Pharmepa-E-EPA-90.html
http://www.amazon.co.uk/Igennus-E-EPA-90-Pack-Capsules/dp/B007TUK2IE
http://www.vegepa.com/vegepa_pure_epa.php?n=EPA90&indi=2