التنبيهات

اريد التواصل معكم

ا

اسامه امل حياتى

Member
انا مشتركة جديدة وربنا رزقنى باسامه طفل داون ونفسى اتواصل مع كل الامهات والعضوات هنا في المنتدى وخاصة ام محمود لانةخير مثال ونفسى استفيد منهم لكى اعلم ابنى وافخر بة وربنا يقدرنى واقدر اعلمة وارقى به للافضل دائما
 
رد: اريد التواصل معكم

اسمحيلى ارحب بيكى يا ام اسامه
مع انى عضوة جديدة زيك
بس انا ابنى عنده 7 شهور
والاخ الكريم ابو يوسف عمر ابنها فى بياناتها واضح
معذرة على ردى ففضولى هو الذى دفعنى لذلك
واود استفيد من تجربتك مع ابنك فى توجيهنا نحن الامهات الجدد
وباقى اعضاء المنتدى الكرام والست ام محمود لها جزيل الشكر
 
رد: اريد التواصل معكم

اهلا ام اسامه
انا كنت تايه زيك كده بس الحمدلله تعلمت شوية حاجات ولانى حاسه بيكى
اساعدك قدر استطاعتى لحد اعضاء المنتدى المتمكنين ما يتواصلوا معاكى
انا زياد ابنى فى العمر ده اتقلب على بطنه ومسك شخشيخه بايده بس كان مرخى ما يقدر يرفع رقبته
انا ما كنتش اعرف تمرينات الرقبه فى الوقت ده فانتى الحقى نفسك بيها والتدليك وتمرينات الاصابع
ادخلى مدونة ام محمود تجدى ما يسرك
بس برضه انا عايزه اعرف معلومات عنه بيعرفك بيبتسم بيتقلب بيحرك ايديه ورجليه بترضعيه طبيعى ولا صناعى
وهو اول مولود ليكى زى زياد ابنى ولا ايه
 
رد: اريد التواصل معكم

اهلا ام زياد انا متزوجة 5 /8 /2010 وربنا اكرمنى بروميساء طفلة طبيعية وفى غاية الزكاء الحمد لله وربنا يحميها ان شاء الله عندها سنة و7شهور هى مواليد 3 /5 /2011 وربنا اكرمنى باسامه بعدها بس اسامه الحمد لله كويس جدا هو من الناحية الصحية الحمد لله ممتاز
 
رد: اريد التواصل معكم

الثقب ال في قلبة الدكتور قال انة 3 ملى وقال انة لايذكر وقال ان دة ثقب جنينى وليس العيب الخلقى ال في الداون وماعندوش فتاء في السرة وكف اليد زينا 18و81 عادى وصوابعة 3 عقل وليس 2
 
رد: اريد التواصل معكم

وهو عرفنى ولما بلاعبة بيضحك ولما بابتسملة بيبتسم وبيضحك ودلوقتى لما بنيمة على بطنة بيسند على ايديه وبيرفع راسه قيمة شبرمن ايدى ومن زمان بيلتفت علىصوت وعرف اصواتنا ولما اختة بتتكلم او تصدر اى صوت بينظر اليها يعنى بينتبه لاى حاجة بتحصل حوالية ولما بتكلم انا بيبص عليا
 
رد: اريد التواصل معكم

وبيرضع طبيعى وبيحرك ايدية ورجلية طبيعى وعادى زى اختة وكل حاجة بيعملها زى اختة ومش متاخر عنها في حاجة بسهو وزنة قليل شوية لانة مر بمراحل تعب كتير الصفرة فضلت عندة 3شهور وقلبت بعد كدة بخضار والحمد لله احسن دلوقتى ومن كتر الصفرة مافضلت عندة جالة انيميا وبديلة حديد من شهرين وربنا يشفية ويديلة الصحة امين هو واولاد المسلمين يارب
 
رد: اريد التواصل معكم

وتحليل الكروموسمات قال ان هو من النوع الشائع95فى الميةوان الكرومسوم 21 متكرر 3 مرات فهو ال عمل كدة مع العلم ان انا وزوجى مش قرايب وان عمرى صغير25 سنة
 
رد: اريد التواصل معكم

الاخت الفاضلة ام اسامه اهلا بيكى فى هده المنتدى الرائع لتستفيدى منه كما استفادنا جميعا و احيكى على عزيمتك و اصرارك على الاهتمام بابنك اسامه حفظة الله لكى وبارك لكى فيه
اولا عمر اسامه كده مناسب جدا للبدع معه علاج طبيعى و تدخل مبكر عن طريق مركز متخصص او عن طريقك فى البيت و هناك ارشادات فى النت تساعدك على هدا وفقك الله و بارك لكى فى اسامة
 
التعديل الأخير:
رد: اريد التواصل معكم

السلام عليكم ورحمة الله وبركاته


مرحبا بكى أختى أم أسامة ، فى المنتدى اللى نور بقدوم أسامة ووجوده ببن أخواته أطفال متلازمة داون.


وأهلا وسهلا بزياد الغالى ، من بلدى حبيبتى أسيوط.
 
رد: اريد التواصل معكم

أختى الكريمة أم أسامة ، ماشاء الله أسامة الأن ثلاثة شهور ربنا يبارك فيه ويحفظه.

والحمدلله انكى قمت بعمل الفحوصات الطبية فى بادىء الأمر ، واطمأنيتى على صحته

وان شاء الله يكون الثقب صغير كما أخبركى الطبيب.


لى سؤال مهم لم تذكريه : هل قمت بعمل تحليل الغدة الدرقية أم لا.

وهل أخبرك طبيب القلب بأى متابعة صحية له كل فترة ، وهل يمكن عمل تمارين علاج طبيعى له ومجهود عادى مثل اى طفل أم لا.


ان شاءالله نسبة الانيميا تتحسن عنده ، وتابعى نسبة الهيموجلوبين بالدم بعد فترة العلاج بالحديد للاطمئنان على زيادتها.



عمره مناسب كما ذكر القبطان عادل لكى بالتدخل المبكر باى مركز للتأهيل ، ولكنى لا أعرف مدى تيسر هذا لكى فى مكان اقامتك

وان لم يتيسر ذلك ، عليكى بمدونة أم محمود ، ماشاء الله كافية وبها كل مايختص بمتلازمة داون وتأهيلهم من اليوم الأول للولادة.

ومدونة القبطان عادل، بها تطورات يوسف ماشاء الله عليه.


أهم شىء فى هذه المرحلة :- تمارين ومساج الفم واللسان ستجديها فى المدونة وبالمنتدى ايضا مجمعة مع باقى التمارين فى هذا الرابط

http://www.t7di.net/vb/showthread.php?t=27737

عمل مساج للجسم كله بزيت الزيتون أو زيت الأطفال وثنى وفرد كل المفاصل حتى أصابع اليدين

يوجد فيديوهات جميلة جدا مجمعة ايضا بالمنتدى فى هذا الرابط

http://www.t7di.net/vb/showthread.php?t=23532


ولاتنسى تمارين الرقبة ، ووضعه على بطنه مع وضع فوطة ملفوفة او مسند تحت صدره وتحريك الالعاب الصوتية والضوئية

لتشجيعه لرفع رأسه والالتفات يمينا ويسارا.

شاهدى هذا الفيديو لاهمية وضع البطن وكيفيته
http://s1189.photobucket.com/albums/..._-_YouTube.mp4


اهتمى دائما بوضع لعب فوق سريره ، ليحاول الامساك بها ، ويكون بها موسيقى وضوء لزياده الادراك والانتباه لديه

الحين هتجدى بكل المحلات سلك المصابيح الصغيرة لتزيين شجر عيد الميلاد ، كان عندى واحد على طول بثبته لعبد الرحمن ، بس مشفى سريره خوفا من الكهرباء

اجعليهفى مواجهته معلقا على الحائط اوى اى شىء ، واطفىء نور الحجرة وشغليه . حلووو جدا .


والحمد لله كل اللى ذكرتيه عن أسامة مبشر بالخير ، وان شاء الله يكون من المتميزين

ويباركلك فيه وفى روميساء ويقدرك على تربيتهم ويرزقك برهم ان شاء الله.


واى استفسار ، لاتترددى واسألى براحتك.

تحياتى وسلامى.
 
رد: اريد التواصل معكم

شكرا ام عبد الرحمن واهلا بكى بالنسبة لتحليل الغدة الدرقية الوحدة الصحيةبتعملها بعد الولادة ب3ايام زانا عملتها وانا راحة اسجلة وبعده سالتهم قالوا كويسة مدام مااتصلوش علينا ولا عليكى وهما واخدين العينة من كعب رجلة
 
رد: اريد التواصل معكم

هو خلاص كدة ولا في حاجة تانية بتتعمل وعملت لة كمان سونار على بطنة وقالوا كويسة وكل شئ تمام الحمد لله طيب مدام اسامة بيشد نفسة وبيرفع رقبتة وبيتحرك وبيحرك ايدية ورجلية هيحتاج بردة لعلاح طبيعى واية التحاليل ال اقدر اعملها لة واعرف ان تاثير الداون غلى مخة قد اية اصل انا حاسة انة كويس من حركاتة معايا وبيستجيب ليا وحاسة ان هيبقى الشك وخلاص لان كل الدكاترة ال كشفوا علية قالوا مافيهوش اى حاجة من الداون غير ملامح الوجة فقط الغين والودن بس وهل لما هيكبر هيتزوج ام لا وانا روحت لمركز تدخل مبكر في الدمام قالولى لما يكون عندة 6شهور هاتية علشلن نكون عرفنا هو محتاج اية بالظبط
 
يجب تسجيل الدخول أو التسجيل كي تتمكن من الرد هنا.

مواضيع مشابهة

ص
اريد التواصل مع الأخ انا والتوحد ممكن تساعدوني
الردود
1
المشاهدات
3K
اام حسن
ا
س
[طلب] لوسمحتم اريد التواصل مع اهل طفل توحدي
الردود
3
المشاهدات
1K
ابوعبدالله فواز
ا
م
اريد التواصل معك اخي تفائلوا بالخير
الردود
1
المشاهدات
3K
مراد البصير
م
خ
اريد التواصل مع الدكتور رامي
الردود
3
المشاهدات
3K
معجزه رضويه
م
ا
[إستفسار] معي ضعف في عضلات الساقين وضعف في اعصابه اريد مصحه رخيصه في اوربا الشرقيه التشيك غالي
الردود
2
المشاهدات
5K
مهند صالح
م

عودة
أعلى