رد: سما ....وتطوراتها

السلام عليكم
حاولت اجمع مواضيع سما بموضوع واحد هنا علشان اقدر اكتب لكم عنها وعن كل اللى بتوصل ليه
وان شاء الله اتابع معاكم تطوراتها اول بأول هنا

رد: سما ....وتطوراتها

ما شاء الله عليها .. الله يحفظها ويحميها يارب.. تتربي بعزك اخت علا. وان شاء الله تفرحي فيها وتحقق آآمالك واحلامك بنجاحها يارب. بس اعتني فيها أكثر وأكثر حتي تجني الثمار مثل رحمة .. احترامي وتقديري

رد: سما ....وتطوراتها

سما دلوقتى والحمد لله وطبقا لاخر تقييم تخاطب لها
الطبيبة قالت ان لغتها الداخلية الحمد لله مكتملة وكتبت لها خطة علاجية جديدة
نبهت على الاخصائيات بضرورة تعليمها كل ما هو مشهور من الاشياء
خلينى اقولكم احنا بدانا ازاى بالتخاطب اولا
اولا بدأنا بافراد الاسرة وصورهم واساميهم
بعد كده اجزاء الجسم كلها
بعد كده الفواكه والخضراوات اللى سهل انها تشوفهم فى البيت والفواكه على حسب موسمها
بعد كده وسائل المواصلات
ادوات الطعام
اشياء مألوفة (( طبق ملعقة شوكة))
دلوقتى سما ممكن تنطق حرفين من كل كلمة
ومن الحاجات اللى بتقولها والحمد لله
الاطعمة..........اوز((ارز))
طاطس((بطاطس))
صير((عصير))
وش((ساندوتش))
طبعا ماما وبابا اتقنتهم من زمان والحمد لله
اختها جنى ((ننأ)
منه ((ننه)
جدو ((ددو))
طنط ((طط))
وحاجات كده مش عارفه افتكر كل حاجه
وطبعا لو حاولت اضغط عليها علشان تنطق لانى بكون عارفه انها مدركة هى عاوزة ايه بتكبر دماغها منى وتروح هى تجيب اللى هى عاوزاه
بالنسبة للرعاية الذاتية
والحمد لله هى حاليا بتطلب الحمام وتقول بيي
ومن يومين لقيتها على التواليت لوحدها ولغايه دلوقتى مش عارفه طلعت هناك ازاى
وتغسل ايديها ونفسها طبعا تستحمى لوحدها علشان بس تلعب بالمياه
بتحاول دلوقتى تلبس البنطلون والبلوزات وطبعا بتحصل مواقف كتيييييييير مضحكة من المنظر اللى بتعمله
بتساعدنى فى البيت بتناولنى الملابس لنشرها واحيانا بتحاول تنشر هى وتكون النتيجة انها بترمى الملابس من الدور ال 11
بترفع معايا الاطباق بعد الوجبات ولو حاولنا نمنعها بتصر على انها تاخد الاطباق وتحطها بالحوض ومش مقتنعه ابدا انها لسه قصيرة ومش هتطول الحوض ابدا
بتتوضا معانا وتعمل كل حركات الوضوء
وتصلى معانا والحمد لله
بتحاول تعرف كل حاجه بتتعمل ازاى لازم تراقبنا فى حياتنا كلها
دى تقريبا اخر حاجه وصلنا ليها
مع علمى وفرحتى طبعا انى عرفت ان فيه مدرسة دمج قريبة من بيتى لكن طبعا هى لسه صغيرة ما هياخدوها الا بعمر 4 وشهرين
ان شاء الله نحاول ننجز تدريبات اكتر بهذه الفترة خاصة وانى ان شاء الله فيه اخبار عن انشاء فصل دراسى فى المركز اللى بتاخد فيه الجلسات
ليكون تمهيدى لما قبل الاكاديمى لها
ربنا يسهل ان شاء الله

ولى عودة ان شاء الله

رد: سما ....وتطوراتها

الله يخليك اسد التحدى وان شاء الله نفرح بكل ولادنا وربنا يحقق لنا امالنا فيهم

رد: سما ....وتطوراتها

رد: سما ....وتطوراتها

ما شاء الله عليها الله يحفظها ويحميها يارب

رد: سما ....وتطوراتها

ما شاء الله عليها الله يحميها ويبارك فيها

رد: سما ....وتطوراتها

صفحه مباركه يا سمسومه
مليئه بالتطورات يارب
كبرتي ياقطه وكمان عاوزة تخرطي الملوخيه
ربنا يحميها يارب
ماشاء الله تطوراتها روعه بنوته شاطرة بكل شيء
وضوؤ وصلاه وكمان شغل البيت
خفي عليها شويه ياعلا
ولا دة شغل اغراءات للحموات عروسه ماهرة بكل شيء اسم الله عليها
ان شاء الله تشوفبها بالجامعه يارب

رد: سما ....وتطوراتها

رد: سما ....وتطوراتها

الله يخليكى شمعه امل يارب نفرح بيهم كلهم ان شاء الله تعالى

رد: سما ....وتطوراتها

قبطان عادل نورتنا بصفحه سما
ان شاء الله لما يكون يوسف بعمرها مش هتلاحق عليه من الشقاوة

رد: سما ....وتطوراتها

ربنا يخليكم يارب ويحمىلكم ولادكم وتشوفوهم احسن ناس

رد: سما ....وتطوراتها

ربنا يخليكى ام محمود
ويخليلك محمود يارب ويباركلنا فيه
هى اللى بتحب المساعده والله يا جماعه مش انا اللى بعلمها بالعافيه
احسن انتم فاكرنى انا السبب
وبعدين طبعا يا ام محمود مش بنت ولازم احضرها ولا ايه العرسان طبعا بالطوابير امال ايه
يارب نشوف لهم كل الخير يارب

رد: سما ....وتطوراتها

ملكة الاحساس
معلش ان شاء الله اجمع صورها تانى وانزلهم فى الموضوع