ساعدوني مع بنتي الله يسعدكم يااارب

[شمعة الدور]

اخواني واخواتي

انا تاااااااااائهه وضااااااااايعه خايفه الايااااااام تروح ومابيدي شي اسويه لبنتي

تعبت نفسيااااااااا

بنتي عمرها سنه وعشر شهور

عندها السمات واااضحه وشكيت بالبدايه انه تأخر عادي بالنطق او مشكله بالسمع بس بعد ماقريت وبحثت عرفت للاسف ان الي عندها توحد
الرفرفه وعد التواصل اللغوي والبصري وغيرها
المهم من اسبوع رحت للرياض لمركز الامير ناصر بن عبد العزيز للتوحد ودخلنا على3 اطباء وبقي واحد ولسى ماطلع التقرير لكن احس الا متاكده ان الي عندها توحد طبعا
هم قالو ان التدخل المبكر افضل
طيب مالحل انا بمنطقه خارج الرياض ولاعندنا للاسف روضات اومراكز خاصه لهالفئه
ولا اقدر اسافر خارج السعوووديه
ابغى تجاربكم نصايحكم
هل فيه مراكز اضل من الي رحت له على الاقل لو اعرف كيف ادربها على الكلام او الذهاب للحمام مستقبل
لن انسى من يفيدني بدعوه صادقه بضهر الغيب وفقكم الله

 

[ام عزو]

رد: ساعدوني مع بنتي الله يسعدكم يااارب

حبيبتي الله يسمعك مايسرك فيها
فيه موضوع هنا مثبت فالمنتدى للاعضاء الجدد اطلعي عليه
وبما انك ماعندكم مركز تدريب حاليا اقري عن حمية الكازيين والجلوتين (في حال كان التشخيص توحد)
وبعدين بما انها صغيره حاولي تحطيها فروضة اطفال لان الاختلاط بالاطفال جيد
وفيه عندك قسم التدريبات هنا فالمنتدى اطلعي عليه وعلميها مايناسب سنها
دااائما كلميها واحضنيها ولاتقولي ابدا انها ماتفهم او ماتسمع عامليها طبيعي اهم شيييييييي
حاولي تطلعينها حديقه وتلعبينها وحتى فالبيت لاعبيها وان شاء الله مايكون الا الخير
اشتغلي عليها من بدري حتى لو بالبيت

 

[نجمة الرياض]

رد: ساعدوني مع بنتي الله يسعدكم يااارب

ممكن تتكلمي مع طبيب متخصص في الحميه مثل الدان بالتلفون و تتابعي معه
ابدي معها بحميه الجولتين و الكازين كبدايه لحد ماتسوين التحليل و تعرفي اي منهم عندها حساسيه منه
عطيها اميغاء ٣ و فيامينات وان شاء الله يزيد عندها التركيز
العبي معها كثير و خليك معها ولا تتركيها لوحدها

 

[رفيق الدرب]

رد: ساعدوني مع بنتي الله يسعدكم يااارب

فيه فرق بين طيف التوحد وفرط الحركة وتشتت الانتاه

اخذي تحويل من مركز صحي قريب منكم الي مدينه الملك فهد الطبيه لديهم فريق عمل يشخص الحاله بشكل كامل

افضل من المراكز الربحية التي تبحث عن المال ووتتاجر وتستغل ضعف الناس وحاجتهم نصحية اخوية

 

[مريض بالتوحد]

رد: ساعدوني مع بنتي الله يسعدكم يااارب

الله يشفيلك بنتك ويعافيها ويقر عينك بها

 

[شمعة الدور]

رد: ساعدوني مع بنتي الله يسعدكم يااارب

ام عزو//الله يوفقك يارب ومايحتاج تشخيص الي رحت لهم مجرد اسئله عاديه كل اعرفها من النت والسمات بعد واضحه اما الروضه كيف احطها ومافيه متخصصات بحالاتها تعرفين المعلمات بالروضات العاديه يالله يتحملون الاطفال

نجمه الرياض//وين ياختي ساعديني وين القى رقم دكتور خاص بالي قلتي تعبت وانا ادور مالقيت شي!والتحاليل الي تقولين وين تتسوى بالمركز الي رحت له ماقالو لي شي عنها/وطبيب الاطفال الي عندهم قال لاتعطينها فيتامينات لانها ممكن تتسمم منها!!!!مع اني كنت اعطيها زيت كبد الحوت والحميه الي قلتي كيييييف ماعرفها!

رفيق الدرب//الله يجزاك كل خير وفعلن كلامك صحيح حسيت بالهدف المادي من دخلت عليهم لدرجه اقول لاخصائي التخاطب ابغى اي نصيحه توجيهه كيف ابدء معها بالتدريب ورفض قال لازم جلسه خاصه
بس كيف اخذ تحويل لمدينه الملك فهد اكيد الامر مو سهل لهادرجه لاني مو من الرياض كل شي صار بالواسطه حتى لهالمساكين
مريض بالتوحد//جزاك الله خير الجزاء

ارجووووووكم اخواني واخواتي خليكم معي مالي بعد الله الا انتم واسأله سبحانه ان يرفع درجاتكم دنيا واخره وان يرزقكم من حيث لاتحتسبون ويبارك بأعماركم وصحتكم

 

[حسبنا الله]

رد: ساعدوني مع بنتي الله يسعدكم يااارب

الله يشافي بنتك يارب واهم شي بنتك بعدها صغيرة يعني ان شاء الله تتحسن بسرعه ن كل ماكان الطفل صغير وبدء بالتدريب ييتطور ويتحسن اسرع انتي في البيت كلميها طول الوقت ولاتتركيها تعمل حركات التوحد كل ماشفتيها تعمل حركه اشغليها عنها بانك تلعبيها ولعبيها لعب هادف مثلا تشوفيها صورة فواكة او حيوانات او اي شي حتى صورتها والفظي اسم الشي بصورة بطيئه وانتي تشوفيها الصورة وكرري كم مرة وحتى الحمام دربيها عليه بان توديها للحمام كل ربع ساعه وهيه راح تتعود وتتعلم بس كل شي تعمليه تكلمي عنه امامها مثلا نلعب ناكل نلبس مع ذكر اسمها مثلا فلانه تاكل او تلعب وهكذا والحمية ادخلي لقسم الحميه واقري عنها لان الحمية تزيد من تركيز الطفل واعمليلها عند اي مختبر او طبيب اطفال تحليل دم وشوفي اذا كانت محتاجه فيتامينات او حديد حسب النسبه عندها واهم شي الدعاء لله والتصدق بنيه شفاءها ولاتخافين اهم شي انك اكتشفتيها مبكرا والله يفرحك فيها يارب

 

[العنزي]

رد: ساعدوني مع بنتي الله يسعدكم يااارب

اختي الكريمه الله يشفيلك بنتك يارب ويعينا ويعينك
نصيحتي لك اول شي انتظري صدور التقرير بحالة بنتك من المركز والمركز هذا ممتاز ونحسدكم يا أهل الرياض عليه
انصحك بسماع محاضرة اخونا ماجد الشايقي(الكشاف)وهو عضو معانا بالمنتدى وهو اللي شايل الهم معانا الله يوفقه ويكتب له الاجر والثواب اكتبي في مستطيل البحث اللي بالمنتدى(محاضرة التوحد) واسمعيها زين لانها مفيده لنا ومهمه
وبعدين روحي لليوتيوب واكتبي الدكتور محمد المومني فيه لقاء معاها عن التوحد يوضح لك كل شي ومهم جدا تشوفين الحلقه كامله وهي مجزئه بالمقاطع
وفي حالة لاسمح الله تم تشخيص بنتك توحد اتصلي بأخونا ماجد الشايقي-ابومحمد وهو عندكم بالرياض وهو يقولك ايش تسوين تحصلين رقمه في ملفه الشخصي بالمنتدى
وفيه دكتور لبناني نتابع معاه يجي للسعودية كل 6 شهور واغلب الاهالي متابعين معاه وانا من ضمنهم وجيته للسعوديه بفضل الله سبحانه ثم بجهود اخونا ماجد علشان الناس اللي ماتقدر تسافر للخارج
وانصحك لاتستخدمين اي علاجات ولا تسوين اي شي الابعد التأكد والاتصال بالاخ ماجد واللي لازم تسوينه اللحين ممنوع تعطينها اي شي من السوبر ماركت يعني الشغلات اللي يحبونها الاطفال مثل البسكوت والشكولاته والجبس لانها فيه بلاوي ومواد حافظه وألوان اصطناعه مضره بالاطفال وخلي كل اكلها عضوي يعني طبيعي وابعدها عن القمح والحليب
ولاتنسينا من الدعاء
​

 

[نجمة الرياض]

رد: ساعدوني مع بنتي الله يسعدكم يااارب

هلا شمعه
اتمنى ان تكوني بخير

ماادري كيف قيم المركز حاله بنتك بس انا حتى الان ماعطوني تقييم نهائي لابني لكن مثل حالتك انا احساسي ان ابني عنده توحد

خلي اقول لك تجربة تقييم حالة ابني المبدئية

بدايه طلبت مني طبيب نمو الطفل ان اجيب على مجموعه اساله خاصه بتطوره النمائي يعني كيف كانت ولادته نوع الرضاعه متى جلس متى بداء ياكل متى بدا يمشي هل تكلم لو حرف هل كان يناغي قبل عمر سنه
بعد كذا سالتني كيف يعبر عن حاجاته مثل اذا هو جاع كيف يطلب الاكل
وسالتني هل بداء يشرب بالكاس ولا لسى وهل ياكل بالملعقه ولا لسى وهل تدرب على الحمام
بعدها سالتني مجموعه اساله تتعلق بالتوحد الى هي مقياس مؤشرات التوحد هل يبدى اهتمام بالاطفال الاخرين، هل ياشر على الاشياء... الخ
بعدها خلته يلعب وصارت تراقب كيف يتصرف وهو يلعب عطته كوب حق اللعب صغير وشافت ايش سوى بالكوب بعدها خلته يلعب بلعبه صغيره بعدها اخذتها منه وغطتها بمنديل وشافت ايش سوا هل نسى موضوع اللعبه ولا انه رفع المنديل وطلعها. بعدها جابت خرز كبير وخيط و نظمت الخرزه بالخيط وبعدها عطته الخرزه و الخيط وشافت هل هو ينظمها مثل ماسوت ولا يلعب بالخيط لحاله او باخرزه لحالها
بعد كذا سوت قياس لمحيط الراس عشان تتاكد ان حجم راسه اكبر او اصغر من الطبيعي و تستبعد اي مرض ثاني
بعدها سالتني اذا في جسمه اي بقع حمراء وبصراحه ماادري ليه سالتني هالسؤال
المهم بعدين سالت هل عنده مشاكل في القلب و فسخت ملابسه وفحصت دقات قلبه و شيكت على بطنه و طالعت في اجزاء جسمه
بعدين فسخت نعوله و خلته يمشي قدامها وصارت تلاحظ طريقه مشيه
وايضا سالتني هل هو يطلع الدرج ولا لسى وهل هو يتخرفع بالاشياء وهو يمشي ولا ينتبه لطريقه ويبعد عن الاشياء الى في طريقه
وبعد هذا كله قالت لي ان عنده بعض خصائص التوحد لكن ماتقدر تجزم الا بعد كم شهر و لازم ٣ اشخاص يفحصون الطفل مره ثانيه ويحددون

انا بصراحه ماطمني الوضع ومثلك صرت افتش بالنت وكل شوي يزيد يقيني ان ابني يعاني من التوحد وحتى لو ماكان توحد كلاسيكي الا انه فيه سمات من التوحد
عشان كذا اتصلت بطبيب من الاطباء الى يعالجون ببرتكول الدان
وقبل مااكلمه كنت بديت اعطي ابني زيت سمك القد (ملاحظه ترى الى موجود في السوق بعضه مايناسب الاطفال اقل من ٣ سنوات... فيه نوع خاص مخفف خاص بالاطفال الصغار)، وبنفس الوقت اشتريت ملتي فيتامينات خاصه بالاطفال (مشكل ابني انه ماياكل الاكل الصحي ). اذا بنتك ماعندها مشاكل في تقبل الاكل احسن لك تبحثي عن المصادر الطبيعيه للفيتامينات وخاصه فيتامين ب و جيم و الاوميغا٣
وطبعا منعت عن ابني كل المنتجات الى تحوي جولاتين و كازين حتى اني غيرت له حليب الاطفال الي هو يشرب. و بديت اتعلم كيف اعمل الخبز في البيت

كلمت طبيب يعالج بالدان وشرحت له ظروفي وانا مااقدر اراجعه في العياده في الوقت الحالي وتفهم
وقال لي اعطي ابني فيتامينات ب ١٢ و ب٦ و جيم و اعطيه اوميجا ٣و مغنسيوم و زنك
طبعا هو طلب مني اعمل التحاليل التاليه:
تحليل الغده الدرقيه
قوه الدم
الحديد
وظائف الكبد
زظائف الكلى
وقال لي ارسل له التحاليل لما اسويها

بصراحه انا ماعطيت ابني الفيتامينات الى هو قال عنها مع اني اشتريتها و السبب اني قلت اتطمن على وضع الكلى و الكبد و نسبه الحديد و غيرها من الاشياء قبل لا اعطي ابني اي شي اضافي

بالاضافه الى هذي التحاليل هو قال لي انه اذا انا قدرت اجيه العياده راح يعمل تحليل حساسيه الطعام و تحليل تراكم السموم
انا حاليا راسلت المعمل الامريكي و المعمل الفرنسي وطلبت منهم العبوات حق التحاليل و الظاهر بتعامل مع المعمل الفرنسي لان هنا مدحوه اكثر من الامريكي

 

[شمعة الدور]

رد: ساعدوني مع بنتي الله يسعدكم يااارب

حسبنا الله/الله يبارك فيك بس الي ذكرتي صعب اطبقه مع بنتي احسها مو فاهمه شي نهائي نهائي يارب رحمتك يااااااااارب

العنزي/ربي لايحرمك مادعيت لك ويسعدك دنيا واخره كلامك كان مهم بالنسبه لي بس بقولك الله يحفظك انا مو من الرياض انا من القصيم وماعندنا اي مراكز متخصصه وحتى السفر بالرغم انه الرياض مو بعيده لكنه لايتوفر لي القدره له دائما لعده ارتباطات للاسف
وبسألك بعد الاخ ماجد والاخ الكشاف كيف شغلهم واحد ولا شلوون؟؟
والدكتور اللبناني وين يجي زائر؟؟؟؟؟؟؟؟
وانت تقول انتضر يطلع تقرير بنتي!مايحتاج الامر عندي مو شكوك السمات واضحه جدااا وحتى الاطباء بالمركز الي رحت له اسئلتهم مثل بعض وكلها شايفتها بالنت وعارفه وش بيكون ردي
بس ارجوووووك لاتنسى ترد علي بخصوص اسئلتي الله يقر عينك بعافيه من تحب يارب

نجمه الرياض/بنتي لسى باقي طبيب ويصدر التقرير وانا افكر خلاص ماروح لهم لاني عارفه وش بيكون التقرير وبعدين وش بستفيد وانا ماقدر اتابع معهم بالتدخل المبكر وكل تجربت بنتك والاختبار الي سووه لها نفسه صار لبنتي
طيب كيف احصل على رقم الطبيب الي كلمتي؟
وزيت سمك القد قال مافيه الانوع واحد الصيدلي وقال عادي اعطيه للبنت
نفسي اقدر اتواصل معكم كأمهات بالتلفون بس كيف؟؟؟؟

اخواني اخواتي الله يتقبل دعائي لكم بهالساعات المباركه ربي يحقق لكم كل ماتتمنووووون ياااااااااارب
وبقولكم شي الصراحه انا جديده بهالمنتدى بس تعبت ناس تقول الحميه وناس تقول بس حرمان بدون فايده لانها تخفف الاعراض لكن المرض ماله علاج
والي احبطني زياده صديقه لي ابنها عمره 9 سنوات وتوحدي
وقالت لاتتعبي نفسك كل شي سويته وديته كل مكان الى اوروبا كل شي جربت
ماله حل الا الدعاء وبس
تعبت نفساااااااا
ماعرف كيف ارتب تفكيري

 

[نجمة الرياض]

رد: ساعدوني مع بنتي الله يسعدكم يااارب

والله ياشمعه الواحد يعمل الى يقدر عليه وان كانت الحميه تخفف من اعراض المرض فمايخالف اقله مايتدهور حال الطفل وينعزل كليا

والله المنتدى للاسف مايسمح بالرسائل الخاصه بين الاعضاء و صعب احط رقمي على العام ولا حتى ايميلي ولا اتمنى اتعاونك معاك و نتشارك بهمومنا
على العموم د.المؤمني رقم تلفونه موجود في موقع عيادته على الانترنت هذا ايميله mmomani55@hotmail.com
وماادري عن سياسه المنتدى بس الظاهر رقم جواله موجود في احدى المواضيع السابقة

هذي فيتامينات اعتقد يوصفونه بالسعوديه ومتوفر في الصيدليات:

Seven Seas Haliborange Baby & Toddler Multivitamin Liquid - 200ml



ويناسب للطفل من عمر شهر

وهذا زيت سمك القد المناسب للاطفال


Carlson Labs, Kids Norwegian Cod Liver Oil, Lemon Flavour, 8.4 fl oz (250 ml)

هذا النوع يمدحونه في النت ويقولو انه صافي وافضل الموجود

هو سعره غالي شوي العلبه تقريبا ب ١١٠ ريال

 

[نجمة الرياض]

رد: ساعدوني مع بنتي الله يسعدكم يااارب

سالت عن المراكز في القصيم
قالو فيه مركز الجفالي يقدم خدمات لاطفال التوحد
والظاهر فيه مركز خاص بذوي الاحتياجات الخاصة بالبدائع بس مادري يقدمون خدمات للتوحديين ولا لا


على فكره اغلب الى فشلت معهم الحميه يكونون اصلا ماطبقو الحميه بشكل صحيح

 

[نجمة الرياض]

رد: ساعدوني مع بنتي الله يسعدكم يااارب

من خلال البحث في النت لقيت لك التالي:

مركز التميمي بشارع ابن دخيل بعنيزة .. لكن الآن اعتقد يعطي دورات فقط للنساء

ومركز الجفالي بطريق المدينة بعنيزة ..

وفيه مركز بالرس فتح او راح يفتح قريب بدعم من خالد البلطان

مركز قدراتي ببريده

http://www.buraydh.com/forum/showthread.php?t=278252

مستشفى سليمان الحبيب

http://www.drsulaimanalhabib.com/index.php?option=com_content&view=article&id=201&Itemid=228&lang=ar

لكن للاسف كل المراكز مافيها تدخل مبكر على ماظن
كلها الظاهر من عمر ٣ سنوات وفوق

 

[ام عزو]

رد: ساعدوني مع بنتي الله يسعدكم يااارب

اختي انتي باول الطريق وربك ان شاء الله بيسهلها
واحنا بايام مباركه لاتسي الدعاء وربي ينور طريقك بالنسبه للروضه مقصدي اختلاطها بالاطفال مبدئا
والقصيم ما اعرف فيها شي
كل المراكز اللي اعرفها فالرياض وليش ماتروحين تشوفين التشخيص ؟ لانهم يعطوك درجة التوحد وخذي من الدكتور نصايح قد تفيدك
بالنسبه للحميه انتي اللي راح تحكمي من جدواها مع بنتك او لا؟
اقل شي ٤او٦شهور وشوفي بعينك النتايج واهم شي ماتهملي الفيتامينات والمكملات الغذائيه وبدائل لاكلها شوفي اطلعي على قسم للحميه بالكامل لاني ما اعرف شي بالقصيم
وانا اختك الحميه راح تفيدك اكيد باذن الله اذا بتك تعاني من اعراض هضميه واضحه مثل امساك او اسهال
واهم شي التدرييييييب نصيحه هي ٧٠٪من العلاج وربك بين لاتشيلي هم

 

[العنزي]

رد: ساعدوني مع بنتي الله يسعدكم يااارب

يااخت شمعه انا اب لطفل توحدي عمره5 سنوات انا قبلك لفيت السعودية كلها وماخليت طريقة ماسويتها علشان ولدي ابراهيم وماني عارف وش مع ولدي ولااعرف ايش التوحد وكنت الف بالولد من عمرسنتين وبعدين يااختي شخصو حالته طيف توحد واللي شخصوه مستشفى النفسية وكان عمره 3ونص وقالوا لازم دخله مركز تعديل سلوك وتبهذلت وتعبت ونقلت حتى عملي واسرتي ودخلته مركز خاص لمدة سنه ونصف وصار عمره 5سنوات ولااستفاد الولد شي بالمره شوفي الدوامه اللي عشتها ولاارضى اشوف احد ضايق ومحتار وماهو عارف ايش يسوي يعيشها وبعدين ياأختي سمعت بالحميه والتحاليل وماكنت عارف وش السالفة ودخلت المنتدى اطلب المساعده مثلك اللحين

المهم خلينا بالمفيد اول شي اجاوبك على اسئلتك بالنسبه للاخ ماجد الشايقي هونفسه الكشاف شخص واحد يعني لقبه بالمنتدي الكشاف واسمه الحقيقي ماجد الشايقي ابومحمد وهو عنده طفل توحدي مثلنا ومتابع اكثر من 800 حالة توحد شوفي كيف مجهود هذا الرجل الله يجزاه عنا خير اما بالنسبه للدكتور اللبناني فهو من بروتيكول الدان ومثل ماقلت اول يجي هنا بفضل الله ثم بجهود ابومحمد سؤالك متى يجي يجاوبك عليه ابو محمد واذا جاء الدكتور يقسم جدوله او يشوف مرضاه في 3مدن وهي(الرياض)(جده)(الدمام) وانتي حددي وش يناسبك لاكن اشوف اقرب شي لك الرياض وطبعا مارح اتقابلين الدكتور الابعد اجراء التحاليل تقولين ايش هاذي التحاليل اقولك هي تحاليل بول ودم الله يكرمك خاصه بالتوحد وتعمل خارج السعوديه التفاصيل يقولها لك ابومحمد واذاسويتي التحاليل يقولك الدكتور ايش مع بنتك وايش علاجها وانصحك بعد لادخلي بنتك اي مركز خاص لانهم نصابين وماهمهم الا المادة وانا اللحين ابراهيم عندي بالبيت ودربه امه بالبيت وصرت ماوديه المركز لاني طفل التوحد لازم انعالج جسمه علشان يقدر يستفيد من التعلم لان التوحد اضطرابات في وظائف الجسم ولازم يااختي تسمعي المحاضره واللقاء اللي قلت لك علشان يكون عندك معلومات بالتوحد
لاكن اللي لازم تسوينه اللحين تسوين لها تخطيط مخ وتخطيط سمع علشان تطمنين عليها

اخر شي يااختي حاب اقوله لك تفائلي بالخير بنتك لسه صغيره واحمدي الله انك كشفتي حالتها بدري لان فيه ناس اكتشفو حالة ابنائهم متأخرين ولاتعطين بنتك اي دواء لان التوحد انواع وكل نوع له علاج اضرب لك مثال
لو فيه 3 اشخاص يشتكون من ألم في البطن وتم تشخيص الاول قالون والثاني جرثومه بالمعده والثالث قرحه اكيد العالج يختلف بينهم مع ان العرض واحد
لاتنسينا من دعائك
​

 

[تناهيد]

رد: ساعدوني مع بنتي الله يسعدكم يااارب

والله ياشمعه الواحد يعمل الى يقدر عليه وان كانت الحميه تخفف من اعراض المرض فمايخالف اقله مايتدهور حال الطفل وينعزل كليا

والله المنتدى للاسف مايسمح بالرسائل الخاصه بين الاعضاء و صعب احط رقمي على العام ولا حتى ايميلي ولا اتمنى اتعاونك معاك و نتشارك بهمومنا
على العموم د.المؤمني رقم تلفونه موجود في موقع عيادته على الانترنت هذا ايميله mmomani55@hotmail.com
وماادري عن سياسه المنتدى بس الظاهر رقم جواله موجود في احدى المواضيع السابقة

اختي الكريمه
صحيح الرسائل الخاصه غير متاحه بين الاعضاء لاسباب ذكرناها من قبل
لكن يمكنك ارسال رقمك وايميلك لاي مشرفه وهي بدورها ترسله لمن تريدين

 

[نوارة الشام]

رد: ساعدوني مع بنتي الله يسعدكم يااارب

السلام عليكم اختي الفاضلة هذه صفحة على الفيس بوك انشأتها و جمعت فيها الصور التي ادرب ابني عليها و هي صور لجلسات التخاطب ارجو من الله ان تكون محل افادة لك بامكانك استخدامها في المنزل و انت دربيه عليها http://www.facebook.com/SwrTkhatbLltwhd?ref=tn_tnmn

 

[شمعة الدور]

رد: ساعدوني مع بنتي الله يسعدكم يااارب

نجمه الرياض/اتعبتك معي الله يوفقك وبالنسبه للمراكز اغلبها للاعاقات الا الجفالي ومستواهم للاسف اقل من الوسط وان شاء الله بدور على الفيتامينات والزيت بالصيدليه ورقمي ارسلته للاداره حتى يوصلونه لك وان شاء الله اتواصل معك

أم عزو/الله يجزاك خير والله مانسيت بنتي وعيالكم بالدعوات بهالايام المباركه ربي يتقبل والروضه ياقلبي يبون طفل على الاقل يعرف اسمه ويتفاعل معهم لكن كذا بيتعبون ويملون من البنت الله المستعان بس
والتشخيص افكر ماروح ولااخذه والله اني استفدت منكم بهاليومين الي دخلت فيها للمنتدى اكثر من 3 اطباء بالمركز كلهم يرددون نفس الكلام
طيب بسألك شي مهم كيف الحميه بالضبط انا دخلت كم موضوع هنا مافهمت مدري كيف افطم بنت بهالعمر عن الحليب اصلن اكلها بسييييييييييط وتحب الزبادي وش البدائل طيب؟؟وين ووش افضل المكملات؟؟
وقريت ان الحميه تختلف من طفل لطفل وياليت تقولين لي كيف كان تدريبك لابنك؟؟؟؟

العنزي/معروفك لن انساه ماحييت ربي يحقق لك كل ماتمنى ويسعدك دنياو اخره وانا سويت الان ماقلت لي كلمت الاخ الكشاف الله يوفقه وما قصر بس للاسف تأخرت ومافيه وقت اسوي تحليل لبنتي لان اخر موعد كان الاربعاء وسمعت المحاضره وفهمت اشياء كثيره سبحان الله وربي انك صدقت اني بدوامه الله اعلم بها كل الي مريت فيه مع ولدك هو فعلن الي انا اعيشه الان ربي يقر عيونك بصحه وليدك يارب

نواره الشام/الله يسعدك ياااارب وبسألك ليه نركز على الصور لطفل التوحد اخاف يعتمد على الشكل ومايقدر يتكلم؟؟ومن عمر كم نبدأ يعني ممكن بنتي وهي بهالعمر تفهم!!

اللهم في هذه الساعه المباركه اسألك لكل من قرأ ورد واجهتد في موضوعي هذا وكل من ساعد في هذا المنتدى راحه له تملأ قلبه ورضا يغمر قلبه وفرجا يمحو همه يارحم الراحمين ا

 

[نجمة الرياض]

رد: ساعدوني مع بنتي الله يسعدكم يااارب

هلا اختي شمعه الدور
ترى ماوصلني رقمك وحتى انا ارسلت ايميلي للاداره عشان يعطوه لك
واذا ممكن تكتبي ايميلك هنا وانا اراسلك عليه يكون افضل لان انا برة السعوديه حاليا وبيكون صعب التواصل بالتلفون
انا حالة ولدي مثل حاله بنتك و يعشق الزبادي و الخبز وكانو غذاءه الوحيد بس الان وقفتها عنه نهائيا
وبوجه عام اكل الطفل التوحدي يكون في اصناف محدوده