سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

[أختكم فى الله]

سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

السلام عليكم ورحمة الله وبركاته
من حوالى 7 شهور من إكتشاف مرض بنتى وأنا مش عارفة أستقر على تشخيص أو مركز للعلاج
وكان بالنسبالى مركز للعلاج السلوكى أهم لأنه هيساعدنى كتير وهيخفف عنى .. بس المشكلة إن أقرب مركز لبلدى يبعد عننا حوالى ساعة ونصف سفر .. وكنت رضيت وقولت مش مهم التعب .. ومع ذلك طلع مش كفء ولا ثقة
فنويت إنى أروح للدكتورة منال عمر وأدرب عندها ولو ليوم فى الأسبوع وباقى الأسبوع عليا بس هى تشرف عليا وتوجهنى ... ومازلت منتظرة معاد الزيارة المؤجلة ليوم 4 |12
وأوقات كتير أحس إنى متضايقة من العيش فى مدينتى لأنها تخلو من أى خدمات خاصة بالتوحد حتى إن الحضانات العادية مش كفء أو بالمستوى المطلوب
وكان بالنسبالى حلم إن يكون بجوارى مركز تقضى فيه بنتى بعض الساعات المفيدة وأكمل أنا بعد كدة معاها بدون سفر أو إرهاق ليا وليها



وفجأة من يومين لاقيت زوجى راجع من عمله ومعاه إعلان فى إيديه ومخبيه وراء ظهره وبيقولى معايا موفجأة ليكى (إعلان عن إفتتاح مركز للأطفال .. للتخاطب وتعديل السلوك وتنمية المهارات والتوحد ) فيييييييييين يادوووب أوصله 10 دقائق مشى أو بالكتيييير ربع ساعة

أنا فرحت وخوفت فى نفس الوقت ...... لأنى حسيت بعدم الثقة فى إمكانياته حتى قبل ما أشوفه .... حتى الآن أنا لسه مزورتش المركز .. بس أخدت معاد مع أخصائية التوحد يوم السبت علشان أقابلها واتكلم معاها

وكنت عايزة اعرف منكم ضرووووووووووورى قبل ما أقابلها
أولا يعنى إيه أخصائية توحد .. (يعنى إيه الفرق بينها وبين أخصائى تعديل السلوك والتخاطب وتنمية المهارات )

ثانيا إزاى أقدر أحكم على المركز ده يعنى إيه الأسئلة إللى ممكن أسألهالها ومن إجاباتها أقدر أحكم على شغلهم أو نواياهم

لأنى بجد قلقانة وفى نفس الوقت مستغربة .. مكونتش أتخيل إن ممكن المركز ده يكون فى بلادنا ولو بعد 100 سنة بجد حتى إنى حاسة إن ممكن بنتى الوحيدة إللى تكون فى البلد عندها توحد .. وبقول سبحان الله يمكن ربنا بعتهولى علشان كنت بدعى وأقول يارب يسرلى سبل علاج بنتى
طبعا ده مش هيلغى زيارتى للدكتورة ومتابعتى معاها إن شاء الله .... بس برده أتمنى إنى أستفيد منه ...... منتظرة ردودكم الكتييييييير إن شاء الله حتى يوم السبت وأقولكم بعد كدة إن شاء الله على نتائج الزيارة

 

[بقايا الامل]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

مبروك عليكم افتتاح المركز
وان شاء الله تسفيدو منه
واتمنى لابنتك الشفاء العاجل

 

[انوشا]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

الف مبروك افتتاح المركز واشكري الله على نعمه الكثيرة علينا أولا اسالي الاخصائية ماذا يقدمون للاطفال من خدمات اي فقط تعديل سلوك او تعديل سلوك وتخاطب وكم مرة في الاسبوع جلسات التخاطب وهل يتم دمج جميع الاعاقات في فصل واحد أو يتم عزل الاعاقات حسب العمر ونوع الاعاقه اذا بلغوكي انهم يجمعون الاطفال بمختلف اعاقاتهم في فصل واحد ففكري بالامر وهل يتم وضع خطه او برنامج للتدريب وتعليم الطفل و يجب اطلاعك على الخطة بتقرير يرسل لكي اسبوعيا وماهي جنسية المعلمات وهل هم متخصصين ومن يشرف على المركز هل وزراة معينه مثلا عندها سيتم متابعة المركز من الوزارة مثلا وهل الاسعار مبالغ فيها ام انها معقوله لأن هناك مراكز تستغل حاجة الناس لهذا النوع من التدريب فيستغلون برفع الاسعار بطريقه غير معقوله فتعرفين انهم يسعون وراء النقود وليس الهدف الاساسي من انشاء المركز
أرجو أن اكون قد اجبت على جميع اسئلتك ووفقكي الله لما هو خير

 

[تريم]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

اختي الحمد الله انو تم افتتاح المكان وقريب منك وهاي بشرى كتير منيحة

اخصائية توحد هي تعرف كل ما يخص ويتعلق في طفل توحدي

اذهبي لها وهناك ستجدي الاجابات الى جميع الاسئلة التى تدور في راسك

وهي اكيد راح تكون معك خطوة بخطوة وراح تستفيدي منها بشكل كبير

 

[كلي امل في الله]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

انشاء الله يكون بداية الخير عليكم

وبصراحة لما يكون قريب عليكم بيكون فية راحة لإبنتك

وبصراحة الأخت انوشا ماقصرت أعطتك الأسئلة الي المفروض تسأليها

ولك خالص التوفيق

 

[جوليا]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

مبروك .. ان شاء الله يكون كويس و تستفيد منه ابنتك
لاتلغي زيارتك للدكتورة روحي عشان تعرفي المتوقع من ابنتك و بالتالي تعرفي مدى استفادتها من المركز
و بالتوفيق

 

[محمد عنتر]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

بسم الله الرحمن الرحيم
الاخت الكريمة " اختكم في الله " ارجو ان يكون افتتاح مركز لتأهيل ذوي الاحتياجات الخاصة بمدينتكم بداية قوية لنشر الوعي والتحرك على ارض الواقع لانشاء مراكز تهتم بفئة تحتاج الى الصدق في القول والعمل ... وارجو ان تستفيد ابنتك واطفال مدينتك من هذا المركز وان يسدد خطاهم ...
الاخت الكريمة بالنسبة لاخصائي التوحد هو اخصائي تربية خاصة مسار الطفل التوحدي لابد ان يكون حاصل على بكالوريوس في علم النفس ثم شهادة او دبلوم عالي تخصص توحد هذا اقل شيء ويفضل ان يكو حاصل على ماجستير في التربية عن موضوع يخص اضططراب التوحد ... بجانب تدريبه العملي وثقافته في كل ما يتعلق بالتوحد ( المفهوم - الاسباب - الاعراض-طرق العلاج - ... لابد ان يتقن العلاج السلوكي وفنياته لان ما يطبق مع الطفل ذوي الاحتياجات عامة يطبق مع طفل التوحد مع مراعاة خصائص الطفل التوحدي ... لابد ان يكون لدية ايمان قوي بقدرة الطفل التوحدي على تعلم كثير من المهارات ان يكون لدية القدرة على التواصل مع اولياء الامور للتعاون معهم بخصوص كل جديد ... وللحديث بقية مع تحياتي

 

[محمد عنتر]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

بسم الله الرحمن الرحيم
الاخت الكريمة " اختكم في الله " ارجو ان يكون افتتاح مركز لتأهيل ذوي الاحتياجات الخاصة بمدينتكم بداية قوية لنشر الوعي والتحرك على ارض الواقع لانشاء مراكز تهتم بفئة تحتاج الى الصدق في القول والعمل ... وارجو ان تستفيد ابنتك واطفال مدينتك من هذا المركز وان يسدد خطاهم ...
الاخت الكريمة بالنسبة لاخصائي التوحد هو اخصائي تربية خاصة مسار الطفل التوحدي لابد ان يكون حاصل على بكالوريوس في علم النفس ثم شهادة او دبلوم عالي تخصص توحد هذا اقل شيء ويفضل ان يكو حاصل على ماجستير في التربية عن موضوع يخص اضططراب التوحد ... بجانب تدريبه العملي وثقافته في كل ما يتعلق بالتوحد ( المفهوم - الاسباب - الاعراض-طرق العلاج - ... لابد ان يتقن العلاج السلوكي وفنياته لان ما يطبق مع الطفل ذوي الاحتياجات عامة يطبق مع طفل التوحد مع مراعاة خصائص الطفل التوحدي ... لابد ان يكون لدية ايمان قوي بقدرة الطفل التوحدي على تعلم كثير من المهارات ان يكون لدية القدرة على التواصل مع اولياء الامور للتعاون معهم بخصوص كل جديد ... وللحديث بقية مع تحياتي

 

[أختكم فى الله]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

السلام عليكم ورحمة الله وبركاته

أختى بقايا الأمل الله يبارك فيكى وجزاكى الله كل خير

أختى أنوشا ربنا يباركلك فعلا أسئلتك كلها مهمة وإن شاء الله هكتبها فى ورقة علشان منساش
أما بالنسبة للمركز .. مكتوب فى الإعلان .. (وزارة التضامن الإجتماعى الجمعية العلمية للتدريب وتنمية الموارد البشرية تعلن عن بدء دورات للأطفال ( تخاطب - تعديل سلوك- تنمية مهارات -صعوبات تعلم - توحد ) معنى كدة إنها تبع وزارة يكون افضل زى ما بتقولى

أختى تريم - كلى امل فى الله جزاكم الله كل خير وبارك الله فيكم

أختى جوليا جزاكى الله كل خير أكيد بإذن الله مش هلغى زيارة الدكتورة لازم كل خطوة أعملها بإذن الله تكون بإشراف طبيب مختص وأسأل الله التوفيق وتيسير كل السبل الصحيحة لعلاج بنتى وشفاءها إن شاء الله

جزاك الله كل خير اخى محمد عنتر ربنا يجعله فى ميزان حسناتك مشاركتك أفادتنى كتير .... أنا فعلا أكثر شئ يهمنى جدا إنى أعرف هل المدربين فى المركز ده مؤمنين بالقدرات إللى ممكن يوصلولها الأطفال وإنهم ممكن ربنا يشفيهم ويصبحوا أطفال طبيعين زى ما كلنا نأمل ذلك وهو ده هدفنا ..... ولا إنهم بس مجرد تاديت واجب مع فقدان الأمل فى تحسن حالتهم وإنه مرض مزمن صعب العلاج وعملهم مجرد محاولات لتخفيف بعض الأعراض ... نفسى ألاقى حد يتعامل مع بنتى ويدربها بضمير وحب ويكون حابب يشوف نتيجة عمله عبارة عن تحسنات تحدث للطفلة وغيرها من الأطفال مش مجرد الراتب إللى بيتقاضاه من المركز
بس مش عارفة بصراحة أقدر أسألها إزاى على مؤهلها حاسة إنى هكون محرجة أو يستحسن إنى أسأل مدير المكان أو المشرف عليه عن مؤهلات العاملين فى المركز ؟

 

[ضحية التوحد]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

ويا ترى؟؟.. حضرتك..من اي مجافظة؟؟؟؟؟؟؟؟يمكن نكون بلديااااااااااات؟؟؟؟؟؟؟؟؟؟؟؟؟موفق بإذن الله ... لك مني أجمل تحية .

 

[عذاب الفراق]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

اولا الف مبروك على بارقة الامل دي ويارب تفيد بنتك
ثانيا ان لما رحت زيارة مصر السنه دي لقيت وزارة التضامن الاجتماعي عاملة عندنا في المعادي في المناطق الشعبية الفقيرة مراكز كتير تقريباً كل مسافة صغيرة وانا رحت بابني اقرب مركز لينا بصراحة كلهم ممتازين وخبره ولانهم تعه الوزارة فهناك متابعة لهم وكلهم اخصائيين بالرغم من ان المكان صغير جدا ومتواضع لكن اغلب العاملين فيه اخصائيات مثقفات وذو خبرة وبصراحة ابني استفاد منهم في فتره الاجازة لانه كان بيروح من الساعة 9 الى الساعة 4 مهما كان احسم من قعدته في البيت بدون فايدة 4
يارب يكون المركز اللي عندك كمان ممتاز وتستفاد بنتك وربنا يشفيها

 

[أختكم فى الله]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

السلام عليكم ورحمة الله وبركاته

أختى ضحية توحد .. أنا من محافظة كفر الشيخ ويشرفنى لو كنتى بلدياتى :16:


أختى عذاب الفراق أنا زرت المركز النهاردة كنت هناك من ساعة بس يبدو إنه مش زى إللى بتحكى عنه أنا هقولكم دلوقتى إللى حصل وإنتوا تحكموا وتساعدونى إن شاء اللع

 

[أختكم فى الله]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

السلام عليكم ورحمة الله وبركاته
أنا زورت النهاردة المركز ... إللى حصل إنى دخلت المركز لاقيت شابة قاعدة على مكتب عليه كمبيوتر وشوية أوراق .. ومفيش حد غيرها تقريبا فى المكان لا أطفال ولا كبار .. المهم سألتها فين الأخصائيين إللى هنا .. قالتلى أنا أخصائية .. فسألتها حضرتك أخصائية إيه؟؟ قالتى تخاطب
قولتلها أنا كنت عايزة أقابل أخصائية التوحد .. قالتلى أنا برده أخصائية التوحد (طبعا إستغربت وبدأت امالى عن المركز تنهار)
فقولتلها يعنى مفيش أخصائيين غيرك فى المركز .. قالتلى لأن لسة المركز جديد ومفيش غير طفلين تقريبا فلما العدد هيزيد هيبعتولنا إن شاء الله أخصائيين

بس إللى فهمتوا من الكلام ده إن حتى لو بعتوا أخصائيين كمان أكيد هيكونوا بردوا زيها كدة يعنى بتاع كله

سألتها عن الخدمات والخطط والبرامج إللى هيتبعوها إن شاء الله مع الأطفال ... قالتلى لما نشوف الطفل هنحدد إن شاء الله
سألتها عن فكرة دمج الإعاقات مع بعض .. نفت الموضوع تماما وقالت إن دمجهم مع بعض هيظلمهم لأن لكل إعاقة إمكانيات وشغل مختلف
سألتها عن تصورها لأطفال التوحد .. قالتلى إنها دربت فى مركز قبل كدة وكان معاها طفل توحدى والحمد لله بقى كويس وهو دلوقتى فى أولى إبتدائى .. يعنى هى مش شايفاه مرض مزمن ومؤمنة إن طفل التوحد عنده قدرات محتاجة إللى يساعده فى إخراجها وكمان إن الشغل مع اى طفل عنده اى إعاقة لازم يكون بضمير والتعامل مع الله أولا قبل الأجر المادى أو أى شئ ( بصراحة ده الشئ الوحيد إللى حسيته من كلامها رايحنى وهى يبدو عليها إنها متدينة ومهذبة )

وسألتها عن مؤهلها .. قالتلى إنها معاها معهد خدمة إجتماعية وواخدة دورات فى الإعاقات العقلية والسمعية والحمد لله كان تقديرها إمتياز وعندها خبرة فى التدريب )
بس أنا مظنش إن عندها اى خبرة فى تدريب طفلة عندها سنتين .. لأنها هى نفسها إستغربت جداا لما قولتلها إن عندها سنتين

بصراحة حسيت إنه مش المركز إللى تخيلته خالص ولا حتى نص إللى تخيلته
بفكر بس إنى إن شاء الله بعد ما أروح للدكتورة منال وأشوف هى هتقولى إيه بالنسبة لتدريبها .. لو مكنتش هقدر أنفذ إللى بتقول عليه لوحدى بدون تقصير ممكن أستعين بالأخصائية دى فى البيت برايفيت وأنا أعتقد إنها هتوافق بسهولة إن شاء الله .. وكمان لسة مترددة فى الفكرة دى .. إن شاء الله زيارة الدكتورة هتساعدى فى قرارت كتير ربنا ييسر الحال

بس إنتوا إيه رأيكم فى إللى حكيته ده

 

[ام مهجه]

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

رد: سبحان الله ..فجأة.. تم إفتتاح مركز عندنا فى بلدنا المتواضعة جدااا !!!l

مبروك افتتاح المركز ويارب تستفيد الحبوبه منه اختى استخير الله واذا في خير وديها وانت حتحسى بكده والله يقدرلها الخير يارب ويسهلك امرك يارب