الاخوات من ليبيا ...وينكم

[ام ملاك]

رد: الاخوات من ليبيا ...وينكم

اسم معبر وجميل وان شاء الله حيكون محمد مصدر فخر ليك تحياتى

 

[ام ملاك]

رد: الاخوات من ليبيا ...وينكم

مشكورة ام عبيدة ما شاء الله عليك تنحطى على الجرح يبرا كيف ما يقولو
ياريت تشوفينا موضوع الاكسجين المظغوط وين مكانه وانى ممنونة ليك

 

[أم عبيدة]

رد: الاخوات من ليبيا ...وينكم

اخترت (سنفخربابنئنا)وانشاء الله يعجبكم

يا رب يا أم محمد نفخر بإبنائنا ....إسم مفرح و كله أمل ..نورتينا بمتصفحك الخاص ..

 

[أم عبيدة]

رد: الاخوات من ليبيا ...وينكم

مشكورة ام عبيدة ما شاء الله عليك تنحطى على الجرح يبرا كيف ما يقولو
ياريت تشوفينا موضوع الاكسجين المظغوط وين مكانه وانى ممنونة ليك

صحيتي على الكلام الحلو أم ملاك ...و الله بوجودكم نحسوا أن احنا عيلة وحدة ...الاكسجين زي ما قلت لك مش عارفة بالزبط إذا كان اصلا هوا نفسه المضغوط و إلا لا !....المراة كلمتيني عالسريع ...و إن شاء الله نكلمها اليوم و نجيب منها الخبر الاكيد ....من عيوني يا أم ملاك .

 

[ام أمين]

رد: الاخوات من ليبيا ...وينكم

السلام عليكم كيف حالكم يا اخواتي انا سعيدة جدا لاني دخلت الموقع اليوم و رأيت كل هذا التفاعل والتواصل بينكم ,أنا في دبي الان وعندي موعد يوم الخميس بعد بكره في مركز دبي للتوحد ولكن الموعد لجلسة واحدة فقط و ان شاء الله ربي يستر تحياتي لكم جميعا والاخت سنفخر بأبناننا سنتواصل عندما اعود لليبيا والله مشتاقة لكم جميعا

 

[أم عزيمة]

رد: الاخوات من ليبيا ...وينكم

السلام عليكم كيف حالكم يا اخواتي انا سعيدة جدا لاني دخلت الموقع اليوم و رأيت كل هذا التفاعل والتواصل بينكم ,أنا في دبي الان وعندي موعد يوم الخميس بعد بكره في مركز دبي للتوحد ولكن الموعد لجلسة واحدة فقط و ان شاء الله ربي يستر تحياتي لكم جميعا والاخت سنفخر بأبناننا سنتواصل عندما اعود لليبيا والله مشتاقة لكم جميعا

يا أهلا أم أمين و الله انتي في بالي اليوم وقلت في نفسي الباين مشت لدبي إن شاء الله فيها الخيرة ليك و لولدك وبالتوفيق

الفترة الماضية كنت مشغولة جداً لكن الجميع في بالي شنو أخباركم ما قدرتش نمشي للمحاضرة بسبب الظروف لكن نستنى في معلومات منكم ولما نفضى بنكتب على آخر زيارة للدكتور مجدي إن شاء الله .

 

[ام أمين]

رد: الاخوات من ليبيا ...وينكم

السلام عليكم بالنسبة لوجودي في دبي فهو لغرض التشخيص الكامل لحالة امين ومعرفة نسبة الذكاء والاسبوع القادم ساكون في ليبيا ان شاء الله وان شاء الله بالشفاء لجميع ابنائنا

 

[أم عزيمة]

رد: الاخوات من ليبيا ...وينكم

عزيزاتي أخبار الزيارة للدكتور مجدي كارة يوم الأحد قبل الماضي و بس الظروف القاهرة اللي مريت بيها خلتني ما قدرتش نكتب عليها من الأسبوع الماضي من بين هادي الظروف إصابة عزيمة بنزلة معوية لمدة ثلالث أيام و الحمد لله على كل حال .

تفاصيل الزيارة : بالنسبة لمستشفى الجلاء للأطفال بالنسبة ليا كابوس لأن الممر اللي فيه العيادات ضيق زي القبر وزحمة ، يعني القبر أرحم على الأقل في القبر الواحد بروحه هوا و عمله الصالح بإذن الله لكن الممر اللي نحكي عليه معبي بكل الأشكال و الألون وما نحكيلكمش على ملائكة الرحمة اللي فيه منكر ونكير أحن منهم ، لكن فيه اطفال بعض منهم حالتهم تقطع القلب نروح مريضة كل زيارة .

المهم خشينا للدكتور مجدي بصراحة كان مفاجأة ليا يعني كأنه مش نفس الدكتور اللي شفته اول مرة صحيح هو أول مرة ما شفتش منه حاجة غلط بس كان الباين مشغول بإختصار قال توحد ومشي لكن المرة هادي لما خشت عزيمة و تفاعلت معاه حسيت أني قدام إنسان تاني بصراحة الدكتور قمة في الخلق و وسعة البال ولما لمته بطريقة غير مباشرة على الزيارة الأولى وردة فعله صدقوني إستغرب من نفسه وشفت في ملامحة ندم من المستغرب تشوفه على وجه دكتور ليبي ( للأسف ) ، المهم د.مجدي قعد يسأل على كل حاجة درتها لعزيمة و كله أهتمام بالتفاصيل حتى سألني على الحجامة :2: لكن ما حكيتلاش على الحاجة ضاوية ( حتى انتو مش حاكيتلكم عليها ) ، و الروضة و التعامل وعجباته عزيمة وقعد يراقب فيها شني اتدير الخلاصة قاللي كملي اللي انتي ماشية عليه معاها لأنه أفضل من المراكز وعطاني موعد بعد ستة أشهر وطبعاً هو مش مقتنع بالحمية ولا بشئ ثاني غير التأهيل وتعديل السلوك حتى المكملات قاللي أنفضل الأكل الطبيعي على الأدوية لأن ليها مضار .

هادي الأيام الحمد لله عزيمة بالرغم من العناد و العصبية كل يوم أحسن من اليوم اللي قبله تتطور للأحسن و الحمد لله بدت تنطق كل أسم كل فرد من العائلة عماتها اعمامها بناتهم أبنائهم ، خالتها و ابنائها ومرات تقلد ابناء اختي وتنادي عليا خويلة وهيا تضحك لكن لما تبي حاجة يعني وقت الجديات ماما .

طولت عليكم لكن في إنتظار أخباركم تحياتي :16: .​

 

[ام ملاك]

رد: الاخوات من ليبيا ...وينكم

السلام عليكم بالنسبة لوجودي في دبي فهو لغرض التشخيص الكامل لحالة امين ومعرفة نسبة الذكاء والاسبوع القادم ساكون في ليبيا ان شاء الله وان شاء الله بالشفاء لجميع ابنائنا

السلام عليكم
ان شاء الله نسمعو منك اخبار طيبه عن ابنك امين وفى انتظارك توصلى بالسلامة ان شاء الله:23:

 

[ام ملاك]

رد: الاخوات من ليبيا ...وينكم

يا أهلا أم أمين و الله انتي في بالي اليوم وقلت في نفسي الباين مشت لدبي إن شاء الله فيها الخيرة ليك و لولدك وبالتوفيق

الفترة الماضية كنت مشغولة جداً لكن الجميع في بالي شنو أخباركم ما قدرتش نمشي للمحاضرة بسبب الظروف لكن نستنى في معلومات منكم ولما نفضى بنكتب على آخر زيارة للدكتور مجدي إن شاء الله .

ان شاء الله ما يشغلك الا كل خير بالنسبة للمحاضرات اللى اعدتها الجمعيه استفدت منها انى تلاقيت مع امهات يعانو نفس المعاناة ونفس الابتلاء
تلاقيت مع ام معتز ابله كميلة اللى تعتبر قدوة لكل امهات التوحد فى الصبر والعزيمة لين قدرت توصل ولدها بفضل الله الى مرحلة متقدمة فى التواصل واتركيز عمره الان 22 سنة يقود السيارة ما شاء الله لا قوة الا بالله ومتحصل على ميداليات فى مباريات دوليه بصراحة اعطتنى امل كبير لما سمعت منها تجربتها مع ابنها :22::22::22:
عقبال اولادنا نوصلو معاهم لبر الامان ونشوفوهم اصحاء اسوياء بادن الله الواحد الاحد:23:

 

[ام أمين]

رد: الاخوات من ليبيا ...وينكم

ان شاء الله ما يشغلك الا كل خير بالنسبة للمحاضرات اللى اعدتها الجمعيه استفدت منها انى تلاقيت مع امهات يعانو نفس المعاناة ونفس الابتلاء
تلاقيت مع ام معتز ابله كميلة اللى تعتبر قدوة لكل امهات التوحد فى الصبر والعزيمة لين قدرت توصل ولدها بفضل الله الى مرحلة متقدمة فى التواصل واتركيز عمره الان 22 سنة يقود السيارة ما شاء الله لا قوة الا بالله ومتحصل على ميداليات فى مباريات دوليه بصراحة اعطتنى امل كبير لما سمعت منها تجربتها مع ابنها :22::22::22:
عقبال اولادنا نوصلو معاهم لبر الامان ونشوفوهم اصحاء اسوياء بادن الله الواحد الاحد:23:

السلام عليكم جميعا كيف حالكم اليوم ان شاء الله ديما بخير اسعدتني ما قلته يا ام ملاك عن تجربة ابلة كميلة يا ريت كلنا نقدروا نستفيدوا من خبرتها والله انا اقترح ان نعمل معا مثل الجمعية ونحاول ان نضع حلول لأبنائنا لكي نخرجهم من عزلتهم وندمجهم في المجتمع مادامت الدولة لا تضع هذا الحل مثلا ان ندخلهم في نادي معين في الفترة المسائية فيه نشاط اجتماعي ودمج مع الاطفال العاديين .....ما هي اقتراحاتكم

 

[ام ملاك]

رد: الاخوات من ليبيا ...وينكم

السلام عليكم
والله ياريت يا ام امين انى هدا علاش قتلكم انتلا قو فى الجمعية الليبية عشان انديرو راى ينفع اولادنا اقل شى بالخبرات والجمعية كيف ما قلت فى بدايتها وتحصلو على مقر مؤخرا وبيجهزوه على اساس انه فيه مركز ترفيهى نادى يعنى عشان اولادنا اللى عندهم توحد يفرغو طاقاتهم فيه طبعا مسائى عشان فيه منهم يقرو فى االصبح الله المستعان
نبى نسالك يا ام امين انتى رجعتى لليبيا حدثينا على رحلة علاج ولدك ربى يشفيه وهل وصلتى لتشخيص محدد احنا فى انتظار ردك

 

[ام ملاك]

رد: الاخوات من ليبيا ...وينكم

عزيزاتي أخبار الزيارة للدكتور مجدي كارة يوم الأحد قبل الماضي و بس الظروف القاهرة اللي مريت بيها خلتني ما قدرتش نكتب عليها من الأسبوع الماضي من بين هادي الظروف إصابة عزيمة بنزلة معوية لمدة ثلالث أيام و الحمد لله على كل حال .​

تفاصيل الزيارة : بالنسبة لمستشفى الجلاء للأطفال بالنسبة ليا كابوس لأن الممر اللي فيه العيادات ضيق زي القبر وزحمة ، يعني القبر أرحم على الأقل في القبر الواحد بروحه هوا و عمله الصالح بإذن الله لكن الممر اللي نحكي عليه معبي بكل الأشكال و الألون وما نحكيلكمش على ملائكة الرحمة اللي فيه منكر ونكير أحن منهم ، لكن فيه اطفال بعض منهم حالتهم تقطع القلب نروح مريضة كل زيارة .​

المهم خشينا للدكتور مجدي بصراحة كان مفاجأة ليا يعني كأنه مش نفس الدكتور اللي شفته اول مرة صحيح هو أول مرة ما شفتش منه حاجة غلط بس كان الباين مشغول بإختصار قال توحد ومشي لكن المرة هادي لما خشت عزيمة و تفاعلت معاه حسيت أني قدام إنسان تاني بصراحة الدكتور قمة في الخلق و وسعة البال ولما لمته بطريقة غير مباشرة على الزيارة الأولى وردة فعله صدقوني إستغرب من نفسه وشفت في ملامحة ندم من المستغرب تشوفه على وجه دكتور ليبي ( للأسف ) ، المهم د.مجدي قعد يسأل على كل حاجة درتها لعزيمة و كله أهتمام بالتفاصيل حتى سألني على الحجامة :2: لكن ما حكيتلاش على الحاجة ضاوية ( حتى انتو مش حاكيتلكم عليها ) ، و الروضة و التعامل وعجباته عزيمة وقعد يراقب فيها شني اتدير الخلاصة قاللي كملي اللي انتي ماشية عليه معاها لأنه أفضل من المراكز وعطاني موعد بعد ستة أشهر وطبعاً هو مش مقتنع بالحمية ولا بشئ ثاني غير التأهيل وتعديل السلوك حتى المكملات قاللي أنفضل الأكل الطبيعي على الأدوية لأن ليها مضار .​

هادي الأيام الحمد لله عزيمة بالرغم من العناد و العصبية كل يوم أحسن من اليوم اللي قبله تتطور للأحسن و الحمد لله بدت تنطق كل أسم كل فرد من العائلة عماتها اعمامها بناتهم أبنائهم ، خالتها و ابنائها ومرات تقلد ابناء اختي وتنادي عليا خويلة وهيا تضحك لكن لما تبي حاجة يعني وقت الجديات ماما .​

طولت عليكم لكن في إنتظار أخباركم تحياتي :16: .​

ما شاء الله لا قوة الا بالله دائما من احسن لاحسن بادن الله
نبى نسالك لما سجلتيها فى الروضة تاقلمت بسرعة والا خدت وقت وكيف دايرة معاها فى وقت الانصراف من الروضة فى حد من المدرسات يكون معاها او انها معتمدة على نفسها وتنتظرك بدون رعاية حد ليها لانى بصراحة مقتنعة بالدمج لولدى لكن مشكلة عدم ادرال خطر الشارع وفرط الحركة هيا اللى مخوفتنى
والدكتور وصفلك ليها اى نوع من العلاج ولا بس التعديل السلوكى
تحياتى وفى انتظار ردك

 

[أم عزيمة]

رد: الاخوات من ليبيا ...وينكم

ما شاء الله لا قوة الا بالله دائما من احسن لاحسن بادن الله
نبى نسالك لما سجلتيها فى الروضة تاقلمت بسرعة والا خدت وقت وكيف دايرة معاها فى وقت الانصراف من الروضة فى حد من المدرسات يكون معاها او انها معتمدة على نفسها وتنتظرك بدون رعاية حد ليها لانى بصراحة مقتنعة بالدمج لولدى لكن مشكلة عدم ادرال خطر الشارع وفرط الحركة هيا اللى مخوفتنى
والدكتور وصفلك ليها اى نوع من العلاج ولا بس التعديل السلوكى
تحياتى وفى انتظار ردك

والله الحمد لله تأقلمت بسرعة في الأول ما عجبتهاش الأبلة متع فصلها اللي من عمر 3ـ 4 سنوات بدت تهرب للفصل التاني الأبلة متاعه حنونة و تحب الصغار و عندها خبرة مع ان الأطفال اللي في فصلها أكبر في العمر وخخششت روحها بالفلاقي تجي تبوس في الأبلة على خدها و كان الأبلة واقفة تبوسها على ركبتها المهم تعبرلها أنها تبيها هيا مش حد تاني لين طبعا الأبلة دابت فيها وقالت خلاص البنت هادي تقعد معاي ، وتأقلمت مع الصغار تقلد فيهم حتى في الأكل وتقعد معاهم الأبلة لين يروحوا هيا في الأصل ما تتزحزح من جنب الأبلة لين اني انجي نروح بيها .

بالنسبة لخطر الشارع طبعاً كابوس كان حتى في الحوش المداخل كلها مسكرة بالمفتاح لكن رحمة من رب العالمين توا عزيمة حتى لو الباب مفتوح توقف لين اني انقوللها أطلعي وما تطلعش حفيانة لين تلبس كندرتها وتلبس بروحها و الحمد لله و المنة .

بالنسبة للدمج الدكتور شجعني على الروضة جداً لأنه في رأيه الدمج مهم جداً لصغارنا وأي علاج تاني طبي لم يذكره أبدا ، علاج سلوكي فقط لا غير .

نتلاقو على خير يا أم ملاك​

أخواتي وين مقر الجمعية الليبية للتوحد من فضلكم ؟ ​

بلكي نتلاقو غادي ​

تحياتي​

 

[ام ملاك]

رد: الاخوات من ليبيا ...وينكم

خواتى اللى تبى ارقام الجمعية الليبية للتوحد نبعتها عالخاص
ام عبيدة وينك ليك مدة ما دخلتيش المنتدى ان شاء الله يكون المانع خير

 

[ام أمين]

رد: الاخوات من ليبيا ...وينكم

السلام عليكم جميعا بالنسبة لدبي فقد ذهبت هناك الى مركز التوحد وعملوا لي جلسة ليسألوني عن قصة أمين وأعراضه وجلسة أخرى اختبارات لأمين حوالي الساعة وقالوا لي نبعثلك النتيجة على الأيميل بعد أسبوعين بصراحة لم تعجبني هذه الطريقة المفروض يعملوا عدة جلسات ومراقبة للطفل كما عملوا معي في مركز طرابلس وذهبت ايضا لمعمل وعملت تحليل حساسية الاطعمة والمعادن الثقيلة وقالوا لي نبعثها لامربكا والنتيجة نبعثها لك بعد ثلاث أسابيع فقط ولكن الان اعرف ان الانسان طبيب نفسه ولا احد بعرف طفلي مثلي مهما سالوني والانسان يستفيد من التجارب ........اختي ام ملاك ارجوا ان تبعثي لي ارقام وعنوان الجمعية

 

[أم عزيمة]

رد: الاخوات من ليبيا ...وينكم

السلام عليكم جميعا بالنسبة لدبي فقد ذهبت هناك الى مركز التوحد وعملوا لي جلسة ليسألوني عن قصة أمين وأعراضه وجلسة أخرى اختبارات لأمين حوالي الساعة وقالوا لي نبعثلك النتيجة على الأيميل بعد أسبوعين بصراحة لم تعجبني هذه الطريقة المفروض يعملوا عدة جلسات ومراقبة للطفل كما عملوا معي في مركز طرابلس وذهبت ايضا لمعمل وعملت تحليل حساسية الاطعمة والمعادن الثقيلة وقالوا لي نبعثها لامربكا والنتيجة نبعثها لك بعد ثلاث أسابيع فقط ولكن الان اعرف ان الانسان طبيب نفسه ولا احد بعرف طفلي مثلي مهما سالوني والانسان يستفيد من التجارب ........اختي ام ملاك ارجوا ان تبعثي لي ارقام وعنوان الجمعية

أختي ام أمين الحمد لله على السلامة وإن شاء الله فيها خيرة ذكرت لك قبل أن الطريقة أو المنهجية الخاصة بمركز طرابلس في الكشف كانت ممتازة لإنها لمدة أسبوع وبعد ذلك يسلم تقرير للحالة ، بالنسبة للتحاليل خطوة ممتازة وإن شاء الله تطلع كويسة ، على الأقل درتي اللي عليك وما تقعديش تلومي في نفسك لو ما سافرتيش بيه .

تحياتي ونتلاقو على خير

 

[ام ملاك]

رد: الاخوات من ليبيا ...وينكم

اختى ام امين
انتى درتى اللى عليك وان شاء الله تكون خطوة فى طريق الشفاء
تحياتى

 

[ماجدة محمد]

رد: الاخوات من ليبيا ...وينكم

السلام عليكم اعضاء المنتدى تحدي الاعاقة الكرام
هذه اول مرة اشارك فيها رغم اني ادخل المتدى منذ فترة ذلك نضرا ضروفي
ابني بودي عمره الان 9 سنوات وقد مررنا بتجارب علاجية كثيرة ابتداء من (الحمية.المكملات.اكسجين.تكامل سمعي.هميوباثي.رنيين حيوي.الحجامة.اعشاب؟استعملت لسحب المعادن.
حقن الجلوثاتيون.كذلك ال او اس ار )بودي الان افضل كثير من فبل ولكن عندنا مشكلة شديدة في اللغة يعني لغاية الان ميعرفش يطلب حاجة غير (نبي حمام)رغم ان ادراكة جيد معدش عندة تصرفات غريبة

 

[ماجدة محمد]

رد: الاخوات من ليبيا ...وينكم

السلام عليكم جميعا بالنسبة لدبي فقد ذهبت هناك الى مركز التوحد وعملوا لي جلسة ليسألوني عن قصة أمين وأعراضه وجلسة أخرى اختبارات لأمين حوالي الساعة وقالوا لي نبعثلك النتيجة على الأيميل بعد أسبوعين بصراحة لم تعجبني هذه الطريقة المفروض يعملوا عدة جلسات ومراقبة للطفل كما عملوا معي في مركز طرابلس وذهبت ايضا لمعمل وعملت تحليل حساسية الاطعمة والمعادن الثقيلة وقالوا لي نبعثها لامربكا والنتيجة نبعثها لك بعد ثلاث أسابيع فقط ولكن الان اعرف ان الانسان طبيب نفسه ولا احد بعرف طفلي مثلي مهما سالوني والانسان يستفيد من التجارب ........اختي ام ملاك ارجوا ان تبعثي لي ارقام وعنوان الجمعية

اختي ام امين انا عملت تحاليل حساسية الاطعمة في دبي في معمل عادي ولكن عرفت في ما بعد ان تحاليل الحساسية عند اولادنا تختلف يعني المشكلة عندهم في عملية التمثيل الغذائي لهذه الاطعمة وهذه غير موجودة الا في معمل الامريكي غريت بلان او المعمل الفرنسي فليب يعني لما عملت التحليل في دبي كانت النتيجة سليمة ولما عملة في المعمل الفرنسي طلع عندى تحسس من القمح و الحليب و الصويا