سوالف ودردشة للفاضين @_@

[ندى الايام]

اهلا طروق
الاجازة الزوجية انه الزوجين يبعدوا عن بعض فترة قصيرة
والهدف منها تجديد الحياة بينهم وازدياد الشوق

 

[ألم الأمل]

يوم يكون التخفي على الصفحات
ففي الردود نكون ظاهرين !!
لكن بصحيح أبي أسأل هل بعدني أنا متخفي
يا ناس انا اشوف نفسي ظاهر ؟؟؟؟؟؟؟؟؟؟

اما بالنسبة للأجازة الزوجية فنحن متابعين لحواركم !!

 

[الـطــارق]

اول مرة اسمع هالشيئ
يعني يكون كل شيئ سمن على عسل وياخذون اجازة .... غريبة
بس الفكرة حلوة
طيب الاجازة كم مدتها
اعتقد لو تجي هالفكرة للكويت راح تقل نسبة الطلاق
بدل لا يقول روحي انتي طالق يقول روحي انا مجاز

 

[ندى الايام]

طيب عطينا رايك الم الامل

 

[ندى الايام]

ايه طروق هي كثير من الاحيان تكون مفيدة

 

[الـطــارق]

بصراحة انا عجبتني الفكرة
وراح انشرها
صار ودي اتزوج علشان اخذ اجازة
بس ما قلتوا هل لها عدد معين من الايام ؟؟؟ يعني كم يوم الاجازة ؟؟؟؟

 

[امتنااان]

المفوض تذهب الزوجة في إجازة
عند أهلها لوحدها وترك الرجل
مع الأولاد في البيت لوحدهم ع يحس في قيمتها ويعرف انه مايستغني عنا ويكونو مشتاقين لبعض وفيها كسر للروتين

 

[امتنااان]

عاد الايام على حسب الاجازه لو الود ودي اخليها شهر لكن بيصير فيه فجوه
نكتفي بعشره ايام ع مايتعود على فراقي

 

[ألم الأمل]

في أعتقادي إن الفكرة جميلة من حيث تبديل أو تغيير
الروتين ,, ولا بد أن تكون الإجازة برضى الطرفين
ولكن نحن العرب لا أعتقد إن الإجازة ستكون في وقتها
الطبيعي يعني لازم مصاحبة لمشكلة ,, ولذلك ستأتي الإجازة
وستكون اجازة اضطرارية !!

 

[الـطــارق]

طرده هذه مو اجازة هههههههه
الله يصلح الحال بس

 

[ألم الأمل]

يـــوم سعيــد للجميع

وتصبحوا على سعادة وطـــن

 

[ندى الايام]

وانت من اهل هذه السعادة يارب

 

[الـطــارق]

ندى ليش كل يوم تسهرين
ماتدرين ان السهر يضر بالصحة

 

[جمانه]

صباااح الخير للموجودين كيفكم

 

[الـطــارق]

صباح النور جمانة
نورتي
ما شاء الله صاحية مع العصافير

 

[جمانه]

هلا طاارق من نورك ...لا مواصله من امس

 

[ندى الايام]

والله اعرف ياطروق
بس زوجي كثير السفر
وانا احس بالارق لاني لوحدي
وانت ليش تسهر

 

[ندى الايام]

هلا جمانة كيفك

 

[جمانه]

هلا وغلا ندووو ..بخير جعلك بخير وعاافيه

 

[الـطــارق]

انا ما اعرف اصحى الصبح مثل الناس

نفسي ومنى عيني انام بكير واصحى بكير

زميلاتي في العمل يأدون عملي بالنيابة عني
ان شاء الله الاسبوع الجاي راح احاول اعدل نومي ولو انها صعبة