سما ....وتطوراتها

[علا]

رد: سما ....وتطوراتها

ام محمود ربنا يبارك فيكى يارب هى وكل اطفالنا
سما لسه بتكتب بايديها الاتنين كده شويه وكده شويه
ولو كانت شوله مش هستغرب لان عماتها وولادهم كده والموضوع متوارث
المهم تكتب يارب

 

[علا]

رد: سما ....وتطوراتها

صابر ليوم الدين
ربنا يباركلك وعقبال كل ولادنا يارب

 

[علا]

رد: سما ....وتطوراتها

حبيت اشارككم تصرف عملته سما وعجبنى لانى ما توقعته منها طبعا
طبعا الكل بيعرف الاحداث الاخيرة بمصر
ولما دخلت المنتدى تانى غيرت صورتهم لصورة علم مصر لما سما شاهدته لاقيتها بترفع ايديها وتقول مصى مصى (( مصر ))
طبعا فاجئتنى لانى معلمتهاش الكلمة لكن حبيبتى متابعه معانا الاحداث والاغانى ومتأثرة باللى بيحصل معانا واحنا مش واخدين بالنا منها

 

[أم ياسمين]

رد: سما ....وتطوراتها

يا حياتي يا سمسمه
واحنا بنقول معك
مصر مصر مصر

 

[ام عدنان الملاك]

رد: سما ....وتطوراتها

ماشاء الله عليها ربنا يحميها البنت وطنيه
على فكره اخت علارح تشوفى كل فتره منها تصرفات تفرح القلب لاتتوقعيها منها الله يحميهم ويخليهم
على فكرم من فتره سمعت ببرنامج التفاح الاخضر انه لتنشيط النصف الاخر من الدماغ يجب علينا ان نحاول استعمال يدنا اليسرى بالاكل والكتابه مثلا وبما انها تستعمل الاثنتين بنفس المهاره اتوقع حسب راى انه لاخوف انما الخوف لو انها استعملت فقط اليسار والله يفرحك بتطوراتها ونفرح معك وعلى فكره هنن مكارين جداجدا

 

[علا]

رد: سما ....وتطوراتها

ام ياسمين
ربنا يخليكى دايما داعمين لنا ورافعين ارواحنا بالسما بتأييدكم
الحمد لله الاحوال احسن ربنا يتممها على خير

 

[علا]

رد: سما ....وتطوراتها

ام عدنان
ربنا يخليكى طبعا بتفاجئنى كتير بتصرفاتها وبفرح جدا بيها
وامس خرجتها للشارع علشان تشوف فرحة المصريين بعد نجاح ثورتهم تفاعلت جدا مع الناس ورفعت علم مصر مع الشباب بالشارع

 

[أم التوأم]

رد: سما ....وتطوراتها

البنت مصرية بجد مش بالكلام وبس ههههههههههه. ربنا يخليهالك وتفرحى دائما بمواقفها.

 

[ام وليف]

رد: سما ....وتطوراتها

ماشاء الله عليها ربي يحميها ويحفظها

 

[بيبى]

رد: سما ....وتطوراتها

سمسومه باين عليك الوطنيه يا جميل
هما دول جيل الحريه وجنى بتشاركك وبتقول معكى تحيا
مصر

 

[المحبة لله]

رد: سما ....وتطوراتها

ربنا يباركلك فيها وفي تطوراتها ومنها لأعلى
ومبروك ما وصلتم اليه وان شاء الله نسمع عن مصي ((مصر)) كل خير
وبيرفع علم مصر عبود مع سما وجنى ومحمود​

 

[لياني]

رد: سما ....وتطوراتها

ربنا يخليك يا سما
وتفضلي تقولي مصر مصر
مبرووك نجاح الثورة

 

[المحبة لله]

رد: سما ....وتطوراتها

ما شاء الله التطورات مفرحة جدا وحلوة خالص
انتي عم بتعلميها شغل البيت ازاي بس بدري عليها تحمل المسؤلية
حبيبة خالتو عم بتصلي وبتنشر الملابس وعاوزة تغسل الاطباق
أكادميا تطور ممتاز والتحاق بالمدرسة ممتازوالله يعطيكي العافية

 

[علا]

رد: سما ....وتطوراتها

جزاكم الله كل خير اخواتى
ام وليف
المحبة لله
بيبى ليانى
وكل من قرأ تطورات سما وفرح معى بها
اختى المحبة لله
سما ما بعلمها شغل البيت لكن هى تصر تعمل مثلنا بكل شئ (( بمعنى تانى لازم انفها بيبقى مدسوس فى كل امور البيت ))
اعتقد كل البنات بعمرها واكبر بيحبوا يقلدوا امهاتهم بعد كده ممكن يكبروا دماغهم ولا مساعدة للام ولا حاجه لما نشوف سما هتعمل ايه

 

[علا]

رد: سما ....وتطوراتها

السلام عليكم
حبيت ابشركم يا جماعه الخير بأن سما تم قبولها فى كورس اسمه التمكين الاسرى بمركز كاريتاس كما تم قبولها بالتعليم ما قبل الاكاديمى فى مركز دراسات الطفولة بجامعه عين شوس بالقاهرة

تم تقييم سما مرتين لوضع برنامج لاحتياجاتها ومهاراتها اللى هتتعلمها خلال فترة 8 شهور ان شاء الله
بالنسبة للكورس الاول الجزء الاول به عبارة عن محاضرات للأم تشمل موضوعات عن
الملاحظة
اسباب الاعاقة
اللغة والتواصل واغراض الكلام والعوائق وعمل انشطة لزيادة الحصيلة اللغويه
النمو الطبيعى للأطفال
طرق واساليب التعلم وصياغة الاهداف

تصنيفات الاعاقة الذهنية
مهارات الرعاية الذاتية واساليب تعديل السلوك
كيفية اعداد برنامج تدريبى للطفل والانشطة المصاحبة للبرنامج
وبعد كده هيعملوا امتحان للأمهات فى كل ما القوه علينا من محاضرات قبل ما يبدأ التدريب العملى للأطفال
وبدأنا بالفعل المحاضرات النظريه
ورجعنا لايام المذاكرة تانى
ربنا الموفق
دعواتكم
حبيت اشارككم اخر اخبار السمسمة
http://center.jeddahbikers.com/uploads/jb13009139991.jpg

 

[المحبة لله]

رد: سما ....وتطوراتها

موفقة باذن الله يا ام سما واعانك الله ومنحك الصحة والعافية
وطمنينا اول باول شو عملتي

 

[علا]

رد: سما ....وتطوراتها

جاك الله كل خير ام عبودى ربنا يطمنا عى كل اولادنا ان شاء الله

 

[الفارس الشجاع]

رد: سما ....وتطوراتها

الله يعينك يا علا ابتدا المشوار الجد.

 

[أم التوأم]

رد: سما ....وتطوراتها

ألففففففف مبروك سما حبيبتى على تدريب ما قبل الأكاديمى وعقبال المدرسة ان شاء الله.
وفقكى الله علا فالمذاكرة ووجود أطفال صعبة بجد بس ان شاء الله تقدرى.

 

[أم وفا]

رد: سما ....وتطوراتها

مبروك سما شو كل هذا التطور الله يحميك وان شاء الله للاحسن
البنات فعلا بطبعهم يحبون التقليد في امور البيت واكثر من ذلك . يحبن ان يكن مثل امهن في كل شيء