شوركم علي يا اخواتي العزيزات

[ام عزو]

حابه اكتب عن حالة ولدي حاليا وابي منكم المشوره وفنفس الوقت توقعات لعزوز وايش اللي ممكن يفيده اكثر اوتجربه تكون مماثله
حاليا عزوز قرب يكمل 4 سنوات ولي تقريبا 4 شهور عل الحميه والدان ولكن المكملات احيانا اقطعها اسبوع واكثر لان ولدي اذا مرض بالتهاب بالحلق او لوز يكون ياخذ مضادات بس مسموحه وادويه اخرى للحساسيه او الكحه على حسب وفالهفتره يكون عصبيه بزياده حتى بعد ماتخلص الادويه بفتره وارجع للمكملات
حالة ولدي للان مايتكلم غير ماما مممم يعنيني طبعا ولكن مو دايم يقطعها احيانا وحروف عشوائيه زي اااايييي قاقن قاقن ويوي وي وهكذا بدون معنى اكثر شي تطور فيه انه اصبح مدرك اكثر من اول بس للاشياء اللي يبغاها بس ومتعلق فيني اكثر وصار يسحب يدي للي يبيه افضل من قبل العام دخلته مركز واحس انه كويس معهم لكن هالترم مادخلته لاني بدأت بمكملات والدان وحبيت اطبقها زين
لكن لازال مايلعب مع الاطفال او يتواصل مع الناس احيانا اذا اجتمع بالاطفال وصاروا ينطوا مثلا عل النطيطه ويسحبونه معهم يكون مبسوط ويطالع فيهم ويضحك لانه هو يحب النط وكذلك المرجيحه طبعا يقوم اللي جالس فيها ويسحب يده يبيه يدفه بالمرجيحه يعني هذي حدوده ولايفهم الاوامر الا ماندر ولازم يطالع بعينه
يفهم اذا كنت غضبانه منه لانه يبكي اذا عصبت عليه واذا كنت مبسوطه واضحك والعبه يبتسم ويسكر عينه ويلف وجهه عني <<<<< دايم هالحركه يسويها اذا وجهتله اي كلام او دلعته
طبعا لسه السنه الجايه ان شاء الله راح ادخله للمركز ثانيه وابدا باذن الله تدريب فالبيت على البكس لاني اشتغل وباخذ اجازه ان شاء الله
طبعا لسه عل الحفاظ واكله محدود ومزاجي

تكفون اراءكم لا تخلوني

 

[ابني هدية]

رد: شوركم علي يا اخواتي العزيزات

ام عزو ، اكثر شي فاد ابني باذن الله التدريبات في البيت وقطع الحليب وبعض المكملات
اهتمي اكثر بتدريبه وركزي علي الامور الروتينيه اليوميه مثل النظافه الاكل النوم
ان شاءالله يصير الادراك احسن تشوفي نتائج جيده
الله يشفيه

 

[بعدك على عيني]

رد: شوركم علي يا اخواتي العزيزات

والله يااختي كأنك بتحكي عن ابني كل تصرفاته وحركاته نفس ابنك انا لحد الان ماعملت اي فحوصات او تدريبات غير في البيت ان شاء الله بطلع فيه ع الاردن بعد شهر هناك مختصين اكفاء في هالمجال ويارب خير

 

[رادوبيس]

رد: شوركم علي يا اخواتي العزيزات

اختى العزيزة ام عزو ربنا يبارك فيه ويشفيه
اختى اول شىء حاولى ان يستغنى عزو عن الحفاض ادرى انها مسالة صعبة ولكنها ضرورية يا عزيزتى اعانك الله على هذه الخطوة
ثم عليك ان تغلقى التلفزيون نهائيا وتستبدليه اذا سمح وقتك بحكاية القصص له او الخروج في اماكن تجمعات الاطفال
وهناك العاب معينة تساعد على التركيز منها لضم الخرز او التدبيس في لوحة او لعبة صياد السمك وغيرها
الاهم من ذلك هو الا يترك وحده ابدا
وفقك الله وسدد خطاك وشفى عزو اللهم آمين

 

[ام عزو]

رد: شوركم علي يا اخواتي العزيزات

مشكورين كثير على الرد وبارك الله فيكم والله يكون بعوني وعون الجميع وانا باذن الله تعالى راح اسويله حجامه وعسى ربي ينفع فيها
والتدريبات ان شاء الله ربي يسهلها علي
ونزع الحفاظ ودي انه يستوعب اكثر عشان يسهل امرها علي شوي لاني ودي اني اعمله صور واجربها فالبيت لين يستوعبها

 

[ام البراءه]

رد: شوركم علي يا اخواتي العزيزات

اختي انا نفس الشي كانك تتكلمي عن ولدي له نفس الكلمات الي ينطقها ولدك ونس المعاناه فولدي مايحب يلعب مع الاطفال او لامبالي بوجودهم هذا الي كاسر خاطري زياده ؟؟؟اسال الله ان يلهمنا الصبر والفرج القريب ..............
اختي ام عزو لفت نظري كلامك عن المضاد الحيوي في حين ان المكمل لايعطى للطفل اثناء استخدامه للمضاد الحيوي ؟
وانا اقول وش فيه ابني له يوميين ماياكل زي الناس واليوم تقيى وعصبيته زايده لعلك تفيديني اكثر ام عزو؟؟؟؟؟؟؟؟؟؟

 

[ام عزو]

رد: شوركم علي يا اخواتي العزيزات

اختي ام براءه انا اتابع مع الدكتور جوزيف واذا بديت مضادات لعزوزو يقولي خلي المكملات ماعدا النستاتين دواء الفطريات

بس انا الاحظ عليه العصبيه وضرب الراس وكل شي ينتكس فهالفتره لحد مايخلص من العلاجات وبعد مو على طول لازم فتره يعني احسب من يمرض لحد 20 يوم ماينطاق
النفسيه زفت اصير والله مهمومه

عموما ولدي حالته عندي في كفه والبكاء والعصبيه وضرب راسه اللي اخذه عاده فكفه ثاااااااانيه
يارب صبرنا واشفيهم

 

[لطفك يالطيف]

رد: شوركم علي يا اخواتي العزيزات

الله يلهمك الصبر ويعافية يارب
شوفي يمكن يضرب راسة متضايق طلعية ملاهي ولاتعطينة مضادات استبدليها بحليب ابل لاتخافي كازين ماييضر وهو اكبر مضاد سبحان الله


لما يتعب
جربي واعطية اسبوع حليب ابل مع مرق لحم فية زنجبيل اخضر وفلفل اسود وسوي لة مشروب زنجبيل طازج اخضر اطبخية فترة ثم حلية بعسل واضيفي نعناع علية وشوفي ان شاء الله بترتاحين ووبتشوفين الفرق حتى لو قالك الطبيب ممنوع اعملي هالخطوات كل مانويتي تعطينة مضاد استبدلية بهالخطوات والله المضادات كلها مرض وجراثيم هي بنفسها مادمر صحتهم الا هي

 

[لطفك يالطيف]

رد: شوركم علي يا اخواتي العزيزات

والمفترض فترة الشتاء والبرد يكون المرق ومشروب الزنجبيل يومي كوقاية والله يخفف كثير من امراض البرد

 

[ام امنيه]

رد: شوركم علي يا اخواتي العزيزات

اختى ام عزو
الحمام ممكن تدربينه عليه بسهوله لكن يبغى عزيمه زصبر ولا تتضايقي اذا وسخ في اي مكان في البدايه اعطيه سوائل كثيره وخذيه عالحمام هو طبيعي راح يواصل
وخذيه في اليوم اكثر من مره حتى يعتاد على الحمام ’ بعدها المرحله الثانيه راقبي اي تحرف او ايماءه تدل على انه يحتاج الى الحمام .

 

[ام البراءه]

رد: شوركم علي يا اخواتي العزيزات

[

عموما ولدي حالته عندي في كفه والبكاء والعصبيه وضرب راسه اللي اخذه عاده فكفه ثاااااااانيه
يارب صبرنا واشفيهم[/quote]
شكرا اختي ام عزو على الرد بالنسبه لضرب راس ابنك ابني كان مجنني في البدايه كان اذا بغى شي وما عطيته عى طول يضرب راسه في الارض فكنت امنعه بشده لين ماخفت والحمدلله ومره قال لي استاذ التخاطب اذا ضرب راسه اتجاهليه او قومي بضرب راسه ثانيه لان الي قاعد يسويه انه يبغى يلفت انتباهك انا الصراحه سويتها والله ان ابني اسغرب علي وانه بطل هالعاده حتى انه كان يطالعني وقت ما يضرب راسه ماعاد زي الاول يضرب بقوه صار يضرب خفيف وانا ما اعطيه وجه واقوم اضرب راسه (بس على خفيف)والله لين مابطلها الحين كل فين وفين يسويها .

 

[ام عزو]

رد: شوركم علي يا اخواتي العزيزات

اختي ابني هديه اشكرك على تفاعلك معي بالنسبه لتدريبات البيت بصراحه مقصره فيها بسبب اني انشغل بالمدرسه واحاول كل فتره وفتره العب معه اذا شفته مبسوط لانه يتفاعل ويضحك واحساسه فيني ولله الحمد افضل وحاليا ان شاء الله راح اخذ اجازه وبشد حيلي وربي المعين
اختي رادوبيس وام امينه ربي يعين بالنسبه للحمام كتبت لي ام ليث الله يجزاها خير طريقة تعليمها لولدها ليوثي ربي يشفيه وابناءنا يارب وودي اجرب الصور معه خاصه فالحمام والمشكله انا فالرياض حاليا برد قااااارس والله عندنا الاطفال يمرضوا ويتحسنوا ويرجعوا يمرضوا مره ثانيه
اختي لطفك يالطيف الله يجزاك خير والله كنت استخدم لعزوز حليب ابل فتره يمكن 3 شهور ومرتاحه عليه واستخدم عسل مع حبه سودا وزنجبيل مخلوط فيه وصراحه قوى مناعته واستفدت وناويه ارجعلها مره ثانيه بس خليت كل شي بسبب كثرة المكملات حاليا وطلع عند عزوز تحسس من اي حليب حيواني لكن كلها كم شهر واشوف وش يصير عليه وباذن الله الحجامه خطوه قريبه
واختي ام البراءه والله انا احيانا اكون ضعيفه قدامه خاصه اذا مرض اقول يمكن فيه شي يوجعه عشان كذا يضرب راسه واحيانا احسها عاده واخذها
وملاحظه عليه احيانا احسه يتوتر ويحس انه يبي يعض لانه احيانا يكون جالس عل حجري ويبي يعض يدي كذا بدون سبب بس يكون متردد لاني اهاوشه اذا سواها وهو يعرف اني معصبه ومو راضيه والله اني احيانا اخاف اسنانه فيها شي واحيانا لا يختفي هالطبع
وملاحظه كذلك اني فتره اردد عليه وين عيني لحد ما اشر على عيني فتره والحين رافض يستجيب مدري ليه زي كلمة ماما تروح وترجع بعد فتره احيانا اقول انه مل مني من كثر ما اقوله وين عيني؟؟!!!!!!

 

[لأن أضيء شمعة]

رد: شوركم علي يا اخواتي العزيزات

أعانك الله يا أم عزو وأثمر صبرك مع ابنك إن شاء الله
أتوقع أن كثير من اطفال التوحد ينتكسون عند المرض وتظهر لديهم بعض السلوكيات التي اختفت عندهم أحيانا وكان ابني من هالنوع لكن أبشرك إن شاء الله بأنه كل ما يكبر حتكون النتكاسة أقل حدة وملاحظة إن شاء الله
:m0dy_net-767:

 

[رحانة الجنة]

رد: شوركم علي يا اخواتي العزيزات

الله يشفيه لك يارب

 

[اتكالي على الله]

رد: شوركم علي يا اخواتي العزيزات

عزيزتي ام عزو
ارجو منك ان تحاولي التاكد هل لديه فقر دم اولا ؟ وايضا هل لديه سلوكيات اخرى عندما يحاول عضك مثلا مص الملابس وهل لديه لعاب زائد؟

 

[املي بالله كبير]

رد: شوركم علي يا اخواتي العزيزات

عزيزتي اتكالي على ماذا يدل العض ومص الملابس؟؟؟؟؟؟؟؟؟؟؟؟؟؟؟

 

[ام عزو]

رد: شوركم علي يا اخواتي العزيزات

عزيزتي اتكالي على الله عزوز ما اتوقع عنده فقر دم قد سويتله تحاليل شامله بس من زمان يعني صورة دم وهو الان ياخذ مكملات كثييره فتامينات مثل د وسي وسفن سيز
ومكملا ت علاج الدان اغلبها ياخذها

وماعنده لعاب زايد بس كل شي يحطه بفمه يلقط بالارض ويحط بفمه