انا عضوه جديده ومحتاجه احد ...

[محتاجه لشي]

السلام عليكم ورحمه الله وبركاته..
اخبارك ...
انا انسانه ابي اتكلم مع احد .. ابي اقول اللي بقلبي لاحد يفهمني :10::7:..
ابي اقول كل شي بدكتور ودي قسسم . ..
تكفوون ابي مساعده ....​

 

[تناهيد]

رد: انا عضوه جديده ومحتاجه احد ...

اختي الكريمه
اهلا وسهلا بك بيننا
ان كنتي ما تريدين قوله شيء خاص جدا فهذا هو القسم المناسب للامور الاجتماعيه والنفسيه الخاصه حيث لن يرى موضوعك هذا الا الاخصائيه الاجتماعيه والاخصائيه النفسيه وانا
اما ان كانت فضفضتك تودي ان تكون متاحه لجميع الاعضاء فاطرحيها في قسم فضفضه من القلب

 

[محتاجه لشي]

رد: انا عضوه جديده ومحتاجه احد ...

هلا اخوووي
لا والله انا ابي اخصائيه ابي احد يفهمني ويعلمني وش اسوي وش مااسوي
انا كبيره بس مو قادره افهم اللي حولي

انا هنا عندي مشكله اني حساسه بقوه اي كلمه تصيحني وبنفس الوقت عصبيه مره
دايم مشاكل دايم اتهاوش مع اللي عندي بالبيت لدرجه اني احس ان مافيه احد يحبني ودايم خواتي يقولون اصلا حنا نكرهك ولا نحب نتكلم معك ليش ماادري واذا مثلا يبي يعدون بعض عند الناس انا يستثوني يعني مو كاني وحده بينهم
انا طبعي حلو مع الناااس دايم مبتسه وحنونه وطيبه قلب وكل اللي حولي برى البيت يحبوني وفيه من يكرهني لاني صريحه بزياده عن اللزوم ..
كنت قبل طيبه اليوم ازعل ومن بكرى اصحى ناسيه اللي صار امس ..
بس الحين تغيرت لان اللي بالبيت يقولون هذي مخفه نشرشحها اليوم ومن بكرى تصحى ولا كان شي صاير علشان كذا تغيرت ..
كتوووم لدرجه مو طبيعيه يعني اللي بي مااحد يعرفه يعني انا هنا لاني اول مره احس اني ودي اتكلم مع انسانه او انسان يفهمني ..بس انا من كنت صغيره اللي بي ماابينه ..
وبعد اصير حاطه ببالي اني اسوي شي زين لاهلي مثلا اني اطلعهم على حسابي بس طبعا يكون القرار بيني وبين نفسي مااعلم احد الا اذا طلعت معهم بس ماعمري حققته يعني باللحظه اللي بقول لهم يلا نطلع وحده منهم تجدع علي كلمه اكرهه نفسي واكرههم ازود واهون وانطوي من جديد ..
ابي احد يكون معي انا اول مره اتكلم مع احد ..وايه بعد انا انطوائيه بزياده بعد وفاه ابوي لاني كنت متعلقه فيه مره ..
بقول كل شي عندي بس ابي صدق من يساعدني ابي اتغير ..​

 

[عين حالمة]

رد: انا عضوه جديده ومحتاجه احد ...

اختي الغاليه سبب ذلك الشعور في الدرجة هو وفاة والدك وتعليقك الشديد به
مما جعلني شديده الحساسية واصبح لديك نوع من الاكتئاب البسيط لفقدان
شخص عزيز عليك مما ادى الى تلك الحساسية المفرطة التي تعانين منها
اما مشكلتك مع اخوتك اختي الغاليه الصراحة الشديده قد تؤدي الى المشاكل كثيرا
من الناس لايتحملون الصراحة او النقد اختي الغاليه
انتي انسانة طيبة وحنونة وهذا ليس عيب ابدااا قد يكون ماتشعرين به
نوعا من المبالغه وذلك سببه كما قلت لك الى الان لم تتجاوزي وفاة والدك
اختي حاولي ان تخففي من حده صراحتك قدر الامكان وان تحاولي التقرب منهم بدون مبالغه
وايضا في حال واحده من اخوتك قال لكي كلمة جارحة
لاتنطوي على نفسك بل حاولي ان تحدثينه وتقولي لها عن سبب
ماصدر منها من الكلام وانه يؤذيك اختي
لابد من المواجهة وابداء وجهة نظرك وانك لكي حقوق كما عليك واجبات في الاسررره​

 

[محتاجه لشي]

رد: انا عضوه جديده ومحتاجه احد ...

عيون حالمه
قسسسم كلامك مره يريح..
بس اللي بقول له لك ان خواتي بالبيت ولا وحده منهم تحب الجلسه معي انا عندي خمس خوات وانا السادسه ..
مثلا لو انا جالسه بالغرفه الحالي ماتجي ولا وحده منهم تسئلني ليش جالسه وش بك والا ينادوني علشان اجلس معهم ..
والعكس اذا صارت وحده غيري الحاله كلهم راحوا وتجمعوا عنده .. وهذا الشي اللي خلاني انطوائيه وماابي اجلس مع احد ولا اتكلم مع احد واللي داخلي لي الحالي انا وبس ..
وغير كذا اذا صاروا يبون يطلعون لمكان مايبوني اطلع معهم .. واذا مثلا قلت ابي اطلع معكم قالوا لا مانبيك اجلسي ..
حتى السوق اذا انا رحت ولا وحده منهم تبي تروح اروح السوق الحالي ..
يمكن تقولين عني طفوليه ..
بس الصدق انا انقهر ليش مايبوني ليش ..
حتى يوم كنا نداوم اذا جت وقلت لهم هذا اللبس حلو والا مو حلو يقولون ماعلي منك .. اما هم لا بالعكس كل وحده تعطي رايه لثانيه ..
انا مليت وتعبت ودي اي شي يبعدني عنهم دامهم مايبوني ..
واحيانا يجيني شعور اني مو اختهم احس اني بس متربيه عندهم
يعني زمان كانوا يقولون لي انتي بنت دار مو اختنا .. وجلسوا فتره طويله فوق الــ7 سنوات دايم يقولون لي ذا الكلمه ..
مدري كيف اقول ابي احد يسئلني وانا اجاوب .. ابي احد يدخل جواي ويشوف وشوو انا ..
ابي افهم :'(
تعععععععععععععععععععععععععععععععععععععععععععععععععععععععععععععععععععععععععععبت​

 

[عين حالمة]

رد: انا عضوه جديده ومحتاجه احد ...

اختي الغاليه لابد من المواجهة في هذه الحاله لمعرفة اولا سبب التصرف هذا اتجاهك بالجملة
وشي اخر بخصوص انهم يقولون عنك انتي بنت دار لابد انكي وقفتي وقتها وقفة معاهم واستفسري
عن سبب قولهم هذا الكلام اختي لابد ان تضعي حد لهذه التصرفات من اخواتك واسئليهم
عن السبب كما قلت لك اختي الغاليه ​

 

[محتاجه لشي]

رد: انا عضوه جديده ومحتاجه احد ...

مشكوووره كثير ..




بس ماعليش ابي اخصائيه نفسيه تتكلم معاي ..

 

[تناهيد]

رد: انا عضوه جديده ومحتاجه احد ...

للاسف اختي الاخصائيه النفسيه صار لها فتره لا تتواجد
ممكن اتدخل في الموضوع شوي؟
هل لديك إعاقه او انتي مطلقه او طافك قطار الزواج واعذريتي على الاسئله بس انا احاول افهم سبب تصرف اسرتك لانه في كثير من الاسر يحصل عدم تقبل من الاسره ان كانت الفتاه ذات اعاقه او مطلقه او طافها قطار الزواج وهذا يكون سببه خلل في العائله وليس في الشخص
حاولي تجلسي مع وحده من اخواتك واللي تحسي انها طيوبه وممكن تتجاوب معك وافهمي منها سبب تصرف اخواتك معك بهذا الشكل فمعرفة السبب هي نصف الطريق لعلاج المشكله وقد يكون لهم وجهة نظر ولديهم اسباب لهذه التصرفات ومهم جدا معرفة الاسباب
احيانا بل غالبا كل واحد فينا يكون فيه صفات ما تعجب الاخرين ونحن نراها عاديه لهذا لا نلاحظها لكن الاخرين يكرهوننا بسبب هذه التصرفات اللي تصدر منها واللي نعتقد انها عاديه وهجوم الاخرين عليها قد يكون ردة فعل طبيعيه لهذه التصرفات او الطباع

 

[محتاجه لشي]

رد: انا عضوه جديده ومحتاجه احد ...

مرحبا اخوي لا عادي تدخل..
انا لا معوقه
ولا مطلقه
ومااطافني القطار توي عمري 22 سنه ..
واذا على اللي تقول اني اجلس مع وحده منهم ولا وحده تتقبل اجلس معه واسوالف كل مااقلت لوحده قالت اقول بلا سخافه انتي وسوالفك ..بذا اللحظه خلاص اصيح وانطوي على نفسي ولا اتكلم مع احد ...
انا الحين لي يومين مااكلم احد بالبيت ..ومنطويه على جوالي وعلى لاب توبي ..
طبعا السبب بذا الشي اننا متهاوشين ..
وكل وحده جدعت علي كلمه اكبر من الثانيه .. لدرجه اني امي قالت لاخواتي اتركوها ولا كانه موجوده بالبيت وانا الحين باانطوائي انفذ طلب امي اني مو موجوده بالبيت ..
انا من زمان كنت ابي اتكلم مع احد بس كنت خايفه ..بس خلاص وصلت حدي ولا قادره اتحمل اكثر علشان كذا دورت منتدى ودخلت عندكم وحصلت اللي يسمع لي ويتجاوب معي ..
وانا اقول لك السبب بكل اللي يسونه ..يقولون انتي مااتعرفين تناقشين انتي النقاش معك عقيم ..انتي عصبيه وانتي بزر ..
طبعا انا سبق وقلت لكم اني عصصصبيه لدرجه مو طبيعيه ..وبنفس الوقت انا حساسه اي كلمه تصيحني ..واي حركه بعد تصيحني ..< يمكن تقول انتي طفوليه تصيحين من اي شي ..
وانجرح بسهوله .. يعن اول كانوا اذا بغوا يخلوني اصيح وانجرح ويخلوني مااسوى شي ..اذا جانا ضيوف جلسوا كلهم وبدوا يتريقون علي ويطلعون عيوبي عند الناس علشان اقوم ولا اجلس معهم ..< يمكن حركه طفوليه بس هذا الصدق ..
انا صرت اكرهه الجلسه معهم والطلعه معهم .. ودايم جالسه بالبيت ..
حتى صديقاتي اللي انا احبهم ولا اقدر استغني عنهم ..حرموني منهم قالوا حنا مااجازت لنا اخلاقهم ..وانا بحياتي ماادخلت بااخلاق صديقاتهم مع العلم ان صديقاتهم بالاخلاق ولا شي يعني المفروض مايصادقون ..قسسم اني اكرههم كل شي احبه يحرموني منه ..
قسسم اخوي اني تعبت مره ..​

 

[عين حالمة]

رد: انا عضوه جديده ومحتاجه احد ...

اختي الغاليه بالفعل كما قال الاخ تناهيد الاخصائية النفسيه لاتتواجد ولكن بالامكاني اعطائك ايميلها
لتراسليها على ايميلها وتتحدثين معها اشعر انك بالفعل بحاجة للتحدث لاخصائية نفسية
ولكن اكرر مره اخرى اختي الكريمة حاول الجلوس مع احدى اخواتك
ومعرفة السبب الحقيقي لما يصدر من تصرفات اتجاهك لان في بعض
الامور لاتقبل الا المواجهة لمعرفة مانخاف معرفته احيانا
قد يكون بالشخص عيوب لايراها ولايحب ان يواجهه احد بها
لذلك لابد ان تواجهي اختك

​

 

[محتاجه لشي]

رد: انا عضوه جديده ومحتاجه احد ...

ياليت اخذ ايميله اذا هذا الشي مايضايق الاخصائيه طبعا
ويعطيك العافيه مااقصرتي

 

[تناهيد]

رد: انا عضوه جديده ومحتاجه احد ...

ياليت اخذ ايميله اذا هذا الشي مايضايق الاخصائيه طبعا
ويعطيك العافيه مااقصرتي

هذا ايميل الاخصائيه النفسيه المسجل لدينا واذا الاخت عين حالمه لديها ايميل اخر للاخصائيه ارجو ان تضعه هنا
Lamya1964@hotmail.com

اختي الكريمه
تاكدي انه فور دخولك لمنتدى تحدي الاعاقه اصبح لك اسره جديده ومحبه ان شاء الله وسنسمع لك متى ما اردتي ان تبوحي بمكنونات قلبك سواء من خلال هذه القسم او قسم فضفضه من القلب ان كنتي تودي مشاركة الجميع فضفضتك
لا تترددي ابدا ان احتجتي من تشكو له او تفضفضي واسال الله ان ييسر امورك ويصلح حال اسرتك واتمنى ان تعتبرينا اسرتك الثانيه
ترا معضمنا يقضي وقته على النت وحيدا وانا شخصيا اجد متعه بوجودي على النت بعيدا عن الكل

 

[تناهيد]

رد: انا عضوه جديده ومحتاجه احد ...

على فكره
اول شي اريدك تسويه ان تغيري اسمك بدل محتاجه لشي
اختاري لك اسم ايجابي جميل وانا اغير لك الاسم جددي كل شي في حياتك ونحن راح نكون معك ان شاء الله

 

[عين حالمة]

رد: انا عضوه جديده ومحتاجه احد ...

اختي الغاليه هذا ايميل الاخصائية النفسيه الثاني ايميلها على الياهو
laimona123@yahoo.com
​

 

[محتاجه لشي]

رد: انا عضوه جديده ومحتاجه احد ...

الله يعافيك يارب
ماتقصرون والله تعبتكم معي ..
​

 

[محتاجه لشي]

رد: انا عضوه جديده ومحتاجه احد ...

ماعليش غثيتكم ..
بس شنو اسم الاخصائيه اذا ماعليكم كلافه ...​

 

[تناهيد]

رد: انا عضوه جديده ومحتاجه احد ...

ماعليش غثيتكم ..


بس شنو اسم الاخصائيه اذا ماعليكم كلافه ...​

افا عليك اختي لا تقولي كذا
الاخصائيه اسمها في المنتدى سجينة العراق وفي ايميلها مكتوب لمياء

 

[محتاجه لشي]

رد: انا عضوه جديده ومحتاجه احد ...

يعطيك العافيه ..
ماتقصصصر اتعبتك معي ...​