قصة سندريلا

[حرير من ذهب]

هلمره جايبه لكم قصة سندريلا بلهجه المصريه هههههههه روعه
مرات الأب : بت يا سندريلا اصحي يا بت جاك خابط في نفوخك
سندريلا : اييييه يا مرات أبويا حقوم عالخمسة
مرات الأب: قومي يا بت قامت قيامتك
وصحيت سندريلا وهي بتأفأف
مرات الأب : يالا قومي اكنسـي وامسحي على ما نيجي
... سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللي حيختار واحده عشان يتجوزها
سندريلا : خدونى معاكو انا عاوزة اروح بليز:bb (15):
مرات الاب : تروحي فين يا موكوسة بلبسك المهرول ده انا عايزة ارجع الاقي ....البيت بيبرق
ومشيت مرات الأب وبناتها التلاتة وقعدت سندريلا تعيط:bb (15):
وفجأة طلعتلها الساحرة من الميكروويف
الساحرة : مالك يا سندريلا
سندريلا : كان نفسي أروح معاهم الحفلة بس لبسي مقطع وموبايلى كارت ولابسة.... شبشب بصباع:2bb (18):
الساحرة : ولا يهمك
وطلعت الساحرة من جيبها الموبايل وطلبت رقم الفون بتاع مدام لولو يبعتو فستان وجزمة اخر " موديل"
فرحت سندريلا ولبست وحطط الايشادو والجليتور ورشت البرفان .... !!!
بس الساحرة قالتلها : قدامك للساعه 12 لازم ترجعي انا صعيدية ودمي حامي ومعنديش بنات تتأخر
ولو اتأخرتى حترجعي زي ما كنتي بلبسك القديم وسط الناس
سندريلا : حاضر حاضر
خرجت سندريلا من البيت لقت الساحره مجهزة (بي ام دابيو)
ركبت سندريلا وراحت ع القصر ولفت جمالها كل اللي موجودين
وأول ما عين الأمير وقعت عليها راح وطلب يرقص معاها ووافقت
نظرات ... همسات ..... صمــت ... ترررررررررن ترررررررررررن
سندريلا : ده الساحره بتديني ماسيج .. يا خبر الساعة بقت 12 وقامت طالعة تجري ..قوم ايه..
وهي بتجرى فردة الجزمة أتخلعت ، خدها الأمير المعجب ونادا للوزير
الأمير : يا وزير تامر
الوزير : أمرك مولاي
الأمير : خد الجزمة دي اسحبلي صورتها اسكانر ونزل صورتها في كل الجرايد و ع الويب سايت بتاع قريتنـا
واكتب إلى صاحبة هذه الجزمة التوجه للقصر الملكي .... ؟؟؟
بنات كتير جدا راحو ويا سبحان الله الجزمة مجتش على مقاس حد فيهم (ال يعنى سندريلا رجليها رجل معزة )
إلى أن شاهدت سندريلا الإعلان عن فردة الجزمة على ميلودي وقامت بالتوجه إلى القصر وتزوجت هي والأمير
وعاشو في تبات ونبات وخلفو توأم ملتصق وشويه بنات
هذه هي قصة سندريلا للي ما يعرفهاش..ومحدش يفهمني غلط ويعمل لها إسقاط سياسي على واقع مصر المهبب
قولو رايكم بصراااااحه هههههههههههه

 

[مذهلة]

رد: قصة سندريلا

هههههههههههههههههههههههههههههههههه

رووووووووووعه


شكرا حرير من ذهب على الانتقاء الرائع​

 

[ام ليث]

رد: قصة سندريلا

ههههههههههههههههههههههههههههههههههههههه
ههههههههههههههههههههههههههههههههههههههه ياربي

صدق صدق صدق روووووعه
تسلمين عزيزتي حرير من ذهب
اصلا قصة سندريلا المصريه احلى بكثير من القصه الاصليه

 

[حرير من ذهب]

رد: قصة سندريلا

عيونكم الحلوه مشكورات على الرد الموتالق