وصول خبير انجليزى لمده يومين اول الشهر القادم بالقاهرة

[قول يا رب]

وجدت فى جريده الاهرام يوم الجمعه الماضى اعلان عن قدوم خبير انجليزىprof.dr.panos vostanis
استاذ الطب النفسى للاطفال بجامعه ليستر بانجلترا لمناظره بعض حالات التوحد وفرط الحركه ونقص الانتباه والاكتئاب لدى الاطفال وذلك يومى 6و7 فبراير فى مستشفى وادى النيل.

لفت انتباهى الخبر و قرون الاستشعار اتحركت اتصلت وعرفت ان الحجز بيتم عن طريق المستشفى لتحديد مقابله يومى الاثنين والاربعاء القادم مع استشارىمصرى لاعداد الحالات والكشف عليها وتجهيزها للطبيب الانجليزى.

الكشف سعره 1500 والاستشارى المصرى هى د.غاده الدرى عميد معهد الدرسات العليا للطفوله بجامعه عين شمس.

عنوان المستشفى بحدائق القبه والتليفون 2452385 او24523857

وبحثت عن معلومات عن الطبيب ووجدتها بس نعمل ايه فرق الثقافات اصل تعليمى صينى ،اما الدكتوره غاده طلعت معروفه وكمان لها مركز خاص بمصر الجديده مع انى اول مره اسمع عنها .

فى حد جربها قبل كده ،المهم انا قلت ابلغ الاخوه يمكن الخبر يهم حد والله الموفق قولوا يا رب.

انا مش عارفه كل ما احدد لون وحجم خط يرجع تانى معلش البسوا النظاره وامركم لله.

 

[ازميرالدا]

رد: وصول خبير انجليزى لمده يومين اول الشهر القادم بالقاهرة

شكرا اختي علي الخبر
الدكتوره غاده الدري هي طبيبه اطفال اصلا
اعتقد يجب ان نحاول الاستفسار اولا عن ما يمكن ان يقدمه هذا الطبيب لاطفالنا

 

[الامل في الله]

رد: وصول خبير انجليزى لمده يومين اول الشهر القادم بالقاهرة

دكتوره غاده معروفه جدا وكان لها برنامج تليفزيونى اسمه خطوه خطوه لذوى الاحتياجات الخاصه وفى ناس كتير قابلتهم اولادهم متابعين عندها بمركز دراسات الطفوله بجامعة عين شمس وبيشكروا فيها جدا وهناك جلسات تكامل سمعى باجر رمزى وتعديل سلوك وتخاطب

 

[مفوض امره لله]

رد: وصول خبير انجليزى لمده يومين اول الشهر القادم بالقاهرة

لفت انتباهى الخبر و قرون الاستشعار اتحركت .

طالما المسالة فيها قرون استشعار يبقى المطلوب منك تشمشمي وتغطسي وتقبي وتجيبيلنا الموضوع من اصله

بمعنى لو في لقاء مفتوح او لقاء خاص باولياء اباء تجيبي نتيجة كلامه واخر الابحاث

وبالمرة لو تعرفي تقطري اثره وتجيبي خبره او حاجة من ريحته وايميله يكون ممتاز

لو الكشاف كان هناك بالقاهرة كان سحب الانجليزي من رقبته وجابه هنا بالمنتدى

 

[قول يا رب]

رد: وصول خبير انجليزى لمده يومين اول الشهر القادم بالقاهرة

طلبتكم صعبه علشان اقعد لوحدى على الجهاز بعمل معجزات وأنيم الحلويين بدرى وافصل صوت الكمبيوتر لانهم لما بيسمعوا الصوت بيصحوا .

وبعديين احنا فين وعم الكشاف فين اش جاب ...........،
انا كان نفسى أأخذ التحاليل والاشعه وكل الاوراق الخاصه بأبنى واحجز ،ونشوف رأى بتوع بلاد بره ايه ونستفيد بخبراتهم،لكن ظروفى مع الاولاد حاليا مقيده حركتى ده غير السفر فى الاجازه.
لكن قلت فى اخوات بتحب تتابع مع دكتور بره لكن ظروفهم مش بتسمح بالسفر ،او بدل ما تتابع على النت بدون مقابله الطبيب
ممكن تكون فرصه كويسه لهم.
لكن انا زى الخاطبه بوفق راسيين فى الحلال السؤال والاستعلام عليكم انتم ،وصفحته عاى النت ما شاء الله مليانه كلام انجليزى انجليزىميه ميه بس فين النفس اللى تقرأ،خصوصا والثقافه هندى،اشى اسم الجامعه وعنوانها وتاريخه كله والبركه فيكم اللى عايز
يشمر ويترجم.
اما د.غاده ادينا بنسأل عليها ، وبنجمع عنها معلومات يمكن نحتاجها فى اى وقت