[إستشاره] التوحد والاسهال غير معروف السبب

[ام خليفه]

السلام عليكم ورحمة الله وبركاته
ارجو من المتواجدين لي مروا بنفس التجربه يفيدونا الاسهال بدا مع ولدي من شهر 5 لدرجة انه ياه جفاف وعقب ترقد في المستشفى وعلى الجلكوز الين ما هدا الوضع وبعدين غيرت له الحليب عطيته حليب الرز وكان كل شي اوكي وبعدين وقفنا حليب الارز طلع عنده حساسيه من الارز وبعدين بدا الاسهال مره ثانيه في شهر 6 و وقف وعقب بديت اعطيه حليب جوز الهند اخذه من اورجانيك ومن شهر 7 الين الحين بنكمل شهر ونحنا الاسهال مايوقف بشكل غير طبيعي وكل التحاليل طبيعيه يقول الدكتور مافي اي ديدان ولا التهاب ولا اي شي انزين والحل يعني ويا هالاسهال انا بديت اعطيه حليب الذره و وقفت حليب جوز الهند
انا اعرف امهات وايد عانوا اعيالهم من الاسهال بسبب اضطراب التوحد اللي عنده اي معلومه ممكن تفيدني بليز لاتبخلون عليه
مع العلم انه خذ مضاد للفطريات لمدة شهر مايكوسات وخذ فلاجيل لمدة اسبوعين و وقفنا اسبوع ورجعنا اسبوعين و وقفنا
ومن بدا الاسهال الشديد فيه رجعت الدكتوره كتبت لي فلاجيل مره ثانيه وكابتين وعطيته لمدة اسبوع و وقفته ومن وقفته رد الاسهال بشكل فضيع :bb (29):

 

[ام عزو]

رد: التوحد والاسهال غير معروف السبب

اختي الله يكون بعونك
اولا الدكتور مصطفى هنا فالمنتدى ذكر انه السموم عند الطفل التوحد تظهر على شكل اما اسهال او امساك
ولدي من النوع اللي عنده ليونه وتكرار فالتبرز
اي حليب بيستمر عليه ابنك راح تظهر التحاليل انه عنده حساسيه منه لان الامعاء اساسا تعبانه
نصيحه انتبهي تعطين ابنك حليب وهو نايم باليل ابدليه برضعة نعناع ومره بابونج ومره زنجبيل
انا كنت استخدم حليب الارز لولدي لكن الليونه ماخفت الا لما وقفت الحليب باليل وهو نايم ولله الحمد
وبعد كذا فكري فحمية الجابس وادرسي الوضع صح وتوكلي على ربك اقري عنها فالبدايه هي موضوع مثبت فقسم الحميه

 

[ام خليفه]

رد: التوحد والاسهال غير معروف السبب

مشكوره على الرد حبيبتي
بس ولدي حتى العصير ما يشربه يرفض اي شيئ غير الحليب والماي وبخصوص حمية جابس فيها آكلات ممنوعه على ولدي لانه حساسية الأكل عنده كثيره من الجلوتين والكازين ورز وبطأطس وكل أنوع المكسرات وكل انواع البقوليات وبعض اللحم ييحسس منه وبعض الفواكه ممنوعه عليه ما اقول الا صبرا جميلا والله المستعان

 

[هيفون]

رد: التوحد والاسهال غير معروف السبب

عجبتني انه يا يجيب اسهال ولا يجيب امساك

يعني في كل الاحوال تشخيصي سليم

يعني جاءه اسهال جاه امساك . .. باقي يقول لو ما جاه شيء

هههههه

هذه دعابه فقط ...

 

[ام عزو]

رد: التوحد والاسهال غير معروف السبب

طيب ياهيفون علمها وش تسوي ؟!

 

[لأن أضيء شمعة]

رد: التوحد والاسهال غير معروف السبب

أختي الكريمة أنصحك بتطبيق حمية جابس أو الكربوهيدرات المحددة فهي رغم صعوبتها قد تشفي الإسهال المزمن الذي حصل مع ابنك والله يعينك ويسدد خطاك