قاطيف الارز

[هبه]

السلام عليكم ورحمه الله وبركاته
بمناسبه شهر رمضان الكريم انا عملت القاطيف دى لابنى وطلعت حلو ه اوى
المكونات
عدد 2 بيضه
نصف كوب ماء
3\4 كوب دقيق الارز مع التابيوكا يعنى 1\2 رز مع 1\4 تابيوكا
معلقتين كبيره سكر
فانيليا
بيكنج باودر خالى من الجلوتين ورشه كريمه التارتار
الحشو
مكسرات وجوز الهند وزبيب ومعلقه سكر

الطريقه
يخفق البيض مع السكر والفانيليا والماءجيد ثم يضاف باقى المكونات حتى تكون عجينه شبه سائله
وبعد كده نجيب طاسه تيفال ونحصها على نهار هاديه ونحط مقدار معلقتين كبيره فى الطاسه بدون اضافه زيت
حتى تحمر من الاسفل ويكون لونها دهبى وتكون شبه مستويه من قوف نضيف معلق من الحشو ثم بطرق المعلقه نغلق طرفي القاطيف على بعض ونضعط عليه حتى تتماسك وتقلب مرتين وثلاثه حتى ناتكد انها استوت جيد من الداخل ممكن تقلى فى الزيت ولكن انا مش بقليها علشان تكون خفيفه وممكن تحفظ فى التلاجه تلات او اربع ايام فى عبوه مغلقه

 

[ام ميزو وميرو]

تسلم الايادى باذن الله اجربها
بس سؤال هو ايه التابيوكا وبتجيبيه منين
ولو فى اى وصفات حلوه تانى ياريت مش تبخلى بيها علينا

 

[روى روى]

اختى هبة
جزاكى اللة خيرا
هذا ما كنا نحتاجة فى رمضان
تسلم ايدك
اختى ام ميزو
دقيق التابيونكا
موجود فى كارفور عند اكل الريجيم
وممكن تلاقية فى سبينس

 

[شيما]

رد: قاطيف الارز

جزاكى الله خيرا يا اختى هبة على الوصفة الجميلة ولى عندك سؤال من فضلك اين اجد البيكينج باودر الخالى من الجلوتين فى مصر بحثت كثيرا ولم اجدة

 

[هبه]

رد: قاطيف الارز

السلام عليكم ورحمه الله وبركاته
اختى شيما فيه بيكينج بودر دريم ودوكتور اوتكر dr.oetker موجود فى الالفا مركت لكن المهم تشوفى المكونات اللى مكتوبه على الكيس
بيكون مكتوب فيها نشا الذره وده بيكون خالى من القمح

 

[شيما]

رد: قاطيف الارز

شكرا ليكى يا اخت هبة على اهتمامك وردك السريع وجزاكى الله خيرا وجعلة فى ميزان حساناتك

 

[هبه]

رد: قاطيف الارز

لا شكر على واجب اخت شيما

 

[كلي امل في الله]

رد: قاطيف الارز

مشــــــــــــــــــــــــكورة على وصفتك الرئعة

وبصراحة اطفالنا محتاجين للتنويع والاكل المفيد