مواقف يوسف لعب*ضحك*حزن*شاركوني بمواقفكم

[شروق الأمل]

رد: مواقف يوسف لعب*ضحك*حزن*شاركوني بمواقفكم

تصدقون اليوم جالسن نتكلم عن يوسف

قالت لي امي انها لما سافرت فيه الرياض علشان يكشفون عليه و يدخلونه مدرسه متخصصه للمصابين بمتلازمة داون

تقول اول مانزلت من الطياره راح يجري في صالة المطار و راحت تجري وراه
لانه فعلا اذا ضاع في زحمة الناس ماراح تقدر تحصله



فتذكرنا هذي المواقف و غيرها
و كان اخرها موقف ضياعه في الحرم اللي تكلمت عنه هنا
يمكن هذا الموقف سبب له عقده او شي

لانه من بعده صار مايبتعد عنا ابدا


و هذي النقطه حبيت اذكرها للي يسألوني عنه و كيف بطل الطلعه برى البيت او انه يبتعد عنا في الاماكن العامه


بصراحه مابطل هذي الحركه الا بعد ماحس فعلا انه ضايع و مايقدر يحصلنا

الا العاده يعتقد انه احنا بنظل قريبين منه و مابيصير له شي اذا لعب شوي بعيد عن رقابتنا

 

[لياني]

رد: مواقف يوسف لعب*ضحك*حزن*شاركوني بمواقفكم

طيب جميل
اذا كان هيك
بيفهم للخوف
فتقدروا تسيطروا على طلعاته

عقبال ليان اشوفها مثله

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

السلام عليكم جميعا

اعذروني لانقطاعي عنكم

المهم اليوم جايبه لكم سالفه صارت لنا مع الشيخ يوسف ضحكت عليه بشكل


طبعا احنا ناوين نغير غرفة نومه
لاسباب
اول شي دولاب الملابس مكسره ابوابه صايره ماتنقفل لانه كان في فتره عصبي بشكل لما كان عمره تقريبا 14 او 15
ثانيا لان ماعنده مرايه في غرفته ابدا
لانه كان يوقف قدامها فتره طويييييييييله و يسولف مع نفسه فسمحنا له يطالع فيها عند المغسله او في غرفتي لكن ماعنده
و ثالثها
لاننا نبي نفرحه و نغير شوي من الروتين اللي هو عايش فيه



المهم
لما دخلنا محل المفروشات اسأله وش تبي لون الموكيت
قال ازرق
-احنا مانبي ياخذ موكيت ازرق لان الاول ازرق و نبي نغير له كل شي مانبي نعيد نفس الالوان-
يا يوسف تكفى غير
قال الا ازرق
قلنا خلاص روح شوف الموكيت و اللي يعجبك ناخذه
راح و دار و لف
ووقف عند واحد لونه عودي غااااااااااااااااااااااااامق
قلنا لا مايصلح لانه غامق الاحسن تاخذ واحد فاتح

راح و لف و دار و رجع اختار واحد ازرق نفس اللي عنده في الغرفه

في الاخير اتفقنا كلنا على ثلاث انواع يختار منها واحد تكون الوانها متداخله عودي و ابيض
او بيج و ازرق
او بيج و عشبي
كنت اتمنى يختار العشبي علشان يهدي اعصابه و يريحه
لكن اصر انه يختار الازرق

قلنا مو مشكله هذي غرفته و هذا اختياره

بصراحه ماتتوقعون قد ايش فرح فيها رغم انه كان معارض اننا نغير له غرفته

و كل ما احد فاتحه في الموضوع يرفض
لكن لما نزلنا السوق و شفنا الفرحه في عيونه ماتتخيلونها

حاليا باقي مشغولين في اختيار غرفة النوم و الستاير و ادعوا ان ربي ييسر و نغير له حتى التلفزيون لانه لاعب فيه لعب


مو مخليه في حاله


بس و الله يستاهل
الحين اقول لكم ليش ضحكت عليه
اول شي اذا دخل واحد محل الموكيت و جلس يختار يطالع في لفة الموكيت من فوق لتحت و يشوف ملمسها و لونها
يوسف يشوفنا اذا جينا نختار
يروح يوقف عند اللي يبي و يقول ابي هذا
لكن قلنا لا شوف اللون مناسب و الا لا شوف ملمسه
صار يرووووح و يوقف عند واحد غامق و يطالع فيه من فوق لتحت بسرعه و يقول ايه ابي هذا بس علشان يطبق كلامنا
المشكله الاكبر
انه يأشر على موكيت لونه بني و يقول ابي هذا الازرق
فاهمين يعني يقول ان لونه ازرق و يأشر عليه بس لونه بني مو ازرق - رغم انه يعرف الالوان -
لانه العاده يشتري جزمه او عطر او ساعه او لبس يختاره بنفسه بس اول مره يختار شي كبير مثل الموكيت
و صار مايعرف وش يختار
هو في باله لون ازرق بس لما رفضنا صار يبي ازرق بس يأشر على اي لون ثاني
في الاخير اخذنا له ازرق و الله يعين

الموقف الثاني
اذا احد قال ( يوسف رجال )
فرح يوسف و رفع اكتافه علشان يزيد طوله شوي
طبعا بعد ما اختار الموكيت و راح ابوي يسجل الفاتوره و يدفع الحساب
وقف يوسف جنبه و رافع كتوفه وواقف على رجل وحده و الثانيه كيف اقول لكم
شفتي اذا كنتي جالسه و رجل على رجل
نفس الشي مسويه بس و هو واقف
لانه اذا سوى هذي الحركه معناته انه مسوي نفسه رجاااااال
محد يقدر يقول له شي وقتها
:20:

ادري اني حستكم بس في الوف ما اعرف لو صورته كنت نزلت صوره و فهمتوا قصدي:5:


ادعوا لنا ان تتيسر باقي غرفته و نلاقي اللي يناسبه

 

[لياني]

رد: مواقف يوسف لعب*ضحك*حزن*شاركوني بمواقفكم

امين يا رب

شروق طلب صغير
عيدي الي ضحكك
انا ما فهمت شي


فهمت انكم حتغيروا ديكور الغرفة
ولكن اي هو الموقف ما فهمته

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

حلم حبيبتي والله اسفه لاني كتبت بسرعه و ماراجعت
المهم الحين عدلت المشاركه و ابقي قابليني اذا فهمتي شي ههههههههههههههههه

 

[لياني]

رد: مواقف يوسف لعب*ضحك*حزن*شاركوني بمواقفكم

الان فهمت ههههههه
ما شاء الله عليه
رجال ثم رجال ثم رجال
مش قادرة اتخيله بدون صورة هههه

بالتوفيق بتغيير الغرفة
وانا معاه ازرق ثم ازرق ثم ازرق
حرام عليكم خربطوا عقله

 

[أم ياسمين]

رد: مواقف يوسف لعب*ضحك*حزن*شاركوني بمواقفكم

شــروق يعني يلي تبي تحيره خيره
خلي نفسك مكانه وبدك تختاري
والله شي بيضيع ... خاصة كثرة المعروض

عليه بالعافية ... يا رب يتهنى بغرفته الجديده

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

الان فهمت ههههههه
ما شاء الله عليه
رجال ثم رجال ثم رجال
مش قادرة اتخيله بدون صورة هههه

بالتوفيق بتغيير الغرفة
وانا معاه ازرق ثم ازرق ثم ازرق
حرام عليكم خربطوا عقله

والله رجاااااال

للأسف ماقدرت اصوره لان فيه شايب جالس جنب يوسف
لكن المهم التخيل :2:

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

شــروق يعني يلي تبي تحيره خيره
خلي نفسك مكانه وبدك تختاري
والله شي بيضيع ... خاصة كثرة المعروض

عليه بالعافية ... يا رب يتهنى بغرفته الجديده

والله معك حق
انه انا نفسي احتار

بس مايمنع انا نخليه يختار بنفسه علشان تزيد ثقته في نفسه
و في الاول و الاخير هذي غرفته مابنملي عليه شي مايبيه
:2:

شرفني مرورك

 

[ام محمود]

رد: مواقف يوسف لعب*ضحك*حزن*شاركوني بمواقفكم

من خلال سردك للمواقف تخيلت يوسف وهو يحاول يفتخر بانه رجل ويرفع اكتافه ماشاء الله
مبارك الغرفه والموكيت وعقبال يارب دائما التغغير وتختار كل ما يعجبك
اللون الازرق بيهديء الاعصاب ومفيد
هو اعرف منك ياشروق
يكفي ان الازرق لون السماء
ضعي الموكيت الاخضر بغرفتك انتي ههههه
اعجبني كيفيه فرجته علي اللفه
يارب يحميه ويظل تواجدكم بجواره ويفرش بيتك ويختار معك
امين

 

[شروق الأمل]

رد: مواقف يوسف لعب*ضحك*حزن*شاركوني بمواقفكم

من خلال سردك للمواقف تخيلت يوسف وهو يحاول يفتخر بانه رجل ويرفع اكتافه ماشاء الله
مبارك الغرفه والموكيت وعقبال يارب دائما التغغير وتختار كل ما يعجبك
اللون الازرق بيهديء الاعصاب ومفيد
هو اعرف منك ياشروق
يكفي ان الازرق لون السماء
ضعي الموكيت الاخضر بغرفتك انتي ههههه
اعجبني كيفيه فرجته علي اللفه
يارب يحميه ويظل تواجدكم بجواره ويفرش بيتك ويختار معك
امين

ههههههههههههه يارب يا ام محمود
بصراحه لاحظته صار يهتم بترتيب غرفته اكثر
الو مايبي يرمي اي شي يحتفظ بكل شي
لكن لما شافنا نأثث غرفة اخوي العريس صار يهتم بغرفته لدرجة ان احيانا نتراجع عن قرار اننا نشتري له غرفة جديده من ترتيبه ماشاء الله عليه
بس اصريت انه يغير علشان ترتاح نفسه و يحس انه فيه شي جديد في حياته
خصوصا بعد المدرسه
صح ابوي زعل شوي لان فرش غرفته جديد لكن كل شي لعيون يوسف يهون :6:
اما في المحل
فيا ربي ليتك معي بس و الله تموتين عليه ضحك الله يسعده

يكفي ان اي محل يدخله يجلسون العمال اللي يشتغلون فيه يلعبون معاه و يمزحون معاه لدرجة انه الحمدلله و هذا فضل من ربي انه محبوب من الكل
مافي احد مايشوفه الا يدعي له و يلاعبه و هذا فضل من ربي الف حمد و شكر يارب


و اللون
خواتي كانوا مصرين كلهم انه يغير الازرق لانه مابياخذ ازرق مريح لا يبي لون ازرق صااارخ
علشان كذا انا رافضه
و بعد العشبي اللي حصلته مريح والله بس على قولتك اخليه لغرفتي ان شاء الله :7:


:20: