سؤال أرجوا الإفادة وجزاكم الله كل خير

[أختكم فى الله]

السلام عليكم ورحمة الله وبركاته

أنا أسفة جدا عن إنقطاعى عن المنتدى الكريم لفترة طويلة وده بسبب إنشغالى بالحمل والولادة وحاليا الحمد لله معايا طفل عنده 8 شهور ما شاء الله ربنا يحفظه هو وحبيبة واخدين كل وقتى ومحتاجة وقت زيادة كمان ..

بس أنا رجعت بعد كل الفترة دى بسؤال

إحتمال كبير إن زوجى يسافر للمملكة العربية السعودية للعمل وياخدنا معه إن شاء الله .. بس إحنا موقفين فكرة السفر بشرط إن البلد إللى يعمل فيها يكون فيها مركز تلتحق بيه بنتى علشان نكمل معاها ما بدأناه هنا فى مصر إن شاء الله

سؤالى بقى هو فى حالة إلتحاق طفل مصرى فى مركز سعودى هل بيتم التعامل مع الطفل باللهجة المصرية أو إنه بيتوفر أخصائيين مصريين .. أم بيتم التعامل باللهجة السعودية وده طبعا هيسبب مشكلة كبيرة لأى طفل مصاب بسمات توحد وعنده مشكلة فى فهم اللغة والتحدث بيها ..

أنا أجهل تماما أى معلومة عن المراكز فى السعودية وأتمنى أى شخص عنده معلومة يفيدنى بالنسبة لسؤالى وللمدن إللى بيتوفر فيها المراكز دى وتكاليفها وكفائتها وجزاكم الله كل خير

 

[ام حسام]

رد: سؤال أرجوا الإفادة وجزاكم الله كل خير

وعليكم السلام ورحمة الله وبركاته

اهلا بعودتكي اختي الحبيبه
الحمد لله على سلامتكي
وبارك الله لكم في المولود جعله الله من اباء الخير واقر عيونكم به
والله يسعدكم به وبحبيبه دائما


باذن الله الاخوات في السعوديه راح يفيدنك

بالتوفييييق باذن الله

 

[أم حمود]

رد: سؤال أرجوا الإفادة وجزاكم الله كل خير

عزيزتي المراكز عندنا تكون الاخصائيه مصريه لاكن المدربات سعوديات وباللهجه السعوديه ومااعتقد انها مشكله لان الشغل كلوا علي التدريب والكلمات المتقطعه وليس كلام سرد مابيفهموا الكلمه عندكم تنطق وتكتب مثلنا بالعربي الفصيح

 

[أختكم فى الله]

رد: سؤال أرجوا الإفادة وجزاكم الله كل خير

جزاكى الله كل خير أختى أم حسام وبارك الله فيكى

 

[أختكم فى الله]

رد: سؤال أرجوا الإفادة وجزاكم الله كل خير

السلام عليكم ورحمة الله وبركاته أختى أم حمود
جزاكى الله كل خير .. بس فى أمور كتير محتاجة تفسريهالى أكتر
أنا مش فاهمة هو إيه الفرق عندكم ما بين الأخصائيات والمدربات .. إحنا عندنا بيكون فى دكتور أو دكتورة بيشرف على شغل الأخصائى .. والأخصائى هو إللى بيشتغل مع الطفل

بالنسبة لتعليم الكلام .. الكلام المتقطع ده مرحلة من المراحل الأولية فى تعليم اللغة والحمد لله حبيبة بنتى تخطيتها وحاليا بتتعلم تكوين الجمل بس باللهجة العامية المصرية .. يعنى زى ما بنتكلم فى البيت كدة وفى الشارع لأن هى دى اللغة الحوارية إللى محتاجاها تعيش بيها وتتواصل بيها مع إللى حواليها

حتى فكرة إنها تتكلم باللغة العربية الفصحى .. مش هيكون فى صالحها لأنه هيحسس إللى حواليها إنها مختلفة .

يعنى حتى لو كان المدربات سعوديات ممكن يتعاملوا معاها بلهجتها ولا صعب عليهم

وأنا أسفة على الإطالة .. وكنت أتمنى أعرف فكرة عن تكاليف المراكز فى السعودية وجزاكم الله كل خير