شجـــنٌ شعـبي ( عـراااقـي )

[مهتمة]

لميـنـــي

لميــــني طـشـنـي الوقت
طشت رماد بريح

لابيـا قومه وقمت !
لابيا صوت يصيح

دوووار بـيا الوقـت
فرني ألف فره...... فرني ألف فـره

مرات اصل للسما
وللقاع اصل مـــره

كل ذره مني بقطــر
ريح وقست وياي

شي مني راح بهواء
شي مني راح بــماي

لمـــــــــيــني
لا مو صعب

لا موصعب

بس صيحي بيا يا فلان

من الماي اجي
من الشجر
التم و شوفيني

لمـــــــــيــني لا مو صعب
بس بإسمي نـاديني

من الماي اجي
من الشجر
ألتم و شوفيني

لو شح عليك النظر
إنت ِ نظر عيني

القدير
محمد الغريب
​

 

[مهتمة]

رد: شجـــنٌ شعـبي ( عـراااقـي )

إجيتني بوقت بيه آني حزنان
أجـيتني و مليتي أيامي أفراح


إلك عمري و حياتي و نبض قلبي
بس يـمبك أنـام و أغفى و أرتاح

جـناح إنت من أطير بالسماء فوق
أشلون أقدر أطير ومالي جـناح !


حبيبه قلبي إنتِ و نور عيني
كل عمري إنتِ كله الجاي و الراح

إنت البيت إنت العتبه و الباب
ضوء إنتِ بغرفتي و أحلى مصباح



من أطب للبيت أنسى همومي كلها
إنت بداخلي بنص روحي سبّاح

كل شيء إنت بحياتي
و أنا بلياك حايط و أنهدم
من كل كثر طـاح

 

[مهتمة]

رد: شجـــنٌ شعـبي ( عـراااقـي )

مامـرتـاح

ما مرتاح ْ
عيوني تستحي بس الدموع " وقاح "



ما مرتاح
منّك ... !
منّي ..؟
من الجاي من الراح


ما مرتاح
عركه ويا الزمن ورجعنه مكسورين
وبعيــده المسافه وينسى الــ.. طـــاح



ما مرتاح

لأن شفت الشمس نزلت تبوس " القاع "
وبكف الطفل تنلاح

ولأن قاضي البلابل مدد التوقيف
ومفتوحه السما
والفيل عنده جناح !


ما مرتاح
لإن قفل المحبه " إنـــباق "
وترهم عليه مفتاح



ما مرتاح

متروك بجزيره وتهت بالليل
وإجو ربعي عليــه
بـــ.. قافلة أشباح


وإنته إشبيك ؟

لمّن دافعــــت عن نفسي
صابك غيض !؟؟
مو حتى القنافذ
من تحس بـــالخوف
تستخدم جلدها سلاح


ولاجن الفجر مثل الفجر محبوب
لون الفجر صاير يقبض الأرواح


مامرتاح
من ربعي ولا مرتاح ْ

تمساح بـنهرهم صاحوا من الخوف
وجازفت بــحياتي من سمعت صياح ْ

صارعت المنيه وبيده هزني الموت
ومدما طلعت صفقوا للــ.. تمساح !!

كل هذا وتريد أرتاح ْ

مامرتاح ْ


نادوني وركضت بــليل
إيد .. الرسن بيهـا
وإيد .. بيها سلاح

عثرت مهرتي
وربعي قبل ما أطيح
واحد قال للــثاني :
أبشرك طااح !


كاظم
إسماعيل القاطع

 

[مهتمة]

رد: شجـــنٌ شعـبي ( عـراااقـي )

مثل الناس

مثل الناس خذاني الشوق أنا و حبيت
مثل الناس صبرت هــواااي ولا مليت

سهرت اللـيـل اللـيل
و شفت الويل الويل

ولا مليت
ولا مليت
مثل الناس

صبرت سنين .. سنين غربة
ظروفي شكثرصعبة

جاني يقول تالي أنسى حلم
عشته يلمنا بيت !!

مثل الناس !!
مثل الناس !

ترك قلبي يتألم
مشاني بدرب أظلم

ضيع آمالي و مشـــــــــى
و بيده هـدّ مابنـيت

مثل الناس
مثل الناس

 

[مهتمة]

رد: شجـــنٌ شعـبي ( عـراااقـي )

مقتطفات من جمال شعبي قديم
من بعض وجع دائمٌ مقيم
شجـنٌ شعـبي عـراقـي أصيــل

لكم و لهم
و للجمال حيث كان
باقات ود

دمتم طيبين
دامت قلوبكم بخير

 

[مهتمة]

شجـــنٌ شعـبي ( عـراااقـي ) حقيقي

شجـــنٌ شعـبي ( عـراااقـي ) حقيقي

إنتِ .. إنتِ .. إنتِ
طـالق

قالهـا بـلحـظة جنونـة
و ماحسبها حساب زين !

..

سنين تبني يامحبة
بالعذاب و بالألم


ضاع كل شيء
بكلمة و حدة و أنتهى بجرة قلم

إنتِ طالق
إنتِ طالق


اتذكرت يوم الزفاف
و طلعت ثوب العرس

و نظرت النظرة الأخـيـرة
و دخلت لأصعب درس


و العيون الحلوة مطرت دمع
لكن من جمررر


بعمري ماسامع لي كلمة !
تحدد و تهدم عـُمر

إنتِ طالق
إنتِ طالق


قـبل ماتفكر بكل شيء
فكرت بالمجتمع ؟؟؟


إش راح تسمع من كلام !؟؟
إش راح تسمع من بدع ؟؟؟



و الحياة الحلوة صارت
ورقة بيها المنتهى !

كتب بيها القاضي إسمه
و وقع !
و كل شيء إنتــــــــهــى

إنتِ طالق
إنتِ طالق​

 

[مهتمة]

رد: شجـــنٌ شعـبي ( عـراااقـي )

لاتحط بإيدي الشمس وأحلامي بأيد
ولا تهيــــــــــــــــج عالفقير جروحه

ولاتقل لي بعسرك ويسرك أعيش
وأنت قصرك للسماء يمد روحه !

عوفني بحالي تراني بليا إيد
وأنت شباكك زحل ماألوحه

أشلون ماتدري الحلم جرح الفقير
ماتشوف أحـــــــــلامه قد جروحه


روحي مذبوحة ذبح وتريد أطير !؟
منيــــــــــن لي حظ يطير المذبوحة


لاتأملني بحكي الماجسه ضيم
ـــــــــــــــــــــــ

وحظي دق إثبات بجناح الفقير
لايصعده ولا ينزل سطوحــــه

أنت بعدك مانمت فوق خصير
وغمست لقمة ملح بملوحة


لاتلامسنـــي .. أذووووب
أنا من دم ولحم مو لوحة


و لاتمرجحني برمش عينك أخاف
أنا ماشايف رمش مــــــــــرجوحة


ولاتقلي تمرجح شمالك أخاف
كنت أريدك للسماء تودينــــي

بس أخافنّ ينقطع رمشك وأطيح
وباكر تقل لي طحت من عيني !

روح
روح درو لك محب ينهض عليك
أنا قاموس العشق طاوينــــــــي

ماعشقتك وأنا بالطيش أستحيت
أشلون أحبــــك من تجي تناديني

خلني راضي بفقري وأنت أرضى بغناك
وعـــــــــــــــوف عيسى بدين وأنا بدين

ولو خلاني الوقت بعت اللحاف
يعني هسا بكيفي أمد رجليني

لكن أدري بدربي عن دربك بعيـــــــــــــد
ومن صغـــر هـــــــــــــذا الفرق بكــــاني


أنت دفاك الثلج عل لا تموت
وأنا ميت ! والـــــثلج دفاني

وأنت كاروك الذهب ماكفى ديك
وأنا كاروك القصـــــــــب كفاني


وحتى لا أحلم وأمد كفي لسماك
وأنا أرضع قمطوا درعـــــــــاني


وعن محبتك والله ماشدني الحديد
هذا رمشك ياتــــــــــــرف شداني

والله أحبك
والله أحبك من صغر

بس ماحكيت
كنت أريدك تنسعد ويا ثاني

ومن أجيت بلهفتك تسأل عليّ
قلبي كله أتمــــرجح بشرياني

تالي من غصبن عليّ قلت لك
نسيـــــــــــــــــــــــــــــــــــــت
روح دور لك محب وأنساني

أتوسلت بلساني يحكيها وتروح
ومن رحت عني قطعت لسانـــي .

ـــــــــــــــــــــــــــــــــــــــــــ

الشاعـــــــر مظفر نائل
في قصيدة إعتذار للحب

عذرا إن كان في التحـــــرير
أي تقصير يسددوني النجوم​