موقع بريطاني طلبت منه الكيفر مجفف ووصلني بالبريد

[نجمة الرياض]

رد: موقع بريطاني طلبت منه الكيفر مجفف ووصلني بالبريد

شكرا اختي

والله الكيفر حاولت اطلبه بس للاسف كل المواقع ماهو متوفر عندهم حاليا
الظاهر بسبب الكرسمس مسوين هجوم عليه
بصراحه متردده استخدمه عشان المتوفر لي لبن ماهو طازج يعني اذا بستخدمه بستمر على حليب جوز هند
لان المتوفر لي حليب مبستر و بس واخاف يقطع عمر الكيفر

الحليب انا كنت اعطي ابني حليب جوز هند و للاسف تركه سبحان الله وكانها عين وصابته تركه نهائيا
الحين اعطيه حليب صناعي و ماهو راضي ينفطم منه وحتى لما اخلط له الحليب بعصير يترك الحليب طبعا العصائر مستحيل يشربها
يعني على قولتك هي قائمة ب ٣ اصناف من الاكل و المشروب الى يقبلها
حتى اني قلت بعمل تحليل حساسيه له ولما فكرت انه اصلا ماياكل اصناف كثيره فبالتالي بيكون تحليل الحساسية مضيعه مال فقط

المكملات كنت بديت اعطيه ال ب ١٢ و ٦ و الزنك و المغنسيوم بس بعدين وقفتها لان اخصائية التغذية طلبت مني اوقفها تخاف يتسمم جسمه
عاد رسيت على الاوميجا و الحديد لان الحديد عطته اياه الطبيبه لان تحليل الدم طلع عنده نقص حديد

الله يعينك بصراحه اعرف الوضع بالسعوديه غثى والواحد لابغى شي يتبهذل عشان يلقاه
بس يمكن حمية الجابس اهون من حيث المكملات يعني الواحد يشري البكتريا النافعه كميه وخلاص

بس هل انت سويتي لابنك اي تحاليل عشان الجهاز الهضمي و البكتريا الضاره و النافعه وووو
فيه معمل تتعامل معه الاخصائية الي اتابع معها اسمه جينوفا يعملو هذي التحاليل واحس مفيده لمعرفه وضع الطفل
حتى يقدمو خدماتهم للشرق الاوسط في بعض الاختبارات ماهي كلها