سؤال عن مقياس كارز

[أختكم فى الله]

السلام عليكم ورحمة الله وبركاته
أخونا الأستاذ أحمد البرماوى جزاك الله كل خير على المجهودات الرائعة وجعلها الله فى ميزان حسناتك إن شاء ألله
عندى سؤال عن مقياس كارز والسن المناسب للقيام بهذا التقييم
لأنى بنتى عندها سنة و 11 شهر وذهبت لأحد الأماكن المتخصصة وقاموا بتقيمها بمقياس كارز وكان فى بعض الأسئلة إللى كنت مش عارفة اجاوبهم عليها بسبب صغر سن بنتى وهما كانو بيعتبروا الإجابة غير المحددة كأنها شئ سلبى فى حالة الطفلة لدرجة إن النتيجة إنهم شخصوها توحد شديد جداااا مع العلم إن حالة بنتى والحمد لله أشعر إنها جيدة وأحيانا أفضل من بعض الحالات إللى شخصوا توحد بسيط
طبعا انا مش دكتورة بس أنا أدرى واحدة بحالة بنتى وخاصة بعد ما تعرفت على المنتدى وقرأت فيه مواضيع كتير وسمعت أراء كتير من أمهات كانت حالات اولادهم توحد بسيط وطمنونى على بنتى وقالولى إنها بسيطة إن شاء الله لدرجة إن فيهم أمهات قالولى يمكن ميكونش عندها توحد أو بعض السمات البسيطة إن شاء الله
فحابة أعرف رأى حضرتك فى الموضوع ده

 

[لياني]

رد: سؤال عن مقياس كارز

ربنا يشفيها
ويطمئن قلبك عليها

 

[ضوء الشمس]

رد: سؤال عن مقياس كارز

غير ممكن تطبيق مقياس كارز على طفلة عمرها سنة وعدة شهور كارز لا يشمل هذا العمر