ساعدوني ابني لايتكلم هل هو توحد

[ابني اسماعيل]

السلام عليكم ورحمة الله
انا في حيرة من امري وصدمة في نفس الوقت
ابني عمره سنتين واربعة اشهر والى الان لم يتكلم مجرد اصوات وصراخ
يقول ماما ولاكن لا يعني بها انه ينادي علية
اناديه باسمه اغلب الاوقات يتجاهلني ولكن عندما اقول له خود ياتفت بسرعة
وعندما يريد اي شئ ياخدني من يدي
عصبي وعنيد ولكن ارى انه دكي يفهم علية الا انه يعند معي
دهبت به اليوم الي اخصائى في علم النفس للاطفال
ونصحني بان اعمل له حصص عند اخصائي تخاطب ولكنه لم يقول لي هل عنده توحد ام لا
بالله عليكم من يعرف مراكز او اخصائئين هنا بالمغرب وهل يوجد هنا في المنتدي من الاخوات هنا بالمغرب لي تفيدني
مستنية ردودكم

 

[القمر]

رد: ساعدوني ابني لايتكلم هل هو توحد

السلام عليكم ورحمة الله
انا في حيرة من امري وصدمة في نفس الوقت
ابني عمره سنتين واربعة اشهر والى الان لم يتكلم مجرد اصوات وصراخ
يقول ماما ولاكن لا يعني بها انه ينادي علية
اناديه باسمه اغلب الاوقات يتجاهلني ولكن عندما اقول له خود ياتفت بسرعة
وعندما يريد اي شئ ياخدني من يدي
عصبي وعنيد ولكن ارى انه دكي يفهم علية الا انه يعند معي
دهبت به اليوم الي اخصائى في علم النفس للاطفال
ونصحني بان اعمل له حصص عند اخصائي تخاطب ولكنه لم يقول لي هل عنده توحد ام لا
بالله عليكم من يعرف مراكز او اخصائئين هنا بالمغرب وهل يوجد هنا في المنتدي من الاخوات هنا بالمغرب لي تفيدني
مستنية ردودكم

وعليكم السلام اختي ابني اسماعيل ،،،
لا تنصدمي بالعكس كل ما عرفت انه ابنك عنده مشكلة في وقت مبكر كل ماكان في صالح الطفل لانه اهم شي التدخل المبكر ، فيك انت اتقيمي ابنك لحالك بيطالع في عيونك ولا لا يعني التواصل البصري جيد ،أوعنده حركات تكرارية مثلا لف الاشياء او صفها ،الدوران واللعب بلعبة وحدة لمدة طويلة يلعب مع الاطفال ولالا ، ينصاع للاوامر جيب كذا اعطي لفلان هالشي مثلا ،يعرف يقبل يعمل باي ، لما تيجي من برا انت ولا ابوه بتلقاكم ولا ما ينتبه وكيف نومه بالليل متقطع او متواصل وخروجه وانته بكرامة عنده امساك او اسهال لانه اغلبية اطفال التوحد عندهم مشاكل في الجهاز الهضمي .من خلال الاجابة على الاسئلة بتعرفي عنده توحد ولا لا.
والله ييبعده عنه .

 

[ابني اسماعيل]

رد: ساعدوني ابني لايتكلم هل هو توحد

مرحبا اختي القمر وشكرا لردك واهتمامك
ابني بيشوف فعيوني بس مش كتير يعني تواصل بصري قليل
وماعندو حركات تكرارية ومعاعندو دوران او تعلق بلعبة واحدة يعني يلعب بكل اللعب لكن احيانا قليلة فاش يدور عجلة السيارة ولا الدراجة
وكيخاف من الاطفال مايلعب معاهم يحب بس يلعب مع الكبار ويحب الكورة بزاف
وبالنسبة للاوامر يفهم حجات بسيطة جيب هادي اعطيني هادي افتح الباب اشعل الضو واحيانا يعاند معايا كتير
وميعرفش يقبل بس يحط فمو على وجهي
وباي حتى نقول ليه ديرها عاد يديرها غير يهز ايدو اوصافي ماشي بحال باي ديال الاطفال الاخرين
ولما نكون خارجة ونجي من برا يفرح بية ويحضني
وبالنسبة لخروجه اعزك الله عندو احيانا امساك وانتفاخ دايما في البطن وغازات وهاد المشكلة عندو من الزيادة ديالو ديما غازات في البطن
ويحب بزاف التلفزيون والاشهارات والاناشيد حتى الموسيقى الي في الاخبار يحماق عليها يجي يجري باش يشوفها
اسمحلية طولت عليك
انت اختي منين في المغرب واش تعرفي شي اخصائي مزيان هنا في الدار البيضاء والله اختي وتحس بالحيرة والخوف على ولدي خايفة بزاف من هاد المرض وباقة مقدراش نتقبلو يارب تسمحلية
ويارب ضلي تواصلي معايا وتفيديني يااختي

 

[ام عبد الرحمان]

رد: ساعدوني ابني لايتكلم هل هو توحد

السلام عليكم اختي
كما قالت لك الاخت القمر لا تخافي فكلما اكتشفت حالة ابنك مبكرا كلما كان افضل

لذا انصحك بالقراءة عن التوحد و المنتدى مليئ بالمواضيع الهامة و المفيدة التي ستساعدك
و ان كنت في الدار البيضاء فيوجد الكثير من الاخصائيين ، يمكنك الذهاب عند pedopsychiatre (حجييج )للتشخيص
يارب يحفظلك ابنك و يشفيه و اي استفسار انا موجودة .

 

[ابني اسماعيل]

رد: ساعدوني ابني لايتكلم هل هو توحد

وعليكم السلام يااختي ام عبد الرحمان
والله يسعدني تواصلك واهتمامك بموضوعي
عارفة يااختي انا حاسة بضيق وتايهة فحالة ابني
نفسي اسمع كلمة ماما ونفسي اسمع صوتو
والحمد الله على كل حال ويارب يرضني بفدري
انا قرات مواضيع كتيرة عن التوحد وهاد المنتدي فيه اشياء كتيرة ومفيدة ولقيت انوابني فيه بعض سمات التوحد لكن في خاطري كنتمنى نكون غلطانة
المهم يااختي انا في الدار البيضاء وهاد الطبيب الي عطتيني اسمو ممكن يااختي تعطيني العنوان ديالو
وشنو هو التشخيص الي كايديرو باش يعرف انو عندو توحد
وبالنسبة للحضانة هل يوجد حضانة تقبل بمتل هاد الاطفال
حيت انا اخدت لحضانة ومبغاوش يشدوه قاليك راه قبيح ومشطون بزاف مكيجلسش
اشنو غادي ندير هو ماشي قبيح لكن عندو فرط في الحركة هو مسالم مكيضربش لكن مشطون بزاف
وزعمة لو اكتشف الحالة وهوصغير ممكن يكون امل في العلاج وهل يااختي التكاليف ديال العلاج غالية واحنا هنا في الدار البيضاء مكينش مراكز حكومية غير الخاصة
وشكرا ياختي على تواصلك
ربي يشفيلنا ابنائنا ويشفي جميع اطفال المسلمين يارب

 

[القمر]

رد: ساعدوني ابني لايتكلم هل هو توحد

مرحبا اختي القمر وشكرا لردك واهتمامك
ابني بيشوف فعيوني بس مش كتير يعني تواصل بصري قليل
وماعندو حركات تكرارية ومعاعندو دوران او تعلق بلعبة واحدة يعني يلعب بكل اللعب لكن احيانا قليلة فاش يدور عجلة السيارة ولا الدراجة
وكيخاف من الاطفال مايلعب معاهم يحب بس يلعب مع الكبار ويحب الكورة بزاف
وبالنسبة للاوامر يفهم حجات بسيطة جيب هادي اعطيني هادي افتح الباب اشعل الضو واحيانا يعاند معايا كتير
وميعرفش يقبل بس يحط فمو على وجهي
وباي حتى نقول ليه ديرها عاد يديرها غير يهز ايدو اوصافي ماشي بحال باي ديال الاطفال الاخرين
ولما نكون خارجة ونجي من برا يفرح بية ويحضني
وبالنسبة لخروجه اعزك الله عندو احيانا امساك وانتفاخ دايما في البطن وغازات وهاد المشكلة عندو من الزيادة ديالو ديما غازات في البطن
ويحب بزاف التلفزيون والاشهارات والاناشيد حتى الموسيقى الي في الاخبار يحماق عليها يجي يجري باش يشوفها
اسمحلية طولت عليك
انت اختي منين في المغرب واش تعرفي شي اخصائي مزيان هنا في الدار البيضاء والله اختي وتحس بالحيرة والخوف على ولدي خايفة بزاف من هاد المرض وباقة مقدراش نتقبلو يارب تسمحلية
ويارب ضلي تواصلي معايا وتفيديني يااختي

مرحبا اختي ابني اسماعيل ،،،

والله فرحتيني بزاف بهاذ الكلام يعني الولد ماشاء الله حاضر مشي في عالم ثاني واللفهمته من كلامك انه عنده مشاكل في الجهاز الهضمي وخاصك اتركزي على هالموضوع شوفي جربي حمية الكلوتين والكازيين والسكر يعني ماتعطيه خبز شعير او قمح وخلافه او كسكسي وحتى الحليب ديال البقر والغنم اواي شي مصنوع منهم مثل زبدة جبن ما تعطيه ممكن تعطيه حليب الابل (الجمال) بس شوي شوي تدرجي بالكمية، واتقطعي عليه السكر الصناعي والوجبات السريعة خل ماكلته طبيعية خضرة وفواكه شوربات صحية وهالاشياء، وشوفي لك شي دكتور شاطر في الجهاز الهضمي يساعدك في مشكلة الانتفاخ والامساك والغازات ويعطيك بروبيوتيك لمساعدة الجهاز على العمل ، وعلى ما تحصلي شمكان اتحطيه فيه انت دربيه في الدار وصبري معاه بالتكرار وباللعب بيتعلم ان شاء الله . وبعدها ممكن اتساعديه ببعض المكملات. واقراي اهنا بزاف في المنتدى عن تجارب الاهالي والله بتستفيدي.
أختي انا من كازا بلانكا بس مقيمة في الامارات ياريت كنت كنعرف شي مركزولا اخصائي مزيان كنت وريته ليك.
موفقة.

 

[ام عبد الرحمان]

رد: ساعدوني ابني لايتكلم هل هو توحد

اختي ابني اسماعيل
كيف قالت لك الاخت القمر الحمية كتنفع بزاف ، خصوصا تقطعي عليه كل ما هو صناعي و فيه السكر و الملونات و النكهات
يعني حاولي قد ما ققدرت يكون اكله طبيعي و هادشي كساعد على التركيز و الهدوء
بالنسبة للاخصائية مشي لمستشفى ابن رشد كاين جناح خاص بالتوحد ، انا عمري ما مشيتله لكن كنعرف امهات متبعين فيه،
على حسب كلامك يقدر ولدك يكون عنده غير فرط حركة ماشي توحد و الله اعلم.
يارب ييسر لك امورك و يوفقك

 

[ام عبد الرحمان]

رد: ساعدوني ابني لايتكلم هل هو توحد

اختي ابني اسماعيل طبعا كاين امل بالعلاج، ولدك الحمد لله باقي صغير غير نصيحة الاخصائيين للي تمشي عندهم خدي منهم غير التشخيص وخا يعطيوك الدواء ما تشريهش لولدك لانهم كعطيو غير المهدئات اللي كتدمر خلايا المخ .
سؤال هل ابنك يقلد ؟ يعني اي حركة تعمليها كعملها بحالك او لا

 

[ابني اسماعيل]

رد: ساعدوني ابني لايتكلم هل هو توحد

السلام عليكم اختي القمر واختي ام عبد الرحمان وجزاكم الله على تواصلكم واهتمامكم كتفرحوني بزاف والله
كيما قلتي ياختي ام عبد الرحمان ابني لايقلدني كنحاول معاه والو مكيقلدنيش نخرج لساني باش يدير فحالي كيبقى غير يشوف مكيعرفش
كنهز ايدي ونقول ليه هز ايديك والو مكيعرفش ولا مكيفهمش هادشي حتى هو مشكل عندو

 

[ابني اسماعيل]

رد: ساعدوني ابني لايتكلم هل هو توحد

اختي ام عبد الرحمان
انت من كازا اليوم مشيت لواحد المكان سميتو قطرة الحليب الي كاين في المدينة القديمة قالك عندهم اخصائيين كيساعدو فهاد الحالات
الي سمعتي بيه وباش تنصحني فين نمشي نتبع لولدي والله ماعارفة فين نمشي

 

[ام عبد الرحمان]

رد: ساعدوني ابني لايتكلم هل هو توحد

السلام عليكم اختي ابني اسماعيل
سيري لمستشفى ابن رشد و خدي موعد مع pedopsychiatre (حجيج )
ختي انا ساكنة في برشيد ما عرفتش المكان اللي قلت عليه واش هو جمعية؟

 

[ابني اسماعيل]

رد: ساعدوني ابني لايتكلم هل هو توحد

عليكم السلام اختي ام عبد الرحمان
اه هو بحال الجمعية ولكن مصاريفهم غالية شوية قالو لية خاصني نتبع لولدي عند 3 اخصائيين عندهم واحد اخصائي ديال التخاطب وحدة ديال التربية وحدة ديال السلوك كيديرو كل واحد ندير عندو حصة فالاسبوع حتى يكمل 3 سنوات ومن بعد نولي نديرهم يوميا
ولكن غاليين شوية
صافي اختي دابا نمشي نسول فابن رشد ونشوف الا كانو حتى هوما كيديرو بحال هاكا
وسولتهم على الحمية قالو لية لا بلاش ماديريها حيت نتائج التحاليل مبينت والو
وانت اختي كاديري لولدك الحمية اشنو لي خاصني نحيد ليه واش مشتقات الحليب كاملة بما فيها الفرماج بانواعو وحتى البسكوت كلو ؟
غادي تكون صعيبة اصلا ولدي اصعب حاجة فالتعامل معاه هي الماكلة مكيبغيش ياكل لية الخضرا ولا الحوت ولا اللحم والا غصبت عليه كيتعصب ويطيح لية فالارض وكتجيه واحد الحالة والله ميحل فمو
سمحلية كنطول عليك بالاسئلة والهدرة
والله اختي معندي معامن نهدر ولا نشكي ليه حيت تاواحد فالعائلة ماعارف هاد المرض ولا كفاش نشرحوليه
انا مصدقت لقيت هاد المنتدى ولقيتك ولقيت الاخوات الي هنا الله يجازيكم بخير ويشافي لينا وليداتنا