تأخر عقلى أم توحد أو الإتنين ؟ أرجو الإفادة

[أختكم فى الله]

السلام عليكم ورحمة الله وبركاته

إللى محيرنى فى بنتى هو التأخر فى المشى هى عندها دلوقتى سنتين
هى جلست فى معادها الطبيعى بس الحبو كان عند سنة وشهرين وحتى الأن عندها سنتين وبترفض تمشى بدون مساعدة .. حتى إنها بتقدر توقف لوحدها بس بترفض تقف إلا إذا كان فى أى شخص جمبها وتقدر تخطى ثلاث خطوات لوحدها ولكن بترفض تعمل كدة من نفسها وبقالها على كدة فترة طويلة ومفيش تقدم لأنها رافضة تطور من نفسها ومش عارفة الحل معاها إيه
حتى إن دكتور العلاج الطبيعى قالنا هى مش محتاجة علاج طبيعى هى خوااافة جداااا ومعتمدة عليكم ولازم تحسسوها بالثقة فى نفسها فأنا مش قادرة أعرف هل ده يعتبر تأخر حركى وعقلى .. لأن التأخر العقلى هو الوحيد إللى بصاحبه تأخر فى الحركة ولا ده بسبب تأثير سمات التوحد عليها وهو الخوف الشديد لأنها أصلا خوافة جدااا بتخاف من أشياء تافهه ..
وكمان من الأشياء إللى محيرانى .. إن تواصلها البصرى ما شاء الله جيد جداا ومش بتحب العزلة ولا الروتين وكمان عندها المقدرة على تقليدنا فى أشياء كتير ومن وقت ما كان عندها سنة وهى بتحب تقلدنا وانا بشوف إن ده منافى للتوحد
بس هى إجتماعيا متقلبة جداا وملتصقة بيا جدااا ثم أبوها وغير كدة مش بقدر أحكم عليها أيام تكون كويس جدااا ومتجاوبة مع أقاربنا وأيام أخرى متكونش مستحملة حد يلمسها منهم .. مش عارفة هل ده بحكم سنها وكمان طبيعة حياتنا إننا فى اغلب الوقت انا وهى لوحدنا فى البيت والأختلاط بالأهل قليل بسبب طبيعة شغل باباها .. وكمان أنا امى وكل عائلتى بتقولى إنى كنت كدة وانا صغيرة وكانوا دايما يذكرولى الشئ ده حتى قبل زواجى كانوا دايما يقولولى إنى كنت مش إجتماعية وعصبية وكثير البكاء وصعب إنى اتأقلم على اى شخص بسرعة

فأنا محتارة مش عارفة هل ده تأخر عقلى وحركى ولا إن التوحد ممكن يسبب تأخر فى المشى أرجوكم أفيدونى فى الموضوع ده

 

[عالية]

رد: تأخر عقلى أم توحد أو الإتنين ؟ أرجو الإفادة

والله يا أختي في الله بخصوص تجربة مع بنتي أن حركتها ضعيفة شوية ولكن الأطباء مختلفين معاية بنتي بدأت تمشي في السنة و تلات شهور ولكن سرعان ما تسقط وما تجري كباقي الأطفال ولكن الأن الحمد لله كتير من أطفال التوحد عندهم تأخر في الحركة حولي معها أن تعتمد على نفسها شوية وشجيعها إنشاء الله تمشي وتفرح بيها

 

[ازميرالدا]

رد: تأخر عقلى أم توحد أو الإتنين ؟ أرجو الإفادة

اختي اختكم في الله
اري انك ما زلت محتاره في تشخيص حاله ابنتك
ربنا معاكي و ان شاء الله يشفيها و تشوفيها احلي عروسه
بس عزيزتي احنا في الاول و الاخر امهات زيك بالضبط يمكن فيه منا اللي بيقرا كتير و اللي في موضوع التوحد من سنين و لكن بالتاكيد مش حنقدر نقولك تشخيص حاله ابنتك
انتي محتاجه طبيب نفسي علشان يعملها الاختبارات و يشوف اذا كان اللي عندها توحد ولا تاخر عقلي و علي فكره مش شرط ان يكون عندها كل صفات التوحد علشان نقول ان عندها توحد ... و كمان محتاجه طبيب اعصاب علشان يقولك اذا كان الكيس اللي في المخ ماثر ولا لا و كمان الضمور البسيط اللي عندها انا عارفه ان فيه دكاتره قالولك ان ده مش مأثر خالص بس الواقع ان هي عندها اكتر من مشكله فيا تري ايه السبب؟
كنتي ذكرتي ان عندك ميعاد مع الدكتوره منال عمر يا تري ايه الاخبار؟؟؟
سبق كمان و قلتي ان زوجك طبيب فهل ماعندوش زميل يكون مسافر بره في بعثه مثلا يرسله الاشعه الخاصه بابنتك ليعرضها علي طبيب هناك و يقول رايه فيها؟؟
اتمني لك كل التوفيق

 

[أختكم فى الله]

رد: تأخر عقلى أم توحد أو الإتنين ؟ أرجو الإفادة

شكرا ليكى أختى عاليا جزاكى الله كل خير
أختى ازميرالدا
بصراحة انا لحد دلوقتى متاخرة فى تشخيص بنتى بسبب الإختيار الغير موفق للدكتور فى المرات السابقة وحاليا إتأجل ميعاد الدكتورة منال ليوم 4 \ 12 ومش عارفة هفضل فى الحال ده لحد إمتى
بالنسبة للأشعة .. شافها حتى الآن 3 دكاترة متخصصين منهم جراح مخ وأعصاب مشهور جدا فى مصر وكمان مشهور بالعلم والخلق والأمانة ربنا يحفظه وهو الدكتور وليد رأفت أجمعوا إن الضمور تقريبا ملوش أى تاثير وفى منهم قال ميعتبرش ضمور وإللى كتب تقرير الأشعة كان خاطئ لما أطلق عليه ضمور.. أما كيس الماء بيقولوا تأثيره بس ممكن يكون فى زيادة الكهربة وكمان مركز الإبصار .. والحمد لله هى معندهاش تشنجات ورسم المخ مكنش فيه كهربة زايدة وكمان الحمد لله قاع العين عندها كويس .. غير كدة إن شاء الله ملوش تاثير على اى شئ تانى ومفيش خطر منه ولا هيكبر عن كدة إن شاء الله لأنه مش ورم الحمد لله
ومحدش فيهم قال غير واحد بس إنه ممكن يكون هو سبب أعراض التوحد (ممكن آه وممكن لأ ) إنما إحتمال كبير يكون هو سبب عصبيتها الزايدة بعض الأحيان
فأنا فعلا منتظرة بفارغ الصبر أروح للدكتورة منال وأتمنى إنى استقر وألاقى عندها ضالتى .......
أنا عارفة طبعا إن محدش فيكم يقدر يشخص الحالة .. إذا كان الدكاترة نفسهم بيحتاروا فى التشخيص
بس كنت عايزة أعرف هل التأخر فى المشى له علاقة بالتوحد وإيه علاجه هل بيكون علاج طبيعى ولا علاج نفسى ولا بنسيبهم ومع الوقت بيمشوا فى وقتهم؟

 

[أم دانيال]

رد: تأخر عقلى أم توحد أو الإتنين ؟ أرجو الإفادة

عزيزتي اختكم في الله
بغض النظر عن تشخيص حالة ابنتك
يمكن هي خوافة شوي وما عندها الجرأة تمشي وحدها الا بمساعدة أحد
ابنتي ما مشيت الا لما صار عمرها سنة ونص والحمدلله ما بتشكي من شي.
خديها عند اخصائي gymnastic يعمل لها تمارين لقدميها.

 

[قلبي ضاع معك]

رد: تأخر عقلى أم توحد أو الإتنين ؟ أرجو الإفادة

اختكم في الله ..
ان شاء الله خيرة في التأخر في الموعد .. بس احنا الدكتور لما شخص حالة ابني من اكثر الاسئلة اللي سألني اياها عن الحركة والمشي والحبو والجلوس ..
ما ادري يمكن له علاقة بالتوحد ...

بس انت عملت لها تحاليل الدم ؟؟ اشعة المخ ؟؟ تحاليل السمع ؟؟

كلها عرضيها على الدكتورة وان شاء الله ما فيها الا العافية ..

والافضل انك تبدأي معها العلاج الطبيعي ...

 

[محمد عنتر]

رد: تأخر عقلى أم توحد أو الإتنين ؟ أرجو الإفادة

الاضطراب في الحركة ليس من اعراض التوحد سواء كان توازن الجسم ام تأخر في الوقوف مثل ابنتك
بالنسبة للقدرات التي ذكرتيها من ان ابنتك تستطيع ان تقلد وتواصلها البصري جيد وانها اجتماعيا احيانا فكلها قدرات تبشر بان ابنتك ليست توحدية
ولكن الامر لا يخلو من ضرورة اخضاع ابنتك لتشخيص علمي بعيدا عن الاستشارات الانترنتية لان ملاحظة العين للطفلة والملاحظة الحية من اهم قنوا ت التشخيص
بالنسبة لاذا كان تخلف عقلي ام توحد فتستطيعي بمجموعة من الاوامر وملاحظة الاستجابات ان تحكمي على قدرات ابنتك العقلية والتي تعطيك مؤشر مبدئي بمستوها العقلي
...
تقبلي مروري وخالص دعائي لك ولكل ام تجتهد للحصول على الافضل لابنائها ولم تستسلم ...الام هي المراه الوحيدة التي لا نقبل التشكيك في نوايها او جهودها ...

 

[أختكم فى الله]

رد: تأخر عقلى أم توحد أو الإتنين ؟ أرجو الإفادة

أختى أم دانيال جزاكى الله كل خير .. هى فعلا خوافة جدااااااا ربنا يهديها ومش بتحب تعتمد على نفسها بس دكتور العلاج الطبيعى قالى خلاص معدتش محتاجة علاج طبيعى هى مستعدة للمشى بس محتاجة تشجيع وتحس بالأمان

أختى ضاع قلبى معك أنا عملتلها أشعة المخ ومظهرش فيه شئ له علاقة بالمشى .. المشكلة إنها بتعرف تقف كويس وكمان بتخطى .. يعنى ممكن تفضل واقفة جمبى 10 دقائق بس لو مشيت أو بعدت عنها ترمى نفسها على الأرض أو عليا لازم أكون جمبها وهى واقفة ....... إنما مش باشوفها واقفة لوحدها من غير ميكون فى حد جمبها لازم تسند على أى شئ ...... ومش عارفة الحل معاها إيه أنا حاسة إنها مشكلة نفسية ومش عارفة أتعامل معاها إزاى

 

[أختكم فى الله]

رد: تأخر عقلى أم توحد أو الإتنين ؟ أرجو الإفادة

الاضطراب في الحركة ليس من اعراض التوحد سواء كان توازن الجسم ام تأخر في الوقوف مثل ابنتك
بالنسبة للقدرات التي ذكرتيها من ان ابنتك تستطيع ان تقلد وتواصلها البصري جيد وانها اجتماعيا احيانا فكلها قدرات تبشر بان ابنتك ليست توحدية
ولكن الامر لا يخلو من ضرورة اخضاع ابنتك لتشخيص علمي بعيدا عن الاستشارات الانترنتية لان ملاحظة العين للطفلة والملاحظة الحية من اهم قنوا ت التشخيص
بالنسبة لاذا كان تخلف عقلي ام توحد فتستطيعي بمجموعة من الاوامر وملاحظة الاستجابات ان تحكمي على قدرات ابنتك العقلية والتي تعطيك مؤشر مبدئي بمستوها العقلي
...
تقبلي مروري وخالص دعائي لك ولكل ام تجتهد للحصول على الافضل لابنائها ولم تستسلم ...الام هي المراه الوحيدة التي لا نقبل التشكيك في نوايها او جهودها ...

جزاك الله كل خير يا اخى
ممكن اعرف منك إيه الفرق بين التأخر العقلى البسيط والتوحد البسيط ........ أو أيهما أخف فى المشاكل

وكمان ياريت اعرف منك إيه هى مجموعة الأوامر إللى نوهت عنها فى الرد وملاحظة الإستجابة ياريت تقولى عليها ولك جزيل الشكر

 

[احلى توت]

رد: تأخر عقلى أم توحد أو الإتنين ؟ أرجو الإفادة

السلام عليكم ورحمة الله وبركاته
معلش انا أسفه لو بتقل عليكى انا عندى بنت عندها 4 سنين وتقريبا طفولتها إلى حد ما تشبه بنتك وهى صغيره انا كنت قريت موضوعك عن بنتك أنها أتاخرت فى المشى انا كمان بنتى مشيت على سنتين ونص بعد العلاج الطبيعي وكنت عملتها رنين مغناطيسي على المخ قال إن فى نسبه ضمور فى القشره الخارجيه للمخ طبعا عملتلها علاج طبيعى ووديتها تنميه مهارات وتخاطب وهى عندها سنتين بس طبعا هى أقل من اللى فى سنها فى كل حاجه التركيز والفهم والإدراك والكلام بتتكلم زى الطفل اللى عنده سنه اى لخبطه وخلاص يعتبر معظم كلامها مش مفهوم وكمان مشيتها لسه مافيهاش توازن يعنى ممكن تقع من أقل حاجه انا مش عارفه اعمل ايه معاها بتجيلي أوقات كتير أفضل اقول معقول بنتى ممكن تتحسن ياريت تحكيلي تجربتك مع بنتك واتصرفتى معاها ازاى وهل حاله بنتى أسوأ ياريت تردى عليا انا مش عارفه هتشوفى رسالتى ولا لأ بس انا بتعلق بأى حاجه

 

[أم سلطان الحنيط]

رد: تأخر عقلى أم توحد أو الإتنين ؟ أرجو الإفادة

السلام عليكم اختي الفاضلة انا حدلك علي رقم جروب في الواتس اسمه جروب اخصائية التخاطب ان شاء الله اذا بتستفسري عن اي شيء يخص ابنتك يدلوكي
ظ*ظ*ظ¢ظ*ظ،ظ*ظ¦ظ¢ظ¢ظ*ظ¢ظ§ظ§ظ،

 

[أم سلطان الحنيط]

رد: تأخر عقلى أم توحد أو الإتنين ؟ أرجو الإفادة

ارسلتلك الرقم علي الخاص

 

[احلى توت]

رد: تأخر عقلى أم توحد أو الإتنين ؟ أرجو الإفادة

طب ممكن لو سمحتى تبعتيلى رقم الواتساب الخاص بالمجموعه جزاكى الله كل خير