سمبوسه سهله وسريعه وعيش طرى

[هبه]

بسم الله الرحمن الرحيم
المكونات
3\4 كوب دقيق الرز
1\4 كوب دقيق تابيوكا
2 بيضه وفلفل اسود -ملح -كركم
3\4 كوب ماء
1\2 م.ص بيكنج باورد ورشه كريمه الترتار
الطريقه
يخفق البيض مع الملح والكركم والفلفل الاسود ثم الماء ثم الدقيق والبكنج باودر حتى تتكون عجينه سائله
وبعد كده نجيب صنيه او طاسه تيفال وتكون كويسه عشلن ماتلصقش وتكون النار حفيفه ثم نصب مقدار من العجينه حوالى 2-3 معلقه كبيره وتترك لمده 2 دقيقه ويكون الوش شبه مستوى نضع معلقه من الحشو ونغلق طرفيها على بعض كويس بطرف المعلقه الخشب وتقلب على النار مرتين حتى تستوى من الداخل

الحشوه ممكن تكون فراخ مع البصل والتوم والفلفل الاخضر
او لحمه مفرومه مع باقى المكونات
او بطاطس مسلوقه ثم نضع عليها فلفل الوان وتوم وكركم وزنجبيل وملح


العيش
ممكن بنفس العجينه نعمل عيش بيكون حلو اوى
نضع فى الطاسه شويه زيت صغيره ثم نصب شويه عجينه ونوزعها ويكون سمكها كويس حوالى 1او2 سنتى
وتقلب مرتين او تلاته حتى تستوى كويس وتكون النار خفيفه ماتخفيش انه تكون ناشفه هاتطارى بعد ماتطلع من النار
المهم تكون مستويه كويس

 

[كلنا عبيد الله]

رد: سمبوسه سهله وسريعه وعيش طرى

يسلمووووووو


يعطيك ربي العافيه خيتوو

دمتي بحفظ الله =)

 

[حريه]

رد: سمبوسه سهله وسريعه وعيش طرى

ماشاءالله حلوه الوصفه

 

[هبه]

رد: سمبوسه سهله وسريعه وعيش طرى

بسم الله الرحمن الرحيم
يعطيكم العافيه وربنا يشفى اولادنا

 

[كلي امل في الله]

رد: سمبوسه سهله وسريعه وعيش طرى

جزاكــــــــ الله كل خير

عملتها وطلعت لذيذة

 

[جيهان]

رد: سمبوسه سهله وسريعه وعيش طرى

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .

 

[ام علاووي]

رد: سمبوسه سهله وسريعه وعيش طرى

يسلموووو الوصفة شكلها حلوة

 

[أم نودي]

رد: سمبوسه سهله وسريعه وعيش طرى

مشكوره اختي هبه جزاكي الله خير

بس يا ريت تفيدنا ايه هو دقيق التبيوكا ده مصنوع من ايه و هل هو مسموح للحميه و لالا ؟؟؟

و دمتي بحفظ الرحمن

 

[حبيبتى بنتى]

رد: سمبوسه سهله وسريعه وعيش طرى

مشكوره اختي هبه جزاكي الله خير

بس يا ريت تفيدنا ايه هو دقيق التبيوكا ده مصنوع من ايه و هل هو مسموح للحميه و لالا ؟؟؟

و دمتي بحفظ الرحمن

ياؤيت با هبه تقوليلى جبت الدقيق منيين وكمان كريمه الترتار ايه هيه وبنجيبها منين

 

[أم عمر و يوسف]

رد: سمبوسه سهله وسريعه وعيش طرى

بارك الله فيك
أنا كمان من مصر ممكن تقوليلي ايه هو دقيق التابيوكا و كريم الترتار دول و بتجيبيهم منين ؟
أنا عملت قبل كدة الحمية ليوسف الصيف اللي فات عملتهالوا حوالي 6 شهور بس ما كنتش عارفة أنوعلو و هو ذهق جدا

بس أن شاء الله هبتدي تاني , الله المستعان
و شفا الله بنتك و أبنائنا جميعا

 

[حبيبتى بنتى]

رد: سمبوسه سهله وسريعه وعيش طرى

ام عمر ويوسف روحتى المكان الى فى مستشفى الدمرداش وحده التغذيه فيها اكل جربيها عيش وباتون ساليه وحاجات كتيره حلوه

 

[هبه]

رد: سمبوسه سهله وسريعه وعيش طرى

السلام علكيم ورحمة الله
دقيق التابيوكا مسموح فى الحميه لانه مصنوع من نبات شبه البطاطا وانا سئلت الدكتور عليه وممكن نستخدمه
دقيق التابيوكا وكريمه التاتار او البيكنج باودر خالى من الجلوتين موجودين فى الالفا مركت اللى فى الدقى وكمان فيه حاجه اسمها نشا البطاطس بتكون كويسه اوى مع التابيوكا والرز بتعمل عجينه متمسكه ومش مفروله
ممكن تعملى بيها حاجات كتير اوى
وربنا يشفى اولادنا ان شاء الله:23:

 

[بنت أبووووها]

رد: سمبوسه سهله وسريعه وعيش طرى

يعطيك العافية اختي