تجمع خاص للمصابين بضمور العضلات

[فالكون]

رد: تجمع خاص للمصابين بضمور العضلات

والله انا هاخد خط تانى كالعاده
القوه مش هتيجى من اى تجمعات القوه هتيجى من صناعه هدف اى هدف صغير
كبير مستحيل

 

[ومضة أمل]

رد: تجمع خاص للمصابين بضمور العضلات

والله انا هاخد خط تانى كالعاده
القوه مش هتيجى من اى تجمعات القوه هتيجى من صناعه هدف اى هدف صغير
كبير مستحيل

مش حكاية تجمعات يا فالكون .. حكاية تعاون على البر .. يعنى أنا لوحدى كنت ضعيف ..
لما تعاملت معاك تعلمت منك شئ مفيد .. وأنت تعلمت منى شئ مفيد .. وأختنا لن يضيعنى الله ..
تعلمت منا شئ وإحنا تعلمنا منها شئ وكلنا تعلمنا من مرام شئ ومرام تعلمت منا شئ ..
لما أنا ضعفت شوية .. كلكم وقفتم جمبى وشجعتونى .. ولما أشوف حد منكم متضايق ..
أكلمه وأحاول أنصحه وأقله أفكار .. نتعاون التعاون قوة .. الانسان ممكن تغيب عنه حجات ..
ألاقيها عند إنسان تانى ..

سبحان الله .. لما أقرأ تلك الآية أقول يا الله .. ربنا بيأمر النبى صلى الله عليه وسلم .. يقول سبحانه ..
( وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ ) ..

ربنا يقول للنبى عليه الصلاة والسلام .. كن مع الذين يذكرون الله .. ولاحظ كلمة وإصبر نفسك ..
يعنى تأكيد على النبى صلى الله عليه الصلاة والسلام .. يكون مع هؤلاء دائماً .. ويأتى تأكيد قوى آخر ..
ولا تعد عيناك عنهم .. يعنى حتى عينيك تفضل معاهم .. والكلام ده للنبى عليه أفضل الصلاة والسلام ..

الوحدة قوة يا فالكون .. والتعاون قوة ..
والله العظيم لو أقدر أفضل مع الصالحين فى المساجد ومخرجش منه ..
كنت عملت كده .. والله المستعان ..

لكن أنا مبقللش من تحديد الهدف وعدم إنتظار أحد يأخذ بأيدينا .. لا تنتظر إنسان لو ملقتهوش ..
لكن لو لقيت أخوة طيبين .. متبعدش عنهم .. وإفضل معاهم وإدعى ربنا يرزقك بالصحبة الصالحة ..

الإنسان قليل بنفسه، كثير بإخوانه

الله يعلم قد إيه بحبكم كلكم فى الله ..
والله يعلم قد إيه كنتم سبب فى تغيرى للأحسن بفضل الله ..​

 

[ومضة أمل]

رد: تجمع خاص للمصابين بضمور العضلات

تعرف ان مشكلة تحديد القدرات الابداعية مشكلة تواجه الاصحاء ومن فى نفس ظروفنا على حد سواء

والله وبفضل الله .. أحياناً مبكنش زعلان إنى مريض سعات طبعاً بتحصلى لحظات ضعف وبتمنى أمشى واروح وآجى ..
لكن أنا شايف مشكلتى الرئيسية بتواجه الكل .. وهى قيمتى فى الحياة .. ممكن تكون ليا قيمة فى الحياة ..
وأنا مشلول .. الشيخ أحمد ياسين كان مشلول تماماً ويرى بعين واحدة .. لكنه صحى المسلمين ..
ولحد الآن فاكرينه .. وفى واقعى شايف شباب كتير عندهم نعم كتيرة وتعيسين ..

البطالة وعدم وجودعمل تواجه خريجى جامعات مثلا خريج كلية علوم قسم جولوجيا بتقدير جيد جدا بيشتغل عامل محارة
مدرس ابتائى شغال قهوجى خريج اداب قسم اثار شغال فى المجارى العمومية طاقات تهدروابداعات تقتل

:10: واقع مؤلم ..

عارف المشكلة الحقيقية فى مرضنا الوهم كل تحدى بيواجهنا على طول بنفكر انه بسبب الاعاقة لحد ما ضخمناها جوانا
لومقدرتش تشوف نفسك محدش حيشوفك استعن بالله

صحيح أنا بتفق معاك .. المشكلة مش فى المرض لأن لو المشكلة فى المرض ..
مكنش الأصحاء واجهوا أى مصاعب فى حياتهم .. لكن الواقع إن الكثير من الاصحاء فى مشاكل فى حياتهم ..
مش لاقين شغل ومش عارفين يتجوزوا .. و و و و و إلخ .. المشكلة فى الانسان ذاته فى تعامله مع المشاكل ..
حيتعامل معاها ولا حيستسلم ؟ .. صحيح بقى مريض مش فارقة ؟ ..

انا كمان لسة بدور جواية على حاجة اتميز فيها تعرف انه علميا الجزء الخاص عندنا بالحركة معطل
وده له ميزة انه بيخلينا نقدر نستغل المساحة دى فى الكلام و الحوار او فى عمليات ذهنية بقوة اعلى مبدئيا

ربنا يكرمكم .. إستغلال الظروف نعمة كبيرة من ربنا ..

لماذا لا تتقن الاذان و تكون مسؤول عن اقرب مسجد منك او تحاول تقنع حد انه يعمل جمعية خيرية لاهالى الحى
وتشارك فيها او اى عمل تطوعى فى جمعية

والله ليا كام صديق بيقولوى .. إتعلم علم شرعى وإعمل محاضرات فى المسجد .. نصيحتك حتكون مؤثرة فى الناس ..
والجمعيات الخيرية كنت تعاملت مع جمعية وعملتهم شغل لكن معرفش مكملتش ليه إشتغلت معاهم شوية وبس ..

ابدأ احفظ قرأن يمكن تكون قراءتك ممتازة

أنا حاولت لكن مش قادر لوحدى .. الشئ الوحيد الى حاسس إنى كويس فيه ..
القرائة فى الحجات الدينية والشرعية .. والمواعظ .. وكانت ليا بعض المواضيع ..

قرب لله اكتر واكتر حتلاقى الصبر مع الطموح ابدأ فى التفاعل مع من حولك لان طموح من غير فعل يساوى احباط

ربنا يسهل .. أنا الايام الى فاتت حاسس نفسيتى أحسن بفضل الله .. وحاسس بطموح وتفائل ..
والله المستعان .. والله يثبتنا ويصبرنا ..

ربنا معاك و معانا لازم لما ندخل الفضفضة نعرف كل واحد فينا من اى محافظة انا اتعرفت على الاخت نور القران وهى من الاسكندرية
و بئذن الله نشوف بعض قريبا لو انت من اهل اسكندرية سيب موضوع الخروج و انضمامك لجمعية خيرية على الله ثم عليا و على اخويا الصغير

ربنا يجمعكم على الخير .. أنا ليا أصول من أسكندرية جدتى والدة والدى من اسكندرية وعاشت فى القاهرة ..
لما تزوجت جدى أبو والدى .. فوالدى فطول عمره فى القاهرة .. فأنا قاهرى عايش فيها طول عمرى ..
لكن من سنة كده فكرت نسيبها .. نروح أماكن فيها أصول جدودى كلهم .. يا طنطا يا اسكندرية ..
زهقت من القاهرة .. زحمة :20: ..

أشكرك على كلامك أختى الكريمة .. ربنا يكرمك ..​

 

[فالكون]

رد: تجمع خاص للمصابين بضمور العضلات

المقصود ان الهدف هو ال هيحرك المياه الراقده
هو ال هيخلى الشخص يعمل كل ما اوتى له من قوه ويسخر كل قدارته وكل قوته انه يوصل اليه
وبجد يا شباب كلمه مفيش مستحيل ديه حقيقيه مش كلام وخلاص
بجد مفيش مستحيل في اى حاجه حدد هدفك اعمل ليه هتوصله
تصدقوا انى مقتنع بحاجه غريبه شويه انى لو حددت هدف انى اكسب المرض واخلص عليه هخلص عليه بس بصراحه معنديش قوة الاراده ديه بس واثق ومتاكد ان الكلام ده حقيقه
ال اقصده ان الهدف هو محور القصه وبدايتها هتيجى بعديها القوه المستمده من الهدف ومن نفسك والافضل في وجه نظرى الاعتماد على النفس الاقوه موجوده من جواك مش من اى حد
ومفيش حد هيفهم ال جوك غير نفسك
اه دور الناس مهم بس الافضل ان الواحد يعتمد على نفسه وطبعا يؤمن بقدرة الله وسيبه من اى حد

 

[*-*MaRoOuM*-*]

رد: تجمع خاص للمصابين بضمور العضلات

بشوفكم كفيتو و وفيتو
ما الي مجال احكي
اموفقييييييييييييييييييييييييييييييييييين يا رب

 

[صابرة]

رد: تجمع خاص للمصابين بضمور العضلات

شفاكم الله و أثابكم
شكرا عزيزتي مرام على هذه الصفحة القيّمة
قرأت منها أربع صفحات و أعدك بإتمام باقي المشاركات
إستفدت كثيرا من هذا الموضوع .. تعرفت عن أشياء لم أكن أعلمها
و أكثر شيء أعجبني إصراركم على مواصلة طريق الصبر و التحدي
حفظكم المولى و بشركم بالخير
آمين
​

 

[ام محمود]

رد: تجمع خاص للمصابين بضمور العضلات

ربنا يرفع عنكم ويصبركم ويزيدكم ايمان وتقوي وفرجه ان شاء الله قريب

 

[لن يضيعنى الله]

رد: تجمع خاص للمصابين بضمور العضلات

السلام عليكم ورحمة الله و بركاته اليوم بئذن الله نبدأ الفضفضة باقى نصف ساعة على تمام العاشرة اول ما تقولوا نبدأ اناجاهزة شايفة فالكون موجود فين ومضة امل ومرام وكمان اختى الطائر

 

[لن يضيعنى الله]

رد: تجمع خاص للمصابين بضمور العضلات

بسم الله الرحمن الرحيم ابد الفضفضه رغم عدم ظهور الاخوة و الاخوات حتى الان

 

[لن يضيعنى الله]

رد: تجمع خاص للمصابين بضمور العضلات

اولا انا لم يعترنى الجنون حتى ابدا الفضفضه دون ان يسمعنى اخوانى ونتبادل النصح والدعم من بعضنا كبداية احب ان اعترف لكم انى احبكم جميعا فى الله و انى منذ اللحظات الاولى لانضمامى للمنتدىشعرت بالفخر بكم جميعاانا على يقين انه كلما زاد الالم زاد التعلق بالخالق دون المخلوق و ازاد الواحد منا سموافى المشاعرو احساسا بمعناة الاخرين ثانيا مشكلتى الاساسية التىجئت بها الى منتدى تحدى هو الخوف الممزوج بالالم الخوف من باكر ماذا لوفقدت الحركة مطلقا مذا عن طموحاتى التى لمانجز منها سوى القليل وهذا السؤال الملح الذى يراودنى دوما ماذا اذااقعدك المرض عن الحركة او احتجتى للمساعدة من الاخرين فلم تجدى الا جدار الوحدة والاحتياج كانك شيئ مهمل او عبء ثقيل هذا الشعور الح علىبعد و فاة ابى اشعر با لقلق بصدد المرض لانى حتى انهيت الجامعة كنت اتحرك بشكل طبيعى جدا والان لا ادرى هل ساهزم مخاوفى حتى و ان تخلى عنى البشر واصبحت عاجزة عن الحركة ام ان الارادة و العزيمة ستقهر هذاالخوف ثم ما ان انضممت الى هذا المنتدى الحبيب اصبحت اتعرف على حالات اكثر صعوبة و كلما وقع بصرى على موضوع ردد لسانى الحمد لله استغفر الله لكننا جميعا نحتاج الى مساندة بعضنا بعضا

 

[لن يضيعنى الله]

رد: تجمع خاص للمصابين بضمور العضلات

اذا كملت لوحدى حشعر انىمجنونه فعلا لعل المانع من تواجدكم خير دمتم فى امان الله انتهت الفضفضة

 

[*-*MaRoOuM*-*]

رد: تجمع خاص للمصابين بضمور العضلات

شفاكم الله و أثابكم
شكرا عزيزتي مرام على هذه الصفحة القيّمة
قرأت منها أربع صفحات و أعدك بإتمام باقي المشاركات
إستفدت كثيرا من هذا الموضوع .. تعرفت عن أشياء لم أكن أعلمها
و أكثر شيء أعجبني إصراركم على مواصلة طريق الصبر و التحدي
حفظكم المولى و بشركم بالخير
آمين

​

اللهم آمين
العفو حبيبتي بارك الله فيكي
تسلمي يا رب سعدت بوجودك :16:

​

بسم الله الرحمن الرحيم ابد الفضفضه رغم عدم ظهور الاخوة و الاخوات حتى الان

اولا انا لم يعترنى الجنون حتى ابدا الفضفضه دون ان يسمعنى اخوانى ونتبادل النصح والدعم من بعضنا كبداية احب ان اعترف لكم انى احبكم جميعا فى الله و انى منذ اللحظات الاولى لانضمامى للمنتدىشعرت بالفخر بكم جميعاانا على يقين انه كلما زاد الالم زاد التعلق بالخالق دون المخلوق و ازاد الواحد منا سموافى المشاعرو احساسا بمعناة الاخرين ثانيا مشكلتى الاساسية التىجئت بها الى منتدى تحدى هو الخوف الممزوج بالالم الخوف من باكر ماذا لوفقدت الحركة مطلقا مذا عن طموحاتى التى لمانجز منها سوى القليل وهذا السؤال الملح الذى يراودنى دوما ماذا اذااقعدك المرض عن الحركة او احتجتى للمساعدة من الاخرين فلم تجدى الا جدار الوحدة والاحتياج كانك شيئ مهمل او عبء ثقيل هذا الشعور الح علىبعد و فاة ابى اشعر با لقلق بصدد المرض لانى حتى انهيت الجامعة كنت اتحرك بشكل طبيعى جدا والان لا ادرى هل ساهزم مخاوفى حتى و ان تخلى عنى البشر واصبحت عاجزة عن الحركة ام ان الارادة و العزيمة ستقهر هذاالخوف ثم ما ان انضممت الى هذا المنتدى الحبيب اصبحت اتعرف على حالات اكثر صعوبة و كلما وقع بصرى على موضوع ردد لسانى الحمد لله استغفر الله لكننا جميعا نحتاج الى مساندة بعضنا بعضا

اذا كملت لوحدى حشعر انىمجنونه فعلا لعل المانع من تواجدكم خير دمتم فى امان الله انتهت الفضفضة

حبيبتي أنا خجلة منكم جداً أنا أصبحت كسولة جداً
و بكل صراحة هذه الفترة أحس في الملل الشديد
لهاذا استغل اي فرصة وجود موقع أو شيء للاطفال و احضر ابنت عمي الصغيرة
و ألعب أنا و هي أصبحت أستمتع مع براءة الأطفال كثيراً
و أنا مع إبنت عمي أصنع الإكسسوارات - أساور و سناسيل - هواية جديدة

أعذرويني رجائاً

أما بالنسبة للفضفضة الخاصة بك اختي الحبيبة
كلنا نشعر في خوف من المستقبل لانه مجهول

كلنا إنسان يعاني من مشكلة أم لا صح نحن الي منعاني نخاف اكثر
لاكن يا اختي فقط تذكري رحمة الله

و تذكري مش ممكن الله يظلم عبده و يحرمه من السعادة أبداً
أو يضعه في موقف تعيس إلى الأبد لا ...

ممكن تأتي على الشخص أوقات تكون تعيسة لاكن هي اختبار من الله تعالى و ينتهي
و يـأتي الفرح ...

الحياة مكونة من فرح و حزن
مش ممكن الله يحرم الإنسان من الفرح ابداً

لأنه كريم و قادر و رحمن و رحيم

وأكرر إعتذاري يا غالية

أقترح أن تكون الفضفضة متى ما انزعج الشخص يا حبيبتي مش فقط في يوم واحد

و أعدكم إن شاء الله أن لا اتأخر في الأوقات القادمة
​

 

[فالكون]

رد: تجمع خاص للمصابين بضمور العضلات

انضم الى اختنا مرام فى اسفنا الشديد لعدم استطاعتنا الحضور فى المعاد المحدد

تقريبا نفس مخاوفى يا اخت لن يضعنى ولاكن دعينى اطمنك انك تستطيعى ان تقهرى مرضك وبسهوله
كل مخاوفك مررات بيها وببطء شويه مفيش جرى وشويه مفيش مشى وشويه مفيش وقوف وشويه مفيش قعاد من غير مساعده والله اعلم ال الجى بس انا مصمم على نظريتى ال بتزعل ومضه
انسي مرضى وفى نفس الوقت احربه وارفضه انسي هيعمل فى ايه بكره واحربه فى اللحظه الحاليه بالممنعه و بالعمل وبالطموح وبتحقيق اهداف متعدده
زى ما هو بيوقعنى شويه شويه
اعمل انا هدف ورا هدف
وهنشوف مين ال هيكسب فى الاخر

 

[الأنور]

رد: تجمع خاص للمصابين بضمور العضلات

السلام عليكم ورحمة الله وبركاته

أذهب الباس رب الناس اشف و أنت الشافي لا شفاء إلا شفاؤك شفاء لا يغادر سقماً .

لا بأس طهور إن شاء الله .

رجاء اقرأوا مشاركتي التي بعنوان " دواء ضمور العضلات " ففيها الدواء .

لقد فرج الله تعالى كرباتكم , إن شاء الله .

السلام عليكم ورحمة الله وبركاته

 

[*-*MaRoOuM*-*]

رد: تجمع خاص للمصابين بضمور العضلات


بصراحة يا اخت انوار ما إقتنعت 100%

لاكن شو رأيكم يا إخوان إنجرب الوصفة و الله أعلم

 

[ومضة أمل]

رد: تجمع خاص للمصابين بضمور العضلات

السلام عليكم ورحمه الله وبركاته ..
وأنا أيضاً أتأسف على عدم حضورى .. شغلنى شئ وتحمست فيه فنسيت الميعاد ..
وإسمحولى أغلس على واحد بحبه .. وهو الى جر شكلى وكتب إسمى :24: ..

انضم الى اختنا مرام فى اسفنا الشديد لعدم استطاعتنا الحضور فى المعاد المحدد

:2:

تقريبا نفس مخاوفى يا اخت لن يضعنى ولاكن دعينى اطمنك انك تستطيعى ان تقهرى مرضك وبسهوله
كل مخاوفك مررات بيها وببطء شويه مفيش جرى وشويه مفيش مشى وشويه مفيش وقوف وشويه مفيش قعاد
من غير مساعده والله اعلم ال الجى بس انا مصمم على نظريتى ال بتزعل ومضه
انسي مرضى وفى نفس الوقت احربه وارفضه انسي هيعمل فى ايه بكره
واحربه فى اللحظه الحاليه بالممنعه و بالعمل وبالطموح وبتحقيق اهداف متعدده
زى ما هو بيوقعنى شويه شويه
اعمل انا هدف ورا هدف
وهنشوف مين ال هيكسب فى الاخر

والله يا فالكون كلامك أنا موافق على جزء منه ومش موافق على جزء ضئيل منه ..
وطريقتك بصراحة صحيحة وشخصيتك رغم إنى شايفها بتتعب صاحبها سامحنى لو بتكلم بطلقائية ..
لكنى بعتبرك صاحبى .. لكن شخصيتك أؤكدلك أفادتك كثير .. لكن فيها جزئية مش عارف أوصلها ليك ..
إممم ممكن أقولك عاوزك بنفس شخصيتك لكن تغير نظرتك للأمور تغير طفيف .. وتعرف بالظبط إنت بتحارب مين ..

فكرتى الى عاوز أوصلها هو تقوية الصلة بربنا أكتر وأكتر .. وأنا أولكم لأن صلتى بربنا مش قوية ..
ولا أقول إن صلتك بربنا سيئة لا بالعكس جيدة بفضل الله .. لكن فيه مقامات عالية فى الإسلام إحنا فى المقام الأول وهو الصبر ..
وفيه مقام عالى وهو الرضا .. وفيه مقام عالى جداً إنك تشوف البلاء نعمة .. وتحس بكده فعلاً .. وتتأكد إن ربنا بيقدر الاقدار لمصلحتنا ..
ومهما كان ظاهر الأمر الحزن والآلم والمعاناة تأكد إن فيه جوانب خير ليست ظاهرة لنا .. أنا عاوزك تتأمل كلام ربنا ..
( وَعَسى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ ) ..
( فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً ) ..

وحوضح أكتر لما ارد على اختنا الكريمة .. إنت قلت تقدرى تقهرى مرضك .. لكن عاوز أقول إننا منخفش ربنا لن يضيعنا ..
ونقوى علاقتنا بربنا أكتر ونتأكد تماماً إن الله يعرف حالنا وكل أقداره لو فى ظاهرها الألم لكن هى الخير ولمصلحتنا ..
كنت سمعت كلام لشيخ فهمت إن الآيات مرتبطة ببعض والوقف فى آيات معينة له معانى فتكلم عن الآية الكريمة ..
( وَأَمَّا إِذَا مَا ابْتَلاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ ) ثم قال الله ( كَلاَّ ) ..

أنا عارف فالكون حيزعل من الى حقوله .. لكن لا أحد يستطيع يجزم أننا لو كنا بصحتنا هل كنا سنكون صالحين أم فاشلين ؟ ..
لانى شايف ناس كتيييير عندهم صحة وأفشل الناس .. وشايف معاقين كتير وأنجح الناس ..

علشان كده مبكرهش المرض لأنى مش معتبره السبب الرئيسى فى حالتى الصعبة ..
وشايف لو كان والدى أفضل وتماسك وزرع فيا القوة والثقة بالنفس .. كنت سأكون فى غاية الفرح ..
وشايف الظروف الصعبة بتواجه الكل .. مشكلة إيجاد عمل بتقابل الكل وتخيل إنت بحالتك بتشتغل ..
وتانيين بصحتهم وأطباء وشغالين على عربية كارو بيبيعوا عنب .. فأنا بتفق معاك بقوة إننا ننسى المرض ..
ونعتبره إنه مش السبب فى الظروف الصعبة لأن الظروف الصعبة بتواجه الكل وفى ناس بصحتهم وظروفهم أصعب ..

ومش معنى إنى مبكرهوش إنى بحبه !! لا لا لكن أنا لا أحبه ذات نفسه لانه مفيش عاقل يحب المرض ..
ومبكرهوش فى نفس الوقت لأنى شايف إن المرض زرع جوايا حجات حلوة كتير علمنى التحدى والأمل وخلانى أتقرب من ربنا ..
وانت يا فالكون شوف تحديك .. وبيقولوا كل ما تزود النار على الذهب قيمة الذهب بتغلى .. والبلاءات بتخلى القلب يصحى فى اغلب الاحيان ..
والشدائد تصنع الرجال والأقوياء .. حنقلك كلام عجبنى ..

الشدائد تصنع الاقوياء
للمعاناه دور في تشكيل شخصية الإنسان وتوسيع إدراكه فنحن لا نتعلم بدون ثمن قد يتسائل الإنسان حينها لماذا أنا دون غيري يحصل لي ذلك ؟ ..
وتتشتت أحاسيسه ويرى العالم بمنظار أسود من شدة ألمه ولكنه مع مرور الوقت يتكيف مع ظروفه لان الألم يعطي الإنسان قوة وصلابه ..
في كيفية التعامل مع أمور الحياة ويجعلك تتجاوز الخوف الذي يسكن أعماقك لأنك قد جربت الألم فلماذا الخوف ؟ ..

إن الله سبحانه وتعالى حينما يبتلي الإنسان إنما يضع أمامه أفضل الخيارات وعلى الإنسان أن يستفيد من ألمه ويحوله الى طاقة إيجابيه ليثبت ذاته ..

ولقد رأيت ممن عاشوا بلا أم أو أب أو كلاهما كيف شقوا طريق حياتهم بأنفسهم وأجبروا الكل على إحترامهم ..
وكيف علمتهم المعاناة معنى الحياة لأن التجارب وإن كانت مؤلمة تساعد في نضج شخصيتك ..
وقد تكون فرصة في تحديد أولوياتك وتحويل في مسار حياتك وتبين معدن الناس من حولك ..
ألم يقال أن الصديق وقت الضيق فعندما تمر بأحلك ظروف حياتك لن تجد من سيقف بجانبك الإ من يحبك بصدق ..

لاشئ كالحرمان يجعلك تدرك قيمة الشئ وتجاهد حتى تحصل عليه حينها تحس بسعادة ممزوجة بلذة الإنتصار ..
ويعطيك فرصة لتتعرف على نفسك وتعرف نقاط القوة والضعف فيها ولن تعرف معنى الفرح الحقيقي إلا إذا جربت معنى الألم ..
لان الإنسان الذي تعود أن يحصل على كل شئ بسهوله يشعر بالخواء ولا يشعر بقيمة الأ شياء التي حوله ..
أنا لا أدعو الى الحزن بل لنتصالح مع ألمنا ونستفيد من تجاربنا بدلاً أن نبكي على ما فات ونتحسر لماذا ؟ ..
ولنؤمن بان الله أراد لنا الخير ويخفي تحت المحنة نعمة ونحن لا نعلم .... وأن الشخص عندما يمر بمصاعب ..
يكتشف في نفسه قوة عجيبه لا يعلم من أين أتت ويتفاجاً أنا لم اكن هكذا لكن الحياه تعلم الإنسان ..
فشكرا للألم لانه منحنا القدرة على الصبر وعلمنا كيف نتذوق طعم الفرح ..

وأن الله سبحانه وتعالى لا ياخذ من الإنسان شئ إلا يعوضه بشئ آخر أحلى فله الحمد على كل شئ ..

وكما تقول فلسفة تعجبنى :2: ..
​

 

[ومضة أمل]

رد: تجمع خاص للمصابين بضمور العضلات

السلام عليكم ورحمه الله وبركاته ..
إسمحيلى عاوز أخترلك لقب سهل .. إممم لنقل محبة الرحمان ..

اولا انا لم يعترنى الجنون حتى ابدا الفضفضه دون ان يسمعنى اخوانى ونتبادل النصح والدعم من بعضنا كبداية

إحنا كده كده كنا حنعلق :2: .. وإن شاء الله كلنا ناخد بإيد بعض لجنة الرحمان .. فى الدنيا والآخرى ..

احب ان اعترف لكم انى احبكم جميعا فى الله

إعتراف خطير وحيكلفك :2: .. متخفيش فيه أكازييون ..
التكلفة دعوة فى ظهر الغيب إن ربنا يصبرنا ويفرج همومنا :23: ..

و انى منذ اللحظات الاولى لانضمامى للمنتدىشعرت بالفخر بكم جميعاانا على يقين انه كلما زاد الالم زاد التعلق بالخالق دون المخلوق
و ازاد الواحد منا سموا فى المشاعرو احساسا بمعناة الاخرين

الله يكرمك وده الى عاوز أوصله لفالكون .. كلما زاد الألم زاد التعلق بالله .. وزاد التعلق بالله وإنكسرنا لله سبحانه وتعالى ..
الذل والإنكسر والإفتقار العلماء قالوا فيه كلام عجيب .. الانسان عاوز بس يتأمل ويركز فيه ..

من أعظم الأبواب لنيل محبة الرحمن .. فلا يوجد أعظم من باب الذل والانكســار للواحد القهَّار، وقليل من يقف بذلك البــــاب ..
يقول ابن القيم رحمه الله " فإن هذه الكسرة الخاصة لها تأثير عجيب في المحبة لا يعبر عنه ..
ويحكى عن بعض العارفين أنه قال : دخلت على الله من أبواب الطاعات كلها ..
فما دخلت من باب إلا رأيت عليه الزحام فلم أتمكن من الدخول ..
حتى جئت باب الذل والافتقار، فإذا هو أقرب باب إليه وأوسعه ولا مزاحم فيه ولا معوق ..
فما هو إلا أن وضعت قدمي في عتبته فإذا هو سبحانه قد أخذ بيدي وأدخلني عليه ..

وكان شيخ الإسلام إبن تيمية رحمه الله يقول : " من أراد السعادة الأبدية فليلزم عتبة العبودية " [مدارج السالكين (9:340)]
فما أن نضع أقدامنا على عتبة باب الذل والانكسار، نجد أنفسنا بين يدي الله ربِّ العالمين ..

ثانيا مشكلتى الاساسية التىجئت بها الى منتدى تحدى هو الخوف الممزوج بالالم الخوف من باكر ماذا لوفقدت الحركة مطلقا
مذا عن طموحاتى التى لمانجز منها سوى القليل وهذا السؤال الملح الذى يراودنى دوما ماذا اذااقعدك المرض عن الحركة او احتجتى للمساعدة من الاخرين
فلم تجدى الا جدار الوحدة والاحتياج كانك شيئ مهمل او عبء ثقيل هذا الشعور الح علىبعد و فاة ابى اشعر با لقلق بصدد المرض

لانى حتى انهيت الجامعة كنت اتحرك بشكل طبيعى جدا والان لا ادرى هل ساهزم مخاوفى حتى و ان تخلى عنى البشر
واصبحت عاجزة عن الحركة ام ان الارادة و العزيمة ستقهر هذاالخوف ثم ما ان انضممت الى هذا المنتدى الحبيب
اصبحت اتعرف على حالات اكثر صعوبة و كلما وقع بصرى على موضوع ردد لسانى الحمد لله استغفر الله لكننا جميعا نحتاج الى مساندة بعضنا بعضا

فى كلمة جميلة تقول وهى بالإنجليزى وحلاوتها بالانجليزى ..
Yesterday is history. Tomorrow is a mystery. Today is a gift. That's why it is called the present

الكلمة بتقول .. الماضى تاريخ .. والمستقبل مجهول .. واليوم موجود أو هدية لهذا يُسمى الحاضر ..
نحن نفكر فى يومنا الموجود فحسب المستقبل أكيد بيخوفنا لأنه مجهول وبنشعر منه بالبرد ..
لكن لازم نتأكد إن ربنا معانا بعلمه وشايفنا وسامعنا ولن يضيعنا وبيقدر الاقدار لمصلحتنا ..

يعنى أنا فهمت من كلامك نوع حالتك المرضية .. إنك كنت طبيعية وأنت فى الجامعة ..
فتقريبا نوع الضمور الى عندك إسمه duschen becker .. وبفضل ربنا هو أخف أنواع ..
وعاوز كمان أبشرك حالتك ممتازة لأنى أسمع عن معاق خالى يعرفه شخصياً كان نفس الضمور الى عندك ..
وحالته بقت صعبة وهو فى سن العشريين أو 22 مش فاكر .. وأنت ما شاء أتوقع إن عمرك 27 أو 28 ..
وحالتك بسم الله ما شاء الله جيدة جداً ..

يعنى عاوزك تخرجى حكاية إنك ممكن متعرفيش تتحركى نهائى .. الـ duschen becker من أخف الأنواع الحمد لله ..
ومعلومة تانية علشان تريحك أكثر كل النظريات الطبية أغلبها تقريبا ثبت إنه غلط .. وإنه مش قواعد عامة ..
يعنى قالوا المريض بالدوشين يموت فى سن مبكرة وكتير من المرضى بالدوشين عايشين حتى اليوم ..
بفضل الله .. وقالوا المريض بالدوشين سيفقد الحركة نهائيا وفيه الكثير ما زالوا يتحركون بفضل الله ..
وقوالوا البنت إستحالة تكون مريضة بالدوشين وإنها بتكون حاملة المرض فقط .. والنظرية ديه طلعت غلط خالص ..
فمتفكريش فى الموضوع ده انا كنت أسوأ منك وعملت فى عقلى قصص مأسوية وكل الى فكرت فيه طلع غلط ..

وعلشان أؤكدلك قد إيه ربنا رحيم .. شوفى الاقدار يعنى انا مثلاً لأن ربنا إبتلانى بنوع صعب من المرض ..
فبقى أمى وأبى على قيد الحياة بفضل الله لان الله يعرف حالتى .. وننتقل لقصتك ولأن ربنا عارف عمر والدك الله يرحمه ..
ومكتوب أنه سيموت فى عمر كذا فإبتلاك الله بنوع بسيط من المرض .. فتأكدى إن الله سيرحمك وسيقدر لك ما يصلحك ..
( وإنه لن يحملك ما لا تطيقين ) مش حيحملك فوق طاقتك خليك متأكدة من كده تماما ..

ولو فرضنا جدلاً وربنا يرزقك بدوام الصحة والعافية يارب .. تأكدى لو ربنا قدر شئ صعب ..
ستجدى السكينة نزلت على قلبك وستجدى 1000 إنسان طيب حولك .. فـ لله أولياء يسخرهم لخدمة من يحبهم ..
وقلوب العباد بين إصبعين من أصابع الرحمان يقلبها كيف يشاء .. وحذكرلك قصة إم سلمة رضى الله عنها ..

أم سلمة رضى الله عليها تقول " لما أجمع أبو سلمة الخروج إلى المدينة رحل لي بعيره ثم حملني عليه وحمل معي ابني سلمة بن أبي سلمة في حجري ..
ثم خرج بي يقود بي بعيره فلما رأته رجال بني المغيرة بن عبد الله بن عمر بن مخزوم قاموا إليه فقالوا هذه نفسك غلبتنا عليها ، أرأيت صاحبتك هذه ؟ ..
علام نتركك تسير بها في البلاد ؟ قالت فنزعوا خطام البعير من يده فأخذوني منه .. قالت ففرق بيني وبين زوجي وبين ابني . قالت فكنت أخرج كل غداة فأجلس ..
بالأبطح فما أزال أبكي ، حتى أمسى سنة أو قريبا منها حتى مر بي رجل من بني عمي ، أحد بني المغيرة فرأى ما بي فرحمني فقال لبني المغيرة ..
ألا تخرجون هذه المسكينة فرقتم بينها وبين زوجها وبين ولدها قالت فقالوا لي : الحقي بزوجك إن شئت " ..

الشاهد إنها قعدت تبكى كل يوم لمدة سنة لغاية ما أهلها رحموها وصعبت عليهم فتركوها تهاجر ..
ولما هاجرت مكنش معاها أحد نهائى وتخيلى مرأة تهاجر من مكة للمدينة لوحدها على جمل ..
والسفر وقتها من مكة للمدينة يأخذ وقت كبير ..

" قالت فارتحلت بعيري ثم أخذت ابني فوضعته في حجري ، ثم خرجت أريد زوجي بالمدينة . قالت وما معي أحد من خلق الله ..
قالت فقلت : أتبلغ بمن لقيت حتى أقدم علي زوجي ، حتى إذا كنت بالتنعيم لقيت عثمان بن طلحة بن أبي طلحة أخا بني عبد الدار فقال لي : إلى أين يا بنت أبي أمية ؟ ..
قالت فقلت : أريد زوجي بالمدينة . قال أوما معك أحد ؟ قالت فقلت : لا والله إلا الله وبني هذا . قال والله ما لك من مترك فأخذ بخطام البعير فانطلق معي يهوى بى " ..

لما السيدة أم سلمة رضى الله عنها وصلت للتنعيم قابلت عثمان بن طلحة وكان وقتها مش مسلم .. فسألها الى أين أنت ذاهبة ؟ ..
فقالت ذاهبة لزوجى فى المدينة .. فسألها ومعك أحد ؟ .. فقالت : لا .. فقال وهو مش مسلم وهى مسلمة وفيه حرب بين المشركين والمسلمين ..
قال والله لن أتركك تسافرين وحدك .. فمسك حبل البعير علشان يوصلها ..

" فوالله ما صحبت رجلا من العرب قط ، أرى أنه كان أكرم منه كان إذا بلغ المنزل أناخ بي ، ثم استأخر عني ، حتى إذا نزلت استأخر ببعيري ..
فحط عنه ثم قيده في الشجرة ، ثم تنحى ( عني ) إلى شجرة فاضطجع تحتها ، فإذا دنا الرواح قام إلى بعيري فقدمه فرحله ثم استأخر عني ، وقال اركبي . ..
فإذا ركبت واستويت على بعيري أتى فأخذ بخطامه فقاده حتى ينزل بي . فلم يزل يصنع ذلك بي حتى أقدمني المدينة " ..

شوفى بقى عمل إيه وهو مشرك .. لما تحب تقف يوقف الجمل ويربطه فى شجرة وينزله .. ويروح بعيييد علشان تنزل من الجمل براحتها ..
ولما تحب تركب يروح يفك الجميل وينزله ويروح بعيييد علشان تركب براحتها .. وفضل يعمل كده لغاية ما وصلها ..

" فلما نظر إلى قرية بني عمرو بن عوف بقباء قال زوجك في هذه القرية - وكان أبو سلمة بها نازلا - فادخليها على بركة الله ثم انصرف راجعا إلى مكة .
قال فكانت تقول والله ما أعلم أهل بيت في الإسلام أصابهم ما أصاب آل أبي سلمة ، وما رأيت صاحبا قط كان أكرم من عثمان بن طلحة " ..

الى عاوز أقوله علشان ربنا كان بيحب أم سلمة رضى الله عنها .. سخرلها الدنيا كله .. والاعجب إنه قلب قلب المشرك ..
وربنا خلى المشرك يوصل إم سلمة رضى الله عنها ولا يؤذيها .. قلب قلبه وخلاه يرق لأم سلمة رضى الله عنها ..
ويقسم أن يوصلها وهى من أعدائه .. كان على الاقل يقتلها إنتقاما من المسلمين .. لكن قلوب العباد ..
بين إصبعين من أصابع الرحمان يقلبها كيف يشاء ..

أخوك فى الله ..


​

 

[لن يضيعنى الله]

رد: تجمع خاص للمصابين بضمور العضلات

[خي الغالي جدا ومضة امل ماشاء الله عليك احس بك شعلة امل وليس فقط ومضةاما عن اسمى الذى اخترته لنفسى فكان فىلحظة الم وضعف فاذا بقلبى يهتف لن يضيعنى الله فهوعطينى القوة ويذكرنى بالله اما كلماتك الرقيقة فلا توجدكمة شكر بوسعي ان اكافئك بها سوى جزاك الله عنى خير الجزاء فقد نزلت على قلبى بردا وسلاما واسمح لى لن اسمح لك بعد اليوم ان تكون (ومضة ) انت (شعلة امل في قلب يضيئ بحب الله ) :22: اليوم كان صعب فقد توجهت للمراقبة الطبيةلعمل كشف طبى للحصول على سيارة منذ شهر يوم الكشف وقفت فى انتظار دورى ساعة ونصف لان المكان لم يكن ملائم لجلوسى وعندما دخلت على اللجنة كنت غاية في الارهاق ولمحت نظرة فى عين احدالاطباء وكانه بيقولى روحى موتى :1: واليوم كانت نتيجة الكشف لا تنطبق الشروط على واذا اردت الحصول علي سيارة اسافرالقاهرة اعمل تظلم او ارجعلهم بعد سنة صعبت نفسى عليا لانى حلمت بحرية التنقل وتعبت من قسوة الاحتياج للاخرين لكن الحمد لله :23:وكل شيئ بميعاد ومش حسيب حقى وقلبى مطمئن ان رزقى لن ياخذه غيرى و انه لو اجتمع الناس على ان يضرونى لن يضرونى بشئ الا قد كتبه الله على و لن ينفعونى بشيئ الا قد كتبه الله لى و لن يضيعنى الله اما عن حالتىفهى ضمور بالاطراف ولله الحمد و المنة limb girdl​

 

[*-*MaRoOuM*-*]

رد: تجمع خاص للمصابين بضمور العضلات

اختي هل تريدين ان تحصلين على سيارة لكي تقوديها انتي ؟

 

[لن يضيعنى الله]

رد: تجمع خاص للمصابين بضمور العضلات

نعم حبيبتى انا لازلت انزل الدرج بمفردى وأ طهو و انظف يدى اليمنى بخير و الضعف يسير فى اليد اليسرى فلما لا