الاخوات من ليبيا ...وينكم

[ماجدة محمد]

رد: الاخوات من ليبيا ...وينكم

اهلين اختي ام عبيدة
وسامحيني على التاخير في الرد بالنسبة لمدرسة الظل حصلت وحدة خريجة تربية خاصة طبعا موضوع ااتوحد جديد على الجمبع حتى خرجين التربية الخاصة يعني هي خبرتها مش كبيرة بس اهم حاجة هي اتحب بودي وعندها رغبة شديده تساعدة وعنها اصرار وصبر وهذا اهم شي انا وفرتلها البرامج مثل برنامج ال aba و الكروت .............الخ
مش بالضرورة مدرسة الظل تكون خريجة تربية خاصة المهم تكون اتحب الطفل وعندها رغبة تساعدة حتى ينقبلها الطفل والباقي ممكن تتعلمة يعني برنامج زي ال aba ممكن تشرحية لها في ساعة وهو من افضل البرامج التعليمة لعيلنا ......... والله مدرسة بودي مرات تخترع برامج من راسها
اما بالنسبة للعلاج فائنا حكينت عليه في ردي على اختي ام عزيمة وان شاء الله ربي يشفي بودي و عبيدة وجميع اطفال المنتدى:23:

 

[أم عزيمة]

رد: الاخوات من ليبيا ...وينكم

تحليل المعادنا الاول كان الزئبق من متوسط الي منخفض اما التحليل الثاني كانت المعادن عاليه زئبق و زربيخ و رصاص و اكسده عاليه جدا كان بودي في هذه الفتره ياخذ حقن الجلوناثيون صرفتها لنا الدكتوره دعاء و لما انا استغربت ارتقاع المعادن بعد سنتين من الحميه و المكملات قلت للدكتور. محمد ان بودي مازال ياخذ حقن الجلوتاثيون قال هذا هو السبب لان الحقن تحسب المعادن من الجسم الي البول يعني مفروض ماعملنش التحليل اثناء اخذ الحقن هذا بالنسبه للدان.

وين درتي التحاليل الأولى اللي كانت نتيجتها زئبق فقط وعلاش عطاتك الدكتورة الجلوتاثيون إذا كانت النسبة تعتبر مش كبيرة من متوسط إلى منخفض وبعدين وين درتي التحاليل الثانية اللي طلعت نتيجتها عالية ؟
وهل لاحضتي أن بودي إستفاد من الكليشين ؟
هل كان يعاني بودي من مشاكل في الجهاز الهضمي إسهلا او إمساك فطريات او بكتيريا و هل عالجتيها ؟

تحياتي وإن شاء الله نسمعوا منك دائما الأخبار الطيبة .

 

[ماجدة محمد]

رد: الاخوات من ليبيا ...وينكم

عزيزتى ام عزيمه زى ماانتِ عارفه علاج الدان قائم على التجريب ولما نحن ضلينا على الحميه والمكملات فتره طويله من دون تحسنات كبيره قررت الدكتوره دعاء عطائه حقن الجلوتاثيون وهى لا تعتبر كليش زى dmsa الجلوتاثيون هي ماده موجوده اصلا فى الجسم وضيفتها التخلص من السموم سواء كانت معادن او سموم ناتجه عن البكتيريا او الفطريات ويعتثد ان الذين يعانون من التوحد لديهم نقص فى هده الماده ومن ثم تتراكم السموم لديهم .
كما ان احيانا كثيره كما يقولون اطباء الدان ان تحليل المعادن قد لا يظهر وجود معادن اذا كانت المعادن مترسبه فى العضم وكان التسمم قديم لهدا السبب صرفت لنا الدكتوره الحقن ولهاذا السبب ايضا فسر لنا الدكتور محمد زياده المعادن فى التحليل الثانى ان المعادن الموجوده فى الجسم طرحت فى البول بسس حقن الجلوتاثيون
التحليل الاول والثانى درتهن فى معمل (فليب الفرنسى) بالنسه للاستفاده مش قادره انحدد لانى فى تلك الفتره درت الاكسجين والتكامل السمعى الثانى ولكن فتره اخذ الحقن كان عنده عصبيه شديده (وهدا اعتقد بسبب سحب المعادن)
بالنسبه لمشاكل الجهاز الهضمى الغريب فى الامر ان بودى قبل ان اكتشف مرض التوحد ماكان عنده اى مشاكل فى الهضم بس بعد مابدانا فى العلاج الحميه والمكملات بدات مشاكل غازات ,براز رملى يعنى الاكل غير مهضوم انتفاخ فى البطن ... الحمد الله تخلصنا من هده المشاكل عن طريق علاج الفطريات بالنستاتين 10سم مرتين فى اليوم مع الاعشاب قرفه,قرنفل( حبتين) فى ماء الشرب (لانه قوى على المعده),كركم ,طحينه وان شاء الله ربى يقدرنا على التخلص من باقى المشاكل ويشفى الجميع.

 

[ام ملاك]

رد: الاخوات من ليبيا ...وينكم

السلام عليكم
قريت فى المنتدى عن الخلطة اللى كتب عنها ابو التوحدى من اللى جربها وشنو نتائجها ومنين اشتريتو المقادير اللى فيها زى العنبر وغيره
ننتظر فى ردكم

 

[أم عزيمة]

رد: الاخوات من ليبيا ...وينكم

السلام عليكم
قريت فى المنتدى عن الخلطة اللى كتب عنها ابو التوحدى من اللى جربها وشنو نتائجها ومنين اشتريتو المقادير اللى فيها زى العنبر وغيره
ننتظر فى ردكم

جربت الخلطة لمدة قصيرة بس كانت بالتزامن مع الحجامة تقريباً أستخدمت أغلب المكونات ما عدا العنبر الأصلي لعدم وجوده هنا في ليبيا و المرة وكتبت على تجربتي في المنتدى في بعض الردود متاعي عزيمة من لما أكتشفت مرضها الحمد لله كل يوم أحسن من اللي قبله يعني ما نقدرش أنقولك أنه من الخلطة لكن المعروف أن العسل ما فيش شك أنه ممتاز لأطفالنا و حبة البركة لكن المقادير كبيرة شوية تقريباً 30 جم في كيلو العسل والزنجبيل أيضاً لكن طلع النخيل قوي هلبة على الصغار لما وقفت الخلطة على عزيمة أخذت منها أنا سببت لي مغص ممكن أني ماتحملتهاش لكن الأغلب كان السبب طلع النخيل .

بعدين أستمريت فقط على العسل و حبة البركة وأعطيتها حب رشاد مع العسل لمدة 3 أشهر النتيجة أصبحت إجتماعية جدا ومع الروضة بدت تحب الصغار و متحبش تقعد بروحها وأصبحت تحاول تتكلم وتوا الحمد لله تنادي علي كل العيلة بالأسم تعرف أسماء الفواكه وشهيتها أصبحت ممتازة تمسك الملعقة وتأكل بروحها و الحمد لله .

عزيمة كان عندها فقر دم و نقص في الحديد واضح حتى على وجهها شاحب أصفر ، سمعت على مرا كبيرة في السن تعالج الصغار ( عزايز زمان ) تعطي في خلطة مقوية للأطفال أختك مشت تجري للحاجة مشيتلها في غير أوقات عملها الرسمية :2: لقيتها بروحها هدرزت معاها وقصقصتها على البسباس و من زرعه :14: المهم الخلطة حكتلي عليها بالتفصيل شنو فيها المهم أني كنت نبي نتأكد أنه مافيهاش حلتيت تصوري لما قلتلها حلتيت رعشت المرا و قالتلي أني ما نحطش إلا ما يرضي ربي والرسول .
المهم الخلطة فيها بسباس :16: كل الكمامين وعسل و زيت زيتون وزعتر وهلبة حاجات تانية مفيدة وقالتلي تاخذ منها ملعقة صغيرة الصبح خلطيها مع أي حاجة اني نعطي فيها حاف وبدون نقاش أصلا بنتها مش خاطية تنبلع يعني :2: و الحمد لله اني ليا شهر عليها ، البنت وجهها جري فيه الدم و الحمد لله وزادت في الوزن شوية يعني معادش وزن الريشة توا عشرة ريشات هادي ملخص :14: زيارتي للحاجة ضاوية ونحلف عليها نفس أعشاب هيفاء كيالي :19: .

طولت عليك يا أم ملاك لكن لقيت روحي فاضية شوية :2: قلت خلي نهدرز عليك شوية .

أم عبيدة استاحششششششششششتك شنوإشتراك النت مازال ؟؟؟ مسجلينك غياب من فترة بعد أسبوع بنديروك إنقطاع :15: .

 

[ام ملاك]

رد: الاخوات من ليبيا ...وينكم

:20:

جربت الخلطة لمدة قصيرة بس كانت بالتزامن مع الحجامة تقريباً أستخدمت أغلب المكونات ما عدا العنبر الأصلي لعدم وجوده هنا في ليبيا و المرة وكتبت على تجربتي في المنتدى في بعض الردود متاعي عزيمة من لما أكتشفت مرضها الحمد لله كل يوم أحسن من اللي قبله يعني ما نقدرش أنقولك أنه من الخلطة لكن المعروف أن العسل ما فيش شك أنه ممتاز لأطفالنا و حبة البركة لكن المقادير كبيرة شوية تقريباً 30 جم في كيلو العسل والزنجبيل أيضاً لكن طلع النخيل قوي هلبة على الصغار لما وقفت الخلطة على عزيمة أخذت منها أنا سببت لي مغص ممكن أني ماتحملتهاش لكن الأغلب كان السبب طلع النخيل .

بعدين أستمريت فقط على العسل و حبة البركة وأعطيتها حب رشاد مع العسل لمدة 3 أشهر النتيجة أصبحت إجتماعية جدا ومع الروضة بدت تحب الصغار و متحبش تقعد بروحها وأصبحت تحاول تتكلم وتوا الحمد لله تنادي علي كل العيلة بالأسم تعرف أسماء الفواكه وشهيتها أصبحت ممتازة تمسك الملعقة وتأكل بروحها و الحمد لله .

عزيمة كان عندها فقر دم و نقص في الحديد واضح حتى على وجهها شاحب أصفر ، سمعت على مرا كبيرة في السن تعالج الصغار ( عزايز زمان ) تعطي في خلطة مقوية للأطفال أختك مشت تجري للحاجة مشيتلها في غير أوقات عملها الرسمية :2: لقيتها بروحها هدرزت معاها وقصقصتها على البسباس و من زرعه :14: المهم الخلطة حكتلي عليها بالتفصيل شنو فيها المهم أني كنت نبي نتأكد أنه مافيهاش حلتيت تصوري لما قلتلها حلتيت رعشت المرا و قالتلي أني ما نحطش إلا ما يرضي ربي والرسول .
المهم الخلطة فيها بسباس :16: كل الكمامين وعسل و زيت زيتون وزعتر وهلبة حاجات تانية مفيدة وقالتلي تاخذ منها ملعقة صغيرة الصبح خلطيها مع أي حاجة اني نعطي فيها حاف وبدون نقاش أصلا بنتها مش خاطية تنبلع يعني :2: و الحمد لله اني ليا شهر عليها ، البنت وجهها جري فيه الدم و الحمد لله وزادت في الوزن شوية يعني معادش وزن الريشة توا عشرة ريشات هادي ملخص :14: زيارتي للحاجة ضاوية ونحلف عليها نفس أعشاب هيفاء كيالي :19: .

طولت عليك يا أم ملاك لكن لقيت روحي فاضية شوية :2: قلت خلي نهدرز عليك شوية .
السلام عليكم
محلاها هدرزتك وخفة دمك وردك اللى ديما وافى :16::16::16:
باهى خلطة عمتى ضاوية للتوحد ولا لزيادة الوزن بس :17:لان ولدى ما نبيش يزيد وزنه لانه بحبوح ما شاء الله عليه وشهيته ديما مفتوحة حتى لما جاب صحيفته ناجح وشريتله الزردة وصلته لباب المركز توقعته يقعمز لها بره الفصل وياكلها بروحه :11:
المهم ان شاء الله بنجرب خلطة التوحدى قبل ونشوف نتيجتها وخلطة الحاجة ضاوية حصريا خليها ليك جربيها قبل وعطينى نتايجها التحسن فى شنو بالضبط ما تجيبيش سيرة زيادة الوزن:20:
لكن قوليلى بنتك درتيلها حمية ولا التحسن ما شاء الله لا قوة الا بالله من الاعشاب بس:22::22:

أم عبيدة استاحششششششششششتك شنوإشتراك النت مازال ؟؟؟ مسجلينك غياب من فترة بعد أسبوع بنديروك إنقطاع :15: .

 

[أم عزيمة]

رد: الاخوات من ليبيا ...وينكم

أختي أم ملاك

تحياتي بالنسبة لخلطة الحاجة ضاوية لتقوية الجسم بصفة عامة وزيادة الوزن لأن زي ماقلتلك وزن عزيمة كان يوزن ريشة واحدة بس ، بالنسبة للحمية جربت حمية الكاززين و الجلوتين مع بعض لمدة شهر البنت ولت خيال معادش فيها ما يبان فوقفت حمية الجلوتين و إستمريت على الكازين بس لمدة أربعة أشهر وعلى خاطر التحاليل و قفتها في رمضان ما لاحظتش أنها نكست بالعكس إستمرت التحسنات و الحمد لله لكن لاحظت أنها لما وقفت عليها الحليب و مشتقاته بدت تنوع في الأكل لهذا اني موقفه على الحليب و مشتقاته .

بالنسبة لخلطة أبو التوحدي نقصي مقدار طلع النخيل و الزنجبيل لأنه قوي شوية على الصغار و الخلطة برأيي ممتازة بالذات غذاء الملكات و الحبة السوداء ، بالنسبة للمرَة أني قريت عليها أنها في الأغلب ملوثة بالرصاص لأن التربة التي تنمو فيها شجرة المرة غنية بالرصاص و عند التجميع لو تم من الأرض بيكون الصمغ متع المرة ملوث بالتراب وطبعاً حني في غني على الرصاص :20: صغارنا مش ناقصين .

شنو أخبار الجمعية الليبية للتوحد فيه نشاطات جديدة ؟

تحياتي و بالتوفيق ​

 

[أم عزيمة]

رد: الاخوات من ليبيا ...وينكم

آه تفكرت حاجة ثانية الحاجة ضاوية تعرف التوحد :5:

:2: و الله العظيم تعرفه !!!​

 

[تفائلوابالخير]

رد: الاخوات من ليبيا ...وينكم

ربنا يهون عليكم وينصركم
ويحفظكم من كل شر

 

[فوضت امري لله]

رد: الاخوات من ليبيا ...وينكم

اخواتي بليبيا
حفظكم الله من الشرور وأيدكم بنصره ....

 

[ام ميسم]

رد: الاخوات من ليبيا ...وينكم

اللهم اعن اهلنا في ليبيا
وكف عنهم بطش الظالمين​

 

[مفوض امره لله]

رد: الاخوات من ليبيا ...وينكم

اللهم فرج عنهم وكف بأس الظالمين

 

[مهتمة]

رد: الاخوات من ليبيا ...وينكم

و الله مشكلة !​

أن كان مع كل طلائع ثورة
سيقطعوا النت على كل منطقة ؟!​

حفظكم الله و أهليكم
أم أمين و كل المشاركين

و ردكم لأخوانكم و أحبتكم
ردا جميل
​

حمانا الله و وحماكم و المسلمين
من الشرور و الفتن
و كف عنا بقوته و بئسه الظلم
​

بإنتظار أي متصل
من الأراضي الطيبة
ليبيـــــــــــا
​

 

[ريم أحمد]

رد: الاخوات من ليبيا ...وينكم

تواصلت أمس هاتفيا مع الأخت الغالية جدا جدا أم عبيدة بعد محاولات عديدة قبل كذلك دون جدوى
الأخت أم عبيدة من العاصمة طرابسل مثل العزيزة أم عزيمة
هي بخير والحمد لله
اللهم آمن أهلنا في ليبيا العزيزة
وآمن المسلمين في أوطانهم أينما كانوا

 

[متحدية واحد]

رد: الاخوات من ليبيا ...وينكم

نسال الله ان يحفظ اخوانننا بليبيا جميعا
وان يجنبهم شر الفتن ما ظهر منها وما بطن
وان يقويهم على ازاحة الظلم والظالمين يارب
قلوبنا على الامة من الشرق الى الغرب
وان شاء الله تكلل الثورات بالنجاح

 

[اتكالي على الله]

رد: الاخوات من ليبيا ...وينكم

اسال الله العظيم رب العرش الكريم ان يحفظكم ويسلمكم من كل شر ... ويشافي اولادكم
الله يكون في عون الكبار والصغار ...يارب فرج عليهم ...يارب احميهم وسلمهم واجعلها عليهم وعلى اولادهم واحبائهم بردا وسلاما

 

[أم عزيمة]

رد: الاخوات من ليبيا ...وينكم

بارك الله فيكم جميعاً دعواتكم نحن بحاجة للدعاء​

إلى الملتقى إن شاء الله
​

 

[ام اسلام]

رد: الاخوات من ليبيا ...وينكم

الله يفرج كربكم,ويرحم شهدائكم ,وان شاء الله يرفع عنكم الظلم ويرد كيد الظالمين الى نحورهم.
آآآآآآآآآمين

 

[طيف الروح]

رد: الاخوات من ليبيا ...وينكم

اللهم كن لاخواننا في ليبيا عونا وناصرا ومعينا يارب العالمين اللهم فرجك قريب ففرج كربهم واحفظهم من كل سوء
الله كف شر الظالمين عنهم وازحهم كما ازحت فرعون وهامان انك على كل شيء قدير

 

[جوليا]

رد: الاخوات من ليبيا ...وينكم

اللهم كن لاخواننا في ليبيا عونا وناصرا ومعينا يارب العالمين اللهم فرجك قريب ففرج كربهم واحفظهم من كل سوء
الله كف شر الظالمين عنهم وازحهم كما ازحت فرعون وهامان انك على كل شيء قدير

اللهم آمييييين