نبوس رجولها ونقول الاياخالتي تكفين

[ثامرالهيلا]

عرفت الهم من صغري وانا عمري ثمان سنين
ووزعته على الالحان ولا غيري تغنى به



تري يمه الفرح عندي مجرد حلم لا تنسين
انا ارقد بدمع العين وجرح القلب اصحى به


تجلت هيبتي يمه وصرت بحارتي مسكين
حرام الي حصل فينا بدون اسباب يا يابه


ترى زوجتك تظربنا وتشهر بيدها سكين
تقول اخدم على نفسك وكلآ يغسل اثيابه


تلبسنا من البالي ويلبس ولدها بالزين
وياكل ولدها الاول وناكل اي شي سابه


نلبي كل حاجتها وهي تجلس على فلمين
واذا جتنا تقول اسمع ترى ذا الشغل مرضى به


نبوس رجولها ونقول آلا يا خالتي تكفين
ترى مافيه حد منا نظر ذا اليوم بكتابه


ومن جاها تقول والله مخرب حالتي قردين
بسبت شتمها الدايم نسيت اسمي ولا ادعابه


وتخرج دوم تتمشى وتقفل دارنا بقفلين
وتتركنا بوسط الدار وكلن يعرف احسابه


دموع أختي تألمني واقول الصبر يا ياسمين
تري والله أنا بكبر وسوي بيت نحيى به


آلا ياملجاء الا يتام تكفى شلنا هالحين
عجزنا نعيش في عالم فيه لذيابه


صحيح اليتم مو فينا ولكن اجرنا بأجرين
اجر انقاذ نفس انسان وأخر عون طلابه


طفولتنا فقدناها ولا آدري أختفت وين
ومابه طفل ما ينعم مع جوه وآلعابه


تأخرنا على الطابور تكفي ياخيتي أمشين
تقول اصبر علي اشوي وشف مريولي بترابه


تعال أقرب ومشطني ترى راسي يجي جدلين
اجدلها وتسألني هل الاباء مثل آااااابه؟؟



















منقول​

 

[مرهــفة الإحساس]

رد: نبوس رجولها ونقول الاياخالتي تكفين

يعطيك العافيه
مؤثررره وكلماات راائعه

تقبل مروري..

 

[ابونواف]

رد: نبوس رجولها ونقول الاياخالتي تكفين

أختيار موفق ثامر وأحلى أحساس مؤثر من العالم الأخر اللذي يعيش خلف قضبان الحياه
أناس عايشه بعيد عن الدنيا ولا حد يدري عنهم

الله يصبر كل مخلوق على الزمان الصعب وبلاويه
دنيا تخفي خلفها اسرار وكل شخص يكتم مابه

تقبل مروري عبر متصفحك المضيء وننتظر المزيد من الأحاسيس وأختياراتك

ابونواف

 

[النبع الحزين]

رد: نبوس رجولها ونقول الاياخالتي تكفين

سلمت وقصيده تدمع العين
وتنكأ جرح القلوب وربي

جزاكـ الله خير

 

[ثامرالهيلا]

رد: نبوس رجولها ونقول الاياخالتي تكفين

الله يعافيكم شكرا