السلام عليكم ورحمة الله وبركاته
جزاكم الله كل خير جميع الأعضاء إللى نصحونى فى موضوعى إللى فات عن الزيارة الأولى وأكيد نصائحهم فرقت معايا
هحاول ألخصلكم زيارتى الثانية للدكتور إللى كان فيها إختبار تنمية المهارات والجلسة مع الدكتور لوضع خطة العلاج
وزى ما قولتلكم فى زيارتى الأولى كانت تعليقات الدكتور حسين عبد الدايم على بنتى كالأتى ( إنها محيرة وإن شاء الله إن كان عندها توحد هيكون بسيط جدااا ده بناءا عن الأسئلة إللى سألهولنا والإستبيان إللى أعطاهولى علشان أملاه)
أخصائى الحركة قالى مباشرة (إن بنتى مشكلتها إنها كسولة وخوافة مع وجود ليونة فى الركبة اليمين هى إللى عملالها عدم توازن ومأخرة مشيها حتى الأن سنة وعشر شهور)
أخصائية التخاطب قالتلى (بنتك متأخرة شوية عن إللى فى سنها فى الكلام بس كويس جداااا إنها بتوظف بعض الكلمات وكمان بتتعلم بسرعة على حسب كلامى طبعا يعنى عندها قدرة على الإكتساب وإن كانت بطيئة فممكن يكون بسبب البيئة المحيطة بيها وكمان لأنها الطفلة الأولى والوحيدة ) وكمان قالتلى هى حالتها كويسة جداااااااااا ومش محتاجة غير زقة بسيطة وإن شاء الله هتكون كويسة)
أما بقى الدكتور النفسى عملها إختبار كارز (مع إنى أسمع إنه للأطفال مش أقل من سنتين ) بس قولت هما يعرفوا أكتر
قالنا برده إن حالتها كويسة جدااا الحمد لله ومبشرة وإن كان عندها حاجة هتكون بسيطة بإذن الله لأن البنت فيها مميزات كتير غالبا مش بتكون موجودة عند أطفال التوحد وده هيساعدها كتير
طبعا بعد كل الكلام ده كنت خارجة من الزيارة الأولى متفائلة جداااااااااااااااااااا
الزيارة التانية إمبارح
بالنسبة لأخصائية تنمية المهارات (قالت إنها هتحتاج مجهود برده وكمان لازم المحيط إللى حواليها يتغير ويكون أكثر تفاعل معاها لأنها لاحظت من كلامى إن تغير سلوكنا معاها وتغير الجو والإختلاط بيجيب معاها نتائج إيجابية وكمان إن عندها سرعة تعلم وإستجابة بس هى محتاجة إهتمام أكبر والتغيير هيكون أساسه من البيت لأنى أغلب الوقت بكون معاها لوحدى لأن والدها مشغول على طول وكمان أهلى مشغولين ومش مختلطة بأطفال خالص وبتتفرج على التيليفزيون كتير يعنى كل العوامل إللى حواليها بتأخرها وبتدعم المشكلة إللى عندها)
وفى النهاية الكل أجمع إن تواصلهاا البصرى جيد جداااااااااااا
ملاحظاتنا بعد إنتهاء آخر تقييم
أولا إن التقييمات إللى عملناها فى الأسبوع إللى فات لسه الأخصائيين مخلصوهاش ومتعرضتش على الدكتور
وآخر تقييم خلص تقريبا قبل الدخول للدكتور بخمس دقائق ... وبعدين دخلوله الملف وندهوا علينا علشان ندخل
إتضحلى إن الدكتورة أميمة سليم زوجته هى إللى كاتبة التشخيص النهائى فى التقرير ( بس الغريييييييييييب جدا والسؤال إللى بيلح عليا حتى الأن هى شافت التقرير إمتى ولحقت تقرأه وتكتب التشخيص إزاى والتقرير كان قدامنا ومخلصش ومكانوش عايزينا ندخل للدكتور فى نفس اليوم وكانوا عايزين يأجلوا الزيارة ليوم آخر )
المهم الدكتور حسين عبد الدايم إتصل على الدكتورة أميمة بالتليفون وإحنا قاعدين وفتح السبيكر علشان يسمعنا رأيها
وكاانت الصدمة
كلام الدكتورة أميمة سليم كالأتى ( مع إنفعال شديييد جدااااااااا غير مفهوم وكأننا أعداء)
البنت عندها توحد شدييييد جدااااااااااا كلاسيكى مع تأخر فى النمو الحركى .... والبنت معندهاش أى مييييييييزة إلا إنها صغيرة فى السن وغالبا الحالات دى مش بناخدها بس علشان والدها دكتور فهنحاول معاها .. ومش عايزة إستهتار من الأهل ولا تدخل فى أى حاجة ومحدش يسألنى بتعمليلها إيه ولا عملتلها ده ليه ولازم الموضوع يتاخد بجدية البنت حالتها خطيرة وهتحتاج تدخل مكثف مش أقل من 40 ساعة ....... ومش عايزة الأم تحاول تعلمها أى حاجة فى البيت نهاااااااائى وإلخ إلخ )كلام بإنفعال زائد غير مبرر وأنا ووالدها مش فاهمين حاجة خالص
وسألت الدكتور إزاى توحد شديد أمال الحالات الأسوأ من بنتى بيكون توحدها إيه
ومعقول بعد كمية المدح فى مميزات بنتى إنها توصلها البصرى جيد جدا وتفاعلها الإجتماعى كويس وبتكتسب كلمات وبتوظفها وعندها سرعة فى التعلم وإن أى اعراض مش كويسة ظهرت عليها وهى صغيرة معظمها إختفى لوحده وإنها كمان بتتحسن لوحدها حتى لو كان ببطء وإلللخخخخخخخ
معدش عندها أى ميزة غير إنها صغيرة فى السن ....... طيب وليه الدكتورة منفعلة بالشكل ده
الدكتور قالى إنها أخدت فى مقياس كارز 45 وده معناه توحد شدييييييييييد ومش مهم تشخيص التوحد المهم إستجابة الطفل
كمثال ممكن يكون طفل مشكلته بسيطة بس إستجابته ضعيفة سنة من العلاج متأثرش فيه وممكن طفل حالته أسوأ ولكن إستجابته أفضل يتحسن أكثر خلال السنة
ده حسب إستجابة الطفل
وكمان قابلنا الدكتور النفسى وسألناه عن الإختبار ... قالنا إن فى مقياس كارز الإجابة بنعم أو لا .يعنى أحيانا ملهاش قيمة..... يعنى لما سألنى بنتك إجتماعية ولا لأ وقولتله ساعات بتكون إجتماعية جدااا وساعات مش بتحب تتفاعل مع أشخاص معينة ده معناه ( أحيانا ) وأحيانا فى مقياس كارز يعنى لأ يعنى المفروض كنت أقوله يإما إجتماعية جدااااااااا يا إما مش إجتماعية خاااااااااالص
وبناءا على هذا المثال كان باقى التقييم بالشكل ده
وكمان أى أعراض عندها حتى لو كانت ظهرت فترة وبعدين إختفت لازم يتحط فى الإعتبار ويتحطله خطة علاجية ..... وهى حسب إستجابتها بنخلص من شئ وندخل على شئ تانى
بصراحة إحنا مازلنا لحد دلوقتى مندهشين جداااا وتقريبا مش قادرين نقرر أى شئ .. ومش بنبطل تفكير ....... وأحيانا بتجيلنا ظنون غريبة ...يعنى لما حالة بنتى صعبة جدااا وخطيرة ومبيقبلوش الحالات دى .. أمال الحالات إللى عندهم إللى بيدعوا إنها إتعلجت من التوحد كانت حالتها إيه قبل العلاج أكيد كانت حالات مشاكلها بسيييييييييييييييييييطة جدااا علشان كدة إتعلجت
أو إن بنتى حالتها بسيطة وهما إللى بيكبروا الموضوع علشان لما البنت تستجيب بسرعة وتتحسن أظن إن الفضل يرجعلهم هما وإنهم إللى بذلوا مجهود رهيب .. وعلشان لو متحسنتش يبقى العيب فى بنتى مش فيهم هما
بصراحة حاجة محبطة ومحيرة ومش عارفة أعمل إيه وكمان حسيت حتى لو كلامهم صح الأسلوب الحاد للدكتورة اميمة ضايقنى جداااا منها لأنى مش فاهماه وأفقدنى الثقة فيها
فيارييييييييييييييييت بكل صدر رحب زى ما أتعودت منكم تقرأوا كلامى ومتبخلوش عليا بأى نصيحة أو معلومة أو مشورة وربنا يلهمنا كلنا الطريق الصحيح بعلمه وبقدرته
جزاكم الله كل خير جميع الأعضاء إللى نصحونى فى موضوعى إللى فات عن الزيارة الأولى وأكيد نصائحهم فرقت معايا
هحاول ألخصلكم زيارتى الثانية للدكتور إللى كان فيها إختبار تنمية المهارات والجلسة مع الدكتور لوضع خطة العلاج
وزى ما قولتلكم فى زيارتى الأولى كانت تعليقات الدكتور حسين عبد الدايم على بنتى كالأتى ( إنها محيرة وإن شاء الله إن كان عندها توحد هيكون بسيط جدااا ده بناءا عن الأسئلة إللى سألهولنا والإستبيان إللى أعطاهولى علشان أملاه)
أخصائى الحركة قالى مباشرة (إن بنتى مشكلتها إنها كسولة وخوافة مع وجود ليونة فى الركبة اليمين هى إللى عملالها عدم توازن ومأخرة مشيها حتى الأن سنة وعشر شهور)
أخصائية التخاطب قالتلى (بنتك متأخرة شوية عن إللى فى سنها فى الكلام بس كويس جداااا إنها بتوظف بعض الكلمات وكمان بتتعلم بسرعة على حسب كلامى طبعا يعنى عندها قدرة على الإكتساب وإن كانت بطيئة فممكن يكون بسبب البيئة المحيطة بيها وكمان لأنها الطفلة الأولى والوحيدة ) وكمان قالتلى هى حالتها كويسة جداااااااااا ومش محتاجة غير زقة بسيطة وإن شاء الله هتكون كويسة)
أما بقى الدكتور النفسى عملها إختبار كارز (مع إنى أسمع إنه للأطفال مش أقل من سنتين ) بس قولت هما يعرفوا أكتر
قالنا برده إن حالتها كويسة جدااا الحمد لله ومبشرة وإن كان عندها حاجة هتكون بسيطة بإذن الله لأن البنت فيها مميزات كتير غالبا مش بتكون موجودة عند أطفال التوحد وده هيساعدها كتير
طبعا بعد كل الكلام ده كنت خارجة من الزيارة الأولى متفائلة جداااااااااااااااااااا
الزيارة التانية إمبارح
بالنسبة لأخصائية تنمية المهارات (قالت إنها هتحتاج مجهود برده وكمان لازم المحيط إللى حواليها يتغير ويكون أكثر تفاعل معاها لأنها لاحظت من كلامى إن تغير سلوكنا معاها وتغير الجو والإختلاط بيجيب معاها نتائج إيجابية وكمان إن عندها سرعة تعلم وإستجابة بس هى محتاجة إهتمام أكبر والتغيير هيكون أساسه من البيت لأنى أغلب الوقت بكون معاها لوحدى لأن والدها مشغول على طول وكمان أهلى مشغولين ومش مختلطة بأطفال خالص وبتتفرج على التيليفزيون كتير يعنى كل العوامل إللى حواليها بتأخرها وبتدعم المشكلة إللى عندها)
وفى النهاية الكل أجمع إن تواصلهاا البصرى جيد جداااااااااااا
ملاحظاتنا بعد إنتهاء آخر تقييم
أولا إن التقييمات إللى عملناها فى الأسبوع إللى فات لسه الأخصائيين مخلصوهاش ومتعرضتش على الدكتور
وآخر تقييم خلص تقريبا قبل الدخول للدكتور بخمس دقائق ... وبعدين دخلوله الملف وندهوا علينا علشان ندخل
إتضحلى إن الدكتورة أميمة سليم زوجته هى إللى كاتبة التشخيص النهائى فى التقرير ( بس الغريييييييييييب جدا والسؤال إللى بيلح عليا حتى الأن هى شافت التقرير إمتى ولحقت تقرأه وتكتب التشخيص إزاى والتقرير كان قدامنا ومخلصش ومكانوش عايزينا ندخل للدكتور فى نفس اليوم وكانوا عايزين يأجلوا الزيارة ليوم آخر )
المهم الدكتور حسين عبد الدايم إتصل على الدكتورة أميمة بالتليفون وإحنا قاعدين وفتح السبيكر علشان يسمعنا رأيها
وكاانت الصدمة
كلام الدكتورة أميمة سليم كالأتى ( مع إنفعال شديييد جدااااااااا غير مفهوم وكأننا أعداء)
البنت عندها توحد شدييييد جدااااااااااا كلاسيكى مع تأخر فى النمو الحركى .... والبنت معندهاش أى مييييييييزة إلا إنها صغيرة فى السن وغالبا الحالات دى مش بناخدها بس علشان والدها دكتور فهنحاول معاها .. ومش عايزة إستهتار من الأهل ولا تدخل فى أى حاجة ومحدش يسألنى بتعمليلها إيه ولا عملتلها ده ليه ولازم الموضوع يتاخد بجدية البنت حالتها خطيرة وهتحتاج تدخل مكثف مش أقل من 40 ساعة ....... ومش عايزة الأم تحاول تعلمها أى حاجة فى البيت نهاااااااائى وإلخ إلخ )كلام بإنفعال زائد غير مبرر وأنا ووالدها مش فاهمين حاجة خالص
وسألت الدكتور إزاى توحد شديد أمال الحالات الأسوأ من بنتى بيكون توحدها إيه
ومعقول بعد كمية المدح فى مميزات بنتى إنها توصلها البصرى جيد جدا وتفاعلها الإجتماعى كويس وبتكتسب كلمات وبتوظفها وعندها سرعة فى التعلم وإن أى اعراض مش كويسة ظهرت عليها وهى صغيرة معظمها إختفى لوحده وإنها كمان بتتحسن لوحدها حتى لو كان ببطء وإلللخخخخخخخ
معدش عندها أى ميزة غير إنها صغيرة فى السن ....... طيب وليه الدكتورة منفعلة بالشكل ده
الدكتور قالى إنها أخدت فى مقياس كارز 45 وده معناه توحد شدييييييييييد ومش مهم تشخيص التوحد المهم إستجابة الطفل
كمثال ممكن يكون طفل مشكلته بسيطة بس إستجابته ضعيفة سنة من العلاج متأثرش فيه وممكن طفل حالته أسوأ ولكن إستجابته أفضل يتحسن أكثر خلال السنة
ده حسب إستجابة الطفل
وكمان قابلنا الدكتور النفسى وسألناه عن الإختبار ... قالنا إن فى مقياس كارز الإجابة بنعم أو لا .يعنى أحيانا ملهاش قيمة..... يعنى لما سألنى بنتك إجتماعية ولا لأ وقولتله ساعات بتكون إجتماعية جدااا وساعات مش بتحب تتفاعل مع أشخاص معينة ده معناه ( أحيانا ) وأحيانا فى مقياس كارز يعنى لأ يعنى المفروض كنت أقوله يإما إجتماعية جدااااااااا يا إما مش إجتماعية خاااااااااالص
وبناءا على هذا المثال كان باقى التقييم بالشكل ده
وكمان أى أعراض عندها حتى لو كانت ظهرت فترة وبعدين إختفت لازم يتحط فى الإعتبار ويتحطله خطة علاجية ..... وهى حسب إستجابتها بنخلص من شئ وندخل على شئ تانى
بصراحة إحنا مازلنا لحد دلوقتى مندهشين جداااا وتقريبا مش قادرين نقرر أى شئ .. ومش بنبطل تفكير ....... وأحيانا بتجيلنا ظنون غريبة ...يعنى لما حالة بنتى صعبة جدااا وخطيرة ومبيقبلوش الحالات دى .. أمال الحالات إللى عندهم إللى بيدعوا إنها إتعلجت من التوحد كانت حالتها إيه قبل العلاج أكيد كانت حالات مشاكلها بسيييييييييييييييييييطة جدااا علشان كدة إتعلجت
أو إن بنتى حالتها بسيطة وهما إللى بيكبروا الموضوع علشان لما البنت تستجيب بسرعة وتتحسن أظن إن الفضل يرجعلهم هما وإنهم إللى بذلوا مجهود رهيب .. وعلشان لو متحسنتش يبقى العيب فى بنتى مش فيهم هما
بصراحة حاجة محبطة ومحيرة ومش عارفة أعمل إيه وكمان حسيت حتى لو كلامهم صح الأسلوب الحاد للدكتورة اميمة ضايقنى جداااا منها لأنى مش فاهماه وأفقدنى الثقة فيها
فيارييييييييييييييييت بكل صدر رحب زى ما أتعودت منكم تقرأوا كلامى ومتبخلوش عليا بأى نصيحة أو معلومة أو مشورة وربنا يلهمنا كلنا الطريق الصحيح بعلمه وبقدرته
تعليق