اتمنى تساعدوني

[مرحوم قلبي]

السلام عليكم ورحمة الله وبركاته
اعاني من اعاقه بالنطق و فعلاً احتاج مساعده وحلمي اتخلص من اعاقتي الي بسببها فشلت بدراستي وفشلت بتكوين صداقات وصرت انعزالي وماحب اطلع او احتك بأحد منعاً للاحراج ..
من يوم اني صغير وانا اعاني منها وكنت اذكر زملائي بالفصل يستهزؤن فيني والي يألم اكثر ابوي كان يستهزي فيني ..!واخواني نفس الشي.!
رحت للمتوسطه ..بديت القى مضايقت من زملائي وبنفس الوقت من بعض الاساتذه ..
مادري وش اقول لاكن اتعبتني وابي مساعده ماقدر اعتمد على نفسي صرت عاله على نفسي وعلى اهلي ..
كل يوم اسمع من ابوي كلام يضيق الصدر ..كل ماكلمه اقوله ساعدني او شوف لي احد يساعدني يرد علي بكل بروده وش اسوي لك .! انت دبر نفسك ..! صرت الجأ لاشخاص يساعدوني لكن ماراح استغرب النتيجه مادام ابوي ماعطاني اهتمام مراح القى اهتمام من الناس او مساعده.حاليا اعاني من رهاب اجتماعي وارتباك وكاره نفسي ابي اعيش حياتي طبيعي زي الناس..اتمنى تساعدوني ولله تعبت ومرضت.

​

 

[مذهلة]

رد: اتمنى تساعدوني

الله يشفيك اخي الكريم

ان شاء الله ذوي الاختصاص يساعدونك بحل مشكلتك​

 

[بلال عودة]

رد: اتمنى تساعدوني

السلام عليكم
الاخ / الاخت الفاضلة
مما قرات لاحظت عدم وجود دعم نفسي وتفهم من المحيطين لمشكلتك وهذا امر يشكل صعوبة عليك
ولكن بمنظور مختص لاحظت مابين الاسطر التالي :
1- هناك روح من اليأس لديك والاحباط مما يدور حولك .
2- انت الان في مرحلة الشباب ومرحله الاعتماد على الذات وعليه اشير بالاتي :

لاتقف مكتوف الايدي وحزين ومجرد متلقي لإحباطات الاخرين فانت انسان بالغ عاقل تدير نفسك في هذه المرحلة ولاتحتاج لمن يديرك فكم من مبتلى بأشد الاعاقات وانجازاتهم فوق همم كل الاصحاء ....

انتبه لنفسك فمشكلت النطق لديك لاتشكل عائقا اكاديميا وتحصيليا او اجتماعيا للدرجة التي اشرت اليها ...

اخي الكريم شعورك وانطباعاتك تنعكس على الاخرين لاشعوريا فيبادلونك نفس مشاعرك .... فانت مراه لهم .

فلو كنت ثابتا رغم الالم والمعاناة لشكل ذلك حاجزا منيعا ضد كل المستهزئين.

توصيات اخيره :
1- اعرض نفسك على مختص نطق ولغة من ذوي الكفاءة وحدد ماهي مشكلتك وهذا هام جدا فانا لم اعرف ماهي مشكلتك وتحتاج لتشخيص دقيق وليس انطباعك عن نفسك .
2- ابدا بعمل برنامج مع المختص وسأحاول مساعدتك قدر الامكان في مشكلتك
3- توكل على الله واطلب التوفيق والشفاء منه وقوي ايمانك وحافظ على صلاتك فهي خير معين بكل المصائب.

هذا والله المستعان

 

[حفيدالصحابة]

رد: اتمنى تساعدوني

منور اخوي الكريم
اسمع اخوي ماراح اقلك نصايح واقلك خلك واثق من نفسك ولا تنحرج من المشكلة ونصايح كثيرة ماراح تفيدك اعتقد زهقت من الكلام هاذا وانا نفسك نبي نتعالج ونعيش حياتنا صح ؟
شوف حبيبي يكون فطورك مايلي :
حاول تجيب بيض سمان تاخذ بيضتين كل يوم وتغليهم ثواني قليلة علشان تموت الجراثيم بالموية وتكسر البيض في كاس وتخلط حليب طازج وتاكلهم نئ يعني طيب .
الشي الثاني اذا تقدر تجيب فطر عرف الاسد ماراح تلقاة الا في شركة dxn تاكل حبتين بالصباح وحبتين بالليل مهم جدا الفطر هاذا .
ايضا تجيب بودرة طلع النخيل تلقاها عند العطارين وتخلطم مع زبادي او اي شي تحبة واذا تحب تضيف عسل يكون افضل .
اذا تقدر تشرب كل يوم موية زمزم خير وبركة ولا تنسى تكثر من الدعاء وتتصدق بنية الشفاء طبق الي قلتلك علية واستمر علية شهر على الاكثر ان شاء الله راح تتحسن بعد اسبوعين او ممكن اقل اذا ما فادك العلاج ماراح يضرك ان شاء الله اهم شي المداومة علية انا لي اسبوع بادي بالعلاج والامور تبشر بالخير ان شاء الله اي سوال انا حاضر بالتوفيق

 

[مرحوم قلبي]

رد: اتمنى تساعدوني

مع احترامي لك ..كلامك مادانيه ولا احب الناس الي تحكم وهي ماتدري ..اذا انت ماعانيت ولا عندك اعاقه ..اتمنى ماتحكم بدون بسبب ..انا الي جربت والي عانيت ولاتجي تقولي ماتسبب عائق وانها بسيطه ..لاكن اتمنى انت او الي زيك يحكم على الناس وهو مايدري ان ربي يبتليه على شان يحس بغيره..لاني مليت وخلاص ماعاد ابي شي انا غلطان اجي وانزل موضوعي لاني داري ان ماراح القى حل وفعلاً كرهت نفسي ..سلام

 

[مرحوم قلبي]

رد: اتمنى تساعدوني

الله يجزاك خير اخوي حفيد الصحابه ..بحاول ادبر الي قلت عليها وان شاءلله القااها..شكراً