الاخوات من ليبيا ...وينكم

[أم عزيمة]

رد: الاخوات من ليبيا ...وينكم

السلام عليكم اعضاء المنتدى تحدي الاعاقة الكرام
هذه اول مرة اشارك فيها رغم اني ادخل المتدى منذ فترة ذلك نضرا ضروفي
ابني بودي عمره الان 9 سنوات وقد مررنا بتجارب علاجية كثيرة ابتداء من (الحمية.المكملات.اكسجين.تكامل سمعي.هميوباثي.رنيين حيوي.الحجامة.اعشاب؟استعملت لسحب المعادن.
حقن الجلوثاتيون.كذلك ال او اس ار )بودي الان افضل كثير من فبل ولكن عندنا مشكلة شديدة في اللغة يعني لغاية الان ميعرفش يطلب حاجة غير (نبي حمام)رغم ان ادراكة جيد معدش عندة تصرفات غريبة

وعليكم السلام

أخت ماجدة أهلا أهلا كنت مستنياتك من زمان :6: وما توقعتش تكوني مجربة كل العلاجات هادي بصراحة برافو عليك :22: إن شاء الله تسمحلك الظروف و تحكيلنا عن تجاربك مع كل شي بالذات الحجامة والهميوباثي وشني قصة الأعشاب حتى أنتي مشيتي لهيفاء كيالي :9: ؟ .

شنو أكثر حاجة أفادت إبنك ؟ وحالياً هل هو في مركز خاص وإلا مدرسة ؟

وأخيراً دعواتي لأبنك اللهم أشرح له صدره و أحلل عقدة من لسانه .

تحياتي

 

[ام ملاك]

رد: الاخوات من ليبيا ...وينكم

السلام عليكم اعضاء المنتدى تحدي الاعاقة الكرام
هذه اول مرة اشارك فيها رغم اني ادخل المتدى منذ فترة ذلك نضرا ضروفي
ابني بودي عمره الان 9 سنوات وقد مررنا بتجارب علاجية كثيرة ابتداء من (الحمية.المكملات.اكسجين.تكامل سمعي.هميوباثي.رنيين حيوي.الحجامة.اعشاب؟استعملت لسحب المعادن.
حقن الجلوثاتيون.كذلك ال او اس ار )بودي الان افضل كثير من فبل ولكن عندنا مشكلة شديدة في اللغة يعني لغاية الان ميعرفش يطلب حاجة غير (نبي حمام)رغم ان ادراكة جيد معدش عندة تصرفات غريبة

السلام عليكم
اهلا بيك اختى ماجدة ما شاء الله انتى عندك تجربة غنية فى العلاج كيف كان ولدك قبل العلاج ودرجة التحسن توة احكيلنا تجربتك اذا سمحتى
بالنسبة للغة اختى ماجدة انى شايفة مادام ولدك تحسن واختفت عنده التصرفات اللاارادية وادراكه ما شاء الله كويس هدا يعتبر انجاز
انى ولدى فى عمر ولدك وعنده لغة والحمد لله اكتسب اكترها من المركز اللى فيه توة لكن مازال عنده التصرفات الغريبة وفرط الحركة
الله المستعان

 

[ماجدة محمد]

رد: الاخوات من ليبيا ...وينكم

السلام عليكم
الاخت لعزيزة ام عزيمة والله انتي دفعتيني للكتابة لاني في كل مرة نبي نكتب ننشغل في حاجة بارك الله فيك عموما انا بعتلك رسالة على الخاص ولكن يبدو لاني مشتركة جديدة ماوصلاتكش بلنسبة للحجامة عملتها مرتين لي بودي مرة عند حجام عندنا معروف في بنغازي اسمة عبد اللطيف جعفر بس كان في كل مرة يعملة وحدة او اثنين بس بعدين عديت الى حجام هو طبيب في الاصل كان يعملة مرات 16 حجامة في المرة الواحدة(نقصد ب16 حجامة يعني 16 كاسة هوي) هو طلب مني اني انكرر الحجامة كل 10 ايام لمدة 6 شهور بس انا بصراحا كنت نقرا في المنتدى بتاع الاعشاب و الطب البديل د امجد هزاع ان الحجامة لا تكرر قبل شهر او 21 يوم على الاقل لذلك عملتها عندة 4 مرات في كل شهر مرة 1 طبعا حسيت ببعض التحسن في هذة الفترة ولكن انا كنت نستعمل في علاجات اخرى في هذة الفترة وعلشان هكي مش متاكدة من ان السبب في التحسن الحجامة....... و العلاجات الاخرى كرسات الزيوت زي زيت حبة البركة زيت بذور اليقطين زيت بذور الكتان و زيت الزعتر نعطي فيهم مع العسل على الريق في الصبح كل مرة نوع بستثناء زيت حبة البركة استعملة كما ذكرته الاخت ام عادل وانا لاحظت وانا لاحظت انه الافضل و الاعشاب مش اعشاب هيفا انما هي اعشاب عادية زي اكليل الجبل اليردقوش القميلة الزعتر الشاهي لاخصر مثلا اللوبان المر (الكندر) القرفة و الكركم الى لخ.............. يعني كل شي مضاد اكسدة كل شي يساعد على القضاء على الفطريات وانا احس ان افضل شي استفاد منة بودي هي الاعشاب بالاضافة الى الاكل الصحي يعني انا منضفش في الاكل غير الكركم و زيت الزيتون وكذلك كنت انديرلة في حمام الملح الانجليزي يومي
و الحمد الله على كل حال
بالنسبة للمدرسة بودي يمشي لمدرسة عادية خاصة مع مدرسة ظل

 

[ماجدة محمد]

رد: الاخوات من ليبيا ...وينكم

'.

 

[ماجدة محمد]

رد: الاخوات من ليبيا ...وينكم

اهلا اختي ام ملاك..كان بودي قبل العلاجات عند فرط حركي وكان طول الوقت يلف في اكياس النيلون بطريقه حلوزنيه لا يمل وكان عنده احيانا مشاكل في النوم و خاصه لما يكون متوتر كذلك ضعف في التركيز والانتباه وكان ما يكلش كل حاجه (بصراحه تحسن في الاكل جاء بعد الحميه) وكان ويضحك و يبكي من غير سبب تحسي انه في عالم ثاني الحمد لله هذا الاشياء اختفت ولكن احيانا تحذث نكسات هذه النكسات قلت في حدتها و تباعدت هذا مايجعلنا نتفائل ولكن ما يجعلني محبطه هي للغه احس انه عنده مشكله شديده في الذاكره السمعيه مثلا لو طلبت منه جيب الموزه من المطبخ إجيبها ولكن لو ساله شنو هذي ما يعرفش مع انه يعرف ينطق كلمه موزه.
بالنسه لي فطر الحركه حسيت انه بودي لما تحسن عنده الهضم قلت الغازات اصبح الخروج طبيعي قلت الحركه و تحسن الانتباه اعتقد ولله اعلم ان فطريات هي السبب و اعتقد ان الاعشاب التي ذكرتها سابقا تساعد في التخلص من الفطريات بالاضافه الي الثوم و البصل الني(اتسخدمت ايضا في التخلص من الفطريات النستاتين) بس كل هذي الحاجات تبي صبر واستمراريه و طبعا نحن ما عندنا ما انديروا الا هما. و ربك يفرجها من عنده

 

[ام ملاك]

رد: الاخوات من ليبيا ...وينكم

مشكورة اختى ماجدة على ردك وعجبتنى تجربتك بالدات فى الاعشاب لكن مشكلتى ولدى ما ياخدش اى حاجة كيف قدرتى تتحايلى على ولدك بيش خداها
نعرف كترت عليك سامحينى لكن ولدك توة فى اين صف لا قيتى صعوبة فى الدمج او لا مازال قائمة الاسئلة طويلة وسعى بالك بس
تحياتى

 

[أم عزيمة]

رد: الاخوات من ليبيا ...وينكم

السلام عليكم
الاخت لعزيزة ام عزيمة والله انتي دفعتيني للكتابة لاني في كل مرة نبي نكتب ننشغل في حاجة بارك الله فيك عموما انا بعتلك رسالة على الخاص ولكن يبدو لاني مشتركة جديدة ماوصلاتكش بلنسبة للحجامة عملتها مرتين لي بودي مرة عند حجام عندنا معروف في بنغازي اسمة عبد اللطيف جعفر بس كان في كل مرة يعملة وحدة او اثنين بس بعدين عديت الى حجام هو طبيب في الاصل كان يعملة مرات 16 حجامة في المرة الواحدة(نقصد ب16 حجامة يعني 16 كاسة هوي) هو طلب مني اني انكرر الحجامة كل 10 ايام لمدة 6 شهور بس انا بصراحا كنت نقرا في المنتدى بتاع الاعشاب و الطب البديل د امجد هزاع ان الحجامة لا تكرر قبل شهر او 21 يوم على الاقل لذلك عملتها عندة 4 مرات في كل شهر مرة 1 طبعا حسيت ببعض التحسن في هذة الفترة ولكن انا كنت نستعمل في علاجات اخرى في هذة الفترة وعلشان هكي مش متاكدة من ان السبب في التحسن الحجامة....... و العلاجات الاخرى كرسات الزيوت زي زيت حبة البركة زيت بذور اليقطين زيت بذور الكتان و زيت الزعتر نعطي فيهم مع العسل على الريق في الصبح كل مرة نوع بستثناء زيت حبة البركة استعملة كما ذكرته الاخت ام عادل وانا لاحظت وانا لاحظت انه الافضل و الاعشاب مش اعشاب هيفا انما هي اعشاب عادية زي اكليل الجبل اليردقوش القميلة الزعتر الشاهي لاخصر مثلا اللوبان المر (الكندر) القرفة و الكركم الى لخ.............. يعني كل شي مضاد اكسدة كل شي يساعد على القضاء على الفطريات وانا احس ان افضل شي استفاد منة بودي هي الاعشاب بالاضافة الى الاكل الصحي يعني انا منضفش في الاكل غير الكركم و زيت الزيتون وكذلك كنت انديرلة في حمام الملح الانجليزي يومي
و الحمد الله على كل حال
بالنسبة للمدرسة بودي يمشي لمدرسة عادية خاصة مع مدرسة ظل

أهلا أختي ماجدة للأسف فعلا ما وصلتش رسالتك على الخاص لأنك جديدة في المنتدى خسارة :7: وبالنسبة للحجامة لعزيمة كانت سبع مرات متتالية بمعدل كل أسبوع مرة وبعدين كل أسبوعين وتوا كل شهر مرة وتقريباً هذا الشهر وصلت 15 الجلسة في إعتقادي البداية كل أسبوع لأنها علاج مكثف يعني مش وقاية مرة في الشهر و خلاص وعلى فكرة الحجامة بدون كاسات لأن عمرها 3سنوات تشريط بسيط فقط أما فوق السبع سنوات بالكاسات ودموية وليست جافة .

من سنتين أجريت حجامة لرفع المناعة كانت 16 الكاسة لكن كانت حجامة جافة وكانت ممتازة بالنسبة لي و الحمد لله ، هل كانت الحجامة جافة أو دموية وأين المواضع ؟
بالنسبة الكندر وين لقيتيه ؟ لأن النوع الأصلي ما حصلتاش كله مش أصلي في السوق

اللي فهمته أنك من بنغازي ليقتي دكتور كويس غادي يفهم في موضوعنا :17: ؟ بالنسبة للتحاليل شنو نتيجة تحاليل المعادن ؟

سامحينا على الأسئلة وإن شاء الله إبنك موفق في المدرسة وفي حياته وأنتي إن شاء الله ربي مش رح يضيعلك تعب أبداً وحتى حني :2:

تحياتي

 

[ام أمين]

رد: الاخوات من ليبيا ...وينكم

السلام عليكم كيف حالكم اليوم ان شاء الله تكونوا بخير وصحة مرحبا بالأخت ماجدة ارجوا ان لا تحرمبنا من تجاربك بأذن الله كل كلمة تكتبيها في مبزان حسناتك.........أخواتي أود أن أذكر لكم ان أمبن في دبي قد خرق حمية الكازيين ولكني لم الاحظ عليه تصرفات غريبة لذلك أعدت له حليب البقر ومشتقاته ....ولكن احس ان تجربة السفر واللعب يوم بعد يوم في المولات بعيدا عن اخوته قد أستفاد منها اجتماعيا لأنه يحتاج للدمج مع من في نفس سنه ......أمين يأخذ حاليا زيت كبد الحوت seven sea و الفيتامين kids vital من حوالي ثلاث اشهر احس انه استفاد منهم والعلم عند الله ....أود حاليا أن أعطيه دروس تخاطب في الفترة المسائية فهل منكن من تعرف أبلة تخاطب كويسة ...وأود ان أدمجه في نشاط أجتماعي فيه دمج مع أطفال طبعيين فهل تعرفون مثلا نادي كارتيه أو موسبقى أو رسم والله انا ماعندي فكرة معينة لو ممكن عندكم أفكار

 

[أم عبيدة]

رد: الاخوات من ليبيا ...وينكم

السلام عليكم اخواتي العزيزات .....
كيف حاكم كلكم ....إن شاء الله بخير ...للاسف المدة الماضية كنت متغيبة عن المنتدى ....اشتراك النت عندي تم ...و قعدنا شوية ايام لين اشتركنا ثاني و بعدين ظروف تغير الطقس و قرة العنز اللي صبت علينا شغلتني شوية ...و الحمد لله .
اني فرحانة هلبة بالتفاعل الرائع بين كل الاخوات و الحمد لله على هذه النعمة ......
مرحبتين بالاخت الكريمة ماجدة و شكرا و الف شكر على تفاعلك و تواصلك ....و قبل ما ننسى ...اختي ام ملاك حاولت نعرف موضوع الاكسجين من المراة اللي قلتك عليها ...للاسف ما حصلتهاش الا مرة وحدة ...عندي رقمها الارضي و الباين أنه عطلان ...و اللي فهمته رغم تشويش الخط أن في مصحة المسرة في صلاح الدين ...و ما نعرفش بالضبط هل هو اكسجين مضغوط أم لا ....آسفة و سامحيني هذي المعلومات اللي حصلتها.
أم أمين الحمد لله على السلامة ...و ربي يوفقك في استمرار خطوات العلاج ...
أم عزيمة ...لقيت missed call اول امس منك ...و اتصلت بيك ثاني و ما رديتش ...لك وحشة يا هرابة من العزومة :1:.
الاخت ماجدة ...زي ما قالوا الاخوات ...يا ريت تخبرينا اكثر عن الاطباء اللي تعاملتي معاهم ...بالك في بنغازي اطباء فاهمين احسن :17:...
و كيف قدرتي تحصلي مدرسة ظل في ليبيا ؟؟؟؟؟؟..وولدك توا في اي صف ؟؟؟....
و من هو الطبيب اللي تعاملتي معاه في علاج الهيموباثي ؟؟؟...
انا استخدم لابني منذ 3 اشهر علاج هيموباثي وصفه طبيب مصري لعبيدة .....عبيدة و الحمد لله عنده تحسنات كثيرة كويسة ..مازال ما يتكلماش كلام واضح و عنده شوية حركات نمطية مش واضحة هلبة ....بس لغته الاستقبالية ما زالت ضعيفة ...يعني ما زال ما يفهمش كل الكلام الموجه ليه ....الحمد لله على كل حال و سامحوني على الاطالة ...تقبلوا تحياتي .

 

[ام ملاك]

رد: الاخوات من ليبيا ...وينكم

السلام عليكم كيف حالكم اليوم ان شاء الله تكونوا بخير وصحة مرحبا بالأخت ماجدة ارجوا ان لا تحرمبنا من تجاربك بأذن الله كل كلمة تكتبيها في مبزان حسناتك.........أخواتي أود أن أذكر لكم ان أمبن في دبي قد خرق حمية الكازيين ولكني لم الاحظ عليه تصرفات غريبة لذلك أعدت له حليب البقر ومشتقاته ....ولكن احس ان تجربة السفر واللعب يوم بعد يوم في المولات بعيدا عن اخوته قد أستفاد منها اجتماعيا لأنه يحتاج للدمج مع من في نفس سنه ......أمين يأخذ حاليا زيت كبد الحوت seven sea و الفيتامين kids vital من حوالي ثلاث اشهر احس انه استفاد منهم والعلم عند الله ....أود حاليا أن أعطيه دروس تخاطب في الفترة المسائية فهل منكن من تعرف أبلة تخاطب كويسة ...وأود ان أدمجه في نشاط أجتماعي فيه دمج مع أطفال طبعيين فهل تعرفون مثلا نادي كارتيه أو موسبقى أو رسم والله انا ماعندي فكرة معينة لو ممكن عندكم أفكار

السلام عليكم
كيف حالك ام امين بخصوص النادى يشكرو فى نادى بوستة للفروسية هو نادى اجتماعى وعائلى انى ما شفته لكن يقولو انه منظم وكويس بالك الاخوات يفيدوك اكتر
ربى يكون معاك ويدلك على طريق الشفاء بادن الله
بعتلك عالخاص ان شاء الله تكون وصلاتك تحياتى

 

[ام ملاك]

رد: الاخوات من ليبيا ...وينكم

السلام عليكم اخواتي العزيزات .....
كيف حاكم كلكم ....إن شاء الله بخير ...للاسف المدة الماضية كنت متغيبة عن المنتدى ....اشتراك النت عندي تم ...و قعدنا شوية ايام لين اشتركنا ثاني و بعدين ظروف تغير الطقس و قرة العنز اللي صبت علينا شغلتني شوية ...و الحمد لله .
اني فرحانة هلبة بالتفاعل الرائع بين كل الاخوات و الحمد لله على هذه النعمة ......
مرحبتين بالاخت الكريمة ماجدة و شكرا و الف شكر على تفاعلك و تواصلك ....و قبل ما ننسى ...اختي ام ملاك حاولت نعرف موضوع الاكسجين من المراة اللي قلتك عليها ...للاسف ما حصلتهاش الا مرة وحدة ...عندي رقمها الارضي و الباين أنه عطلان ...و اللي فهمته رغم تشويش الخط أن في مصحة المسرة في صلاح الدين ...و ما نعرفش بالضبط هل هو اكسجين مضغوط أم لا ....آسفة و سامحيني هذي المعلومات اللي حصلتها.
أم أمين الحمد لله على السلامة ...و ربي يوفقك في استمرار خطوات العلاج ...
أم عزيمة ...لقيت missed call اول امس منك ...و اتصلت بيك ثاني و ما رديتش ...لك وحشة يا هرابة من العزومة :1:.
الاخت ماجدة ...زي ما قالوا الاخوات ...يا ريت تخبرينا اكثر عن الاطباء اللي تعاملتي معاهم ...بالك في بنغازي اطباء فاهمين احسن :17:...
و كيف قدرتي تحصلي مدرسة ظل في ليبيا ؟؟؟؟؟؟..وولدك توا في اي صف ؟؟؟....
و من هو الطبيب اللي تعاملتي معاه في علاج الهيموباثي ؟؟؟...
انا استخدم لابني منذ 3 اشهر علاج هيموباثي وصفه طبيب مصري لعبيدة .....عبيدة و الحمد لله عنده تحسنات كثيرة كويسة ..مازال ما يتكلماش كلام واضح و عنده شوية حركات نمطية مش واضحة هلبة ....بس لغته الاستقبالية ما زالت ضعيفة ...يعني ما زال ما يفهمش كل الكلام الموجه ليه ....الحمد لله على كل حال و سامحوني على الاطالة ...تقبلوا تحياتي .

السلام عليكم

بارك الله فيك ام عبيدة ما قصرتى المهم عرفتى المكان تو نسال عليه ربى يشفى ولدك ويفرحك بيه:16::16:

 

[أم عزيمة]

رد: الاخوات من ليبيا ...وينكم

السلام عليكم اخواتي العزيزات .....
كيف حاكم كلكم ....إن شاء الله بخير ...للاسف المدة الماضية كنت متغيبة عن المنتدى ....اشتراك النت عندي تم ...و قعدنا شوية ايام لين اشتركنا ثاني و بعدين ظروف تغير الطقس و قرة العنز اللي صبت علينا شغلتني شوية ...و الحمد لله .
اني فرحانة هلبة بالتفاعل الرائع بين كل الاخوات و الحمد لله على هذه النعمة ......
مرحبتين بالاخت الكريمة ماجدة و شكرا و الف شكر على تفاعلك و تواصلك ....و قبل ما ننسى ...اختي ام ملاك حاولت نعرف موضوع الاكسجين من المراة اللي قلتك عليها ...للاسف ما حصلتهاش الا مرة وحدة ...عندي رقمها الارضي و الباين أنه عطلان ...و اللي فهمته رغم تشويش الخط أن في مصحة المسرة في صلاح الدين ...و ما نعرفش بالضبط هل هو اكسجين مضغوط أم لا ....آسفة و سامحيني هذي المعلومات اللي حصلتها.
أم أمين الحمد لله على السلامة ...و ربي يوفقك في استمرار خطوات العلاج ...
أم عزيمة ...لقيت missed call اول امس منك ...و اتصلت بيك ثاني و ما رديتش ...لك وحشة يا هرابة من العزومة :1:.

يا أهلا يا أهلا وينك كلمت على خاطر انشغلت عليك ليك مدة مغطسة المهم المانع خير ولو انه انقطاع النت مش خير بالنسبة لينا :2: لكن المهم انتي و عائلتك الكريمة في صحة وسلامة ، لقيتك مكالمتك الصبح على خاطر حني نرقدوا قبل الدجاج تعرفي المدرسة بكري و الحال حال صصصصصصصصقع و الحمد لله خيرات مطر ما بطلتش وإن شاء الله ديما خير ، بالنسبة للعزومة :2: مش هاربة منها لكن الظروف وتوا نتلاقو بإذن الله و الله مستاحشاتك :13: .

شني أخبار عبيدة و الحجامة ؟

تحياتي للجميع وفي إنتظار ردودك يا مجوووووووود :4:.

 

[أم عزيمة]

رد: الاخوات من ليبيا ...وينكم

أختي سنفخر بأبنائنا ووووووووينك

 

[ماجدة محمد]

رد: الاخوات من ليبيا ...وينكم

مورة اختى ماجدة على ردك وعجبتنى تجربتك بالدات فى الاعشاب لكن مشكلتى ولدى ما ياخدش اى حاجة كيف قدرتى تتحايلى على ولدك بيش خداها
نعرف كترت عليك سامحينى لكن ولدك توة فى اين صف لا قيتى صعوبة فى الدمج او لا مازال قائمة الاسئلة طويلة وسعى بالك بس
تحياتى

ولا يهمك ام ملاك نحن موجودين هنا عشان نستفيد من تجارب بعضنا بس سامحوني لو تاخرت عليكم في الرد بالنسبة للاكل و الاعشاب بودي كان في البداية ما يكلش الا اشياء محدودة رز , مكرونة , خبز , طبيخا, مايكلش في خضروات ولا الفواكه ما عادا الموز لدرجة لاما نخصب عليه يرجع:18: سوى لاكل او الاعشاب ولاكن بعد الحمية تحسن الحال بالتدريج حتى اصبح ياكل كل شي
وانا حسيت ان الشي الوحيد الذي استفادناه من حمية الكازين و الجلوتين هو التحسن في الشهية بودي استمر على الحميةمدة سنتين ونصف مع المكملات التي وصلت الي حوالي 20 نوع اهمها الاوميجا- المغنيسيوم -الزنك- برين تشايلد سلينيوم.......الخ
في رمضان السابق كسرناالحمية لان اصبح عصبيى جدا ويبي ياكل كان يخطف الاكل الممنوع بمجرد ما نغفل عليه (يشوف في ما لذا وطاب وهوا محروم) :7: اتصلت على الدكتور محمد المومني حكيتلة قال ممكن تكسري الحمية سنتين و نصف مدة ممكن تكون كافية فعلا بدات اعطي بودي قليل من الخبز يعني نصف فردة صغيرة في الفطور و اخرى في العشاء لاني حسيت لما انزيد النشوويات تزيد الفطريات حتى الرز لما ياكل كمية كبيرة انحسة يتلخبط يعني انا متبعة حمية الكربوهيدرات المنخفظة باقي الاكل كلة خضروات و فاكهة الحمد الله محصلش حاجة من كسر الحمية اما الحليب عطيتة حليب ماعز والله حسيتة يقظي على الفطريات و يحسن المزاج استمريت عليه مدة شهرين بعدين رفض ياخذة
بالنسبة للدراسة في الصف الاول بس انا انحس ان مش ماشي كويس يسبب اللغة ديرة حاجز كبير اما بالنسبة للدمج مفيش مشكلة لان مدرسة الظل مسيطرا على الوضع كذلك بودي ماعادش عندة تصرفات غريبة ولما تطلب منة مدرسة الفصل اي طلب ينفذة احيانا تتدخل مدرسة الظل اذا تطلب الامر

 

[ام ملاك]

رد: الاخوات من ليبيا ...وينكم

بارك الله فيك اختى ماجدة ان شاء الله فى ميزان حسناتك
ربى ما يضيعلك تعب ومع التحسن والتطور اللى سعيتى من اجله ان شاء الله حيتكلم ويكتسب لغة مع الوقت
المدة اللى فاتت تلاقيت مع ام لمتوحد تكلم على 14 سنة بدون تدخل لا مراكز ولا اساليب علاج تاهيل فى البيت بس خلى يقينك بالله كبير
وماتنسيش الرقية باستمرار والدعاء لولدك ولولادنا يشفيهم ربى اجمعين تحياتى

 

[ام أمين]

رد: الاخوات من ليبيا ...وينكم

السلام عليكم كيف حالكم اليوم يا اخواتي ان شاء الله ديما صحييحيين وعلى الخير ملتميين و شكرا ام ملاك على الرسالة وصلت ,وين مغطسة أختي سنفخر بأبنائنا يا ريت لو تبعثي لي رقم تلفونك ,اخواتي اريد ان أعيد السوأل ثانية هل تعرفون أبلة تخاطب كويسة؟؟؟

 

[ماجدة محمد]

رد: الاخوات من ليبيا ...وينكم

اسفه اختي ام عزيمه عارفه اني انعطل عليكم في الرد ولكن ولله بسسب الضروف و بالنسبه للحجامه فهي دمويه و لهذا السبب فضلت ان تكون مره في الشهر لن كميه الدم التخرج كبيره مع 16 كاسه هوي 2 في لمؤخره الراس و واحده بين الكتفين و تقريبا 4 علي جانبي العمود الفقري واحده في نهايه العمود الفقري و علي الراس واحده في اعلي الراس 2 علي الجابنين واحده في منطقه العين الثالثه بين الجاجنبين واحده في منطقه بروكس المنطقه الخاصه باللغه اعلي الاذن اليمني هذا كان في طلب مني واحده تحت الذقن هذه المناطق اللي نتذكرهاا
بالنسه للكندر نعرفوه بالوبان المر ناخذ فيه من عطار اسمه بشاشه في بنغازي و هو الا حد ما يفهم في الطب البديل طبعاا انا مش متاكده 100% انه اصلي
بالنسبه للاطباء تعاملت مع اطباء في الخارج تعامت مع الدكتوره دعاء الحضري في مصر و درت عندها التكامل السمعي بعدها شجعتني علي بروتكول دان وكانت في هذا الوقت لم تتخصص في الدان دلتني علي اخصائيه دان د.امت في اسكلندا كانت الدكتوره دعاء تعالج عندها ابنهاا تابعت معهاا بالتلفون و نرسل التحاليل عن طريق الارمكس و تبعث لنا المكملات ولكن كنه نجد صعوبه في التواصل بالتلفون. في تلك الفتره و كانت الدكتوره دعاء اخذت دوره في الدان و بدأنا نتابع معهاااا نفس المشكله وجهتنا مشكله في التواصل معها بالتلفون فغيرت مع دكتور محمد المؤمني عملت تحاليل للمره الثانيه كانت بعد سنيتن من التحليل الاول وبعث لنا الدكتور محمد المكملات بالصراحه الدكتور محمد ذوق جدا في التعامل و يرد مباشره لما نتصل بيه طبعا انا وقفت الحميه و المكملات من رمضان ولكن لما تواجهني مشكله نتصل بدكتور محمد و هو لا يبخل بالرد
و تحليل المعادنا الاول كان الزئبق من متوسط الي منخفض اما التحليل الثاني كانت المعادن عاليه زئبق و زربيخ و رصاص و اكسده عاليه جدا كان بودي في هذه الفتره ياخذ حقن الجلوناثيون صرفتها لنا الدكتوره دعاء و لما انا استغربت ارتقاع المعادن بعد سنتين من الحميه و المكملات قلت للدكتور. محمد ان بودي مازال ياخذ حقن الجلوتاثيون قال هذا هو السبب لان الحقن تحسب المعادن من الجسم الي البول يعني مفروض ماعملنش التحليل اثناء اخذ الحقن هذا بالنسبه للدان.
بالنسبه للتكامل السمعي المره الثانيه عملته عند ear care في مصر بصراحه التكامل السمعي محسيتش ان بودي استفاد منه لا في المره الاولي و لا الثانيه و طبعا كل طفل حاله خاصه.
الهيبوباثي في المره الاول جربته عند د. وفاء الحداد لمده ثمان اشهر حسيت بعض التحسن وكان مع بدايه الحميه. في المره الثانيه كان مع د. كاتن (الهندي) في عياده د.دعاء وكان ايضا في نفس فتره الحميه ساءت حاله بودي جدا فيه هذه الفتره حميه + مكملات + هيوباثي+ زيت حبه البركه+ الاعشاب كلهن مع بعضهن بعد ذلك بدات تحسنات بطئه ولكن مستمره طبعا انا مش عارفه من وين التحسن نضرا لتداخل العلاجات.
علي فكره فيه د. هيوماثي في بنغازي نفكر في الايام الجايه نبدا معها.
الاكجسين درته في مصر في مهعد الطيران في مدينه نصر بالسنه للاخوات للي يفكروا اديروا الاكجسين من خلال تجربتي اري انا يعالجوا الجهاز الهضمي خاصه الفطريات اولا ويتخلصوا من المعادن يعني الاكسجين مرحله متقدمه بودي زات عنده الحركه و العصبيه في فتره الجلسات و بعدها عرفت ان الاكسجين يزيد الفطريات هذه تقريبا اغلب العلاجات اللي جربتها مع بودي و ان شاء لله ريب ما يضيعلنا تعب و يشفي جميع اطفال المنتدي من هذا المرض اللعين عاجلا غير اجل

 

[ام أمين]

رد: الاخوات من ليبيا ...وينكم

السلام عليكم اختي ماجدة مجهودات عظيمة ومشوار طويل وان شاء الله كلها عند ربي خير و ربي يفرحك بشفاء بودي شفاء تام , أريد ان أسألك ما معنى مدرسة ظل هل هو اسم المدرسة التي فيها بودي ام هي مدرسة لها موصفات خاصة؟؟؟؟

 

[ماجدة محمد]

رد: الاخوات من ليبيا ...وينكم

اختى ام امين مُدرسه الظل يعنى ابله تمشى مع الطفل للمدرسة ترافقة طول الوقت يعنى تساعدة فى عمليه الدمج والتعامل مع الاطفال وتساعده فى العمليه التعلميه ,يعنى تبقى مثل ظل الطفل وهى ويفضل ان تكون خريجة تربيه خاصه وهي غير مُدرسة الفصل.

 

[أم عزيمة]

رد: الاخوات من ليبيا ...وينكم

تحياتي أختي ماجدة وبارك الله فيك على الرد الوافي وبصراحة تقريباً ما خليتيش علاج سمعت بيه إلا وجربتيه فعلا أنت أم مافيش زيك وإن شاء الله إبنك يتكلم عن قريب لأنك تستاهلي ، بالنسبة للحجامة نصيحتي تستمري لأن أغلب المواضع اللي ذكرتيها مهمة جداً وهي نفس المواضع اللي تمت لعزيمة ماعدا منطقة بروكاس الحاجمة ما طاوعتنيش عليها لكن وراها وراها لين تحجمها بإذن الله ، الحجامة فادت عزيمة أكثر شئ في موضوع حساسية الأصوات و الحمد لله أنتهت المشكلة نهائياً وبعدها بدت تفهم الأوامر وتنطق في بعض الكلمات اللي ليها معنى طبعاً وفي مواضعها الصحيحة .

والهيموباثي في بنغازي هادا خبر عاجل يا ماجدة وشكلنا بنشدو الرحيل لبنغازي على خاطره ههههههههههههه ، عموما أي أخبار عليه بلغينا بالله عليك .​

ربي يكون في عونك ومش مهم أمتا تردي المهم تردي أمتا ما تسمح ظروفك لأننا كلنا نمر بنفس الظروف .​