قصيدة البحث عن السعاده

[أبو حمزة]

قصيدة البحث عن السعاده


دورت في كثر الفـلوس السـعاده 000 ودورت عنـها في زواجي والاولاد

ودورت عنها بالـنسـب والاشـاده 000 ودورت عنها في زغاريـد الاعياد

ودورت عنها بامتـلاك الشـهــاده 000 وبالشهره اللي مالها حــد وابعاد

ودورت عنها في وسام القـيـاده 000 ودورت عنها بالوجاهـه والامجاد

ودورت عنها بالسـفـر وارتياده 000 ودورت عنها بالاغاني والانشـاد

وبين الاماني والفـرح والرياده 000 دورت عنها وانتهى البحث مافاد

ولا لقـيت الا القـلـق والـنكــاده 000 والهـم واقـف لي على كل مـرصاد

والجفن مايهناه سـاعـة رقـاده 000 في هـم صبحي وآخر الليل بسهـاد

وأخـذت ادور لين جيت العبـاده 000 اللي لها مع فـجـر الاسـلام ميــلاد

ولقـيـت فيها للسعاده سيــاده 000 وشـرح الصدر والهـم ماعاد لي عـاد

وطعم السكينه والهناء والركاده 000 وحلاوة الايـمـان هي كـل الاسعـاد

ياطـالبيـن الخيـر هذي أفـــاده 000 أوجزتـهـا واللي يبي الخيــر يـزداد

نصيحتـي كـل يخـلي جــهــاده 000 للنفس عن كـل المعاصي والأفـساد

يوقف لها مـوقـف قوي الأراده 000 لـيـاه مـعـهـا لـلمــتـاهـات يـنـقـــاد

حتى يحقق في حيـاتـه مـراده 000 وان مـات له مع جنـة الخلـد ميـعــاد

منقولة

 

[هاني]

رد: قصيدة البحث عن السعاده

شكرا اخي عل القصيده الجميله



:m0dy_net-741:​

 

[أبو حمزة]

رد: قصيدة البحث عن السعاده

وشكرا على مرورك