شوام . عاملين سياحة بحلب

[فارس عمر]

طبق الأصل عن زيارة قام بها مجموعة من السواح الشوام إلى حلب بقيادة السائح الشامي الرايق العلّامة محمد هادي أبو شامة: بعد شهر من التفكير والتخطيط، قرَّرنا أنا ورفقاتي الحبابين أنو خلص لازم نطلع على حلب، يا أخي بدنا نعمل سياحة داخلية ونشوف بلدنا . وبالفعل ما كذبنا خبر واستقلينا هالقطار. وللعلم في قطارين يا حباب، العادي والترين سيت، بس نحنا استقلينا العادي السريع لأنو أرخص،
وعلى مبدأ على قد لحافك مد رجليك، ويالله عالشهبا. وصلنا لهونيك صباحية الجمعة، وصباحية مباركة يا شباب، وعينك ما تشوف إلا النور يا سيدي، بالفعل المحطة هونيك أحلى بكتير، لأ ومنظمة أكتر بس وين كان الكمّ؟!! أنو كل قطارات الرجعة عالشام كومبليه. قلنا ألنا الله ما بينسانا وطلعنا من المحطة يا خيو، ودرنالك بهالحلب، بس والله شو هالحلب يا عمي، شي بيفلج وبيشهي، يعني القلعة بدك 3 ساعات لتفتلها كلها وبس بـ 15 ليرة للسوريين يا بلاش، وفيك تتصور جوا فقط وبس بالمتحف تبعها، وذلك يا حباب لأنو مكتشفات أثرية وطنية ألنا الحق بالاحتفاظ فيها، والجامع الأموي شي بيشهي، أرضية مزخرفة بفن مرهف، وعمال شغالين هون وهون، وبلشنا نغار من حلب، التكاسي رخيصة وما بيلطك هداك المبلغ المجقوم.. يعني عالعداد، أما الحدائق فيا يا لطيف شو حلوة، وخاصةً الحديقة العامة (لأنو ما زرنا حديقة السبيل). وعلى فكرة كتير كان في سياح من الأجانب النعومين الحلوين. وبكل الأحوال يوم واحد ما بيكفي لتفتل كل الأماكن والقراني الحلوة يلي بحلب، لأنو صفي خير الله جوامع وأسواق مازرناها، هاد غير المتحف الوطني يا وطني، مشان هيك نوينا نعمل روحة تانية، وبعد 8 ساعات من الفتل على كعاب رجلينا.. وينِكْ يا راموسة ووينك يا كراج البولمان، وكمان التاني أحلى من عنا هون يعني كراج دمشق، أما الشركات فعلى مد عينيك والنظر حواليك، وكله من الراقي، وكله في تكييييييف، ركبنا البولمان، وشام يا ذا السيف لم يغبِ.. ورجعنا، بعتنا هالمقالة على أمل أنها تنتشر، قولتك بتنتشر ؟!! هيئتها بتنتشر.

عمكم فارس , حبّ أن ينقل لكم هذه السالفة الخفيفة .... لأشجعكم على الكتابة وباللهجة المحلية .
لاحظوا أن الأمر سهلاً جداً .
أتمنى ممن لديه , موهبة بسيطة أو رغبة بالكتابة أن يحاول الكتابة بقلمه .
سيجد أن الأمر جداً ممتع . وأيضاً لا ندري . فربما صار يوماً ما كاتباً .
لا تستغربوا . فقط حاولوا

انطباعات

 

[بنت القاسمي]

اشكررك يا اخي على جهدك المبذول في قسم
ررائع ماا طررحته
ووفقك لله

 

[هيثم الجنابي]

رد: شوام . عاملين سياحة بحلب

بارك الله فيك موضوع جميل
وسورياااااا احلى وخاصة
حمص لان عشت بيهة سنة
بشارع الحضارة .

 

[فارس عمر]

رد: شوام . عاملين سياحة بحلب

شكراً لمرورك أختنا الفاضلة : بنت القاسمي

الأخ الكريم : هيثم الجنابي
حمص تحييك وأهل حمص أيضاً , ونتمنى عودتك زائراً لها .
أنا ساكن بمنطقة الوعر . بالجزيرة الثامنة بنهاية الغابة . لي كثير من الأصدقاء والأخوة العراقيين القاطنين في حينا . وبيننا صداقات وزيارات عائلية . فنحن وهم شعب واحد . وأخوة

 

[هيثم الجنابي]

رد: شوام . عاملين سياحة بحلب

اكييييييييييييد اخوة وشعب واحد وكل العراقيين مينسون ولا ينسون الشعب السوري
كيف وكف وكفة شريفة في محنتنا الله يخلي سوريا وشعبها وينصركم على اعداء الدين