طريقه حلوه للعيش من فضلكوا

[ولادي حبايبي]

السلام عليكم ورحمه الله وبركاته
أدعولي يا أخواتي أنا وقعت من ع السلم ورجلي حصلها شرخ
الحمد لله جبس لمده شهر بس والحمد لله أن بنتي محصلهاش
حاجه.هي كانت علي أيدي وولادي قدامي يعني كان ممكن اوي
يحصل لحد فيهم حاجه لكن ربنا رحيم وهما بخير

أنا طالبه طلب
انا كل يوم قبل الوقعه دي اجرب طريقه عمل عيش للولاد
ومتنجحش مع اني لفيييييت الدنيا لحد ما جبت كل المكونات
وأكتب الوصفه بحذافيرها وأطبقها لكن تفشل فشل ذريع.
انا مش عارفه ليه والله
مبتبقاش عجينه بتبقي شبه الاسمنت
يعني مثلا بحط دقيق ذره ودقيق رز وتابيوكا حسب الوصفه+صمغ الزنتان
ونشا ذره مثلا وهكذا
كأني معملتش اي حاجه لا شكلها عجينه ولا تخمر مثلا لو فيها خميره او بكنج بودر
المكونات كلها جديده يعني ملحقتش تخسر وبسبها تخمر كويس
وف الاخر اجي اخبزها تطلع حجر حجر يعني اه والله العظيم
يعني لو خبطها في الحيطه اسمع صوتها:bb (4):
الولاد حيتجننوا عايزين ياكلوا عيش ,لو لمحوا لقمه يصرخوا
معلش انا طولت عليكم
انا بكره ان شاء الله حقوم م السرير احرك رجلي شويه
نفسي اقوم اعمل العيش وأريح دماغي بقي من التفكير
او لو حد يقولي منتوجات جاهزه هنا ف الدمام او البحرين حتي جوزي يروح مش مشكله
حنعمل ايه
يعني دقيق ميكس جاهز علطوووووول كده احط عليه شويه زيت وملح يقي عييييييييييش
الولد كلامه يعني مش مفهوم امبارح بيقولي رز رز ويصرخ ويعيط لأنه يا حرام كل يوم بياكل رز
صبح وضهر وبالليل كمان:bb (15):
عملت المايونيز والكاتشب والطحينه والنوتيلا ودبس االتمر كلللله ف البيت
أحطه علي أيه ؟مفيش عيش؟
يااااااااااااااااااااااااارب الجنه تكون من نصيب اللي حيرد عليا وكل سنه وأنتوا طيبين

 

[مروج الامل]

رد: طريقه حلوه للعيش من فضلكوا

ألف سلامة عليكِ ...ولادي حبايبي...الله يكتبلك الأجر, لله الحمد إن الاولاد لم يصبهم مكروه.....الله يحفظهم ويحفظك لهم

بالنسبة للعيش فلماذا لاتحاولي ولو مؤقتاً تقديم بان كيك بدون سكر....يأكلوه مع العسل أو الجبنة أو مع الشاي أوالدبس, بالنسبة للدقيق الجاهز المناسب لهم أكيد موجود في البحرين أو السعودية
ربما جمع أنواع مختلفة من الدقيق هو السبب أو زيادة نشأ الذرة ....لان الزنتان يعمل على تليين العجينة المصنوعة من الدقيق الجاهز بكل سهولة...وبالمناسبة تأكدي إن النشأ الذي معك خالي من الجلوتين

للأسف لا أعرف طريقة لعمل العيش....وانت حاولي تحصلي على الدقيق الجاهز....إن شاء سيفيدك من يعرف سواء عن عمل العيش أو أماكن بيع الدقيق.....الله يوفقك

 

[ولادي حبايبي]

رد: طريقه حلوه للعيش من فضلكوا

ربنا يديكي الصحه والعافيه يا مروج الامل ويشفي مريضك ياااااارب
والله بحاول كل يوم وأفشل:bb (60):
الحمد لله علي كل حال
حدور تاني علي طحين جاهز في الاسواق مدام محدش رد عليا لسه
وجزاكي الله الجنه ونعيمها ياااااااارب يا حبيبتي انك دعيتيلي:bb (61):

 

[صبري بالله]

رد: طريقه حلوه للعيش من فضلكوا

أختي الحمد لله عللى سلامتك والحمد لله ما صار شيء للأولاد
وجدت هذا الرابط عن طريقة للخبز
http://www.t7di.net/vb/showthread.php?t=41075
http://www.t7di.net/vb/showthread.php?t=32806

انا لم اجربهم
اتمنى انه تكون طريقتهم حلوة

 

[زهرة الناردين]

رد: طريقه حلوه للعيش من فضلكوا

الف لا بأس عليكى
والله لو كنت اعرف كنت افدتك

 

[اتكالي على الله]

رد: طريقه حلوه للعيش من فضلكوا

كنت اشتري الخلطه جاهزة مثل هذه العلبه