ارجوكم ساعدوني

[أم الغالي]

اخوتي
ابني ياخذ مضاد الفطريات ميكوستات لمدة خمس اشهر لكن حاليا عنده اسهال وبسويله فحص اليوم واعتقد الدكتور بيعطيه فلاجيل بس ممكن ياخذ فلاجيل وميكوستات في نفس الفترة وطبعا صعب اشرح- للدكتور ان ابني ياخذ ميكوستات لانه ما يفهم سالفة الفطريات ودكتورة عبير في اجازة وش اعمل

 

[رحمه ربي]

رد: ارجوكم ساعدوني

عطيه كابتين يمكن يفيده ويوقف الاسهال

الدكتوره راح تجي 15 أو 20 الشهر ان شاء الله

 

[ألم الأمل]

رد: ارجوكم ساعدوني

الله يشفي أبنك عاجلاً غير أجلاً
يــــــــا رب​

 

[ام حسام]

رد: ارجوكم ساعدوني

لابااس عليه طهور باذن الله

اسال الله العظيم ان يشفيه ويعافيه وان يفرح قلوبكم به

 

[ام التوحد]

رد: ارجوكم ساعدوني

اختي ام الغالي انا بقولج شنو سويت مع ولدي
ولدي عنده اسهال مزمن ويروح الحمام اقل شي 4 مرات باليوم وكرمكم الله اشوف الاكل في خروجه غير مهضوم ويشرب دوا الريانست او الميكوستاتين من سنوات وكل ما نوقف ينتكس والدكتوره عبير تقول نرجع للدوا الفطريات رجعت المهم .... الحمد لله ام محمد (( ريم احمد )) علمتني على حميه الكربوهيدرات واللي هي امتنع عن العيش او الرز والبطاط والذره وحليب الصويا وطبعا السكر واعتمدت على اللحم والدجاج والحمام والربيان والسمك والخضروات والفواكه لمده 6 اسابيع الضبط
النتيجه الحمد لله أول مره ولدي من سنوات خروجه طبيعي مثل اخوانه وطلع منه شي غريب اعتقد انه مستعمرات الفطريات اللي في بطنه وراح الانفاخ والغازات اقل من قبل وكان فيه شراهه بالاكل الحين الحمد لله ياكل باعتدال وطبعا شفت ايام عذاب لانه الفطريات تقاوم ويتعب على ما تطلع من جسمه
الحين اعطيه الرز وباقي الممنوعات بس بكميه قليله واراقب خروجه والحمد لله للان الامن مستتب
جربيها بس يومين راح تشوفين التغير

 

[فرحتي الاولى]

رد: ارجوكم ساعدوني

لما كان ولدي ياخذ الدفلوكان بأمر من الد عبير جته نزله معويه وعطوه فلاجيل فأمرتني الدكتوره اوقف الدفلوكان لانه من نفس التركيبه فما يصيروا سوا اتوقع الميكوستاتين نفس الشي .

 

[أم الغالي]

رد: ارجوكم ساعدوني

شكرا انا ابني ما صار عنده اسهال بهذا الشكل من سنه احس النستاتين يا ناس يزيد الفطريات ويخربط الهضم