عياده لعلاج التوحد بالكويت

[أم بدر العازمي]

اخواني الحمدلله رب العالمين اخيرا افتتحوا عياده عندنا بالكويت لعلاج عيالنا وشذي نقدر انواصل
علاج اليهال من غير ماناخذ اجازات دوامات او سفر
هاذي المسج وصلتني من يومين وحجزت في العياده اول كورس

تم إفتتاح عيادة الدكتور محمد فتحي السوالمه (أخصائي التوحد) في الكويت -الجابرية- و ذلك لعلاج

التوحد(الدان بروتوكول). صعوبات التعلم . تأخر النطق ومشاكل السمع . الشلل الدماغي.

حيث تم تجهيز العياده بالعلاج بالأكسجين المضغوط (hyperbaric oxygen therapy) و الاسترجاع العصبي

(Neurologicalfeedback) والتكامل السمعي (auditory integration therapy)(AIT)

للتواصل و الحجز يرجى الاتصال على الرقم التالي :

(965) 97177589

 

[هناء محمد]

رد: عياده لعلاج التوحد بالكويت

اختي الغاليه .. اهنيكم على هالخبر الحلو يا أهل الكويت
وانا بعد جتني هالمسج وفرحت فيها كثير لأن الكويت اقرب لنا من الاردن وبذلك تكون الروحه لها اسهل وايسر باذن الله ..
بس عندي استفسار .. ياترى كم سعر جلسة الاوكسجين ؟؟ يعني هل هي نفس سعر الجلسه اللي بالاردن أو اغلى أو ارخص باذن الله ؟؟

خاصة اني انا الان لي شهرين بالاردن سويت لعبدالعزيز كورس اوكسجين كامل ( 40 جلسه ) والان جالسه اعمل له الكليشن , خلصت 4 جلسات كليشن وباقي 6
الله ينفع بها انشاءلله
وبالنسبه لي هذا ثالث كورس اوكسجين لعبدالعزيز , بس اول مره أسوي كليشن , سبق واستعملت التحميلات كورسين بس ولا نفعت لذلك قال الدكتور لازم كليشن افضل
وباقي لي 3 اسابيع باذن الله وارجع

بس ياليت تستفسرين لنا عن الاسعار وتردين لنا عشان يكون عندنا معرفه .. واكون لك شاكره اختي

تحياتي ..

 

[هيفون]

رد: عياده لعلاج التوحد بالكويت

مبروووووووك

تستاهلون

 

[مسك]

رد: عياده لعلاج التوحد بالكويت

الحمداالله يارب الله يبرد قلبك يا ام بدر العازمي على هالخبر انت بنت حلال لأنك تفكرين بعيالنا الله لا يرد لك دعاء
ياليت التكاليف تكون بتسعيره الاردن مؤ الكويت لانها اكيد بتكون اغلى

 

[انوشا]

رد: عياده لعلاج التوحد بالكويت

اتصلت فيهم بعد اسبوعين راح يفتتحون العيادة وقالي دكتور السوالمة الاسعار لما الحين ما حددوها ولكن علاج التوحد معروف انه غالي ولكن سيحاولون ان تكون الاسعار في متناول الجميع

 

[ام رشود]

رد: عياده لعلاج التوحد بالكويت

شكرا علي الموضوع اختي ام بدر. لكن احب أسأل الاعضاء في احد جرب علاج هذا الدكتور. محمد السوالمه او تعامل معاه. يا ليت يفيدنا. سواء بالاكسجين او العلاج الطبي