طريقة عمل جاتوه رائع وسريع

[ريم البراري]

• وقت التحضير:10 دقائق
• المقادير:2 باكو كبير بسكوت سادة
  كام وحدة فاكهة او كمبوت تحبوه ( انا شخصيا انصحكم تجربوه بالموز )
  كريمة ... وهقولكم على مكوناتها
  
  مكونات الكريمة :
  4 ملاعق كبيرة بودرة كريم شانتيه
  4 ملاعق كبيرة بودرة كريم كراميل
  4 ملاعق كبيرة لبن بودرة
  4 ملاعق كبيرة قشطة
  4 ملعقة صغيرة (نسكافيه او كاكاو او كابتشينو او قهوة او قرفة )
  2 كوب ماء
  
• التحضير:1- نضرب جميع مكونات الكريمة في الخلاط ونضربها ضربتين
  وبكده تكون الكريمة جاهزة
  
  2-نجيب صينية وناخد البسكوت السادة ونغمس كل بسكوتة فى الكريمة بتاعتنا ونرصه فى الصينية
  وكذا بسكوتة وراء بسكوتة لحد ما نخلص صفين فوق بعض
  
  3- ثم نصب شوية كريمة عليهم لحد ما نغطيهم بالكريمة
  وبعدين نقطع الموز او اى فاكهه او كمبوت عندنا ونرصه فوق البسكوت طبقه واحده او اتنين زى ما نحب
  
  4-ونكرر طبقات البسكوت تانى ... نغمس كل بسكوته ونرصها وهكذا لحد ما نعمل صفين
  
  5-وفى النهاية نصب كل الكريمة اللى باقيه بحيث تغطى كل الصينية وتغطى البسكوت كله
  
  6- ضعي الصينية فى الثلاجة وسيبيها على قد ما تقدرى ... كل ما تسيبيها اكثر كل ما كانت النتيجة احلى
  
  ممكن نزين وش الصينيه باى حاجه تعجبنا
  انا زينتها بالشيكولاته لانى كنت عملاها بالشيكولاته ....

​

 

[الونشريس الشاهد]

رد: طريقة عمل جاتوه رائع وسريع

بارك الله فيك من اليوم لن تتعب والدتي

 

[ريم البراري]

رد: طريقة عمل جاتوه رائع وسريع

بارك الله فيك من اليوم لن تتعب والدتي

الف صحه شكرا على المرور ...