قلت كيف بصبر عنه يوم ولجل ذياب صبرت اسبوعين

[شمعة أمل]

انا عندي ولد اسمه راشد ويوم قرب موعد ولادتي بولدي الثاني ذياب كنت احاتي واقول كيف بنام في المستشفى وبصبر عن رشودي عمره سنه وثلاث شهور ويوم الولاده خليته عند عمتي اللي هي ام زوجي ورحت المستشفى وبعد خمس ساعات تقريبا ولدت ولادة طبيعية ويبت ذياب وكان يوم الخميس وقالولي الجمعة والسبت مابيختنونه لانه اجازة تمي لين الاحد ومرة وحده سيري البيت قلت لا رخصوني باجر وبرجع لكم يوم الاحد هذا كله حب رشودي المهم قالوا اوكي يوم الجمعة يت دكتورة الاطفال وشافته وقالت لي في صوت في قلبه يمكن يكون عنده ثقب بنتاكد باجر بالتصوير وبعد فيه بو صفار ولازم انحطه تحت الضوء وخلي زوجك يوم اي يكلمني قلت لها ليش في شي ثاني قالت لا بس عشان اشرحله عن قلب الطفل المهم زوجي يا بعد صلاة الظهر قلت له سير كلم الدكتور وسار ويوم رجع قلت له شو فيه ذياب قال شاكين انه يكون داون وبيتاكدون بالدم والنتيجه بعد اسبوعين وكأنهم سنتين طبعا تميت في المستشفى لين سولوه تصوير وطلع عنده ثقبين في القلب وعشان بوصفار نسبته 14 خلوه تحت الضوء 5 ايام ونقص صار 12 خلوني اروح البيت وقالو تعالي باجر سرت وشافوا انه رد زاد واكتشوا انه علاجه مب الضوء لانه نوع بوصفار اللي فيه نادر وهو المباشر واسبابه ممكن تكون خطيرة واتخيلو ردوا خلوني في المستشفى عشان الفحوصات والحمد الله كل الفحوصات طلعت سليمة وخلوني اروح البيت وعقب يومين اتصلوا فيني وقالوا تعالوا عشان نتيجة الدم وقالوا ولدكم طلع داون وقلنا الحمد الله وبعد شهر راح عنه بوصفار وبدون علاج كانت ايام صعبه في المستشفى كنت اتوله على رشودي ايزورني في المستشفى ويوم يروح عني اصيح وايد وفي نفس الوقت احاتي ذياب بس الحمد الله اني كنت قوية وقدرت اجاوز هالمرحلة بالصبر​

 

[naserman]

رد: قلت كيف بصبر عنه يوم ولجل ذياب صبرت اسبوعين

ما شاء الله عنك اختي
ان اهم مرحله هي الصدمه والنكران
والحمد الله انت وزوجك اجتزتوا هذه المرحله
وربنا اعطاكم القبول
اختي ان من نعم الله علينا ان يضع ربنا في بيوتنا الجنه
نعم الجنه
فان احسن تعاملنا مع اطفالنا الدوان تكون لنا ان شاء الله
ستري اختي ستحبيه اكثر من نفسك
وستشعري ان الحياة دونه مستحيله
اختي اذا لنبداء عليك بقراءة كتابات الفاضله ام محمود
والاعضاء لن يبخلوا عليك باي شيء
بالتوفيق ان شاء الله

 

[بسبوسه]

رد: قلت كيف بصبر عنه يوم ولجل ذياب صبرت اسبوعين

يا عمرييييييييي
الله يخليهم لك ويحميهم ويرزقك برهم يارب
ويصبر قلبك مع طفلك الثاني ويعينك ويجيرك
ويااارب مايسحبك من يدك الان يدخلك باب الجنه غيره يااارب

 

[أم ياسمين]

رد: قلت كيف بصبر عنه يوم ولجل ذياب صبرت اسبوعين

ربي يهنيك براشد وذياب
وتفرحي فيهم يا رب
المشوار صعب وطويل
لكن النتائج تشرح القلب
موفقة يا أم راشد
انت صرتي منا وفينا
حياك الله

 

[شمعة أمل]

رد: قلت كيف بصبر عنه يوم ولجل ذياب صبرت اسبوعين

مشكورين على ردودكم الطيبة واهتمامكم والله يعطيكم الصحة والعافية
الحمد الله يوم عن يوم احب ذياب اكثر واهتم فيه لانه ماشالله عليه كله يبتسم يوم حد يكلمه مع انه عمره 3 شهور فديته عيني عليه بارده :16: وانشاالله اشوفه دوم بخير

 

[أسد التحدي]

رد: قلت كيف بصبر عنه يوم ولجل ذياب صبرت اسبوعين

ان شاء الله يا اختي تفرحي فيه ويحقق لك مرادك واحلامك .. والله الأطفال نعمة من الله .. ان شاء الله يعوضك عوض خير. احتراامي

 

[شمعة أمل]

رد: قلت كيف بصبر عنه يوم ولجل ذياب صبرت اسبوعين

مشكور يااسد التحدي على مشاركتي في موضوعي والله يحفظ كل اطفال المسلمين​

 

[القبطان عادل]

رد: قلت كيف بصبر عنه يوم ولجل ذياب صبرت اسبوعين


ان شاء الله يا اختي تفرحي فيه ويحقق لك مرادك واحلامك

 

[ام لوجى]

رد: قلت كيف بصبر عنه يوم ولجل ذياب صبرت اسبوعين

الله يقر عينك وتفرحى فيه ايام عدت كلنا مرينا فيها الاهم الان تعطيه وقتك واهتمامك

 

[ام محمود]

رد: قلت كيف بصبر عنه يوم ولجل ذياب صبرت اسبوعين

حبيبه قلبي ام راشد ودياب الله يطعمك خيرهم وتقري اعينك به
قدر الله ان يضعكي بامتحان وفزتي من اول سؤال وهو بعدك عن راشد لاجل دياب لتطمئني عليه رغم انك تعرفي انه داون ولازمتيه ليطمئن قلبك عليه وهذة هي الامومه ان تقف مع الضعيف حتي يشتد
ومثلك قليل بهذة الايام
حبيبتي تحملتي النفاث وتحملتي الخبر ومعه كل هذة الامراض ولم تقنطي من رحمه الله
ابشري بالجنه واحتسبي كل ما تفعليه لله
ربنا يجمع راشد وذياب باحضانكم ولا يفرق بينهم ابدا
وتظلي الفراشه التي تحلق حولهم لتظلل عليهم اوقاتهم

 

[علا]

رد: قلت كيف بصبر عنه يوم ولجل ذياب صبرت اسبوعين

ربنا يخليهم لكى ويقدرك على متابعتهم وتربيتهم ان شاء الله
ما تتحمليه لا يضيعه الله ابدا
وان شاء الله هتشوفيهم زى ما بتحلمى لهم ان شاء الله

 

[شمعة أمل]

رد: قلت كيف بصبر عنه يوم ولجل ذياب صبرت اسبوعين

هلا فيكم ( القبطان عادل وام لوجي وام محمود وعلا ) وكل اللي ردوا على مشاركتي واشكر لكم اهتمامكم وكلامكم اللي كله عسل ويرفع المعنويات الله يحفظ اولادكم من كل شر :23:​

 

[ام وليف]

رد: قلت كيف بصبر عنه يوم ولجل ذياب صبرت اسبوعين

حياك الله ام راشد ربنا يحفظلك اولادك ويقرعينك بيهموان شاء الله لنا الأجر من عند الوهاب الاوهبنا هما اللهم امين يارب

 

[حياتي هي يموني]

رد: قلت كيف بصبر عنه يوم ولجل ذياب صبرت اسبوعين

السلام عليكم ورحمة الله وبركاته

أسعد الله يومك يا أم راشد وكل المنتدى

أول شيء مبارك عليكم قدوم ذياب الله يحميه ويقدركم على الاهتمام به ورعايته ويجعله قرة عين لكم .. اللهم آمين

وثاني شيء ما شاء الله عليك وعلى أبو راشد بسم الله ما شاء الله تقبلتم الخبر بروح مؤمنة الله لا يحرمكم الأجر اللهم آمين

وثالث شيء فعلا طفل متلازمة داون بيخليك تشوفي الدنيا أصغر مما كانت عليه عندك فكل شيء يهون أمام عيونهم والله المستعان

الله يفتح عليك ويوفقك ويبارك لك اللهم آمين وأنا أختك أم يامن من ليبيا أتمنى أن أفيدك بأي شيء طفلي من متلازمة داون

وعمره الآن 5 سنوات وتسعة شهور
​

 

[شمعة أمل]

رد: قلت كيف بصبر عنه يوم ولجل ذياب صبرت اسبوعين

هلا فيكي اختي ام يامن الله يحفظه ويحميه والعمر كله انشاالله واكيد راح استفيد وايد من خبراتكم ​

 

[شمعة أمل]

رد: قلت كيف بصبر عنه يوم ولجل ذياب صبرت اسبوعين

هلا فيكي اختي ام وليف واسفة ع الرد متاخر ومشكورين ع الردود الطيبة والله يديمكم خوات لي​

 

[حمامة الحرم]

رد: قلت كيف بصبر عنه يوم ولجل ذياب صبرت اسبوعين

الله يخلي لج عيالج اختي ويعينج على تربيتهم انا ام لطفلة داون ومن بلدك الامارات
وان شاء الله نستفيد من بعض وانا بنتي بعمر ولدج وبنفس الشهر سبحان الله مولودين

 

[ام يويو]

رد: قلت كيف بصبر عنه يوم ولجل ذياب صبرت اسبوعين

حبيبتي حالك مثل حالي انا وايد متعلقة بعيالي لدرجة اني كنت متفقة مع اخت زوجي اني لما اولد تخلي عيالي عندها بس لما ولدت غيرت رايي لاني كنت احس بغصه لما اتذكر انهم بينامون بعيد عني لدرجة اني كنت انوم يويو جنبي عشان ما حس انه بعيد عني وهو يفرح لما ينام جنبي

 

[الفارس الشجاع]

رد: قلت كيف بصبر عنه يوم ولجل ذياب صبرت اسبوعين

الحمدلله على كل شئ هذه هديه من الله . كل شئ من الله مقبول علينا الحين المحافظه على الهديه

 

[شمعة أمل]

رد: قلت كيف بصبر عنه يوم ولجل ذياب صبرت اسبوعين

هلا حمامه الحرم وام يويو والفارس الشجاع سوري لاني تاخرت في ردودي عليكم والله من فتره مادخلت لان اللابتوب كان خربان ع العموم مشكورين ع التواصل
حمامه الحرم هلا فيج بالمنتدى ومبرووووووووك عليج البنوته الحلوه بس ماعرفنا شو اسمها ومن اي امارة انتي خلينا نتعرف اكثر
وحبيبتي ام يويو اشحالج واشحال يويو فديته شفت صورته في اليوم الوطني لقطر كان واقف ماشاالله عليه كم عمر يويو وهو يمشي احين خبرينا عنه
والغاليه ام الفارس الشجاع شخبار فارس عساه بصحه وعافيه
صدق بعد بخبركم ذياب فديته بدا ينجلب ع بطنه وع ظهره ويرفسني بعد :16:​