انا ام طفل متوحد من الرياض ساعدوني في اول خطوة

[املي بربي]

رد: انا ام طفل متوحد من الرياض ساعدوني في اول خطوة

اختي طيف الروح بالنسبة للموية انا سويت فحص للادن ماطلع عنده سوائل الحمد لله

اما ضعف السمع ما ادري بس اوقات تشده اصوات غريبة مثل تدحرج قارورة زجاجيه في الشارع مع انه مايشوفها والصوت ضعيف لكن اشوفه يبحث عن مصدر الصوت مع اني قبلها كنت اناديه ولا كانه يسمعني

اصوات معينه تشد انتباهه مثل صوت الدعايات والاناشيد والخشخشه بعكس الكلام او النداء لايلتفت الا نادرا

ساعدوني هل هدا يدل على ضعف في السمع !!!

 

[اطفالي]

رد: انا ام طفل متوحد من الرياض ساعدوني في اول خطوة

عزيزتي سوي اول شيء فحص السمع بعدين روحي دكتور نفسيه اطفال عندك الدكتور عمر المديفر هو افضل من يشخص التوحد في الرياض يشتغل في مستشفى الحرس الوطني واذا كان زوجك مو من منسوبي الحرس الوطني تراه عنده عياده خاصه في مستشفى التامينات والله يشفي بنتك
وطمنينا عليها

 

[طيف الروح]

رد: انا ام طفل متوحد من الرياض ساعدوني في اول خطوة

اختي طيف الروح بالنسبة للموية انا سويت فحص للادن ماطلع عنده سوائل الحمد لله

اما ضعف السمع ما ادري بس اوقات تشده اصوات غريبة مثل تدحرج قارورة زجاجيه في الشارع مع انه مايشوفها والصوت ضعيف لكن اشوفه يبحث عن مصدر الصوت مع اني قبلها كنت اناديه ولا كانه يسمعني

اصوات معينه تشد انتباهه مثل صوت الدعايات والاناشيد والخشخشه بعكس الكلام او النداء لايلتفت الا نادرا

ساعدوني هل هدا يدل على ضعف في السمع !!!

نفس بنتي تنتبه لاصوات معينه نفس اللي تلفت انتباه ابنك والحين صارت تنتبه لي اذا ناديتها واحسن من اول بعد استخدام حليب الابل والمكملات واشياء كثيره تعلمتها من المنتدى وسوويتها لبنتي اهم شيء لا تيئسين وتوكلي على الله

وجربي وركزي على التدريبات بنفسك دربي ولدك على الكلام على الصور العبي معه كثير ناديه كثير ابعديه عن التلفزيون ما امكن مع اني ماقدرت انا بس هذا افضل اختي شوفي الاخت الامل موجود كيف شفي ولدها تماما اقرائي في تجارب الاهل موضوعها وكيف عالجت ولدها

مابيك تحسين بالعجز كلنا مرينا بمرحلة تخبط ومانعرف وش نسوي ولا زلنا ولكن لازم نعمل ونعمل لين نصل ان شاء الله

 

[ام تركي]

رد: انا ام طفل متوحد من الرياض ساعدوني في اول خطوة

اسأل الله العظيم رب العرش العظيم ان يشفيه

 

[املي بربي]

رد: انا ام طفل متوحد من الرياض ساعدوني في اول خطوة

الله يجزاكم خير

 

[اوركيد]

رد: انا ام طفل متوحد من الرياض ساعدوني في اول خطوة

الله يشفيه ويشفي ولدي ياآآآآآآرب

 

[مدرس توحـد]

رد: انا ام طفل متوحد من الرياض ساعدوني في اول خطوة

مستشفى التخصصي لديه استشاريين اجانب بالتوحد على اعلى مستوى

واذا تبين اجيب لك ارقام دكاترة تربيه خاصه لهم خبره ومتمكنين جدا انا حاضر

موفقه

 

[اشرقت]

رد: انا ام طفل متوحد من الرياض ساعدوني في اول خطوة

اخوي مدرس توحد الدكاترة بس بالتشخيص والا بالعلاج؟؟اذا كان بالعلاج انا ابي ارقامهم لو سمحت وودي اعرف درجة التوحد عند ولدي هو بعد ماكان مايلتفت لي ولا يسمع 0دخلته روضه عادية ووفقني الله لمعلمة سعودية جيدة ملازمة له (شدو تيتشر)وتعمل له تعديل سلوك والحمد لله الان كل ماناديته يلتفت لي ويضحك ويعرف بعض الحركات اللي نسويها له ويطلب منا نعملها ثاني انا اشوفه تحسن تماما مع العلم ان مدينة الملك فهد الطبية مشخصينه توحد كلاسيكي وتخلف عقلي واكاديمية التربية الخاصه فيها دكتور اردني مشخصه سمات توحد ؟؟؟وانا ماادري شلون تختلف التشخيصات لهالدرجة؟مع العلم انا سوينا له فحص سمع وممتاز