نداء للعضووة الامل المنتظر محتاجتك

[ام الحلوة]

السلام عليكم

اسفه ع الازعااج بس مااقدررت ارسل ررسااله خااصه لان مشاركاتي اقل من 50 فسوويت ندااء اا مووضوووع





حبيت لوو سمحتي تفيديني اكثرر عن رروضه سليماان فقيه

كيف رروضه بالمستشفى

ووهل عندهم للاطفال الطبيعيين

وكم الرسووم

وووكيف الدووام وكم طفل عندهم تنصحيين اسجل بنتي اوولا

ووكم عمرر ابنك الله يشفيه


لوو تعرفي احصائي تخاطب ممتاز ياليت تخبريني


انا بنتي دوون الثالثه ووالتشخيص انه تووحد بسيط وووتقوول لاتتعامل انهها تووحديه بل طبيعيه في الروضه وجلسات التخاطب الى الثالثه اذا مااافيه تحسن يعاااد التشخيص


اسفه ع الاطااااااله

بس محتااجه رروضه ممتازة

 

[الامل المنتظر]

[]لا ابدا ما في اي ازعاج كلنا في نعاني نفس المشكلة وانا والله في سعادة كبيرة لما اخدم اي انسان لكن يمكن اتاخر في الرد لان الشبكة احيان تتعطل واحيان انا اكون مشغولة مع ابنائي لعدم وجود شغالة ع طول بالنسبة لاستفساراتك = الروضة دمج مع الطبيعيين واحلى ما فيها انها ما يكدسو الاطفال اي مجموعة ولدي ثلاث وولدي الرابع وموجوده في الفصل اخصائية ومساعدتين واساسا عدد الاطفال قليل جدا حتى تكون الفائدة الحقيقية وهناك مرحلتين المرحة الاولى الفصول المبتدئه والمرحلة التانية الفصول المتقدمة.. والروضة في المبنى الرياضي مو نفس مبنى العيادات .......نعم عندهم اطفال طبيعيين ويقومون بدمجهم في قترة اللعب والترفيه اليومية والمسابقات والاحتفالات . ويعلموهم كيف يتعاملو مع الاطفال تصدقي ما كان منتبه لاخوه الصغير من يوم ما ولدته والان عمر اخوه سنة وخمسة شهور ولما دخلته الروضة بس شهرين صارله فيها فانتباه لاخوة ولاخوانه الموجودين وصار يسحب يد اخوه الصغير ويركبه بالسيارة الصغيره ويدفه . ويعلموه في الروضة خلال الدمج متى يجي دوره باللعب واشياء كثيرة من اختلاطه بالطبيعيين استفادة كبيرة لاتحصى .. الرسوم 16000 الف هم متفاهمين جدا انا اعطيتهم على دفعات الدفعة الاولى ثلاث الاف. والثانية الفين . واثالثه ثلاث . المهم ما ينتهي الفصل الدراسي الاول الا وانتي دافعه رسوم الترم الاول وهي ثمانية الالاف وانا لسه ما دفعت الترم الثاني يعني متفاهمين جدا. والبلوزة ب 45 ريال ودراسة حالة بعد ما يتم ولدك شهر عندهم ب 250 ريال يتناقشو معاك بلاشياء الي لاحضوها ع ابنك والاشياء الي يتقنها والي يحتاج لها اكثر ونقاط الضعف الي عنده وتعطيك تعليمات ونصائح تتبعيها والمشرفة ع قسم التربية الخاصة اسمها ربا وهي سوريا ومديرة الروضة القسم الخاص والقسم العام للطبيعيين هي عواطف الغامدي .... والدوام من سبع ونصف صباحا الى الواحدة ظهرا وانا زوجي معلم وما عندهم مواصلات فشرحت لهم الوضع فقالو ممكن تجيبي الولد من سبعه مافي اي مشكلة لان كثير من الاباء كلموهم بخصوص هذا الشي فاصبحو هناك عاملات ياتو مبكرا لاستقبال الاطفال... اما عن والعناية والنظافة ماراح احكيلك عنها روحي بنفسك وشوفيها بعينك والحممات الله يكرمك شي رائع ومنتهى النظافة وهناك ايضا سجل يومي يكون في الشنطة ما ينزل منها يكتبو لك كل صغيرة وكبيرة لولدك وكانه مافي احد عندهم غيره وماتخافي على بنتك لانهم في الدور السادس وتطلعي بالمصعد وعند المصعد بنقالي وحارس ما يخلي الاطفال يهربو انت روحي زوريهم وراح ترتاحي لها كثير بس ماني عارفة هل فيه تسجيل الترم التاني لان هذا الاسبوع عند ولدي اجازة الفاصلة للترمين واجازتهم مش مع المدارس لان نظام الروضة نظام عالمي والمنهج مكثف وجاد مش زي الكثير من المراكز الي انا طول العام الماضي وانا ادفع وبس نهب واستغلال الاهالي ب الفلوس الله المستعان ومافي اي امانة في التعامل وما ترتاحي تدخلي فلذت كبدك عندهم وعند اشكالهم .... وانصحك نصيحة اخت لاخت لاتضيعي الفرصة ودخلي ابنتك حالا وبسرعة ولا تترددي وخصوصا انها ما زالت صغيرة وما فاتها شي لسه والتعليم كل ما كان الطفل صغير كل ما كان افضل وما راح يفوته شي ويكون ان شاءالله طبيعي ...اما بالنسبة لحالت ولدي.. انا ولدي كان التواصل البصري معدوم واللغة مفقودة وما يعرف اي شي في العالم ولا حتى اعضاء جسمه وكان صفحة بيضاء ولايستجيب لااوامر ولا يعرف تعال ولا حتى روح ولا خذ منديل واشياء كثيرة وكان شديد المقاومة والان والحمدلله وبعد ثلاث شهور من بدايت السنة الجديدة الى وقتك هذا ابني ولله الحمد اصبح شي تاني ما تصدقي والفضل لله ثم للروضة وكنت من قبل الروضة احاول تعليمه لكن ما يجلس معي ويصرخ و شديد المقاومة ويسببلي احباط لانه اشعر انه ليس معايا وقاعده اعلم نفسي.. هم اخصائيين وعندهم تعامل من خلال مجالهم و يتعاملو بتعديل السلوك وكذلك التخاطب.. وانصحك اولا ان تسجليها في الروضة وبعد ما يتعدل حالها فكري ب التخاطب لانه في الروضة عندهم تخاطب احس انه كفاية واذا حبيتي اعطيك رقم اخصائي ممتاز اسمه جهاد المصري في ابراج البدرية انا تحت امرك لكن من وجهت نظري ان الاشياء الي ياخذوها في الروضة كفاية وراح تتكلم وتنطق لان ابني كان بس يصرخ لكن الان اشير له لاي شي في البيت ينطق اسمه صحيح انه ما يتكلم ويقول ابغى كذا لكن لما اكلمه واحضر له الصورة والمنهج الي ياخذوه يبدا بذكر كل شي باسمائه وما كان يشير بيده ولا كان هناك تازر بصري حركي اي لما ااشر له على شي ما يطالع ولا يتابع يدي والان ع طول يطالع ويقول اسم الشي الي ااشير له.... واشياء كثيرة تحسن فيه وابني الان عمره ثلاث سنين وثلاث اشهر . لكن حابه اعرف حالةابنتك الان هل مثل ما ذكرت عن ابني ولا هي حالتها اخف ان شاءالله لان ابني قالو انه فيه سمات بسيطه من التوحد و... وفين شخصتي ابنتك .. وهل عملتيلها حمية.... وهل رحتي للدكتورة عبير الكويتية واذا كان في اي استفسار لا تترددي ابدا ...

 

[توحدية]

والله يا اختي الامل المنتظر انا فرحانة لكلامك عن هذه الروضة

 

[ام الحلوة]

الله يررضا عليك فررحتي قلبي بكلامك والله الله يفرحك بعيالك يااارب


انا رحت لدكتوورة اميررة بالسعودي الالماني وواستغربت انها صغيرررة وواكتشفتيهاااا ووسوت لهاا اختباار كارز ووقالت تووحد بسيط جدا ونصحتني اني اذخلهاا روضه مع طبيعيين ولا اذكرر لهم انهاا فيهاا شي تقوول فيه امل انهااا تذهب عنهاا الصفاات وواحصائي تخاطب ارروح عنده

انا وودي ارروح لدكتوورة امنيه بس لي اكثرر من شهرر وهم يقوولوو انهاا بمصرررر فررحت لاااميرة


بنتي تقوول ماما ووبابا معنااا بس ماتفهم لاتأشررر اذا بغت شي تضحك سبقاا اما الان تبكي بدوون سبب اوو تصاارخ تميل للوحدة بسلمما نبغى نخررج اووشي تفهم ووتفررح

الله يعين

لالم ابدا بالحميه تقوول الدتوورة بعد الثالثه اذا لم تتحسن


طيب ابنك تحسن فقط من الروضه اوو مع الحميه


وومن متى بداتي الحميه وووهل زررتي الدكتوولرة عبير


ارسلي رقم اخصائي التخاظب

هل استفدتي من الاخصاائي اوو الروضه اكثررر

 

[ام حمودي]

وين هذا الروضه

 

[جوليا]

الأخت الأمل المنتظر
هل ولدك لديه نشاط زائد.. انا طفلي كثير الحركة خاصة عندما يكون المكان جديدا عليه يحب اكتشاف كل شيئ عندما رأته أ.ربا العزة قالت انه واضح ان لديه قدرات جيدة و اشترطت لقبوله ان اعطيه دواء مهدئ و قالت ان هذا سيساعده اكثر على التركيز !!
هل حصل معك نفس الشئ؟

 

[ورده]

الروضه في جده

بصراحه كلامك شجعني ادخل ولدي فيها بس ابغى اسألك هل يهتمون بالطفل وبأكله تعرفين اولادنا على الحميه واخاف انهم ممكن يعطونه كيكات او حلويات او اي شي ممنوع يعني مايكون فيه مراقبه وحرص شديد عليهم
بصراحه انا متردده
ممكن انهم ينسون ويعطونه شي ممنوع واحنا ماندري فيروح تعبنا على الفاضي
الله يعين يارب

 

[جوليا]

الأخت وردة آسفة على التدخل.. عندما ذهبت لزيارة الروضة شددت المشرفة على ضرورة عدم اعطاء الطفل أي شيبس أو حلويات أو عصائر غير طبيعية سواء في الروضة أو المنزل لمست لديهم حرص في هذه الناحية و الله أعلم

 

[الامل المنتظر]

اولا = انا بدات الحمية من تلقاء نفسي معتمدة ع النت ووجدت تحسن لكن كان بسيط واما دخلته الروضة شفت التحسن يعني حمية من غير روضة ما تنفع وروضة من غير حمية ما تنفع كل واحد مكمل للتاني .. وانا الى الان ما رحت للدكتورة عبير لاكن اخذت موعد في اجازة الربيع المقبلة الي بعد اسبوعين بالتمام ........ والمشرفة ربا اعطتني رقم الاخصائي ورحت له وعملت له تقويم تخاطب ب 800 ريال سعودي ولكن النتيجة الي توصلت لها ان الاخصائي الي بيشتغل مع ابني 45 دقيقة ماراح يقدم له افضل من الي يقدمله الروضة وقلت بالبداية ابدا بالروضة واشوف مدى التقدم وبعدين افكر بالتخاطب لانه بالروضة يباخذ تخاطب والله ما كنت اتخيل ان ابني راح ينطق شي الحمد لله.. نعم اختي جوليا نفس الكلام قالت لي المشرفة ربا ولكن انا في الاجازة الصيفية رحت لمصر وعرضته على استشارية واعطتني دواء مهدئ ولما بدا العام الدراسي الجديد كان يستخدمه والحمد لله استفاد الكثير وفي البداية ما كان زوجي موافق وشايف المبلغ كبير جدا طبعا مو بخلا :9:ع الولد فهو فلذت الكبد لكن من الرحلة الشاقة الي مشيناها مع المراكز الي بس تسحب في المبالغ الطائلة وما كنا شايفين بصراحة اي نتيجة:7: تذكر وبصراحة لما شاف زوجي من الروضة التغيير الملحوظ في ابننا قال تستحق ها المبلغ وزياده كمان ومو حرام فيهم وفي جهودهم ...:22:.. وبالنسبة للاكل لاتخافي اصلا ما يبيعو اي ماكولات في الروضة والاطفال الي عاملين حمية لوحدهم حتى تطمني اي جامعينهم مع بعض وكل طفل يحضر اكله من البيت هم مهم مسؤلين عن الاكل وبيعه.. وحتى والله مره نسيت اضع لولدي العصير بس وضعت الوجبة ما اعطوه غير الماء وجاني ونفسه في العصير يعنى لاتشيلي هم الطعام الموجود في الشنطة هو الي راح ياكلة واعطونا قائمة للاكل الممنوع .. وانا مرات عديدة ازورهم وقت الوجبة وعندهم مشرفة اهتمام على مستوى ما تصدقي كيف حرصهم ع الطفل انا من النوع الخواف القلق جدا وكنت قبل الروضة افكر كيف اترك ولدي في روضة وانا مش معاه واشوفة مستحيل والان بعد ما شوفت بعيني والله صرت اكره واتضايق وقت اجازته واتمنى ع طول السنة ما يقفلو ابدا من الفائدة الي ما ابغاها تنقطع وافكر الان لو فيه صيفي لاسجله باذن الله

 

[جوليا]

جزاك الله خيرا أختي الامل المنتظر .. مااسم الدواء المهدئ الذي أعطيته لولدك ؟ و هل لاحظتي آثار جانبية له ؟؟

 

[الامل المنتظر]

اسم الدواء تيراتام Tiratam>> ,مو موجود بالسعودية انا جبته من مصر ولى هو فيه بالسعودية مهداءات لكن ما حبيت الخبط ولدي لان الي شخصته بمصر ولما انته الدواء جلست فترة ابحث عنه وقالو موموجود لكن ممكن نعطيكم نفس التركيبه ولما سالنا الدكتور قال فيه بدايل كثيرة بالسعودية مو شرط هذا الدواء باسمه المهم كان زوجي موصي ناس راحو مصر واحضروه لنا ... الدواء لي الان خمسة شهور وانا استخدمه وما لحظت اي اضرار لكن اللهم انه لما انتهى وعبال ما يجي الدواء صار سئ للغاية وعصبي ورجعي مثل ما كان بس جاء الدواء واسبوع ونصف تقريبا وبداء يعود للهدوء تدريجيا

 

[جوليا]

شكرا اختي لتجاوبك .. وصف لابني ريسبيردال ربع ملم ثم زيادتها تدريجيا إلى 1 ملم ولكن انا ثبتت الجرعة عند نصف ملم شعرت بنتيجة جيدة و خفت زيادتها تظهر اعراض جانبية

 

[ام الحلوة]

الله يسعدك ماااقصررتي ياالامل المنتظرررر

 

[ام الزهور]

شكرا اختي لتجاوبك .. وصف لابني ريسبيردال ربع ملم ثم زيادتها تدريجيا إلى 1 ملم ولكن انا ثبتت الجرعة عند نصف ملم شعرت بنتيجة جيدة و خفت زيادتها تظهر اعراض جانبية

انا الدكتور صرف لي ريسبيدال لكن طبيب نفسي --نصف ملي لكن مع الاسف ماسوى شي صاير بس كأنه مخدر وقتي 0000 وتركته:1:

 

[الامل المنتظر]

شـكــ وبارك الله فيك ـــرا لك ... لك مني أجمل تحية .

 

[القلب الحنون]

يعطيكم العافيه على هالمعلومات