طلب مساعدة لنطق حرف السين

[سسسس]

السسسسسسسسسسسسسسسسسسسسسسسسسسلام عليكم ​

انا عندي مشكلة بحرف السين اني احوله حق حرف الثاء ​

قريت الطريقة الي قلتوها ان اغلق اسناني بعدين اقول حرف السين
بس احسها فاشلة وزادت علي الحالة
حتى قبل كنت انطقها عدل بس لما اسوي هالتمرين تزيد علي يعني ما منها فايدة ​

وانا لما اغلق اسناني يكون في فتحات وايد بينهم وسمعت ان هذي مشكلة بعد​

وفي شي بعد
انا الحين اذا كنت قاعدة بروحي واتكلم ببطئ اقدر اقول السين بطريقة صحيحة
بس من اتكلم بصوت عالي مع الناس ما اقدر اقوله ​

ويمكن هالطريقة انا مو فاهمتها عدل ممكن احد يفهمني اياها عدل
يمكن انا قاعدة اقولها بطريقة غلط ​

ساعدوني والله تعبت
حتى شوفو اسمي طلعت حرتي فيه هههه :24:​

ابي اي طريقة حتى لو اقعد سنة بس المهم اتكلم مثل العالم​

 

[ندى الايام]

رد: طلب مساعدة لنطق حرف السين

باذن الله سيساعدك احد الاخصائيين اختي الكريمة

 

[سسسس]

رد: طلب مساعدة لنطق حرف السين

انشالله :23:
بس ليش غيرتو العنوان
صراحة كان معبر اكثر :7:​

 

[ندى الايام]

رد: طلب مساعدة لنطق حرف السين

اختي الكريمة ماكان في عنوان الا حرف السين
هو معبر بالنسبة لموضوعك لكنه ماكان مفهوم لباقي الاعضاء

 

[سسسس]

رد: طلب مساعدة لنطق حرف السين

ههههههههههههههههه
اوكي مشكورة
مع اني اشوفه مفهوم

 

[شاطئ الأمل]

رد: طلب مساعدة لنطق حرف السين

سسسسس
مرحباً بكِ في منتدى التحدي

عزيزتي ارجو منكي أن توضحين لي طريقة نطق س اثناء الكلام إي تبدلين س إلى ث أوإلى ش أو إلى ت
ايضا هل لديك مشكلة في الاسنان ارجو التوضيح
من حيث انطباق الاسنان
في سؤال ثاني هل تستطيعين نطق السين في مفرداً وفي مقاطيع وهل تميزين مخرج صوت السين ؟
اتمنى لك الشفاء العاجل
ونحن في الخدمة دائماً

​

 

[سسسس]

رد: طلب مساعدة لنطق حرف السين

أنا مثل ما قلت ابدل حرف السين لحرف الثاء
واسناني لأ ما فيها شي بس لما اطبقها يكون في فتحات بينهم

وآخر سؤال ما فهمته عدل
بس انا اذا كنت بروحي وحاولت اقول السين وركزت اقدر اقوله شوي
ولما اطبق اسناني احس بصعوبة اكثر اما اذا كنت اتكلم عادي بدون لا اطبق اسناني اقوله بطريقة احسن

الخلاصة اني من اتكلم مع الناس وبصوت عالي ما اقدر اقوله

ومشكوورة واايد واتمنى القى عندج الحل

 

[شاطئ الأمل]

رد: طلب مساعدة لنطق حرف السين

سسسسسسسس
مرحباً بكِ
شوفي عزيزتي في البداية لا بد لك أن تميزي مخرج صوت السين
صوت السين صوت إحتكاكى سنى لثوى مهموس يصدر الصوت من مقدمه اللسان وهى صوت امامى واستمرارى بالأضافه لكونها صوت ساكن

لأصدار صوت السين بطريقه صحيحه :- تتلامس حافه اللسان ومقدمته بشكل خفيف مع الأسنان مع انطباق تام للقواطع الأماميه مع شد الشفتين للجانبين ويكون التجويف الأنفى مغلقا حيث يخرج الهواء من الفم محدثا صوتا إحتكاكيا ما بين السان والأسنان وهو صوت السين


المشكلة التي لديك تسمى اللدغة السينية الأمامية
حيث تم ابدال السين الى ثاء والسبب هو خروج اللسان بين الأسنان وهنا لاتخرج السين من مكانها الصيحيح.


العلاج او التدريب:ـ
- غلق الأسنان وطرف اللسان يضغط على منبت الأسنان السفلى مع خروج هواء بسيط وصفير بين الأسنان.
ـ يكون التدريب امام المراه الشفاه تكون على شكل ابتسامه.
ـ التدريب على السين مجرداً اس اس اس وتكرار هذا التدريب عدة مرات بشكل مستمر .

إذا اتقنتي هذه الخطوه سوف ننتقل إلى الخطوه الثانية

نحن في انتظار النتائج

 

[سسسس]

رد: طلب مساعدة لنطق حرف السين

في نقطة ما فهمتها
- غلق الأسنان وطرف اللسان يضغط على منبت الأسنان السفلى مع خروج هواء بسيط وصفير بين الأسنان.

شلون يعني منبت الاسنان السفلى ؟؟

وبصراحة لما ابتسم واحاول اقولها تصير صععععععععععبة حيل وما يطلع حرف السين
اما اذا كان فمي عادي بدون ابتسامة اقدر اقولها بعض المرات

يصير اقولها من غير ابتسامة ؟؟

وانشالله اذا فهمت راح احاول
تسلمين والله مادري شلون اشكرج

 

[شاطئ الأمل]

رد: طلب مساعدة لنطق حرف السين

سسسسسسسس
مرحباً بكِ
منبت أو منابت الأسنان السفلى إي اسفل الأسنان السفلى طرف اللسان يكون تحت
الأبتسامة عزيزتي هو لتاكيد ومساعدة طرف اللسان للبقاء عند تحت عموماً اهم شيء فرد الشفايف
عشان تسميعين صوت صفير عند نطق الصوت
اتمنى اكون وضحت لك
سسسسسس
نحن في انتظارك

 

[سسسس]

رد: طلب مساعدة لنطق حرف السين

شلون اللسان يكون تحت
اصلا مستحيل لما احاول اقولها يرجع لساني فوق

عالعموم انا الحين قاعدة احاول
واي تحسن راح اعطيج خبر

جزاج الله خير ​

 

[شاطئ الأمل]

رد: طلب مساعدة لنطق حرف السين

سسسسسسسس
كيفك إن شاء الله بخير
بشري وش صار معك

 

[سسسس]

رد: طلب مساعدة لنطق حرف السين

الحمد لله تمام
وبعد محاولات عدة
الحمد لله قدرت اقوله بالطريقة اللي ذكرتيها
بس بعض المرات انطقها ثاء
بس يعني اوكي قدرت انطقها
لأني اصلا ما احس ان نطقي غلط بس الناس اهم الي يقولولي أو بالأصح يعيبون :7::7:

الحين شنو لازم أسوي ؟؟​

 

[شاطئ الأمل]

رد: طلب مساعدة لنطق حرف السين

سسسسسسس
ممتاز نخن الآن اجتزنا المرحلة الأولى:ـ
وهي أن تميزي مخرج الصوت وتستطيعين نطق الحرف مجرداً اس اس
المرحلة الثانية:ـ
* تكرار نطق الصوت مجرداً عدة مرات .
* التدريب على نطق الصوت في مقاطع اس سو سي .
في نطقة مهمة يا سسس
وهي لا نجتاز إي مرحلة حتى نتمكن منها هذي خطوه مهمة إذا اردتي الوصول لنتيجة ممتازه
اتمنى لك التوفيق
نحن في الخدمة دائماً وفي انتظار النتائج

 

[سسسس]

رد: طلب مساعدة لنطق حرف السين

هم الحين قدرت انطقها بس بشكل مو واضح
لازم احاول اكثر لما تطلع بشكل واضح ولا ننتقل للمرحلة الي بعدها ؟؟

 

[شاطئ الأمل]

رد: طلب مساعدة لنطق حرف السين

سسسسسس
مرحباً بكِ
عزيزتي لازم تحاولين لما تتقنيها بشكل جيد بعد كذا تنتقلين للمرحلة الثانية
بس انتي الحين إي مرحلة وصلتي ؟
اتمنى لك التوفيق والاستمرار​

 

[سسسس]

رد: طلب مساعدة لنطق حرف السين

المرحلة الثانية:ـ
* تكرار نطق الصوت مجرداً عدة مرات .

هذي قدرت أسويها
* التدريب على نطق الصوت في مقاطع اس سو سي .​

بس هالمرحلة للحين احس ما ظبطتها عدل
بالذات لما اقول سو مادري ليش يعني :17:​

 

[شاطئ الأمل]

رد: طلب مساعدة لنطق حرف السين

سسسسسس
اهلاً بكِ
الحمد لله انكِ تمكنتي من المرحلة الأولي شيء ممتاز
طيب الحين نبقى في متابعة تدريبات المرحلة الثانية وهي تكرار المقاطع حتى تتمكني منها بشكل جيد
اتوقع مع التدريب المستمر ما راح تتطولين
اتمنى لك التوفيق الأستمرار
دمتِ في حفظ الله​

 

[سسسس]

رد: طلب مساعدة لنطق حرف السين

خلاص انشالله كل يوم راح اتدرب واعطيج خبر​

 

[سسسس]

رد: طلب مساعدة لنطق حرف السين

أختي الحبيبة عندي طريقة بس مادري اهي تنفع ولا لأ
بما أني لما اكون قاعدة ما عندي شي اقعد أذكر الله صح
عيل دام جذي يصير وانا اذكر الله اغلق اسناني وأسوي هالطريقة
عاد مادري أنا طرت على بالي هالفكرة بس مادري تييب نتيجة ولا لأ
يعني اذا سويت جذي راح استفيد ؟؟ ​