اسئله تؤرقنى

[الامل في الله]

هل يمكن للطفل التوحدى التعلم بالمدارس العاديهواكمال التعليمابنى فى الثامنه منعمره فى الصف الثانى لم ارسله للمدرسه العام الماضى خشية تعرضه للايذاء من اقرانه فهو لا يستطيع التحدث الا بجمل قصيره ليس لديه حوار او الحكى بما يحدث لهوهذا العام ادخلته المدرسه لان ابنة اخى معه فهى لسانه وبطمن وهى معاه وهو بيعتمد عليها حتى انى خليته معاها وقاعد جنبها فى سنه اولى رغم انه مقيد بالصف الثانى ونجحوه كمجامله فى التيرم الاول رغم انه رفض يكتب اى شئ حتى اسمه لانه كان خايف ومستغرب اختلاف التلاميذ والفصل وعدم وجود بنت خاله اواى شخص يعرفه فبكى وكان متوتر برغم انه يستطيع الكتابه ودرجة تحصيله معقوله ويستطيع الجمع والطرح ويحفظ جدول الضرب وكلمات انجليزيه حوالى 60كلمه والارقام حتى الالف واستعمال ضمائر الوصل وادوات النفى يعنى فى مستوى طفل سنه اولى ابتدائىودرجة ذكائه 80 ويتعامل مع الانترنيت بسهولة ويستعمل الكمبيوتر وهو فى سن الثالثه لكن مايحبطنى هو انه فى الفصل شارد وصامت دايما ومش مركز معاهم خالص وفى المدارس فى مصر تكدس شديد ومش بيهتموا اصلا بحدوبيتعاملوا معاه كانه مش موجود ودايما يقولوا لى اتى بتتعبى نفسك على الفاضى يعنى مش لاقيه تشجيع من حداما بنتى مريحانى بخصوص مسالة التعليم لان مستواها العقلى 40 يعنى اصلا ما متنفعشى تخطى ناحية اى مدرسه ولا نفكر اصلا بس تتعلم تدخل الحمام الاول او تقول اى كلمه لكن بين طرفة عين يغير الله من حال الى حال :7:

 

[ريم أحمد]

رد: اسئله تؤرقنى

عزيزتي الأمل في الله
ابني عمره 7 سنوات وهذه السنة أدخلته مدرسة خاصة للأطفال العاديين، بعد ان كان لمدة عامين في مركز توحد... أدخلته في صف الروضة ألأولى على الرغم من انني كان ممكن أدخله صف روضة ثانية على الأقل.... ذلك ان مستواه اللغوي ضعيف جدا بالنسبة لعمره وتواصله مع ألأطفال كان في بداية السنة منعدم تماما.
تذهب معه إلى المدرسة معلمة ظل... تبقى معه المعلمة طوال الوقت ومهمتها دعم الطفل في كل ما ينقصه عن بقية ألأطفال.... يعني تساعد الطفل في التعامل مع ألأطفال وتضعه في مواقف تدفعه فيها للتواصل اللفظي وغير اللفظي معهم.
أعتقد أن أغلب أطفال التوحد بحاجة إلى معلمة ظل في المدارس على الأقل لعدة سنوات، حتى لو كانوا يتعالجون.... ذلك ان مهارات التواصل لديهم غير موجودة وهم بحاجة لتعلمها.
تحسن ابني كثيرا في التواصل مع الأطفال بفضل الله تعالى، وكان لمعلمة الظل الدور ألأكبر في ذلك، جزاها الله خيرا

 

[الامل في الله]

رد: اسئله تؤرقنى

كان نفسى يكون معاه شادو تيتشر لكن ما باليد حيله واكيد كانت هتفرق معاه كتير زى ما قلتى يا اخت ريم لكن عندنا لا حياة لمن تنادىومش مهتمين بحالته وكانه مش موجود بالفصل

 

[ريم أحمد]

رد: اسئله تؤرقنى

أختي العزيزة
يمكنك الاتفاق مع سيدة يمكنك الوثوق بها إن لم تتمكني من الحصول على أخصائية توحد..... وبهذا الشكل لن تتكلفي ماديا بشكل كبير.... يعني تماما مثل مربية خاصة بالطفل، في البداية اجعليها تتعود على الطفل حتى يحبها وبعد ذلك دربيها على المطلوب منها... وهو باختصار تعليم الطفل أن يتصرف مثل أقرانه في الصف..... ابنة أخيك لن تعلمه هذه الأمور... ربما تدفع عنه أذى لكن قد تزيد من حالة التوحد لديه دون قصد... لأنها ستتصرف بدلا عنه وهذا سيزيد الحالة فعلا......
قومي بالبحث في محيطك عن سيدة تخاف الله، وهذه هي النقطة الأهم. وأن تكون صغيرة في السن، يعني حوالي 20 سنة حتى تلعب معه وتكون قريبة لسن اللعب والمرح. الكثيرات يرغبن بالعمل وظروفهن الاجتماعية تحتم عليهن ذلك... والعمل مع طفل صغير والذهاب معه إلى المدرسة مهنة محترمة جدا وستجدين الكثيرات ممن يرغبن بذلك. وإن شاء الله يعينكم على التكاليف المادية... فهذه النقطة ستفرق معك كثيرا

 

[الامل في الله]

رد: اسئله تؤرقنى

يا ختى ريم حضرتك لا تعلمى مستوى المدارس هنا او اسلوب التعامل فيها منتهى الروتين والبيروقراطيه ازاى يوافقوا فى المدرسه علىان واحده ما تكون معينه من قبل الوزاره وازاى مرسة الفصل تسمح بذلك فى وسط كثافة الفصل ده الولاد 4على ديسك متر و70 طفل فى الفصل ده كانوا يسمعونى ما لا ارضاه ده كده متخيلين انهم بيساعدونى باقصى مايمكن علشان جعلوه بفصل غير فصله ويجلس بجوار بنت ويروح يوم ويوم نحن بمصر ومدينه صغيره بها ولسنا بامريكا الوضع هنا محبط

 

[ريم أحمد]

رد: اسئله تؤرقنى

عندما وجدت مدرسة تقبل ابني في بداية العام عانيت جدا..... فأنا بمجرد أن أقول أن لدى الطفل حالة خاصة تبدأ الاعتذارات بسبب ضيق المدرسة وكثرة الأطفال.... وأحيانا أسباب تافهة أفهم معها أنهم لا يريدون أي طفل لديه حالة خاصة مهما كانت بسيطة...
ومع أني كنت أخبرهم ان يجربوا التعامل مع الطفل أسبوع واحد فقط ومعه معلمة الظل ... وانني على استعداد أن ادفع رسم التسجيل ولا أطالب باسترجاعه إذا رفضت المدرسة قبول الطفل... يعني عملت لبعض المدارس البحر طحينة ولم ينفع معهم...
المدرسة الوحيدة التي قبلت ابني ومعه معلمة الظل كانت مديرة قسم الروضة فيها إنسانة حبوبة ولديها حفيد لديه مشكلة تأخر نطق.... وقالت لي أنها تشعر بمعاناتي وانها على استعداد لمقابلة الطفل وقبوله إذ كانت حالته تسمح... الحمد لله شاهدت محمد ورأت أنه طفل مسالم وحبوب ويمكن فعلا دمجه مع صف عادي لكن مع معلمة ظل......

يعني في النهاية لن يشعر بك إلا من هو في مثل حالته....
حاولي أن تجدي أحد في المدرسة ممكن يتعاون معك واطلبي منهم أن يتوسطوا في ذلك..... حاولي ولن تخسري شيئا...
أرجو أن تبذلي أقصى جهد فالأمر يستحق التعب....
أمهات مرضى التوحد ليسوا أمهات عاديات... بل يجب أن يكونوا محاربات
أتمنى ألا أكون ضايقتك بكلامي... لكن اطفالنا فعلا بحاجة أن نسعى من أجلهم في كل اتجاه
أدعو الله أن يوفقك أختي العزيزة ويساعدك في مساعيك كلها

 

[ازميرالدا]

رد: اسئله تؤرقنى

اختي الامل بالله
اؤيد رأي الاخت ريم من اهميه وجود شادو تيتشر مع ابنك لان فعلا خساره فماشاء الله مستواه كما تذكرين جيد جدا و ذكاؤه ايضا و لكن اعتقد ان مشكلته في ادراكه انه اقل من زملاؤه في اللغه مما يجعله منعزل بالاضافه لما هو متوقع من كلام الاطفال في هذا السن و الذي قد يؤذي مشاعره و يزيد من انعزاله
انا من مصر و طبعا عارفه الوضع في المدارس الحكوميه ولكن فكري ماذا سيفعل في امتحان سنه سادسه و هو شهاده و علي مستوي المحافظه كيف سينجح بدون ان يتعود ان هناك امتحان و تكون عنده ثقه بنفسه ليكتب؟؟ ... طبعا انا مش عايزه احبطك بس عايزه اشجعك انك تحاولي في موضوع الشادو باستماته و لو من معرفتك بالمدرسين انهم قد يرفضوا الشادو حتي لا تكون عين عليهم مثلا متقوليش انها شادو قولي انها قريبتكم و حتساعده علشان يركز افضل او حتي اتصاحبي علي مدرسته وكوني انت الشادو لو تطلب الامر
ولو لم يفلح اي شئ ابحثي عن مدرسه خاصه معقوله او حتي تجريبيه تكون كثافه الفصول اقل فعلي الاقل لو لم يرضوا ايضا بالشادو سيكون هناك عدد اقل من الاطفال و اهتمام افضل
وربنا يوفقك

 

[الامل في الله]

رد: اسئله تؤرقنى

اختى ريم وازميرالدا جزيتم خيرا على الاهتمام انا فعلا يئست انا ارسلت بفاكس لوزير التعليم وسوزان مبارك ولا احد يجيب وطلبت من المديره انى اعمل كده قالت لى مدرسة الفصل قولى لها على اللى عايزاه وللاسف فى التيرم الاول بسبب ظروف انفلونزا الخنازير كان الكثافه بسيطه وكانت المدرسه حنونه وبتحاول تخليه مركز معاها وبتشغله لكن يا فرحه ما تمت الفصول انضمت لبعضها وبقت زي علبة السردين والمدرسة اتغيرت وجت مدرسه كشره جدا وبتضرب العيال وتزعق والولد بقى بيخاف من المدرسه بعد ما كان بيحبهاواسلوبها وحش ومش عايزه اذل نفسى معاها لانها مش هتحس بالنار اللى انا فيهاوفيه فى المدرسه اخصائيه نفسيه دارسه التوحد لكن ملزمه بحصص وجدول ومش فاضيه ومش فى دماغها هتوجع دماغها معانا ليه ولسه حالا شدت معايا مدرسة فصله بتاع سنه تانيه انى لسه مقعداه فى سنه اولى وبتقولىدى فوضى ودى مسؤليه عليها هيا وكلام روتينى كتير وقلت لها الرحمه فوق القانونلكن لايشعر بك الا الموجوع مثلك وحكاية مدرسه خاصه فكرت لكن لا استطيع تحمل اعباء اكترمن اللى انا فيها اكتر من الف جنيه بيتصرف عليهمن فى الشهر واكيد يا اخت ازميرالدا انتى عارفه المرتبات والمعيشه عندنا شكلها ايه يعنى الحمد لله اننا عارفين نعيش ده انا بعتمد على والدتى فى كتر من المصاريف وبعدين مناهج المدارس الخاصه بالانجليزى يعنى هصعب عليه الامر

 

[قول يا رب]

رد: اسئله تؤرقنى

اختى الامل فى الله كان الله فى عونك انا اشعر بما انتى فيه فولدى 6سنوات رفضوا ان ياخذوة مع ان ابنى بشوش وهادى ولايوذى احد بل العكس وقدمت فى كذا مدرسه خاصه عربى لكن مافيش تعاون يشوفوا الولد بيجرى ومش يرد علينا طفل مبسوط بمكان جديد يقولوا ده مش طبيعى عايز مدرسه خاصه بحالته ورفضوا كمان فكره الشادو علشان اولياء الامور مش يخافوا على اطفالهم لم يشاهدوا حد كبير فى الفصل او الحل الاخر المدارس الدوليه اللى بفلوس كثثثثثثثيرلكن مناهجهم وطرق الامتحان مناسبه لحاله اطفالنا وكمان بيقبلوا الشادو ربنا معنا وقولى يا رب.

 

[أم مالك]

رد: اسئله تؤرقنى

الله يعينك ويفرج همك

اللهم اشفي مالك وكل مريض

 

[الامل في الله]

رد: اسئله تؤرقنى

شكرا لكم اخواتى اختى قول يارب عملتى ايه مع ابنك ادخلتيه مدرسه دوليه ولا ايه ابنى حاليا نجح وداخل 3 ابتدائى لكن ناويه بامر الله اعيد له سنه تانيه واحاول اجيب له مدرس البيت لان كل معلوماته من خلال المركز فقط يعنى لو ربنا هداه مع المدرس هتفرق معاه كتير هو بيحفظ بسرعه خاصه الانجليزى لان والده مدرس انجليزى ودايما بيحفظه كلمات ده حفظ الحروف في يوم واحد والولد ييجى منه بس للاسف المدينه اللى انا فيها صغيره وما فيش امكانيات فيها كمراكز كبيره او تعاون وتوجيه من اى جهه وذكائه ممتاز مع النت بيدخل عليه لوحده منذ ان كان في الثالثه من عمره وصوته جميل جدا في القران ويقلد جميع الشيوخ ويميز اصواتهم بالسمع لكن لا اجد من ينمى هذا الولد ويثقل مواهبه ولنا الله خير معين

 

[قول يا رب]

رد: اسئله تؤرقنى

اختى الامل فى الله المدارس الدوليه غاليه كثير انا كنت عايزه ادخلهkg1لغات تجريبى علشان العدد اقل فى الفصل قالوا علشان يادوب لسه متحسن فى الكلام وبيقول جمله بسيطه من كلمتين او ثلاث مش تلخبطيه قلنا المدارس العادى كثافتها كبيره نيجى على نفسنا وندخله خاص عربى مش قبلوة وخفت اضغط و اشوف واسطه لايقبلوة ومش يستفيد ولانضيف جديد خصوصا ان ابنى برغم انه بشوش ومش عنيف بس فضولى وشقى وتاه منى اربع مرات من ضمنها مره فى حضانه والده راح يجيبه دخلوا ومش لقوة وكان يوم اعصابنا تعبت لانه مش كان لسه يعرف يكلم فبخاف من المدرسه لما تكون مش متعاونه والدكتور قالى المهم التحسن فى الحاله واحسن له انه يتاخر فى المدرسه عام على الاقل علشان كدة قلت اعتبر السنه دى اعداد للعام القادم واركز على السلوك والاستماع للاوامر وبيذهب لمركز ابنى 3مرات فى الاسبوع وبنحاول نذاكر فى البيت يمكن لما يروح يمتحن للدخول يدخل kg2اصله لما رحنا مقابله الدخول قالوا لو مش نجح فى امتحان الدخول لkg1حياخذ كورس صيفى لتحسين المستوى تقلوووش الولد داخل الجامعه ربنا يعينا ويشفى اولادنا.

 

[الامل في الله]

رد: اسئله تؤرقنى

الله يعينك حبيبتى ويعينا ويصبرنا الموضوع بتاع المدرسه ده مدمر اعصابى حتى ان نصف وجهى احسه منمل وصداع رهيب عند التفكير فيه وسبحان الله نصف عائلته مدرسين منذ الجدود وتعبانين في تعليم ابننا والده مدرس وجده وعمه وخاله وكتير في العيله لكن امر الله ابنى عمل حكاية الهروب من الحضانه في اول يوم ذهب لها نزل من غير ما ياخدوا بالهم وكان عنده 4سنين ولله الحمد روح لوحده عند والدتى لقيته بيخبط عليها صعقت انه عرف البيت لوحده ستر ربنا مشكلة ابنى هو انه في مرحله وسطيهيعنى لا طبيعى ميه ميه خاصه اللغه بس ولا سئ وعنده معلومات حلوه في الحساب سريع والانجليزى يحفظ كلمات كتيره والعربي لا باس لكن المحبط نظام التعليم نفسه

 

[قول يا رب]

رد: اسئله تؤرقنى

ربنا يتم شفى اولادنا على خير ويرشدنا للطريق الصح انا اهم حاجه عندىحاليا مش يجرى منى فى الشارع وان جرى يسمع الكلام ويرجع لما اناديه مع انى مش حبساه وبخرجه اكثر من اخيه الصغير وانه يقعد هادى شويه فى الحضانه علشان يقبلوه بعد كده فى المدرسه .بس كنت عايزه اعرف هى المدارس الحكومى قبلت ابنك ومش علقت على حاله ولا هما بياخذوا ورق وخلاص وماحدش مانع وجوده فى الفصل من المدرسين وازاى قعد فى الامتحان.

 

[الامل في الله]

رد: اسئله تؤرقنى

مديرة المدرسه كانت زميله لعمة ابنى وعارفه والد زوجى لانه ايضا كان مدرس رحمه الله بنفس المدرسه اللى فيها ابنى حتى زوجى كان تلميذ بنفس المدرسه الدنيا صغيره والعمر بيجرى وعملت مقابله لابنى وسالته بعض المسائل الحسابيه والحروف والولد جاوب ومحمد ابنى هادى الان لا يتحرك من مكانه والامتحان هما ساعدوه لانى عدت له اولى وامتحن تانيه ورايح السنه دى تالته بس هخليه يعيد تانيه وهما في المدرسه بيحبوه وهو اشهر واحد بالمدرسه وكله متعاطف معاه لانه خجول وسبحان الله هو في كل مكان ربنا بيحبب فيه الناس وله كاريزما بتشد الناس له وتسيطر على قلوبهم اما بنتى فلا اجرؤ بالتفكير لها بالتعليم لانها لا تجلس بمكان او تعتمد على نفسها بالحمام رغم بلوغها 6سنوات ونصف

 

[أم ريمووو]

رد: اسئله تؤرقنى

اختي الامل بالله والله لااملك لك الاالدعاء بان يفرج همك ويسهل امرك مع ابنك من حيث لاتحتسبين

 

[شوق نجد]

رد: اسئله تؤرقنى

الله يساعدك يارررررررررب

 

[ام عبد القادر]

رد: اسئله تؤرقنى

اختي العزيزه انا اعاني نفس معاناتج مع المدرسة العادية مع العلم انه ابني نجح حاليا الى الصف الخامس ولكن لولا وجود اخوه معه بنفس الصف لما كان هناك تعليم لان المدرسة بدون مدرسة ظل اصلا ولايوجد هكذا اختصاص عدنا ولكن الاحسن هو المدرسة الاهلية لحالة ابنج مع وجود مدرسة ظل معاه طول الوقت .والله يشافي اولادنا جميعا.