رد: سما ....وتطوراتها

ام سما وام محمود ماتوقع بس اولادكم مدمنين بطاطا مقليه الاولاد كلهم والله يكون بالعون لما يكون الغدا بطاطا وافراد العيله كلها مدمنين من الاب لاصغر ولد بيكون الطبخ ارحم
جد الله يبارك لك فيها خطوه حلوه تقشير الخضروات وانشاء الله تقدر تقطع بالسكين كمان

رد: سما ....وتطوراتها

شرفتينى ام عدنان
طبعا البطاطس المقلية رقم 1 فى الاكلات المحبوبه بين الصغير والكبير
سما حاولت فى البطاطس ولسه بتحاول معاها وهى طبعا نفسها تمسك السكين
بصراحه انا اللى قلبى خفيف لان السكين محتاجه تحكم شديد حتى لاتأذى نفسها
ربنا يستر عليهم جميعا

رد: سما ....وتطوراتها

ماشاء الله عليها المهم تقشرت البطاطا وأكلتوا لقد أعطيتني فكرة لتدريب وفا على استخدام هذه القشارة لأني بصراحة أخاف موت من السكين ولم اتركها تتدرب عليها بعد ام خوافة ماذا افعل .

رد: سما ....وتطوراتها

ام الوفا
كلنا بنخاف عليهم وسما لسه ما عرفت فعلا تقشر بالفعل الا 3 سم من البطاطس
وطبعا هى نفسها تاخد السكين وتقشر مثلنا
ربنا يبارك فيهم ويطمنا عليهم

رد: سما ....وتطوراتها

شفتم سما وهى تتقن اللغة الصينية
الان تتحدثها بطلاقه

رد: سما ....وتطوراتها

اسفة الصورة مظلمة شويه

رد: سما ....وتطوراتها

شوفوا معايا اخر حاجه وصلت لها سما
سما تعبت وبدأت اعراض الكحة والحرارة تظهر عليها
حجزنا عند الطبيب ولما وصلنا المستشفى كان دورنا 47
سما استنت شويه ولاقناها راحت عند مساعد الدكتور وهو بيحبها جدا كلمته بالصينية بتاعتها ولما شالها قالها بتقولى ايه؟
الانسة سما قامت تشاور على بقها وعلى صدرها وتقول اه اه وتعمل حركات انها تعبانه
قالها ايوة انا عارف سلامتك بس الدكتور عنده كشف
سكتت وبعد شويه اتسحبت من وراه وراحت علشان تخبط على باب الدكتور مباشرة هى كتير بتعمل كده واحيانا بتاخد دور مش بتاعها بسبب الحركة دى
وانا بحاول اعلمها ان كل واحد ليه دور فى كل حاجه
المهم قفشها المساعد وقالها استنى دورك
مرة تانية رجعت وبعد كده لاقيناها دخلت على طبيب اخر فى المستشفى اخدت من عنده العصا اللى بيكشفوا بيها على الحلق وجابتها لى وفتحت بقها علشان انا اكشف عليها
طبعا مش هقولكم كل المستشفى قعدت تضحك
وكل واحد بتعليقاته
اعمل فيها ايه بس البنوتة دى اخر تطوراتها انها بتمثل علينا

رد: سما ....وتطوراتها

سما قاعده تتدلع عليكم وبعدين رقمكم 47 عشان كذا هي تلطف الجو ولا راح تحسون بالملل

رد: سما ....وتطوراتها

ما شاء الله عليها الانتظار صعب وهي تريد تخفيفه على الجميع وفهمانه كل شيء ما شاء الله عليها .

رد: سما ....وتطوراتها

ياحلو سما من طول الانتظار وزهق في المستشفى بدت تعمل هل حركات حتى تتسلى وتسليكم معها
الله يحفظها ويخليها لكم

رد: سما ....وتطوراتها

الفارس الشجاع
قالت تسلينا ويمكن تصعب على المساعد يدخلها بدرى

رد: سما ....وتطوراتها

ام الوفا
هى بتحاول تتصرف وتدخل هى لكن بطريقتها علشان عارفه انهم بالمستشفى بيحبوها
عاوزة تنتهز الفرصة

رد: سما ....وتطوراتها

احمد حمادا
عاوزة الحق معظم الحركات كانت تمثيليه منها لانها كانت بعدها تضحك على طول وانا بكشفها

رد: سما ....وتطوراتها

ألف سلامة للسمسمه
شو طلع عندها؟


بعدين انت مشغلة البنت لحد ما مرضت


يوم تخرط ملوخية ويوم تقشر بطاطس
وانت بتشربي القهوة أكيد

رد: سما ....وتطوراتها

ام ياسمين
طلعت انا السبب بالاخر
يا ستى هى غاويه تدخل الى الحمام وتقول حما (استحمى )
ومرة ظبطتها فتحت الحنفيه وواقفة تستحمى بملابسها
طبعا اخدت دور برد شديد وصدرها كان مقفوول واحتاج لجلسات بخار
والله انا مريحاها بس هى تقعد انا اللى بتعب من الجرى وراها
انا بكلمكم وهى بتفتح فى النيش تخرج الاطباق ولما بصيت لها علامة الغضب راحت تجيب حامل المصحف وقال يعنى هتصلى وهى بتنظر لى من جانب عيونها
احيانا اشعر ان البنت دى لئيمة شويه