[إستفسار] ساعدوني هالولد فيه توحد ولا لا ؟

[يااارب]

السلام عليكم

باختصار

عندنا ولد باقي كم شهر ويدخل 3 سنوات او يمكن دخلها

المهم انه الى الحين مايتكلم

اذا ناديتيه ما يرد كأنه مايسمع بس انه يسمع لو شغلنا انشوده طيور الجنه من بعيد يجي ركض

او اذا قلنا حلاو يجي يركض

ماينادي امه وابوه

مايطلب الشي اذا يبيه يصيح يصيح وامه ماتدري وش يبي

بعض المرات اذا مزاجه رايق يردد وراك تقريبا كلمتين بس اللي يرددها

يلعب مع قريبته يراكض وتلحقه مايشوف اللي قدامه ابد يعني يركض ويدعس اللي قدامه سواء بيالات اكل ما ينتبه
بعض المرات يدف الصغار ويرجعون يدفونه يضحك يحسبهم يلعبون معه

مايحب الاصوات العاليه يسكر اذانه واذا طول الاصوات العاليه يصيح يعني اذا احد يصرخ عليه

يدور حوالينا ماعاد يوقف الا اذا هاوشوه

بعض المرات يوقف بالصاله يدور لمبه فوق او اي شي عشان يركز نظره عليها ويمشي وعيونه تناظر هالشي اللي ركز عليه (فهمتوا ؟)

يسكر اللمبه ويفتح يسكر ويفتح كل شوي

يفهم بعض الاوامر والكلمات يعني سكر الباب , عطني , خذ , هم (يعني أكل)

واذا ناديتيه يناظر بعينك ويضحك و يجي يضمنا

هالولد حياته كله طلعات يعني من يقوم يلبس ويطلع يتمشى اسواق مطاعم ويرجع البيت يلعب شوي ينام

ماندري هل الولد فيه شي . . ولا هالاشياء بحكم ان امه وابوه مايقعدون معه ولا يجلسون بالبيت اصلا

عنده اخت صغيرة تتفاعل معنا تضحك وتسوي حركات تضحك تقول باي وتأشر بيدها تقول دادا عمرها سنه

وبعض المرات الولد يقلد حركاتها واصواتها
نسيت شي الولد بعض المرات اذا احد جانا عادي ماكاأنه احد جا يعني ما يشوف الغريب ولا يعطيه وجه


بعض الاهل انتبهوا للولد يقولون شكله ما يسمع

اذا عنكم اسئله اسألوا عشان يتضح لكم

ياااارب ياااا كريم ان الولد يكون سليم ومافيه الا العافيه

بس حرص مني ومره ضايق صدري عليه
وقد قلت لأمه ودته لدكتور اطفال عادي قال الدكتور مو شرط ما يتكلم فيه شي عادي طبيعي
وحركاته اشوف بعضها مو طبيعيه

ودي توديه لأخصائي توحد عشان نتطمن

 

[ابوعبدالله ااا]

رد: ساعدوني هالولد فيه توحد ولا لا ؟

نقول ان شاء الله مافيه

 

[ابوعبدالله ااا]

رد: ساعدوني هالولد فيه توحد ولا لا ؟

المهم انه الى الحين مايتكلم

اذا ناديتيه ما يرد كأنه مايسمع بس انه يسمع لو شغلنا انشوده طيور الجنه من بعيد يجي ركض

هذهي صفه من صفات ابني نفس الشيى وان شاء الله ان مافيه لكن ابني تشخيص يقول ان فيه طيف توحد

 

[طيف الامل]

رد: ساعدوني هالولد فيه توحد ولا لا ؟

نفس ابني وقالوا طيف التوحد

 

[اوراق الورد]

رد: ساعدوني هالولد فيه توحد ولا لا ؟

من الضروري تشخيصة عند اخصائى توحد وان كان من الواضح انة طيف توحد لذا ضرورى تدخل مبكر وعمل برنامج تخاطب وتعديل سلوك وتدريبات مكثفة حتى يتمكن الطفل من الاستفادة والالتحاق بفصول الدمج ولا يحتاج لمدارس ذوي الاحتياجات الخاصة

 

[صبري بالله]

رد: ساعدوني هالولد فيه توحد ولا لا ؟

أختي
الطفل فيه من سمات التوحد مثل الدوران و النظر بالسقف التحسس من الصوت العالي
لكن التقليد وتفاعله مع الاطفال والنظر بالعين تحديدا شيء جيد وقد ينفي عنه التوحد تماما
تشخيص التوحد ليس سهلا ويحتاج متخصص لأنه شعرة تفرق بينه وبين اضطراب التواصل أو فرط الحركة مثلا
الأفضل ان يعرض على طبيب متخصص بالتوحد او أخصائي تربية خاصة ذو خبرة لتبدأوا البداية الصحيحة بعمر مبكر
الله الموفق