عيش رائع باستخدام الزنثان

[هبه]

بسم الله الرحمن الرحيم
انا قرايت عن استخدام الزانثان فى عمل عيش زى العيش المصنوع من القمح عشان كده جربت اعمله وكانت النتيجه رائعه
المقادير
10 معلقه كبيره دقيق رز
4 م.ك دقيق التابيوكا
4 م.ك دقيق الرز اللزج
1او2 م.ك نشا الدره
نص معلقه صغيره ملح ورشه سكر
نصف معلقه خميره فوريه
معلقه ونص صغيره الزانثان
وممكن اضافه السمسم او الزنجبيل حسب الرغبه
4 م.ك زيت


الطريقه
نضع كل المكونات مع بعض ونضيف حوالى كوب ونص ماء دافى وتعجن على سرعه بطيئه وبعدين نزيد السرعه ونعجن لمده 10 دقيق ونضيف ماء اذا احتاج حتى نحصل على عجينه متمسكه وطريه نوعا ما
ثم تترك لتتخمر حوالى ساعتين هاتكون ارتفعت شويه
وبعدين نقطع العجين لكرات اكبر من البيضه ويرش دقيق الدره وتفرد عليه العجينه وممكن تقطع بدائره حتى تكون شكلها متسوى وتترك لتتخمر مره اخرى حوالى ساعه ونص لساعتين وتغطى بقطعه قماش
يوضع العيش فى الفرن درجه حرارته متوسطه حوالى 10 دقيق وها نشوف ان العيش انتفخ وبقى سهل الفتح وطبعا هاتشوفى اذا كان عاوز يبقى فى الفرن كمان شويه ولا استوى خلاص
واتمنى انه يعجب اولدكم ويحل مشكله العيش والسندوتشات :23:

 

[بنت التحدي]

رد: عيش رائع باستخدام الزنثان

يسلموووووووووووووووو
يعطيك العافية
احترامي

 

[حبيبتى بنتى]

رد: عيش رائع باستخدام الزنثان

اختى هبه منين1- اجيب الزانثان منين وايه هو
2-وكمان الخميره مش ممنوعه فى الحميه
3- الرز الزج يعنى مستوى

اسفه على الاطاله​

 

[هبه]

رد: عيش رائع باستخدام الزنثان

بسم الله الرحمن الرحيم
شكرا على مرورك الكريم اختى ام التحدى واختى حببتى بنتى
الزانثان عباره عن صمغ زى الصمغ العربى وصمغ غوار والكثيرا وشكله على هيئه بودره وانا جبته من الامارات من محلات الاورجنك كافيه واسم الشركه bob,s red mill ومش عارفه اذا كان موجود فى مصر ولالاء
والرز اللزح ده نوع من انواع الرز الاسيوى وموجود فى الالفا ماركت الدقى
والخميره الفوريه مش ممنوعه لكن الخميره العاديه هى الممنوعه
اتمنى انى اكون افدك
ربنا يشفى اولادانا واولاد المسلمين

 

[المحبة لدينها]

رد: عيش رائع باستخدام الزنثان

يعطيك العافية

 

[حريه]

رد: عيش رائع باستخدام الزنثان

مشكوره على جهدك ووصفك للطبخه بطريقه مرتبه

 

[مريم الكويت]

رد: عيش رائع باستخدام الزنثان

حسب معلوماتي كل أنواع الخميرة ممنوعة اة او الفورية