أنا, والهانم ... والمكدوس !!!!!!

[فارس عمر]

أنا والهانم .. والمكدوس .

أمس عمتكن ( الست ) آلتلي : يا رجال ما بدنا نموّن مكدوس هالسنة ؟؟؟
أنتَ بتحب المكدوس كتير .
وبتحبه حرّ كمان .
ومليّنا من المكدوس الجاهز وما عم نحبه كتير .

أي .. شو قصدك يعني ؟؟؟

نزول وصيلنا على شي 20 كيلو بيتنجان حمصي حبة صغيرة .
من عند صاحبك الخضرجي الغلوجي ( أسعاره غالية ) وبتعيّرني فيه كتير
وشي كام كيلو فليفلة حمرا .
وطلوب منه يبعتهن لعند شي مرا ( إمرأة ) تسلقهن وتكبسهن وتصفيهن من المي وتنشّف وتقطع الفليفلات .
ترى أنا مو آدرة إشتغلهن وجهزهن .
وأنا هون بحشيهن بالجوز والفليفة الحمرا وبغمرهن بزيت الزيتون .
وجبلك شي كيلو أو كيليين جوز بلدي ( عين الجمل ) مقشّر .

أنا سمعت الكلمة ونزلت تاني يوم لعند صاحبي ووصيّته .
الخضرجي صاحبي , كان عنده جوز بقشره .
أل : مابدك جوز للمكدوسات ؟؟ خود من هالجوزات هدول . وبلا ما تشتري جوز مقشّر .. هادا أرخصلك .
طيب كام كيلو جوز بقشره بيطلعوا كيليين ؟؟ أنا سألته .
قال خدلك 10 كيلو وكسّروهن بالبيت على طلبكم .
أنا سمعت منه وجبت الجوزات بقشرهم .
تطلّعت الست بالجوزات . وآلت : شوهادا ياللي جايبه يا رجال؟
مين بدو يكسرهن ؟ويقشّرهن ؟؟
قلت : شو هالمشكلة يا مرا ؟؟؟
أنا بكسّرهن وبقشرلك ياهن ...
بكره بشتري كسّارة جوز وبإيد وحده بكسّرلك العشرة كيلو بساعة .
هزت راسها . وآلت : طيب لنشوف .
تاني يوم فتلت كل حمص إني لاقي كسارة جوز ؟؟؟ ما لقيت .
أي وهلأ مين بدو يكسّر الجوزات يا رجال ؟؟؟؟ سألتني الست لمن خبرتها إني ما لقيت كسارة جوز .
شو بيعرّفني أنا . ؟؟؟ دبري حالك . هيك رديت عليها ...وتركتها وفتحت النت لشوف شو أخبار المنتدى .
لحقتني وقبل ما شغّل الكمبيوتر . وقالت :
الجوزات ما حدا بيكسّرهن وبيقشرهن غيرك ......

شو عم تحكي يا هانم ؟؟؟
أنا ؟؟؟
لك مو شايفتيني بإيد وحده ؟؟؟ أنا فيني أمسك مطرقة والجوزة بإيد وحده وإكسرها وفصفصها كمان ؟؟؟
شو جنّيتي يعني ؟؟؟

أنا ما جنّيت , بس أنتَ جبتهن وأنتَ بتحل مشكلتهن . أنا طلبت جوز مقشّر جاهز
أو بترجعهن لصاحبك ياللي ورطك فيهن .

لا بالله ما برجعهن . عيب . بيفضحني .

طيّب دبّر حالك لشوف ... ياللي طالع الحمار عالشجرة بينزّله .

بصراحة يا جماعة الست عم تحكي صح .
والمقاوحة ما بتفيد .
ولازم حل المشكلة .
طالعولي هالجوزات عالجنينة لشوف : عطيت الأوامر وأنا عابس شوي وعامل حالي منرفز ومتحدي .
وهاتوا هاشّاكوش ( المطرقة ) وشي جاط كبير ( صحن كبير )
طلعت عالجنينة وقعدت على كرسي صغير . وكيس الجوز على يميني
والمطرقة بإيدي .
حطيت أول جوزة عالأرض وضربتها بالمطرقة . طارت من عزم الضربة لبعد 3 امتار .
لا حول ولا قوة إلا بالله على هالورطة .
والست عم تتفرج عليي من ورا البلور .
كررت المحاولة . نفس النتيجة ..
تطلعت بالست : روحي شوفي شغلك , حاجي تتطلعي فيني . لبّكتيني .
سمعت الكلمة وراحت .

هون حطنا الجمّال . شغلت مخي وطلعت بنتيجة .
بحبشت بأرض الجنينة على حجرتين يكونوا مسطحات وبطرف من كل حجرة تكون مقوّرة .
حطيتهن عالأرض قدامي بعكس بعضهن . عملوا متل هلالين متقابلين بيناتهن فراغ صغير بيضوي .
حطيت اول جوزة بالفراغ , وقربت الحجرتين من بعضهن شوي . صارت حبة الجوز محصورة وثابتة .
تناولت المطرقة وضربتها بشدة مناسبة .
انكسرت وما طارت . مسكتها وصرت فصفص القشر بأصابع أيدي السليمة بمهارة عالية متل ما بكتب بإيد وحدة عالكمبيوتر
بعد ساعة ونص كنت مكسّر ومقشّر نص الجوزات . وأكلت ربعهن .
الست تفاجئت لمن شافت الجاط مليان جوز مقشّر .
نفخت حالي متل الطاووس .
وأشرت بأيدي : أن خدوا الجوزات . من دون ما إحكي
بس بصراحة إجيت لقوم وإتجلس .. ما حسنت .
ضهري صار شقفتين من طول فترة القعدة على كرسي صغير وحاني ضهري ونسيان حالي .
وإيدي صارت توجعني كتير
أخيراً حطيت إيدي على وركي : يارب آآآآآآآآآآآآخ يا ضهرررري .
ومشيت كام خطوة وأنا عم ميل على جنب واحد ....

أييييييييي : بدي أكل مكدوس .

 

[طعس وغدير]

رد: أنا, والهانم ... والمكدوس !!!!!!

ههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههههههههههه


بموووووت من الضحك


تئبريني ياست الستااااات رجاااااال مابدهن غير هيك شغلات


خخخخخخخخخخخخخخخخخخخخخ


بس والله ياهي غااااويه شغل


خذيها جاهزه وريحي باااااااااالك


تبغى الصدق عموووووووووووو فااااااااارس


والله حتى الثووووووووم اخذه جاااااهز


وبعدين تعاااال


الهاوند مدري وش تسموووونه



حط الجوزه فيه وعلى طول بس مو ذيك الضربه وتفتفتهم ؟؟


باالراااااحه


وعليكم المكدووووووس بالعافيه

 

[بنت فلسطين 6]

رد: أنا, والهانم ... والمكدوس !!!!!!

هههههههههههههه


والله شغله متعبه

بس عشان نشعر بنكهة اي شي بنعمله لازم شوي نتعب عليه

اختى طعس احنا في دول الشام متعودين نعمل متل هيك شغلات في البيت

المكدوس اطيب في البيت

اذا ما بتصدقي بنحب نعمل المربى في البيت اطيب والذ من الجاهز كمان



اخي فارس لما يجهزوا المكدوسات بدي مرطبان ههههههههه

احكيلي ان تعبت و انتي تاخدي على الجاهز المستريح

صحتين وعافيه على قلوبكم

و شكرا

 

[فارس عمر]

رد: أنا, والهانم ... والمكدوس !!!!!!

ههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههههههههههه


بموووووت من الضحك


تئبريني ياست الستااااات رجاااااال مابدهن غير هيك شغلات


خخخخخخخخخخخخخخخخخخخخخ


بس والله ياهي غااااويه شغل


خذيها جاهزه وريحي باااااااااالك


تبغى الصدق عموووووووووووو فااااااااارس


والله حتى الثووووووووم اخذه جاااااهز


وبعدين تعاااال


الهاوند مدري وش تسموووونه



حط الجوزه فيه وعلى طول بس مو ذيك الضربه وتفتفتهم ؟؟


باالراااااحه


وعليكم المكدووووووس بالعافيه

أهلين : طعس
من شان ما أظلم الهانم .... هيي .. ما بتريد تزعجني بشي ..
وأنا من كتر ما نقيّت كتير من شان أكل مكدوس شغل إيدها .
رضت أن تقوم فقط بعملية الحشو . بعد ما تجهز كل المراحل الأولى المرأة التي تعمل مونة بيتيّة مقابل أجور معينة .
إلا بالعادة وبعد ما ختيرت الهانم , صرنا نجيب كل الحواضر جاهزة من السوق .
لكن للمكدوس والزيتون الأخضر والأسود حصراً نكهة خاصة تعودنا عليها , عندما نقوم بتحضيرهم في البيت .
حتى لمن بدنا نعمل أكلات المحاشي . منجيب الباذنجان والكوسا محفورين من السوق .
وكمان الملوخية مقطفة والبامية مقمّعة والأرضي شوكي ( الأنجينار ) مقشّر ومقطع .
الستات ياللي متل حضرتك طعس هانم , موجود عندنا كتير منهن , ياللي ما بيحبوا يشتغلوا شغل البيت , من طبخ وتنضيف .
بدهن كل شي جاهز من السوق , ونشأت عندنا أعمال جديدة ومطاعم ونساء لتحضير الطبخات بنكهة منزلية مقابل أجور معينة .
وانتشرت عاد إحضار الخادمات الأسيويات . من جديد , بعد ما كان ممنوع تشغيل الخدم بالبيوت .
لكن عادةً الستات الباقيين بيعيّروهن , وبيحكوا عليهن : يييييييييييي حضرتها ما بتطبخ بإيدها وبدها حتى التوم يكون مقشّر من المحل . وعلى شوووووووووو؟ دخيلك ؟؟؟؟؟
وخدي من هيك كلام ...
غيرة نسوان أنا بظن ..
ما علينا بهيك حكي , كل مرا وجوزها رضيانين بيعيشتهن .
مو هيك عمو طعس ؟؟؟؟
بالنسبة لاستخدام الهاون : ممكن .. بس مو لكمية كبيرة ..
يا تئبريني يا طعس هانم .
المهم أنا نفذت رغبة الست ... وسمعت كلمتها , وكسرت الجوزات . وما كسرت كلمتها ... تسلملي الهانم ....
مو مليح ؟؟؟

 

[أرزة]

رد: أنا, والهانم ... والمكدوس !!!!!!

والله وانا اقراء اضحك واتذكر الشغل الى كنى نشتغلو والمواقف الزريفه الى كنى نمر فيها لما نعمل مكدوس فى بيت التيتى..اما عن الجوز فهاد كان من مهام خالتي واخى بقطفو من الشجره وبتبلش مهمة التكسير...عم فارس كانت خالتى واخى يكسرو نصون ويضيعو النص التاني وكل ماطارت حبه يدورو عليها ...صراحه طلعت اشطر منا ما شاء الله عليك...طبعا انا على احشي باس
فعلا ما فى اطيب من شغل البيت
عمو فارس وانا كمان احسب حسابي بأطرميز مكدوس...لان التيته ما عملت مكدوس هاى السنه..وبتعرف الطلاب المغتربين يادوب يلفو لفت جبنه ومنيح
صحتين وعافيه عليك المكدوس
تقبل مروري وتحياتي

 

[فارس عمر]

رد: أنا, والهانم ... والمكدوس !!!!!!

هههههههههههههه


والله شغله متعبه

بس عشان نشعر بنكهة اي شي بنعمله لازم شوي نتعب عليه

اختى طعس احنا في دول الشام متعودين نعمل متل هيك شغلات في البيت

المكدوس اطيب في البيت

اذا ما بتصدقي بنحب نعمل المربى في البيت اطيب والذ من الجاهز كمان



اخي فارس لما يجهزوا المكدوسات بدي مرطبان ههههههههه

احكيلي ان تعبت و انتي تاخدي على الجاهز المستريح

صحتين وعافيه على قلوبكم

و شكرا

أهلين أختنا بنت فلسطين6
أنتِ بتعرفي طعمة تمّك تمام .
ويبدو شاطرة بعمل المونة .
ما شاء الله عليكي .
راح إبعتلك طعمة من المكدوسات بأقرب وقت .
تكرمييييييييييييييييييييييييي.
نوّرتِ الموضوع

 

[طعس وغدير]

رد: أنا, والهانم ... والمكدوس !!!!!!

أهلين : طعس
من شان ما أظلم الهانم .... هيي .. ما بتريد تزعجني بشي ..
وأنا من كتر ما نقيّت كتير من شان أكل مكدوس شغل إيدها .
رضت أن تقوم فقط بعملية الحشو . بعد ما تجهز كل المراحل الأولى المرأة التي تعمل مونة بيتيّة مقابل أجور معينة .
إلا بالعادة وبعد ما ختيرت الهانم , صرنا نجيب كل الحواضر جاهزة من السوق .
لكن للمكدوس والزيتون الأخضر والأسود حصراً نكهة خاصة تعودنا عليها , عندما نقوم بتحضيرهم في البيت .
حتى لمن بدنا نعمل أكلات المحاشي . منجيب الباذنجان والكوسا محفورين من السوق .
وكمان الملوخية مقطفة والبامية مقمّعة والأرضي شوكي ( الأنجينار ) مقشّر ومقطع .
الستات ياللي متل حضرتك طعس هانم , موجود عندنا كتير منهن , ياللي ما بيحبوا يشتغلوا شغل البيت , من طبخ وتنضيف .
بدهن كل شي جاهز من السوق , ونشأت عندنا أعمال جديدة ومطاعم ونساء لتحضير الطبخات بنكهة منزلية مقابل أجور معينة .
وانتشرت عاد إحضار الخادمات الأسيويات . من جديد , بعد ما كان ممنوع تشغيل الخدم بالبيوت .
لكن عادةً الستات الباقيين بيعيّروهن , وبيحكوا عليهن : يييييييييييي حضرتها ما بتطبخ بإيدها وبدها حتى التوم يكون مقشّر من المحل . وعلى شوووووووووو؟ دخيلك ؟؟؟؟؟
وخدي من هيك كلام ...
غيرة نسوان أنا بظن ..
ما علينا بهيك حكي , كل مرا وجوزها رضيانين بيعيشتهن .
مو هيك عمو طعس ؟؟؟؟
بالنسبة لاستخدام الهاون : ممكن .. بس مو لكمية كبيرة ..
يا تئبريني يا طعس هانم .
المهم أنا نفذت رغبة الست ... وسمعت كلمتها , وكسرت الجوزات . وما كسرت كلمتها ... تسلملي الهانم ....
مو مليح ؟؟؟

مليــــــــــــــــــــــــــــح ونـــــــــــــــــــص

عوووووووووووووووووووووافـــــــــــــــــي عمـــــــــــــــــــــــــــووووووووووووووو

 

[د عفاف]

رد: أنا, والهانم ... والمكدوس !!!!!!

السلام عليكم ورحمة الله وبركاته
أمس عمتكن ( الست ) آلتلي : يا رجال ما بدنا نموّن مكدوس هالسنة ؟؟؟
أنتَ بتحب المكدوس كتير .
وبتحبه حرّ كمان
هههههههههه أكيد ست أميرة أعطتك درس لن تنساه


موفق بإذن الله ... لك مني أجمل تحية .

 

[الدانه]

رد: أنا, والهانم ... والمكدوس !!!!!!

هههههههههههههه

قراته امس ضحكتني عمو منشان تعرف ان الست تتعب بالبيت!!
الله يوفقك وننتظر منك المزيد من القصص الممتعه !!

تحياتي

 

[فارس عمر]

رد: أنا, والهانم ... والمكدوس !!!!!!

والله وانا اقراء اضحك واتذكر الشغل الى كنى نشتغلو والمواقف الزريفه الى كنى نمر فيها لما نعمل مكدوس فى بيت التيتى..اما عن الجوز فهاد كان من مهام خالتي واخى بقطفو من الشجره وبتبلش مهمة التكسير...عم فارس كانت خالتى واخى يكسرو نصون ويضيعو النص التاني وكل ماطارت حبه يدورو عليها ...صراحه طلعت اشطر منا ما شاء الله عليك...طبعا انا على احشي باس
فعلا ما فى اطيب من شغل البيت
عمو فارس وانا كمان احسب حسابي بأطرميز مكدوس...لان التيته ما عملت مكدوس هاى السنه..وبتعرف الطلاب المغتربين يادوب يلفو لفت جبنه ومنيح
صحتين وعافيه عليك المكدوس
تقبل مروري وتحياتي

أهلين عمو أرزة
فعلاً وصفتِ طريقة ولذة مكدوس البيت .
بكل دقة
وذكرتيني بتلك الأوقات عندما كنت صغيراً كيف كنت أتسلق شجرة الجوز والتقط حباتها الخضر .
وكيف كانت تنصبغ كفوفي من تقشيرهم وتكسيرهم .
أحلى ( أطرميز مكدوس ) لأحلى عمو أرزة . بيوصل مع الباصات الرايحة للحج ومعه كمان أطرميز عيتون ( زيتون أسود ) من ياللي بيحبهن قلبك .

 

[الامل مع الله]

رد: أنا, والهانم ... والمكدوس !!!!!!

يعطيك العافية ويسلم الأيادي على المساعدة
أكيد المكدوس طلع طيب

بس مش بستاهل تعبه!!!!!!!!!
تاكلو بالهناء والشفاء والصحة

دمت بسلام

دمت بسلام