اريد نصيحتكم الله يجزاكم خير

[ولد الكويت]

رد: اريد نصيحتكم الله يجزاكم خير

هلا اخي (ولد الكويت ) لاتكفي قبل اي خطوه الاستخاره لانني لما حجزت عند الدكتوره عبير طولت وصديقتي لا خلال شهر دقوا عليها وقالولها فيه موعد تكنسل اذا تبين تحضرين تعالي وطبعاً الموعد جاء فجأه فلم تذهب وتنتظر الموعد القادم والله يجزاك خير اهم شي امهاترا قلب الام غيييييير
وانتي رايتك بيضاء باهتمامك ببنتك ووعيك لحالتها مع انها الله احفظها مهو توحد فحاول بكره تحجز عند عبير وانا متأكده ان الموعد بكون بعد اشهر فهنا ليس امامك الا الذهاب لدكتور محمد ومن رايي بس خذ الاستشاره وتطمنوا واما العلاج فتابعوه مع الدكتوره عبير لان ولله الحمد انها موجوده في ديرتنا ولا هم اجازات الدوام والغربه وصعوبة الظروف .

ولله يااختي انج تقولين اللي بقلبي ... انا ودي بالساعه اتشخص البنت واخلص واتطمن

ولاء شموديني الاردن غير الموعد الاسبوع الجاي او اللي بعده وبالسرعه .

لكن باجر ابكلمهم اذا قالو بعد ثلاث اشهر علي كلامج لا اروح الاردن احسن لي

علي الاقل ارتاح نفسيا وااتطمن انا وامها ... واذا قالو خلال الشهر ابحجز عندها

واكنسل حجزي عند الدكتور محمد ... بالمناسبه انتي جربتيهم اثنيهم ؟؟ واذة جربتيهم رايج لو سمحتي

 

[ولد الكويت]

رد: اريد نصيحتكم الله يجزاكم خير

وآسفه علي التطفل ولكن يعلم الله اني حاسه بمرارة الانتظار لقد انتظرت ثلاثة اشهر وايام والله ان النوم طار من عيني واني اصبت بصدمه وحاله نفسيه يعلم بها الله الله اغفرلي ضعف ايمانا وعدم الصبر عند الصدمه الاولي اللهم لك الف حمد

مالومج ولله ثلاث اشهر انا صارلي اسبوع ماني طيب واحاتي وافكر امها نفسيتها تعبانه

اقدر واعتز بالمشاركات اللي الواحد يفتخر انه حتي بالانترنت في ناس تخاف وتنصحه من قلبها

هذا ليس بتطفل وانما حرصج ونصحج لي .... شكرا شكرا يارب ماتشوفين الاء اللي يسعدج ..

وبالنسبه للدكتور احمد البرماوي راح اخزن رقمه ...

 

[ياربي رحمتك]

رد: اريد نصيحتكم الله يجزاكم خير

الله يجزاك خير. واللي مرتوا فيه مر علي.
(والدينُ نصيحه )يا اخي وهذا واجبي .
وصدقني بمجرد مايشوفها البرماوي بترتاح نفسيتك وبتطمن امها ان شاء الله .
وعين الصواب قرارك ،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
صديقتي عالجة ابنها عند الدكتور احمد المؤمن في الاردن وتمدحه حيل .وكانت تنصحني بالذهاب بإبني له وانا بصراحه كنت اريد الدكتوره عبير .
ولو كنت ناويه اعالج ابني في الاردن لعالجته عند الدكتور محمد المؤمن لانني غير قراءتي عنه ومدح الاعضاء له استمعت للكثير من مقاطع اليوتيوب له وارتحت كثيراً لكلامه اشعر انه كلام مبسط وموجه للاهالي ويتكلم عن احساسهم وصدمتهم ويذكرهم بالامل بالشفاء.
لكنني حجزت عند الدكتوره عبير وكفايه انها كانت رئيسه في المستشفي الطب التطوري وان المجلس التابع للإعاقه اعتقد هذا اسمه يأخذ بتقاريها ويعترف بها مع انها من دكتورة خاص.
ومن دكاترة الدان المعترف بهم من قبل امريكا.

 

[حلم وانكسر]

رد: اريد نصيحتكم الله يجزاكم خير

بحر الامان اول مره اسمع ان التوحد يجي بعد 4سنوات هل ابنك تعرض لشيء قبل اصابته بالتوحد هل في سبب معين ولا مثل بقية الاطفال التوحديين

 

[ابوعباس]

رد: اريد نصيحتكم الله يجزاكم خير

اخي ابن الكويت من ردوداك وحسب معناتنا اقول لك ان شاءالله بنتك ليست توحدية فقط تحتاج جلسات نطق مكثفة وان شاء الله ينطلق لسانها . وبرضو اعرضها علا الدكتور محمد ليطمان قلبك وتشوفها عروسه زي القمر تحياتي

 

[ام الحب]

رد: اريد نصيحتكم الله يجزاكم خير

بارك الله فيج ام الحب ... والله يشافي ولدج وتفرحين فيه

فعلا افكر حاليا بالبدايه بالدكتورة عبير .. مع العلم اسهم الدكتور محمد عندي مرتفعه

بس هل مواعيدها تطول ؟؟ لاني دقيت عليهم واحس مافي اهتمام قالت لي انشوف لك موعد

ونبلغك قبل ايام .. ونسيتهم ومادقو ... وكان تركيزي فقد على الدكتور محمد ...

شكرا لمرورج ومشاركتج

مواعيدها فعلا بعيدة بس أنا كنت أدق عليهم بين اليومين مره لمن قربولي الموعد وأتوقع انه راح تطلع اجازه لرمضان قريب اتصل فيهم بسرعه وبالتوفيق انشاءالله

 

[ولد الكويت]

رد: اريد نصيحتكم الله يجزاكم خير

الله يجزاك خير. واللي مرتوا فيه مر علي.
(والدينُ نصيحه )يا اخي وهذا واجبي .
وصدقني بمجرد مايشوفها البرماوي بترتاح نفسيتك وبتطمن امها ان شاء الله .
وعين الصواب قرارك ،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
صديقتي عالجة ابنها عند الدكتور احمد المؤمن في الاردن وتمدحه حيل .وكانت تنصحني بالذهاب بإبني له وانا بصراحه كنت اريد الدكتوره عبير .
ولو كنت ناويه اعالج ابني في الاردن لعالجته عند الدكتور محمد المؤمن لانني غير قراءتي عنه ومدح الاعضاء له استمعت للكثير من مقاطع اليوتيوب له وارتحت كثيراً لكلامه اشعر انه كلام مبسط وموجه للاهالي ويتكلم عن احساسهم وصدمتهم ويذكرهم بالامل بالشفاء.
لكنني حجزت عند الدكتوره عبير وكفايه انها كانت رئيسه في المستشفي الطب التطوري وان المجلس التابع للإعاقه اعتقد هذا اسمه يأخذ بتقاريها ويعترف بها مع انها من دكتورة خاص.
ومن دكاترة الدان المعترف بهم من قبل امريكا.

معلومات طيبه ومفيده ,, توني اتصلت على البر ماوي وعنده من يخلص يتصل علي

والعياده اتصلت عليها يقولون بنشوف لك موعد قريب !!

شكراا ياربي رحمتك

 

[ولد الكويت]

رد: اريد نصيحتكم الله يجزاكم خير

اخي ابن الكويت من ردوداك وحسب معناتنا اقول لك ان شاءالله بنتك ليست توحدية فقط تحتاج جلسات نطق مكثفة وان شاء الله ينطلق لسانها . وبرضو اعرضها علا الدكتور محمد ليطمان قلبك وتشوفها عروسه زي القمر تحياتي

الله يجزاك خيـر يابو عباس وشاكر لك مرورك العطر .. والله يفرحك ويبشرك بما تحب

 

[ولد الكويت]

رد: اريد نصيحتكم الله يجزاكم خير

مواعيدها فعلا بعيدة بس أنا كنت أدق عليهم بين اليومين مره لمن قربولي الموعد وأتوقع انه راح تطلع اجازه لرمضان قريب اتصل فيهم بسرعه وبالتوفيق انشاءالله

اى كلمتهم ماحددو موعد قالو احا نتصل عليك وقلتلهم ياليت لو يكون قريب

وانا ناطر

 

[مسك]

رد: اريد نصيحتكم الله يجزاكم خير

ولد الكويت والله نصيحه من القلب انك حاول تخفف عن الام وتبين لها ان البنت طيبه ومو كل شي تقرأه بالمنتدي او عن التوحد تطبقه عل البنت التوحًد مرض ماله سبب ولا له علاج محدد في أطفال يضبط معاهم نوع من العلاج ويتعافون واحنا نجرب وربك هو الطبيب لاتقول الموعد بعيد ادعي ربك واسجد انه عطاك هالبنت تقربك منه ويسمع دعاؤك
بنتك انت تقول في ماي بالاذن يعني في سبب فهي تحتاج الى تدريب مكثف وابعادها عن التلفزيون والأجهزة ال إلكترونيه
بالنسبه حق البرماوي هو شاف علي وصح دكتوره عبير عوض قالتلي عنه يوم كان يشتغل بالحضانه اللي بالخالديه اسمها شنه دريم لاندر لكنه للتدريب وتعديل السلوك لكن ماله حق يشخص لانه مؤ دكتور يمكن من خبرته وشوفه الاطفال بكثره يقارن ويعرف لكن ماله حق يشخص لان هذا مؤ تخصصه هو يدرب الاطفال اللي محتاجين تدريب لتعديل السلوك وحتي هو مؤ تخاطب وفي موضوع بالمنتدى قديم له يرد فيه عل الأهالي ترا هو شاطر بشغله اللي هو تعديل السلوك وأشكرك اخي على دعوتك لعلاوي ولك مثلها واكثر مما تتمنى

 

[بحرالأمان]

رد: اريد نصيحتكم الله يجزاكم خير

بحر الامان اول مره اسمع ان التوحد يجي بعد 4سنوات هل ابنك تعرض لشيء قبل اصابته بالتوحد هل في سبب معين ولا مثل بقية الاطفال التوحديين

لااختي ولدته عادي وطبيعي بس كان عنده شحنات كهربائيه بالرأس وحصل له تشنج مرتين بس كان يتكلم ويرفرف بيده واخذالديباكين ولماوقفناالدواءتوقف النطق
وله سنتين مايطلع الكلام والحميه جربتهاتعذيب من غير فايده كل ماتعرض لأنفعال رجعت نفس حركاته وللعلم الدكتورماقال عنه توحدقال مجردتاخرلغوي



والله انامحتاره يوجدخلط بين التوحدوالتخلف ويوجدهناناس مواصفات اولادهم تخلف ويقولون توحدويوجدناس مواصفات اولادهم تاخربسيط ويقولون توحد

 

[ياربي رحمتك]

رد: اريد نصيحتكم الله يجزاكم خير

أختي (بحر الأمان)الذي عرفته ان التوحد يصاحبه كهرباء زايده في الرأس فلا اريد ان اخوفك ولكن هل اتتي متأكده من تشخيص الدكتور هل هو دكتور دان وبما ان ابنك فقد الكلام من سنتين ولم تلتزمي بالحميه ارجوك يا حبيبتي ان تأخذي صغيرك للدكتورة عبير او اي دكتور دان ان استطعتي ولاتيأسي من رحمة الله فوالله لم اقول لك هذا الكلام الا من حرصي علي ابنك شفاه الله وابني وأبناء المسلمين اجمعين

 

[حلم وانكسر]

رد: اريد نصيحتكم الله يجزاكم خير

نعم كلامك صحيح ابني معه كهرباء زايده وجميع علامات التوحد موجوده فيه اغلب التوحديين مصابين بكهرباء زايده بالمخ التخلف يختلف تماما المتخلفين لايتصرفون كالتوحديين بل انهم يتقبلون الناس ويتكلمون ويلعبون ويتخيلون لاكن لديهم تاخر في الفهم واداء المهارات

 

[ياربي رحمتك]

رد: اريد نصيحتكم الله يجزاكم خير

اختي (حلم وانكسر ) ان هذا المرض مثلما قالت عنه الاخت (ريم احمد ) مرض غااااااامض
لانك قلتي ان المتخلفين
١-يتقبلون الناس
٢-ولكن لديهم تأخر في الفهم +وبعض المهارات

ان ابني حتي لعمر سنه وثلاثة اشهر حصلت له حادثة الصقوط وفقد الكلام
ثم بعدها بستة اشهر تقريباً فقد التواصل البصري
وبعدها بشهر تقريباً فقد التفاعل الاجتماعي
ومعها فقد اكثر المهارات التي يعرفها واقلها استخدامه للكره والان فقط وبعد تدريبي له اصبح يعرف يرميها
اما الفهم فلأن حبيبي فقد التواصل البصري وعدم النظر لنا وضعف عنده التركيز واصبح مشتت الانتباه لم يعد فهم علي الاوامر والتوجيهات
فأسأل الله لابني وابنك وجميع ابناء المسلمين جميعاً الشفاء

 

[ولد الكويت]

رد: اريد نصيحتكم الله يجزاكم خير

ياربي رحمتك شلوج عساج بخيير ... توه قبل اشوي راح مني احمد البرماوي ... وشاف البنت ولعب معاها تركيب وصوور ..0وبالنهايه قالي .. تاخر بالنطق + عدم الانتباه ..... وقالي مافي توحد وقالي تاخر النطق مانخاف علي لانه كده ولا كده هايتكلم بالمصري ....بس الانتباه ضعيف عندها .. وانصحك بحضانه ومركز سالم العلي

 

[ام رشود]

رد: اريد نصيحتكم الله يجزاكم خير

الحمدلله يا اخ ولد الكويت اللي طمنك علي بنتك،، والله يطمنك عليها واهي تكلم ومافيها الا العافيه
انا قايله لك بنتك تشخيصها تاخر نطق،، والله من كثر ما قرينا بصفات التوحد رالظاهر ابشتغل دكتوره تشخيص. !!!!*

 

[ولد الكويت]

رد: اريد نصيحتكم الله يجزاكم خير

الحمدلله يا اخ ولد الكويت اللي طمنك علي بنتك،، والله يطمنك عليها واهي تكلم ومافيها الا العافيه
انا قايله لك بنتك تشخيصها تاخر نطق،، والله من كثر ما قرينا بصفات التوحد رالظاهر ابشتغل دكتوره تشخيص. !!!!*

اللهم لك الحمد ولكن مو دكتور متخصص اهوه .. بس ريح قلبي اشوي

جزااج الله خير ام رشوود على كلامج من اول بدايه الموضوع وتطمينج لي باها سليمه

اى ولله صرت اعرف عدل الحين التووحد ....

بس الحين ابي حضانه زينه بالكويت .. يكون مافيها تلفزيون ومهملين الاطفال

 

[مسك]

رد: اريد نصيحتكم الله يجزاكم خير

الحمداالله
اي شي ولا توحد الله يكافينا شره
الحين عاد لازم تتفاعل مع اليهال وتحتك فيهم انا أودي ولدي ماجيك بلانت في قسم النادي للأطفال وفيه حمايه وهناك اخليه يحتك مع اليهال إجباري راح يحتك فيهم او بروي هم بالنادي ادخله واخليه مع اليهال وادخل الخدامه واراقب

 

[ياربي رحمتك]

رد: اريد نصيحتكم الله يجزاكم خير

هلا اخوي (ولد الكويت ) الف الف الحمدالله علي السلامه
الله ابشرك بالخير قرت عينكم بسلامتها ياربي لك الف حمد وشكر
بلغ تبريكاتي لوالدتها والله اني بحاله مايعلم فيها الا الله لان ولدي من خذا العلاج ماتغير ولاتحسن ووديته حضانه وللاسف قالولي فيه فرط حركه وماقدرنا انسيطر عليه والله اكتبلك والله عالم بحالي ماعاد شفت الكيبورد الله لايضعفه وقالولي قدامه اسبوع لانه شاف اكل مع طفل وخخخ وهجم واكل اكل الولد لان ولدي يتبع حميه ياقلبي عليه الله اعوض طفولته خير بس والله اثلج قلبي هالخبر السار حاسه بمشاعركم ووالله اني كنت احاتيكم اخوي بس ربي احبكم لان البرماوي امس ارسلي مسج اعتذار عن عدم استطاعته الحضور لجلسة ولدي وكنت احاتيكم الحمدالله ماوصيكم بسجدة الشكر وان شاء الله ان فيكم الخير بس الذكري تنفع المؤمنين ومركز سالم العلي للاسف مايستقبل الا من عمر ثلاث سنوات اذا تقدرون تواصلوا مع اني انصحك نصيحه اخويه ولوجه الله والمرض مهو عيب بس حاول تجنب دخول اسمها في الاماكن الحكوميه لان اللي عندنا وللاسف معقدين واخاف يدخل في ملفها الدراسي كلم البرماوي واتفق معاه قوله مستعد انتظرك لو بعد رمضان تعطيها الجلسات ومادري وين مفكر اتابع مع الاردن او الدكتوره عبير

 

[ولد الكويت]

رد: اريد نصيحتكم الله يجزاكم خير

الحمداالله
اي شي ولا توحد الله يكافينا شره
الحين عاد لازم تتفاعل مع اليهال وتحتك فيهم انا أودي ولدي ماجيك بلانت في قسم النادي للأطفال وفيه حمايه وهناك اخليه يحتك مع اليهال إجباري راح يحتك فيهم او بروي هم بالنادي ادخله واخليه مع اليهال وادخل الخدامه واراقب

الله يعطيج العافيه .. تلعب مع الاطفال وتستانس بس الكلام غير مفهوم بعض الكلمات بس

مثلا . عطني .. ماالي ... ماما ...

ابيه حضانه زينه لانه االاخصائئ يقول لازم حضانه يعلمونها


شكراا لمرورج ومشاركتج