تجاربكم مع بروتوكول سحب المعادن بجرعات قليله ومتكررة

[مهاجره]

السلام عليكم
هل من مجرب لطريقة اندى كتلر او ما يعرف بالكليشن بجرعات قليله ومتكررة


حاولت ابحث هنا بالمنتدى فلم اجد موضوع يناقش هذا الكليشن

عندما بحثت فى جوجل وجدت ملخص فقط للبروتوكول على هذا الموقع باللغه ألعربيه
http://throughthepuzzle.com/safe-chelation/عملية-إزالة-معدن-ثقيل-آمن-ملخص/
وآخر باللغه الانجليزية
http://www.recoveringkids.com/#!getting-started/c1ktj

انا حاليا مشتركه بالجروب العربى والأجنبي لبروتوكول اندى كتلر على الفيسبوك لكن انا عايزه اعرف تجاربكم ،،،،ان كُنتُم طبقتم الكليشن بهذه الطريقه مع اولادكم من قبل ام لا؟؟؟؟؟وان كان هناك مطبقين لكليشن اندى كتلر ؟؟؟؟؟؟؟؟فما هى ملاحظاتكم ؟؟؟؟؟؟؟؟ وهل وجدتم تحسنات عليه؟؟؟؟؟؟؟؟؟

 

[استراليا]

رد: تجاربكم مع بروتوكول سحب المعادن بجرعات قليله ومتكررة

هل وجدتي اختي طوال بحثك ان اي متوحد شفي من سحب المعادن الثقيلة او من الحمية الغذائية؟ ان مخترعي هذه الطرق هم انفسهم يقولون انها لاتشقي ولكتها ربما تساعد في تحسن بسيط ويصفون التحسن بانه مثل الزواق. يعني نزوق المريض ليصبح شكله افضل. انشاء الله بالتوفيق للجميع في مسعاهم ولو حتى نحصل على تحسن بسيط

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

اخى استراليا لو هتكلم عن الكليشن بطريقة أندى كتلر فأنا تواصلت مع بعض الأمهات على الجروب العربى ،،،،والأمهات اغلبهم فى بداية الطريق لكنهم لاقوا بعض التحسنات ،،،،الله يوفقهم


ولكن لو هتكلم بشكل عام عن علاجات التوحد المختلفه ففيه أمهات كتير بتلاحظ تحسنات على أولادهامن حيث الإدراك او اختفاء بعض السلوكيات او اختفاء بعض سمات التوحد ،،،،،،،وذلك سواء بالكليشن او الحميه او حتى بإدخال بعض المكملات ،،او جلسات الاكسجين او حقن الجى سي ماف ،،،،،،او اى علاجات اخرى ،،،،،على حسب كل طفل واحتياجاته ،،،،،
انا اقتنع اكتر بتدريب الطفل وتعليمه انه بيعمل فرق كبير وهو الأساس سواء مع العلاجات او من غيرها ،،،،،،

لكن موضوع الشفاء التام لم اعرف على المستوى الشخصى اى حالة شفاء تام
او حتى الأمهات الكثيره الى اتعرفت عليهم من الفيسبوك لم اعرف اى احد من ولادهم شفى شفاءا تاما ابداااا كلها مجرد تحسنات بل وهناك أمهات تلاحظ تحسنات ثم تحدث انتكاسات وهكذا ،،،


،،لكن قرأت قصص هنا بالمنتدى عن شفاءات تامه والله اعلم،،،،، لبعض الأطفال مثل ابن بوطار بالكليشن او ابن ستان كيرتز بالعلاج الشامل او من شفى بمجرد التدخل السلوكى مثل برنامج صنرايز ،،،،،،وهكذا ،،،،،
،الله يوفق الآباء والأمهات فى اى محاوله يقومون بهاويشفيهم جميعا،،،

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

و عليكم السلام اختى مهاجره
انا بطبق بروتوكول اندى كتلر للكليشن من شهرين و نصف تقريبا الحمد لله
و التحسنات ما شاء الله لا قوه الا بالله كانت منذ البدايه مما شجعنى على الاستمرار
بعد الدوره الاولى ( اول ثلاث ايام ) تفاجئنا بياسين يدخل الحمام لوحده بيخلع بنطلونه و بيقعد على التواليت و يخلص و يخرج من الحمام
التحسن كان مفاجئه جميله لانى تعبت فى تعليمه الحمام سنتين و نص بلا جدوى
وقفت بعد الدوره الاولى عن الكليشن لظروف خاصه و لكن كنت ارتب له مع طبيب ياسين حتى بدانا مره اخرى
بعد ثلاث دورات لاحظت التحسن فى ادراك ياسين و فهمه للاوامر بشكل كبير الحمد لله
و كان التطور الثانى المفاجئ هو اول كلمه موظفه من ياسين بفضل الله وحده
قال ( هم ) كان عايز ياكل هههههه بساله عايز ايه قالى هم و كررها كذا مره و لحد الان بساله عايز ايه لما يعوز ياكل يقول هم
ياسين الان ما شاء الله بيفاجئنى كل فتره بتصرف جديد عليه او تحسن يعمله .. هو الان بعد فتره فقد للتواصل البصرى اصبح تواصله البصرى ممتاز ... الانتباه كان دائما عنده مشكله فيه مش منتبه و ده كان بيسبب انه صعب تعليمه و تقدمه فى الاهداف .. الان انتباهه كويس جدا و الحمد لله اصبح ينجز الاهداف فى وقت مقبول بعد ان كان بيقعد بالشهور فى هدف واحد
زرت الحضانه بتاعته لقيته بيقلد حركات الاغانى مع اصحابه ... هو كان ممكن يقلد حركه منفصله لكن اغنيه كامله و حركات مش مرتب لها بيقلد الاستاذه بتلقائيه من اغنيه لاغنيه كان اول مره ارجع من حضانته مبسوطه . فرحت جدا لما لقيته بيطلع على صوابعه رقم اتنين عشان بيغنوا اتنين زائد اتنين يبقوا اربعه
بقى يهز راسه بالايجاب لما اسئله على حاجه
الحمد لله و الشكر لله و ان شاء الله يفضل فى تحسن لحد الشفاء التام
و على فكره من السلبيات اللى حصلت لياسين على الكليشن هو حساسيه الاصوات .. لم يعانى منها ياسين من قبل .. و الان بقى لما يسمع صوت عالى يحط ايده على ودنه .. بدات اديه مستخلص الادرينالين كورتكس من كم يوم و براقب الحساسيه ان شاء الله تروح
كمان الفطريات كنا مسيطرين عليها و للاسف تهاونت فى اعطاؤه المضاد الفطرى و النتيجه انه بقى يضحك هستيرى و ينط كتير و الحمد لله لما واظبت عليه بصرامه سيطرنا على الوضع تانى
دى تجربتنا مع كليشن اندى كتلر و ان شاء الله تكون فادتك اختى مهاجره و فادت اى حد حابب يعرف عنه
و ان شاء الله ربنا يشفى كل اطفالنا

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

نسيت اقول كمان ان ياسين بقى يرشينا لما يعوز حاجه خصوصا من اخته يروح يبوسها و بايده بياخد منها الحاجه اللى عايزها عشان ترضى انه ياخدها .. لكن مشوفتش تطورات اجتماعيه اكتر من كده غير ان يبوس اصحابه فى الحضانه و بيحب يلعب فى ملابس البنات اللى كلها خرز و اكسسواراتهم و توكهم ههههههه ان كان ده حاجه حلوه يعنى
الحمد لله احنا فى البدايه و فاضل كتييييير على الشفاء اللى انا واثقه انه حيحصل باذن الله و انا شفت اطفال شفوا من التوحد تماما و لا كانوا عاملين حميه و لا اى علاج سبحان الله فالشفاء من التوحد موجود لكن يحتاج صبر و مثابره مننا عشان نوصله
يارب من على كل اولادنا بالشفاء التام يارب

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

بِسْم الله ما شاء الله ،،،جزاك الله خيرا اختى التوحد دور برد
ويارب تبشرينا بشفاوءه قريبا
ياريت تقوليلى هل تنفيذ الكليشن بشكل متكرر كل ٣ ساعات متعب ليكى وخصوصا فى فترة الليل ام لا ؟؟؟؟؟
وهل الحمية شرط قبل التطبيق ولا لا؟؟؟؟
وياريت تشرحيلنا بشكل مبسط عن طريقة البروتوكول بشكل عام،،،

وكمان محتاجه شرح اكتر عن الأدرينال كورتكس ،،،،هل استعماله أمن او هل هناك اى ضرر منه على صحة اطفالنا،،،،،،لانى اول مره اسمع عنه كعلاج لاطفال التوحد هناك فى الجروب العربى ،،،،،،واهم ما قرأت عنه ان بعض سمات التوحد تختفى باستعماله
كالمشكله التى ذكرتيها (حساسية الأصوات)،،،اليوم على الجروب العربى كان هناك أب يشكر تريسى (الادمن) على ان ابنه تحسنت عنده مشكلة حساسية الأصوات بعدما أخذ بنصيحة تريسى بانه يزود جرعة الأدرينالين ،،،،،
وهناك ام نصحتنى به لاجربه لابنى ،،،،لانه بيهدى ابنها ويسيطر على مشكلة العصبيه والضرب عنده
وهناك ام اخرى سيطرت على مشكلة نوبات الغضب والبكاء بدون سبب ،،،

وشكرا اختى لمشاركتنا تجربتك ربنا يفرحك بشفاوءه ان شاء الله

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

ملحوظه للاخوة والاخوات لمن يحب يقرا عن البروتكول اكثر
لانى لم استطع نقل اى ملفات او معلومات من الجروب العربى الى هنا
لان صاحبة الجروب تريسى ،،،،،كاتبه تحذير بعدم نشر اى معلومات من جروبها وتعتبره ملكيه خاصه
وطبعا يجب احترام رغبتها لان دا مجهودها


الجروب العربى على الفيسبوك هو
Muslim Autism Recovery

والجروب الأجنبى
Andy Cutler chelation think tank

وبالتوفيق للجميع

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

اللهم امين اختى و ابنك و ابنائنا جميعا
طبعا هو مرهق فتره الليل لكن انا مثلا بديه جرعه قبل ما انا انام و بعد اربع ساعات جرعه تانيه و دى اللى انا بصحى من النوم ليها و جرعه بعد اربع ساعات تانيين يكون خلاص صحينا كلنا فبحاول انى اظبط المواعيد بحيث اصحى مره واحده و طبعا لازم اظبط باليل حوالى خمس او ست منبهات عشان اضمن انى حصحى ان شاء الله .. لكن مش مشكله التعب و الارهاق طالما فى امل انهم يشفوا من التوحد
بالنسبه للحميه مش مطلوبه فى البروتوكول بمعنى ان الحميه او عدمها مش حتاثر على عمليه سحب المعادن من الجسم لكن فى اطفال بيكونوا محتاجين لها سواء لحساسيه غذائيه او غيرها من الاسباب بيتقدموا افضل بيها و التحسنات بتظهر عليهم بسرعه
و انا بصراحه بخطط لكسر الحميه بعد فتره ان شاء الله
بالنسبه للادرينالين كورتكس فاهمال اعراض اجهاد الادرينالين اكثر خطا شائع عند الكليشن و مستخلص الادرينالين كورتكس هو الجزء الخارجى من الغده الكظريه طبعا مستخرج من حيوانات و نحن بنختار النوع المستخرج من بقر مش من الخنزير .. تعويض الجسم بالمكمل ده بيسيطر على اعراض الاجهاد و لكنه مش بيعالجها .. مع الكليشن الاعراض بتختفى تدريجيا و بتقل الحاجه للمكمل ده تدريجى لحد ما يستغنى الطفل عنه .. من المكملات اللى بتفيد فى حالات اجهاد الادرينالين فيتامين سى و ب5 و ب6

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

انا جربته من كم يوم لسه مقدرش اقول تجربتى معاه لكن فعلا اغلب اللى جربه استفاد منه
ان شاء الله اما الاقى تاثيره على ياسين حقول نتيجته معاه باذن الله

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

ده اداه بحث عن كل اللى كتبه اندى كتلر ممكن تعملوا سيرش عن اى حاجه خاصه بالكليشن
http://onibasu.com/

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

بالنسبه لطريقه البروتوكول فهى تعتمد على اعطاء الكليتور اى المواد الساحبه للمعادن الثقيله و هى الدمسا او الدمبس او الالفا ليبويك اسيد بجرعات منخفضه حتى لا تشكل خطوره سحب الكثير من المعادن دفعه واحده و ايضا الجرعات لابد ان تكون متكرره يعنى كل عدد ساعات معين حسب فتره نصف العمر لكل كليتور .. يعنى عند نهايه هذه الفتره بتقل قوه الرابطه بين الكليتور و المعادن فنعطى جرعه اخرى حتى تظل المعادن تخرج من الجسم بشكل كبير و لا يتم اعاده توزيعها داخل الجسم مره اخرى
يعتمد البروتوكول ايضا على اعطاء المواد المضاده للاكسده مثل فيتامين اى و سى و ايضا المغنسيوم و الزنك و ممكن اضافه بعض المكملات التى تفيد اطفالنا مثل زيت السمك و البروبيوتك و الملتى فيتامين
نستعد بالمضادات الفطريه لمواجهه الاهتياجات الفطريه و نستخدم المضادات الطبيعيه العشبيه فقط مثل خلاصه الجريب فروت و زيت الزعتر و الكابريلك اسيد و غيرها .. و نستعد ايضا بمستخلص الادرينالين كورتكس اذا حدثت اعراض اجهاد ادرينالين
الدوره بتكون لمده ثلاث ايام متواصله نعطى فيها الكليتور كل فتره محدده حسب الكليتور مثلا الدمسا كل اربع ساعات .. الليبويك كل 3 ساعات .. الدمبس كل 8 ساعات .. و الجرعه تحدد على حسب وزن الطفل
و بعد الثلاث ايام من السحب يرتاح الطفل اربع ايام نعطى فيها المكملات بدون الكليتور و بعدهم تكرر عمليه السحب مره اخرى
و اذا حدث و تقيا الطفل او ارتفعت حرارته او تعب تعب شديد بتقف الدوره و ايضا اذا نسينا اعطاء جرعه من الكليتور باكثر من ساعه عن موعدها بنوقف الدوره حتى لا يحدث تناثر للزئبق و للمعادن
الهدف من البروتوكول ليس مجرد سحب المعادن لكن سحبها بطريقه امنه و بطريقه لا تتعب الطفل .. لابد ان يكون الطفل مرتاح اثناء عمليه الكليشن
انا حاولت اعطى فكره مبسطه فهناك تفاصيل فى البروتوكول لكن اذا احببتى اختى مهاجره او اى من الاعضاء شرح نقطه معينه فانا تحت امركم

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

ده اداه بحث عن كل اللى كتبه اندى كتلر ممكن تعملوا سيرش عن اى حاجه خاصه بالكليشن
http://onibasu.com/

جزاك الله خيرا ،،،الموقع دا كويس للبحث اكتر فى الموضوع

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

اختى التوحد دور برد شكرًا على الشرح المبسط
كان عندى بعض الأسءله عن طريقة السحب ومدى درجة الأمان لصحة اولادنا
فأنا قرأت فى الملفات المترجمة بالجروب بعض المعلومات المختلفه تماماً عن ما كنا نقراءه على طريقة الكليشن العادى ،،،،او كليشن الدان المتعارف عليه
فمعنى كلامك انك مستمره فى إعطاء المكملات والمعادن والفيتامينات حتى فى ايام السحب الثلاثه !!!!
بعكس ما كنا نقرا فى كليشن الدان اننا لازم نتوقف عن إعطاء المعادن بشكل خاص ايام السحب ثم نقوم بتعويض الجسم بعد ذلك !!!!!

سوءال هل الدمسا لا تسحب المعادن المهمة كالكالسيوم والحديد وأنها فقط تسحب المعادن الثقيله ؟؟؟؟؟
سوءال اخر تحذير أندى كتلر من الاديتا والكوريلا والزيولايت والبنتونايت ،،،،،فى حين دكاترة الدان بتشجع على استعمالهم؟؟؟لماذا؟؟

وشكرا اختى على سعة صدرك

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

نعم اختى مهاجره .. المكملات كل الايام سواء ايام السحب او ايام الراحه لانها اصلا لدعم الجسم و وظائفه و منع عمليه الاكسده فى الجسم
بالنسبه لسحب الدمسا للمعادن الهامه فانا كنت معتقده نفس الاعتقاد لكن كانت الادمن تريسى على الجروب العربى منزله دراسه بتبين المعادن المفيده و تاثير الدمسا عليها حتى بجرعات عاليه اعلى من الجرعات المستخدمه فى كليشن اندى كتلر و نتيجه الدراسه ان المعدن الوحيد المسحوب هو البوتاسيوم و بقدر الموجود فى ثمره موز واحده يعنى كميه ضئيله و سهل تعويضها سواء بالغذاء او المكملات
بالنسبه للكوريللا لا تستخدم انها تنشئ مع الزئبق رابطه ضعيفه غير كافيه لتطرحه خارج الجسم فالنتيجه انها بتسبب دورانه فى الجسم مسببه تلف للخلايا و مشاكل كثيره
الكزبره غير معروف فتره نصف العمر لها لذلك لا نستطيع استخدامها لان فكره البروتوكول قائمه على اعطاء الكليتور فى مواعيد محدده و مع الكزبره لن نعرف اعطائها يكون كل كم من الوقت لذلك سيكون ضررها اكبر
البنتونايت الكثير من انواعه بتكون ملوثه و الزيولايت ايضا .. البنتونايت لا يرتبط بالزئبق اصلا و الزيولايت ينشئ رابطه ضعيفه لا تكفى لان يطرح الزئبق خارج الجسم
اما الاديتا فلا يجب استخدامها فى حاله التسمم بالزئبق لانها تكون ماده تعتبر اخطر من الزئبق نفسه مع انها فعاله فى حاله التسمم بالرصاص و لكن بشرط عدم وجود زئبق و هذا لا يمكن تاكيده عند اطفالنا لذلك الافضل ان نستخدم ال dmsa , dmps , ala فقط
انا صراحه اثق فى اراء البروفيسور اندى كتلر لانها عقلانيه جدا و منطقيه و مقنعه كما ان وضعه للبروتوكول فى صميم دراسته و عمله كبروفيسور فى الكمياء فالبروتوكول ليس اجتهادات شخص ما بل هى دراسات عالم كمياء و اطمئننت اكثر لما استشرت الطبيب الذى نتابع معه بدون ذكر طريقه اندى كتلر و وضع برنامج العلاج بنفس اساسيات بروتوكول اندى كتلر

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

جزاك الله خيرا اختى
وان شاء الله تشوفى ابنك فى أحسن حال وربنا مايضيع لك تعب ابدااا

 

[ازميرالدا]

رد: تجاربكم مع بروتوكول سحب المعادن بجرعات قليله ومتكررة

الافضل ان نستخدم ال dmsa , dmps , ala فقط
انا صراحه اثق فى اراء البروفيسور اندى كتلر لانها عقلانيه جدا و منطقيه و مقنعه كما ان وضعه للبروتوكول فى صميم دراسته و عمله كبروفيسور فى الكمياء فالبروتوكول ليس اجتهادات شخص ما بل هى دراسات عالم كمياء و اطمئننت اكثر لما استشرت الطبيب الذى نتابع معه بدون ذكر طريقه اندى كتلر و وضع برنامج العلاج بنفس اساسيات بروتوكول اندى كتلر

شكرا اختي العزيزه علي ذكر تجربتك وبالشفاء ان شاء الله
هل فيه دكتور من مصر بيتابع معاكي تنفيذ هذا البروتكول ؟ ومن هو ؟

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

اهلا اختى ازميرالدا
الدكتور حسام بدر كتب نفس الجرعات المعتمده على الوزن و ده اللى كان يهمنى استشرته ان ازيد الجرعه قليلا عشان يكون تقسيم الكبسوله اسهل و قال لا مانع
كتب مكملات تتناسب مع البروتوكول لكن جرعه الزنك اللى كتبها منخفضه جدا و لم يشر للادرينالين ايضا
لكن انا متابعتش معاه بعدها لانه صعب معاه التواصل و الجروب افضل فى التواصل و الاسئله
كمان هو قال اننا حنزيد الجرعه بعد شهرين لكن مقالش زياده تتناسب مع بروتوكول اندى و لا لا
انا بزيد الجرعه بعد استشاره تريسى ... زدت الدمسا لم تناسب ابنى الزياده فرجعت للجرعه السابقه و زدت الالفا ليبويك اسيد بنجاح الحمد لله

 

[مهاجره]

رد: تجاربكم مع بروتوكول سحب المعادن بجرعات قليله ومتكررة

اختى التوحد دور برد
معلش اتحملينى اسءلتى كتيره ،،،،انا عارفه ان ممكن اسأل الاسءله دى هناك فى الجروب لكن انا حابه اسألها هنا ليستفيد الجميع


سوءال //////هناك بعض الاهالى تتخوف من الدمسا ، او الدمبس ،،،،،وانا واحده منهم ،،،،وخصوصا للاطفال الصغار ،،،،،فهل ممكن القيام بالكليشن عن طريق الألفا ليبويك أسيد فقط ؟؟؟؟؟؟

سوءال اخر /////عن تحديد الجرعات ،،،مذكور فى الملفات ان جرعة الكليتور اللى هيتاخد كل ٣ ساعات يجب ان يكون ثمن او ربع وزن الطفل ،،،،من خلال كلامك مع الاخت ازميرالدا ذكرتى انك زودتى او قللتى الجرعه ،،،،هل هناك نسب اخرى مسموح بها؟؟؟؟ ام انك تتحكمي بالجرعات ما بين الثمن والربع وماهى ملاحظاتك عند تغير الجرعات ؟؟؟؟؟


سوءال اخر //////عن المكملات ،،،،ذكر فى الملفات ان المكملات الرءيسيه لهذا البروتوكول هى الماغنسيوم والزنك وفيتامين c وفيتامين e ولابد من البدء بهم على الأقل بأسبوعين قبل البدء بالكليشن ،،،،،ماهى فاءده كل واحد منهم ،،،،،وهل يمكننا الاستعانة بمالتى فيتامين ومينيرالز فقط ،،،،،بدلا من شراء كل واحد على حدا؟؟؟؟؟


سوْال اخر ////// من المعروف ان اى كليشن بيحتاج لمحفزات طرد زى الجلوتاثيون او المصنع له مثلNAC هل البروتوكول يتطلب ذلك؟؟؟؟؟


السؤال الأخير ///////عن الفطريات ،،،،،فكلنا يعلم ان الفطريات هى العاءق الأكبر عند القيام بالكليشن ،،،،فكيف تتغلبى على مشكلة الفطريات ؟؟؟؟؟؟


وشكرااااا على سعة صدرك

 

[التوحد دور برد]

رد: تجاربكم مع بروتوكول سحب المعادن بجرعات قليله ومتكررة

التخوف بيكون من الدمسا لانها ممكن تقلل المناعه شويه لكن مش لازم طبعا و عشان كده الجرعات بتكون صغيره و لما بيحصل اى اعراض تدل على كده و اتاكدت بالتحليل بنكمل سحب باليبويك اسيد بس و الدمسا بنخليها مره فى الشهر
الدمسا ضروريه للرصاص و كمان مع الالفا بتخفف من عبء الزئبق فى الجسم لكن مش بتسحب الزئبق من المخ

الجرعات الابتدائيه بتكون ثمن او ربع ملجم لكل باوند من الوزن و طبعا الافضل البدء بثمن او اكثر قليلا اذا كان اسهل فى التقسيم ... يعنى جرعه ابنى كانت 5 ملجم و انا خليتها 6.25 عشان اقسم الكبسوله اربعه اسهل من خمسه .. طبعا دى مش زياده عن المالوف لان زى مقلت ممكن البدء بربع الوزن

طبعا البدايه بالدمسا و بعدين اضفت الليبويك اسيد بعد ست دورات تقريبا .. و لما لقيت الامور مستقره حاولت ارفع الدمسا ل 8 ملجم و لكن ابنى جاله برد و حرارته ارتفعت و لاحظت ان عينه فيها انتفاخ بسيط زى ميكون معيط و افتكرت ان الدوره اللى قبلها كان موجود نفس الانتفاخ بعد زياده الدمسا و مكملتش الدوره لانه تقيئ
المهم ان تريسى طلبت منى تحليل absolute neutes الموجود فى صوره الدم و عملته و طلع فى الحدود الطبيعيه الحمد لله فاطمنت ان الدمسا ماثرتش على مناعته الحمد لله بس رجعت للجرعه اللى قبلها 6.25 و ححاول الزياده بعد خمس دورات ان شاء الله
المفروض ان الزياده تكون تدريجى لحد منصل لنصف وزن الطفل بالباوند
الجرعه بتكون من تمن الى نصف ملجم لكل باوند من وزن الجسم .. و لا تتم زياده الجرعه باكثر من 50% من الجرعه الحاليه الا بعد خمس دورات على هذه الجرعه

بالنسبه للمكملات المغنسيوم يتواجد في أكثر من 300 أنزيم مختلف. فهو يتواجد في البروتين الازم لتكوين الغلوتاثيون. وهو معدن مضاد للتأكسد.وهو يؤثر بكل عضو في الجسم بدءا من القلب، اأمعاء، الكليتين وانتهاء بالدماغ والكبد والعضلات
فيتامين سي هو مضاد أكسدة رائع يساعد على تخفيف الاجهاد التأكسدي ويحمي منه. و كمان بيساعد فى اعاده توليد الجلوتاثيون
فيتامين E هو مركب دهني قابل للذوبان و مضاد تاكسد و بيساعد فى نمو اللغه
الزنك معظم أطفالنا يعانون من صعوبة في تنظيم نسبة الزنك و النحاس. فمعظمهم يعانون من نقص بالزنك و ارتفاع بنسبة النحاس. نقوم بزيادة جرعة الزنك للحفاظ على النسبه
و فى مكملات اخرى ليست اساسيه و تعطى حسب الحاجه لها
ممكن اعطائهم فى مكمل واحد و لكن فى البدايه الافضل ادخال كل مكمل وحده عشان نعرف تاثيره على الطفل و بعد كده ممكن اعطاؤه فى مكمل واحد او لو الطفل بياخدهم قبل الكليشن اصلا ممكن يبداهم فى مكمل واحد

بالنسبه للجلوتاثيون فلا نستخدمه فى بروتوكول اندى كتلر باى شكل من اشكاله لانه يتم تدميره فى المعده و لا يستفيد منه الجسم و ايضا نقص الجلوتاثيون عند اطفالنا سببه ان الجسم بيستهلكه عشان يخرج المعادن يعنى هو نتيجه لوجود المعادن مش سبب ليها
كمان فيتامين سى و الدمسا و الميلك ثيسل كلهم بيظبطوا نسبه الجلوتاثيون فى الجسم
و لو لابد من اخده بيكون باخذ مكوناته الاوليه مش الجلوتاثيون نفسه و مكوناته هى l glutamine , glycine , NAC

بالنسبه للفطريات فبنعطى مضادات فطريه عشبيه .. مضاد واحد فقط يتم استخدامه حتى يكون بلا جدوى و لا نسيطر على الفطريات حتى مع رفع الجرعه لاقصى حد ... انا بستخدم خلاصه بذور الجريب فروت و نتيجته كويسه جدا و مسيطره على اعراض الفطريات الحمد لله
و كمان بعد فتره من الكليشن مبيكونش فى حاجه للمضادات الفطريه لان بيكون الجسم اتخلص منهم مع المعادن و نامل فى كده ان شاء الله

اتمنى اكون اجبت على اسئلتك اختى العزيزه و لا تترددى فى طرح اى سؤال اخر

 

[ريم أحمد]

رد: تجاربكم مع بروتوكول سحب المعادن بجرعات قليله ومتكررة

الله يجزيك الخير أختي مهاجرة على طرح الموضوع
والله يجزي الأخت الغالية "التوحد دور برد" على شرحها الواضح جدا