سويت عمليه تبديل مفصل وقلق من شي

[العراقي المصاب]

السلام عليكم ورحمه الله وبركاته
اخواني اخواتي اعضاء هل منتدى الطيب
القصه وما بيها
اني مظروب رصاصات والحمد لله ولاني فتره سنه ونص بدون علاج طبيعي اول الاصابه لظروف معينه وهيه انشغالي بالعمليات صار عندي تكلس بمفصل المقعد الجهة اليمين والمفصل تشوه وجان لازم اسوي عمليه ازاله التكلس وتبديل المفصل بجديد
المهم اني بالتشيك وبالعاصمه براغ بمستشفى اسمها بلوفكا يم برفسور دونكول سويت العمليه
سويت العمليه اول مره وكل شي اوكي وطلعت من المستشفى ورجعت لمصح داركوف لتكمله العلاج الطبيعي وحسب كلام الدكتور قال انه لازم بعد الاربع اسابيع يالله اجلس على الكرسي
المهم رجعت للمصح بالاسبوع الثالث وبعده مجاي الاسبوع الرابع والمفصل يفلت يعني يخلع
رجعت مره اخرى للدكتور وعملت العمليه من جديد وهل مره قام بتثبيت جبس لمده خمس اسابيع وظليت هل فتره بالمستشفى وصار عندي التهاب المهم اخذت مضاد حيوي وكلشي اوكي الحمد لله
واليوم اني راح يصير علي ست اسابيع وشلت الجبس من الاسبوع الخامس الحمد لله اي قبل خمست ايام وراح يصير ست اسابيع بعد يويمن
الاستفسار الي عندي
اليوم حاولت اجلس على الكرسي وطبعا كل يوم من يوم الي شلت الجبس تجي معالجه طبيعيه شوي تحركي رجلي شوي شوي
المهم مثل مكلت اليوم حاولت اجلس على الكرسي وجلست بس المشكله الي خلتني قلق هيه ...................
من جلست على الكرسي رجلي الي سويت تبديل المفصل الها تنحني بزاويه محدده اي يعني لا استطيع النزول بجسمي الى القدم للبس الحذاء بنفسي
اني انجنيت كتله دتور ليش رجلي متحجره وزاويه لا استطيع التحكم بيها لا رفع ولا استطيع تقديم جذعي للامام
حسب قوله انه اني بالجبس لمده خمس اسابيع اي شهر ويجب بالعلاج الطبيعي كل يوم واحد سانتيمتر يرفعون رجلي لكي تعود الى طبيعتها وترجع اليونه الى المفصل؟؟؟؟؟؟؟؟؟؟؟؟ اني الصراحه لحد الان الدنيا مظلمه بعيوني والمصيبه اني وحدي هنا بالتشيك لا صديق لا اهل لا احد يوكف الي واني هل موقف حيرني اقول يعني تورطت عملت العمليه ؟؟؟؟؟؟؟؟ لو كلام الدكتور صحيح انه لازم تمارين ويرجع المفصل طبيعي واكدر شوي شوي انحجني بجذعي الى الامام وانا جالس على الكرسي
رجائا رجائا ريحنوني من هل حيره الي بيها اني والنوبه بكره وبعد بكره عطل يعني على يوم الاثنين يالله مره ثانيه راح التقي بالبروفسور وما اتوقع راح اصبر فرجائا طمنوني هل كلام الدكتور صحيح الف رحمه على والديكم يعني خل اكون اكثر وضوح المفصل يرجع انه اكدر انحني والبس حذائي طبيعي لو مجرد كلام من البروفسور ؟؟؟؟؟؟؟؟؟؟؟؟؟
انتظر الرد ويمكن مراح انام منا اليوم يوم الاثنين لانه قلق مو طبيعي
ما اعرف كلامه صح لو لا سامح الله غلط؟؟؟؟؟؟؟؟؟؟يعني مثل ميكول علاج طبيعي وشوي شوي ترجع ليونة المفصل
وبالاخر اسف لان طولت عليكم بس حاولت اوصل الفكره الكم باوضح طريقه
وانتظر الرد من اعضاء الهم تجربه او خبره بهل مجال
طمنوني الله يطمن قلوبكم
اخوكم العراقي

 

[تناهيد]

اسال الله العظيم رب العرش العظيم ان يشفيك
ينقل لقسم العلاج الطبيعي ليفيدك الاخصائيين هناك

 

[احسان القيسي]

السلام عليكم ورحمةالله وبركاته
اخي العزيز لماذا كل هذا القلق الله يكون بعونك بلاء كبير ولاكن اين الصبر والرضى بما قدره الله اخي الفاضل اعرف اناس اسوءمن حالتك وشفاهم الله الزم الاستغفار والدعاء وقل لن يصيبنا الا مكتب الله لنا اسئل الله العظيم رب العرش العظيم ان يشفيك ويشفي جميع مرضى المسلمين

 

[علاج طبيعي]

اخي::: سلام عليكم ورحمة الله وبركاته
اما بعد:
اخي صار عندك تيبس في المفصل (تكلس) من قلة الحركة
بس انا هضرب مثل اليك (( رزة (مفصل الباب) لما ما نستخدمو نتركو يصبح متيبس ) صح
ولحل هذا التيبس هي التمارين :.......
وانشا الله بيرجع المفصل كما هوا ... مع التمارين ..
هيكون تحين هتلاحظ التحسن ..
ملاحظة الرجاء ... عدم التحمل على المفصل بطريقة عنيفة ( اي جهد عليه)
معلومة بسيطة مني.. العلاج الطبيعي دائما بفيد ::: ما بضر::
الشفاء العاجل اخي الكريم ...