ام ياسمين
طلعت انا السبب بالاخر
يا ستى هى غاويه تدخل الى الحمام وتقول حما (استحمى )
ومرة ظبطتها فتحت الحنفيه وواقفة تستحمى بملابسها
طبعا اخدت دور برد شديد وصدرها كان مقفوول واحتاج لجلسات بخار
والله انا مريحاها بس هى تقعد انا اللى بتعب من الجرى وراها
انا بكلمكم وهى بتفتح فى النيش تخرج الاطباق ولما بصيت لها علامة الغضب راحت تجيب حامل المصحف وقال يعنى هتصلى وهى بتنظر لى من جانب عيونها
احيانا اشعر ان البنت دى لئيمة شويه

ام عدنان
سما الحمد لله بتتحسن لكن الدكتور كرر لها العلاج وقال نستمر على جلسات البخار شويع ربنا يشفيها هى وكل مرضى المسلمين
كلهم دمهم ماشاء الله عليه زى السكر ربنا يحفظهم ويبارك بهم

ام سما ماشاء الله عليها كلهم دمهم خفيف واذكياء والحمد لله انها بتحب الدكتور انا دائما الاطباء بيفرحو بعدنان انه بيحبهم بيقولولي ان هناك اولاد دوان لايحبون الاطباء ويعذبوهم لاادري ان كان كلامهم صح
انا عدنان مابيرضى يدخل للدكتوره قبل مايشوف اسمه ظهر عند الممرضه على الكمبيوتر ومابيطلع من عند الدكتوره الا لتقيس ضغطه وتقيس نسبه الاكسجين وفى النهايه توقع على الوصفه وتختمها والدكتوره تضحك من قلبها فرحا عليه ماقلتي لنا ام سما كيفها سما الان
عن الاستحمام عدنان مجنني بيقول لي في بجسمي جراثيم لازم اتحمم وهذا الكلام يومي وبيبقى ساعه بيغني وبيتحمم الا انه انظف ولد عندي

سما دلوقتى والحمد لله وطبقا لاخر تقييم تخاطب لها
الطبيبة قالت ان لغتها الداخلية الحمد لله مكتملة وكتبت لها خطة علاجية جديدة
نبهت على الاخصائيات بضرورة تعليمها كل ما هو مشهور من الاشياء
خلينى اقولكم احنا بدانا ازاى بالتخاطب اولا
اولا بدأنا بافراد الاسرة وصورهم واساميهم
بعد كده اجزاء الجسم كلها
بعد كده الفواكه والخضراوات اللى سهل انها تشوفهم فى البيت والفواكه على حسب موسمها
بعد كده وسائل المواصلات
ادوات الطعام
اشياء مألوفة (( طبق ملعقة شوكة))
دلوقتى سما ممكن تنطق حرفين من كل كلمة
ومن الحاجات اللى بتقولها والحمد لله
الاطعمة..........اوز((ارز))
طاطس((بطاطس))
صير((عصير))
وش((ساندوتش))
طبعا ماما وبابا اتقنتهم من زمان والحمد لله
اختها جنى ((ننأ)
منه ((ننه)
جدو ((ددو))
طنط ((طط))
وحاجات كده مش عارفه افتكر كل حاجه
وطبعا لو حاولت اضغط عليها علشان تنطق لانى بكون عارفه انها مدركة هى عاوزة ايه بتكبر دماغها منى وتروح هى تجيب اللى هى عاوزاه
بالنسبة للرعاية الذاتية
والحمد لله هى حاليا بتطلب الحمام وتقول بيي
ومن يومين لقيتها على التواليت لوحدها ولغايه دلوقتى مش عارفه طلعت هناك ازاى
وتغسل ايديها ونفسها طبعا تستحمى لوحدها علشان بس تلعب بالمياه
بتحاول دلوقتى تلبس البنطلون والبلوزات وطبعا بتحصل مواقف كتيييييييير مضحكة من المنظر اللى بتعمله
بتساعدنى فى البيت بتناولنى الملابس لنشرها واحيانا بتحاول تنشر هى وتكون النتيجة انها بترمى الملابس من الدور ال 11
بترفع معايا الاطباق بعد الوجبات ولو حاولنا نمنعها بتصر على انها تاخد الاطباق وتحطها بالحوض ومش مقتنعه ابدا انها لسه قصيرة ومش هتطول الحوض ابدا
بتتوضا معانا وتعمل كل حركات الوضوء
وتصلى معانا والحمد لله
بتحاول تعرف كل حاجه بتتعمل ازاى لازم تراقبنا فى حياتنا كلها
دى تقريبا اخر حاجه وصلنا ليها
مع علمى وفرحتى طبعا انى عرفت ان فيه مدرسة دمج قريبة من بيتى لكن طبعا هى لسه صغيرة ما هياخدوها الا بعمر 4 وشهرين
ان شاء الله نحاول ننجز تدريبات اكتر بهذه الفترة خاصة وانى ان شاء الله فيه اخبار عن انشاء فصل دراسى فى المركز اللى بتاخد فيه الجلسات
ليكون تمهيدى لما قبل الاكاديمى لها
ربنا يسهل ان شاء الله

ولى عودة ان شاء الله

سما وهى رايحه جلسة التخاطب شايله اجندتها
يارب عقبال المدرسة عن قريب

الصورة التانيه بتحاول تلون اللون الاصفر لانها نسيت اللى اتعلمناه حاولت اراجع لها

سما وهى رايحه جلسة التخاطب شايله اجندتها
يارب عقبال المدرسة عن قريب

الصورة التانيه بتحاول تلون اللون الاصفر لانها نسيت اللى اتعلمناه حاولت اراجع لها