اسيرة الحرمان

[جروحي قصايد]

السلام عليكم ورحمة الله وبركاته

يسعد اوقاتكم اخواني واخواتي بكل خير

الصراحه انا سجلت هنا

وانا محتاجه النصح محتاجه احد يوقف بجنبي

بعد الله سبحانه وتعالى

انا فتاة ابلغ من العمر 29 سنه مصابه بشلل اطفال من كان عمري اربع شهور

وسويت عمليتين لما كنت باولى ابتدائي

واللحين والحمدلله على كل حال مافيني الاعرج

والحمدلله متعلمه وواصلت دراستي رغم ظروفي العائليه والصحيه

وعلى قدر كبير من الجمال والاخلاق

يتيمة الاب وعايشه عند امي وخوالي

معاناتي بدئت من كان عمري 22 سنه تقدم شاب لي وخطبني ووافقت ووافق الجميع

وتملكت والزواج بعد مايتوظف

الشاب مقتنع فيني وبااعاقتي وكذا مره جلست معه طبعا بعد الملكه

اخذت خمسة سنوات وانا معقود قرآني

وباقي شهر ويتحدد الزواج

جاني اتصال هاتفي على الجوال من بنت مااعرفها

وبدت تتكلم وتقول زوجك فلان مو مقتنع فيك وهو مايحبك بس راحمك ويحبني انا وبنتزوج

فاتركينا بحالنا

انا هنا ضاقت فيني الارض وعندي عزة نفس كبيره وماارضى احد يناظرني نظرة شفقه ورحمه

اتصلت فيه

وقلت له كل السالفه وسكت مااتكلم

بعدين تكلم وقال انا فكرت كيف امشي معك بالسوق وقدام الناس

<< انت متزوج بنت ناس ومتربيه ولامتزوج عارضة ازياء بتستعرض فيها بالاسواق

قلت ليش اللحين تكلمت بعد خمس سنوات من الانتظار

جلس يبرر بحجج طيحته من عيني

المهم طلبت الطلاق وتطلقت بعد خمس سنوات من الانتظار

وجلست عند امي وادرس برمجة حاسب باحدى معاهد الرياض

قالو لي ان فيه علاج بالهند لمثل حالتي وطرت من الفرح وصدقوني دمعتي على عيني

من سمعت بها الخبر

صرت ماانام اذا حطيت راسي على المخده اتخيل واعيش بالاحلام

اتخذت قرارت وقلت لازم انا اسعى واتحرك امي كبيره ومافيها شده

قلت من بكرا بروح لبنك التسليف واخذ قرض علاج واسدده من راتب الطلاق اللي اخذه من الضمان الاجتماعي واسافر للهند واتعالج

بس امي كسرت مجاديفي وحبطت نفسيتي

ومدري شنو اسوي وربي محتاره وبحاجه لواحد يوقف بجنبي لو بنصح لاغير

يتم واعاقه وحرمان

الله يجزاكم خير



جروحي قصايد

 

[تناهيد]

شفاك الله وعافاك اختي الكريمه
انا لن ادخل في تفاصيل الموضوع وساترك الامر لمشرفة القسم التي ستجيبك فور دخولها للمنتدى ان شاء الله وبحكم مشاغلها هي لا تتواجد بشكل مستمر
بالنسبه للعرج اللي عندك ان كان سببه قصر احد الساقين اعتقد في الهند يعملوا عمليه لهذا النوع من القصر لكنها عمليه صعبه ومؤلمه في نفس الوقت والاخت عاشقة البسمه اجرت هذه العمليه قبل سنوات ولو حبيتي تعرفي منها تفاصيل اكثر عن العمليه خبريني وانا ارسل لك ايميلها
بالنسبه للزواج اوكلي امرك لله واتركي هذا للنصيب فكل شيء مقدر ومكتوب واسال الله ان يرزقك الزوج الصالح

 

[جروحي قصايد]

مشكور اخوي على ردك

والله يجزاك عني كل خير

وياليت ترسلي ايميلها

 

[تناهيد]

تفضلي اختي هذا ايميلها
ruwayda111@yahoo.com